Morgunblaðið - 06.06.2004, Qupperneq 12

12 SUNNUDAGUR 6. JÚNÍ 2004 MORGUNBLAÐIÐ
H
úsið verður eins
konar „mini-mall“,
með verslunum,
veitingasölu og
kaffihúsi og á
tveimur efstu
hæðunum verða
veislu- og fundarsalir. Ekkert sam-
svarandi hús er í miðbænum og við
hlökkum til að takast á við verkefnið.
Ég efast ekkert um framtíð verslunar
þarna og hef raunar ofurtrú á mið-
bænum. Bæði ég og aðrir sem verða
með rekstur í húsinu erum fullviss um
að borgarbúar taki þessari starfsemi
fagnandi,“ segir Arndís B. Sigurgeirs-
dóttir.
Arndís er eigandi og framkvæmda-
stjóri Iðu, bóka-, gjafavöru- og rit-
fangaverslunar sem áætlað er að opn-
uð verði við Lækjargötu 2a hinn 19.
júní næstkomandi, auk þess að vera
framkvæmdastjóri rekstrarfélags
hússins. Húsið, sem mun bera heitið
Iða eins og verslun Arndísar, hefur að
mestu verið ónotað frá því að Baugur
hætti rekstri verslunarinnar Top
Shop snemma árs 2003.
Skipulagning starfseminnar í hús-
inu er hugarfóstur Arndísar. Hún lét
af störfum sem framkvæmdastjóri
bókabúða Máls og menningar síðasta
haust og fór fljótlega að svipast um
eftir hentugu húsnæði fyrir verslunar-
rekstur í miðbænum. „Mér fannst
þetta hús strax mjög freistandi, en
hins vegar var það allt of stórt fyrir
verslunina sem mig langaði sjálfa að
setja á laggirnar. Ég talaði þó við
Baugsmenn, kynnti þeim mínar hug-
myndir og niðurstaðan varð sú að þeir
fólu mér að skipuleggja rekstur í hús-
inu og fá aðra leigutaka inn með fjöl-
breyttan rekstur. Satt best að segja
hefur gengið ótrúlega vel að fá fólk til
samstarfs og komust færri að en
vildu.“
1.700 fermetra húsnæði
Húsið er alls um 1.700 fermetrar.
„Á 3. og 4. hæð eru salir, sem aldrei
hafa verið nýttir. Mér fannst ekki
freistandi að leigja þá út undir skrif-
stofur, heldur kaus að hafa þar veislu-
og fundarsali, sem veitingamaðurinn
Axel Óskarsson rekur. Út af 3. hæð-
inni eru til dæmis um 200 m² svalir,
þar sem hægt er að njóta sólar, eða
tjalda yfir ef svo ber undir. Salirnir
eru samtals um 470 m². Þá er hægt að
nýta saman eða sinn í hvoru lagi. Inn-
réttingar miðast einnig við að salina sé
hægt að nýta fyrir stóra sem smáa
fundi. Fundarmenn geta þá nýtt sér
þráðlaust netsamband.“
2. hæð hússins er 300 m² og þar
verður matur og list. „Kaffihús verður
á 100 m² gólffleti. Þá verður sushi- og
smáréttabar á um 70 m² fleti, þar sem
47 manns geta setið við langborð. Axel
Óskarsson hefur þennan rekstur á
sinni könnu, eins og salina. Þarna
verður líka lítið listagallerí í eigu
Sveins Þórhallssonar, en verkin verða
jafnframt sýnd um allt hús og hjálpa
þannig til við að skapa flæði um allt
þetta opna rými, því engin eiginleg
skil eru á milli þeirrar fjölbreytilegu
starfsemi sem verður í húsinu.“
Þessu til viðbótar verður á 2. hæð
hússins sælkeraverslunin Yndisauki, í
eigu Guðbjargar Halldórsdóttur og
Kristínar Ásgeirsdóttur sem ætla að
bjóða upp á fjölbreytta þjónustu.
Á 300 m² jarðhæð hússins verður
verslunin Iða, sem Arndís stýrir og á í
félagi við konu sína, Báru K. Krist-
insdóttur ljósmyndara. „Iða verður að
hluta hefðbundin bókaverslun, með
innlendum og erlendum bókum og
tímaritum. Að auki verða gjafavörur
af ýmsum toga, til dæmis ætlum við að
huga sérstaklega að hunda- og katta-
eigendum. Við munum selja sérhönn-
uð föt á smáhunda og töskur til að
bera þá í, svo dæmi sé tekið. Og svo
verður sérstakur „nammi-bar“ fyrir
besta vin mannsins.“
Listmunir og ljósmyndir
Mannfólkið finnur líka gjafavöru við
sitt hæfi, að sögn Arndísar. „Við ætl-
um að leggja mikla áherslu á fallega
gjafavöru og bjóðum upp á alls konar
listmuni, þar á meðal nytjalist af ýms-
um toga, bæði innlenda og erlenda.
Þótt við ætlum fyrst og fremst að
höfða til Íslendinga hlýtur verslun á
þessum stað líka að miða að þjónustu
við ferðamenn og það gerum við með
sölu minjagripa, bæði hefðbundinna
og ýmissa listmuna eftir íslenska lista-
menn.“
Þeir sem ekki vilja minjagripi og
listmuni geta t.d. fest kaup á ljósmynd
eftir Báru K. Kristinsdóttur ljós-
myndara, en hún ætlar að reka gallerí
í Iðu. Til að byrja með verður hún þar
ein, en Arndís segir vel hugsanlegt að
fleiri ljósmyndarar leggi þar myndir
af mörkum þegar fram líða stundir.
„Börnin gleymast heldur ekki í Iðu,
þar verður sérstakt barnahorn þar
sem þau geta skoðað barnabækur sem
eru til sölu, auk þess sem við verðum
með leikföng. Iða á að vera heimilis-
leg. Ef fólk vill setjast niður í stóla í ró
og næði og skoða bækur getur það t.d.
sótt sér kaffibolla í ferðamáli á kaffi-
húsið. Reyndar verða líka blöð og
tímarit á veitingastöðunum á 2. hæð.
Allur rekstur í húsinu mun tengjast á
einn eða annan hátt, þetta er opið rými
og flæði um það óhindrað. Aðgengi er
mjög gott, bæði rúllustigar og lyftur,
og þar leggjum við sérstaka áherslu á
aðgengi fatlaðra.“
Arndís segir að Iða taki breytingum
eftir árstímum. „Minni áhersla verður
á vörur fyrir ferðamenn að vetrarlagi,
en þá getum við lagt meiri áherslu á
alls konar gjafavöru. Við ætlum að
hafa verslunina lifandi, þar munu rit-
höfundar lesa úr verkum sínum og
tónlistarmenn spila, svo dæmi séu tek-
in. Á haustin leggjum við svo auðvitað
mikla áherslu á ritföng, skólatöskur
og annan búnað sem skólafólk þarfn-
ast.“
Lopapeysur í kjallara
Í kjallara hússins ætlar Hand-
prjónasamband Íslands að bjóða
vörur sínar, þar á meðal rammíslensk-
ar lopapeysur. „Það er mikill fengur
að Handprjónasambandinu, sem hef-
ur rekið verslun við Skólavörðustíg í
áraraðir. Sú verslun verður rekin
áfram, en þær ágætu konur sem að
rekstri sambandsins standa hafa trú á
rekstri í þessu húsi, eins og aðrir sem
að því koma. Verslunarsvæðið í kjall-
aranum er um 250 m², svo þar reikn-
um við með að fleiri komi inn en Hand-
prjónasambandið. Þar er ýmislegt í
burðarliðnum og má nefna að til
greina kemur að þarna verði ferða-
skrifstofa, sem býður ferðir um Ís-
land.“
Í kjallara hússins verður þar að
auki fullbúið 120 m² veislueldhús, sem
nýtt verður jafnt af veisluþjónustu á
efstu hæðum, sushi- og smáréttabar
og Yndisauka. „Allur matur sem boðið
er upp á í húsinu er eldaður á staðn-
um. Þeir sem halda veislur á efstu
hæðum hússins eða skipta við veit-
ingastaðina þurfa ekki að hafa af því
áhyggjur að maturinn sé eldaður með
löngum fyrirvara, ekið með hann á
staðinn og hann svo hitaður upp.
Ferskleiki verður einkennisorðið og
þarna verður kappkostað að bjóða upp
á hollan mat. Þeir sem vilja franskar
kartöflur verða að leita annað, en fjöl-
breytnin er annars svo mikil að engin
hætta er á öðru en að allir finni eitt-
hvað við sitt hæfi.“
Og fyrst talað er um ferkleika, þá á
það líka við um loftið í húsinu. „Iða er
reyklaust hús og gaman að geta þess
að allir rekstraraðilar í húsinu eru
sjálfir reyklausir.“
Nóg af bílastæðum
Arndís segir aðspurð að nóg sé af
bílastæðum í nágrenninu. „Þeir sem á
annað borð ætla að versla í miðbænum
leggja í einhver þeirra fjölmörgu bíla-
stæða og bílastæðahúsa sem er að
finna um allt. Ég fæ ekki séð að skort-
ur á bílastæðum standi verslunum
Máls og Menningar við Laugaveg eða
Pennans-Eymundssonar við Austur-
stræti fyrir þrifum, svo dæmi séu tek-
in. Þá má geta þess að Iða verður opin
frá kl. 10 á morgnana til kl. 22 á kvöld-
in. Eftir að hefðbundnum verslunum
er lokað er því um enn fleiri bílastæði
að velja. Bílastæðin vefjast ekkert fyr-
ir okkur. Mér finnst að vísu að koma
mætti því kerfi víðar á, að fólk greiði í
samræmi við tímann sem það dvelur í
bænum, eins og raunin er með bíla-
stæðahúsin. Það væri áreiðanlega til
bóta fyrir verslanir í miðbænum.“
Rekstrarfélag hússins Lækjargötu
2a er Iðandi ehf., en í stjórn þess sitja
tveir fulltrúar Baugs, þær Tinna
Ólafsdóttir sem er stjórnarformaður
og Ingibjörg Pálmadóttir. Þriðja kona
í stjórn er Arndís framkvæmdastjóri.
Það væri því vel við hæfi að rekstur
hæfist í húsinu á kvennadeginum, 19.
júní.
Verslun og veitingar í Iðu við Lækjargötu
„Hef ofurtrú á miðbænum“
Undirbúningur stendur nú
yfir að fjölbreyttum rekstri í
húsinu Iðu í Lækjargötu 2a,
sem áður hýsti Top Shop.
Ragnhildur Sverrisdóttir
ræddi við Arndísi B. Sig-
urgeirsdóttur framkvæmda-
stjóra um skipulagningu
hússins og framtíð versl-
unar í miðbænum.
rsv@mbl.is
Morgunblaðið/Jim Smart
Arndís B. Sigurgeirsdóttir segir að færri rekstraraðilar hafi komist að en vildu í Iðu.






    

  





!" 
#$


%$

 
&
'#" 

(


 


       
)*
+,-
.,/
,
0
122 3
4