Morgunblaðið - 07.05.2004, Side 27

LANDIÐ
MORGUNBLAÐIÐ FÖSTUDAGUR 7. MAÍ 2004 27
Stjórnandi: Árný Helgadóttir, hjúkrunarfræðingur og íþróttaþjálfari.
Upplýsingar í síma 899 8199 - Netfang: kraft@isl.is.
• Bjóðum upp á rólega
byrjendatíma í sumar og
stuttar gönguferðir.
KRAFTGANGA Í ÖSKJUHLÍÐ
Holl hreyfing stuðlar að vellíðan og betri heilsu
KRAFTGANGA Í 13 ÁR
Dalvík | Hagsmunaaðilar í ferða-
þjónustu og áhugafólk um bætta
ferðaþjónustu í Dalvíkurbyggð hafa
ákveðið að stofna ferðamálafélag,
og verður stofnfundur þess á kaffi-
húsinu Sogni mánudaginn 17. maí
kl. 20.30.
Að sögn Friðriks Arnarsonar,
eins þeirra er unnið hafa að und-
irbúningi stofnunar Ferðamála-
félags, er hugsunin að baki þessu
byggð á grunni starfs ferðamála-
hóps sem starfandi var innan
Framfarafélags Dalvíkurbyggðar.
Hins vegar fannst mönnum rétt að
stíga skrefið til fulls og stofna
formlegt ferðamálafélag, með það
að markmiði að koma á fót hags-
munasamtökum ferðaþjónustuaðila
og annarra þeirra sem vilja efla
ferðaþjónustu á svæðinu.
Friðrik segir að til að byrja með
verði starfssvæði félagsins Dalvík-
urbyggð, en áætlanir geri ráð fyrir
að í framtíðinni nái starfssvæðið yf-
ir öll sveitarfélög við utanverðan
Eyjafjörð.
Ferðamála-
félag stofnað
Hólmavík | Leikskólabörn í Lækj-
arbrekku á Hólmavík sýndu á
sunnudaginn afrakstur vinnu sinn-
ar í vetur. Haldin var vegleg
myndlistarsýning þar sem for-
eldrum og öðrum áhugasömum
gafst kostur á að skoða verk
barnanna. Fjölmargir skoðuðu
sýninguna og gæddu sér á veit-
ingum sem börnin og starfsfólkið
höfðu útbúið.
Í vetur hafa verið 37 börn á
aldrinum 18 mánaða til fimm ára í
leikskólanum, en sextán þeirra út-
skrifast nú í vor. Kristbjörg Lóa
Árnadóttir á Skjaldfönn sem stýrt
hefur leikskólanum síðustu þrjú
árin lætur nú af störfum sem leik-
skólastjóri. Þær Kolbrún Þor-
steinsdóttir og Sigurrós Guðbjörg
Þórðardóttir munu taka við og
veita leikskólanum forstöðu. Að
sögn Kolbrúnar er nóg af börnum
til að fylla þau pláss sem losna í
vor. Leikskólapláss eru reiknuð í
svokölluðum barngildum og
yngstu börnin telja 2 barngildi en
þau elstu 0,8. Á síðasta ári fædd-
ust óvenju mörg börn á Hólmavík
og því ekki við öðru að búast en
að stækkun leikskólans síðastliðið
sumar eigi eftir ða nýtast vel í
framtíðinni.
Reiknað er með að fimmtán af
þeim börnum sem útskrifast úr
leikskólanum í vor verði í Grunn-
skólanum á Hólmavík, og verði
þar með stærsti árgangur grunn-
skólans.
Morgunblaðið/Kristín Sigurrós
Vorsýning
í leik-
skólanum
Lækjar-
brekku
ÁSKRIFTARDEILD netfang: askrift@mbl.is, sími 569 1122