Morgunblaðið - 07.05.2004, Qupperneq 26

AUSTURLAND
26 FÖSTUDAGUR 7. MAÍ 2004 MORGUNBLAÐIÐ
Fjarðabyggð | Nefnd um safn
Jósafats Hinrikssonar hefur sam-
þykkt hugmyndir um staðsetningu
safna í húsinu á Egilsbraut 2 í Nes-
kaupstað. Í húsinu verður safn
Jósafats Hinrikssonar, Nátt-
úrugripasafn Austurlands og Mál-
verkasafn Tryggva Ólafssonar.
Kaffiaðstaða verður á neðstu hæð-
inni og er nú verið að ræða við þá
sem til greina koma sem rekstr-
araðilar slíkrar aðstöðu.
Morgunblaðið hitti Pétur Sörens-
son, forstöðumann Safnastofnunar
Fjarðabyggðar, í Stríðsminjasafn-
inu á Reyðarfirði, en þar er nú unn-
ið að miklum endurbótum.
„Safnið hér var opnað árið 1994.
Nú er ætlunin að breyta safninu
verulega, setja meiri liti í það ef svo
má segja og opna nýja og fjöl-
breyttari sýningu 15. maí nk.“ segir
Pétur. „Við erum búin að hreinsa
allt út og þau Unnur Sveinsdóttir
myndlistarmaður og Rúnar Hall-
dórsson yfirsmiður hafa unnið hér
linnulítið undanfarið við smíðar og
málningarvinnu. M.a. erum við að
útbúa hér kvikmyndasal í anda
stríðsáranna og ætlum að sýna þar
gamlar fréttamyndir og annað
tengt efni. Í salnum eru m.a. upp-
runalegu klappbíóbekkirnir úr
Gamla bíó í Reykjavík.“
Braggalífið lifnar við
Pétur segir safnafólk nú leggja
meiri áherslu á að andrúmsloftið,
eða umgjörðin, sé í takt við safn-
gripi og óhætt er að fullyrða að það
er einmitt að gerast núna í Stríðs-
minjasafninu þar sem andrúmsloft
stríðsáranna lifnar við. Sem dæmi
um grip á nýrri sýningu nefnir Pét-
ur þýskt kafbátakort sem hafi verið
lengi í eigu safnsins en ekki verið til
sýnis. „Kortið kom frá Library of
Congress í Bandaríkjunum og var í
raun lykillinn að sigri bandamanna
á Þjóðverjum á Atlantshafinu. Ekki
er ljóst hvenær eða hvernig safninu
áskotnaðist það.“
Gamli spítalakampurinn við safn-
ið fær einnig andlitslyftingu, en til
stendur að heilsprauta braggana
jafnt utan sem innan, laga til um-
hverfis þá og stilla ýmsum munum í
eigu safnsins upp utandyra.
Pétur segir flutning safnanna í
Neskaupstað á Egilsbrautina
marka tímamót í viðgangi þeirra og
að nú skapist heildstæður safna-
kjarni sem muni búa yfir miklu að-
dráttarafli fyrir heimamenn og
gestkomandi.
Sama sé uppi á teningnum á
Eskifirði, en hugmyndir séu uppi
um að flytja Sjóminjasafnið þar á
svæði sem safnið á við Randólfssjó-
hús utanvert í bænum.
„Þetta er nauðsynlegt vegna
óhentugrar staðsetningar safnsins
inni í bænum, aðkoman að því er
erfið og þröngt orðið um safnið.
Einnig er nú verið að gera upp elsta
íbúðarhús bæjarins, Jensenshús og
á sömuleiðis að flytja það út að
Randólfssjóhúsi og skapa þar
safnakjarna. Þetta er þó enn á hug-
myndastiginu, þar sem skoða þarf
marga þætti þessu tengda, s.s.
skipulagsmál.“
Merkingar bættar
Meðal annarra framkvæmda við
söfnin í Fjarðabyggð má nefna að
mála þarf og tjarga þak á Sjóminja-
safni og Randólfssjóhúsi og lagfæra
þar báta og bryggju.
Þá er ætlunin að setja á næstunni
upp skilti með upplýsingum um
sögulega staði. Á Eskifirði verða
m.a. sett upp skilti á Mjóeyrina
vegna síðustu aftöku á Austurlandi,
við Hvalstöðina á Svínaskálastekk,
Silfurbergsnámuna, við Skugga-
hlíð, Bakka, Krossskálavík, Ás-
mundarstaði og einnig skilti sem
vísar í Fannardal. Á Reyðarfirði á
að merkja Hólma og Hrúteyri, auk
þess sem sett verður upp skilti með
upplýsingum um Reyðarfjörð.
Dagpassar í söfnin
Gestir munu í sumar geta keypt
dagpassa í söfn Fjarðabyggðar sem
gildir inn á öll söfnin og gefur jafn-
framt frjálsan aðgang að sundlaug-
um og líkamsræktarstöðvum sveit-
arfélagsins. Þá verða GSM-posar
teknir í notkun á söfnunum til að
auðvelda gestum um greiðslu að-
gangseyris.
Seinnistríðsárin endurlifuð á gömlu klappbekkjunum úr Gamla bíói
Umbylting og kút-
velta í safnastarfi
Fjarðabyggðar
Morgunblaðið/Steinunn Ásmundsdóttir
Stórhuga í umbótum á söfnum Fjarðabyggðar: Pétur Sörensson, for-
stöðumaður Safnastofnunar, situr framan við nýja kvikmyndasalinn.
Hádegisfjallið málað á vegg: Unnur
Sveinsdóttir endurskapar landslag
úr Reyðarfirði. Við vegginn kemur
urð og grjót, vélbyssuhreiður, patr-
ónur og hergínur með alvæpni.
Egilsstaðir | Það er alltaf umhugs-
unarvert hvort Ísland sé lítið eða
stórt. Þó það sé ekki stærra en raun
ber vitni í ferkílómetrum talið, verður
oft vík milli vina. Þá segjum við
gjarna að landið sé bara skrambi
stórt. Hins vegar segjum við stund-
um að Ísland sé ekki mjög stórt þeg-
ar við rekumst á vini og kunningja
fyrir algera „tilviljun,“ kannski eftir
að langur tími hefur liðið frá því við
höfum hitt þá. Þetta fengu þeir Kjart-
an Ólafsson og Hákon Aðalsteinsson
að reyna þegar þeir „rákust“ hvor á
annan eftir að hafa ekki sést í 47 ár,
þar urðu fagnaðarfundir og um
margt að spjalla því ýmislegt hefur á
daga þeirra drifið þennan tíma. Þeir
höfðu ekki hist frá því að þeir voru
samskipa á togaranum Gerpi á vertíð
árið 1957 og hittust nú aftur um borð í
öðru skipi á Lagarfljóti. Sennilega er
Ísland ekki svo stórt eftir allt saman.
  
Þeirra staður,
þeirra stund
Hin gömlu kynni: Kjartan Ólafsson
og Hákon Aðalsteinsson voru sam-
skipa fyrir fjörutíu og sjö árum.
Laugardagur til lukku | Það
gengur á ýmsu eystra á morgun.
Ferðafélag Fljótsdalshéraðs kynnir
útgáfu þriggja nýrra útivistar-
korta. Eskja hf. heldur upp á sextíu
ára afmælið á Eskifirði. Bónus,
Office 1 og BT opna nýjar verslanir
á Egilsstöðum. Niðurstöður sam-
keppni um nýtt miðbæjarskipulag á
Egilsstöðum verða kynntar í nýja
Bónushúsinu og Hekla á Austur-
landi ehf. opnar með bravúr og
bílasýningu á Reyðarfirði.
Eskifjörður | Foreldrafélag Grunn-
skóla Eskifjarðar hefur und-
angengin ár gefið öllum börnum
sem innritast eiga í 1. bekk skólans
reiðhjólahjálma að gjöf. Að þessu
sinni var það Lionsfélag Eski-
fjarðar sem gaf hjálmana og af-
henti Árni Helgason, formaður
Lionsfélagsins, hjálmana. Viðstödd
voru einnig, ásamt verðandi fyrstu-
bekkingum, Þórunn Friðriksdóttir,
formaður foreldrafélagsins, og
Þórhallur Árnason, varðstjóri í lög-
reglunni.
Morgunblaðið/Helgi Garðarsson
Lions gaf 1. bekkingum
nýja hjálma á höfuðið
Hornafjörður | Karlakórinn Jökull
frá Hornafirði fer í söngferð um
Austurland um helgina. Á föstudags-
kvöldið kl. 20:30 heldur kórinn tón-
leika í Egilsbúð í Neskaupstað og á
laugardaginn verður kórinn í Egils-
staðakirkju og hefjast þeir tónleikar
kl. 17.
Efnisskrá kórsins er afar fjöl-
breytt og verða flutt lög sem kórinn
hefur sungið í gegnum árin í bland
við nýtt efni. Á tónleikunum má því
heyra hefðbundin karlakóralög, óp-
erukóra og aríur, drykkjuvísur og
dægurlög.
Taka lagið í
Kárahnjúkum
Tvö lög á efnisskránni eru eftir
Atla Heimi Sveinsson. Annað þeirra
er þekkt sönglag sem Atli Heimir
hefur útsett sérstaklega fyrir Karla-
kórinn Jökul. Hitt lagið útsetti tón-
skáldið einnig sérstaklega fyrir kór-
inn og var það frumflutt á vor-
tónleikum kórsins í Hafnarkirkju
sumardaginn fyrsta.
Í haust verður hljóðritaður geisla-
diskur með Karlakórnum Jökli og
mun hann bera keim af efnisskrá
kórsins nú í vor. Í ferðinni um Aust-
urland munu karlakórsmenn einnig
leggja leið sína á virkjanasvæðið við
Kárahnjúka og hugsanlega taka lag-
ið fyrir þá sem þar vinna. Stjórnandi
karlakórsins Jökuls er Jóhann
Morávek og undirleikari er Guðlaug
Hestnes.
Morgunblaðið/Sigurður Mar Halldórsson
Karlakórinn Jökull syngur fyrir hálft þúsund manna í Vesturkirkjunni í
Þórshöfn. Nú leggur kórinn upp í söngferð um Austlendingafjórðung.
Karlakórinn
Jökull á
söngferð um
Austurland
Lóðaúthlutun | Á síðasta fundi
bæjarráðs Fjarðabyggðar var
sautján lóðum úthlutað undir íbúð-
arhús á Eskifirði. Eru lóðirnar í nýju
hverfi í Eskifjarðardal, innan leik-
skóla bæjarins og er þar gert ráð
fyrir 65 lóðum undir parhús og ein-
býli. Eitt hús hefur þegar verið
byggt í hverfinu. Fylgja þannig Esk-
firðingar í kjölfar Norðfirðinga og
Reyðfirðinga, en fjölda lóða hefur
undanfarið verið úthlutað á tveimur
síðartöldu stöðunum.