Morgunblaðið - 01.04.2004, Qupperneq 33

LANDIÐ
MORGUNBLAÐIÐ FIMMTUDAGUR 1. APRÍL 2004 33
Laugavegi 32 sími 561 0075
Flytjum úr Vatnsmýrinni
í húsnæði Bílasturtunnar á Bíldshöfða 8 (með bílnum á þakinu)
Nokkrir bílar seljast á hálfvirði, sumir rafmagns- og vindlausir
og nokkrir með hægrihandarstýri (ps. Davíð flutti þá inn)
Bíldshöfða 8,
sími 562 1055
Frúin glottir í verri bíl frá Bílasölu Guðfinns
Allar upplýsingar á nýju heimasíðunni www.guffi.is
Skagafjörður | Efnt verður til mik-
illar söng- og skíðaveislu um
páskana. Skíðasvæðið í Tindastóli
verður opið alla hátíðisdaga, frá
skírdegi til og með öðrum degi
páska, frá kl. 10 til 17 og boðið
verður upp á fjölbreytta dagskrá,
m.a. skíðakennslu, svigkeppni,
brettabrun, grillveislu og snjóþotu-
og sleðarall, svo fátt eitt sé nefnt.
Karlakórinn Heimir frumsýnir
söng- og leikdagskrána „Undir blá-
himni“ laugardagskvöldið 10. apríl
og að kvöldi páskadags í reiðhöll-
inni Svaðastöðum á Sauðárkróki.
Dagskráin byggist á lögum úr
söngleiknum Oklahoma og fleiri
söngperlum og hefur undirtitilinn
„Söngur og hestar – hinn skagfirski
arfur“. Handrit og leikstjórn er í
höndum Jóns Ormars Ormssonar
en Sigurður Hansen frá Kringlu-
mýri staðfærði texta við tvö vinsæl
lög úr Oklahoma. Auk kórsins eru
flytjendur tenórinn Óskar Pét-
ursson og nokkrir skagfirskir gæð-
ingar ásamt knöpum. Hljóð og lýs-
ing spila einnig stórt hlutverk í
reiðhöllinni.
Páll Dagbjartsson, formaður
Heimis, segir að þegar allt sé talið
komi um 90 manns að dagskránni í
Svaðastöðum. Hún sé nokkurs kon-
ar framhald tilraunar sem gerð var
með góðum árangri á sama stað
fyrir ári þegar sett var upp söng-
og leiksýning með djáknann frá
Myrká sem meginþema. Húsfyllir
var með nærri 900 manns. Dag-
skráin „Undir bláhimni“ verður
einnig sett upp í sumar í tengslum
við Landsmót og Unglingalandsmót
UMFÍ á Sauðárkróki.
Geirmundarveisla
Páskaveislunni í Skagafirði lýkur
svo annan í páskum, 12. apríl, þeg-
ar „sveiflukóngurinn“ Geirmundur
Valtýsson býður til tónleika í
íþróttahúsinu á Sauðárkróki í til-
efni af sextugsafmæli sínu, 13. apr-
íl. Um leið eru þetta útgáfu-
tónleikar því afmælisdaginn gefur
Geirmundur út nýjan geisladisk,
Látum sönginn hljóma, með 14 nýj-
um lögum.
Með Geirmundi og hljómsveit
hans koma fram á tónleikunum
Álftagerðisbræður, Helga Möller,
Ari Jónsson, Sverrir Bergmann,
hljómsveit Magnúsar Kjart-
anssonar og nokkrir skagfirskir
einsöngvarar.
Söng- og skíðaveisla í
Skagafirði um páskana
Undir bláhimni: Karlakórinn Heimir frumsýnir um páskana söng- og leikdagskrá í reiðhöllinni Svaðastöðum.
Sextugur: Geirmundur Valtýsson
býður til afmælistónleika á Sauð-
árkróki annan í páskum.
Húsavík | Það er hverju samfélagi
mikilvægt að til séu öfl, þar sem
leitast er við að hjálpa þeim sem
minna mega sín, ásamt því að
styrkja önnur góð og þörf málefni.
Húsvíkingar hafa átt því láni að
fagna um langt árabil að þar
starfa öflug félög, klúbbar og sam-
tök á þessu sviði.
Meðal þeirra er Kiwanisklúbb-
urinn Skjálfandi sem fagnaði því á
dögunum að 30 ár eru liðin frá
stofnun hans. Hátíðarfundur var
haldinn á Gamla-Bauk við Húsa-
víkur-höfn þar sem félagar komu
saman ásamt gestum sínumtil
kaffisamsætis. Þar stigu menn í
ræðustól, félagar minntust stofn-
unar klúbbsins og áranna 30 sem
liðin eru og gestir færðu þeim
heillaóskir. Þrír af stofnfélögum
klúbbsins voru heiðraðir ásamt
Þórði Ásgeirssyn, það voru þeir
Brynjar Þór Halldórsson, Sig-
urgeir Aðalgeirsson og Jón Ol-
geirsson.
Á fundinn komu tveir leikhópar
og fluttu atriði úr verkum sem
þeir hafa sett upp í vetur. Þetta
voru nemendur 7. bekkjar Borg-
arhólsskóla með söngatriði úr
söngleik-num Ljóta andarung-
anum og leikklúbbur Framhalds-
skólans á Húsavík með atriði úr
leikritinu Helgin framundan.
Þrjátíu ár frá stofn-
un Kiwanisklúbbs-
ins Skjálfanda
Morgunblaðið/Hafþór
Kiwanismennirnir sem heiðraðir voru, f.h.: Brynjar Þór Halldórsson, Þórð-
ur Ásgeirsson, Sigurgeir Aðalgeirsson og Jón Olgeirsson.