Morgunblaðið - 06.06.2004, Side 31

KARLAKÓRINN Fóstbræður
er í tónleikaför erlendis. För-
inni er fyrst heitið til Helsinki í
Finnlandi þar sem kórinn mun
halda sameiginlega tónleika
með finnsku karlakórunum
Akademiska sångföreningen
sem stofnaður var 1838 og
Muntra Musikanter sem stofn-
aður var 1878. Tónleikarnir
verða haldnir í Riddarahúsinu í
Helsinki í dag, sunnudag. Á
efnisskrá eru íslensk og nor-
ræn karlakóralög. Jónas Ingi-
mundarson píanóleikari, sem
er fyrrverandi söngstjóri kórs-
ins, verður með í för og annast
undirleik með Fóstbræðrum.
Frá Helsinki halda Fóst-
bræður svo ásamt Muntra
Musikanter til St. Pétursborg-
ar, en þar halda kórarnir sam-
an tónleika í Smolney-tónleika-
salnum 10. júní. Fóstbræður
hafa tvívegis áður komið til
borgarinnar sem þá hét Len-
ingrad, árið 1961 og 1976.
Hápunktur þessarar ferðar
er tónleikar í Fílharmóníuhöll
St.Pétursborgar 11. júní, en
fyrir um tveimur árum barst
kórnum boð um að koma fram á
áskriftartónleikum í þessu
virta tónleikahúsi sem byggt
var árið 1840. Tónleikarnir eru
tvískiptir, fyrir hlé verða flutt
norræn lög undir stjórn Árna
Harðarsonar, en eftir hlé verð-
ur svo flutt verkið Öedipus Rex
eftir rússneska tónskáldið Igor
Stravinsky ásamt Fílharmóníu-
hljómsveit St. Pétursborgar
undir stjórn Bernharðs Wilk-
inssonar og fimm einsöngvur-
um frá fjórum þjóðlöndum, þar
af tveimur íslenskum, þeim El-
ínu Ósk Óskarsdóttur og
Snorra Wium. Stjórnandi Fóst-
bræðra er Árni Harðarson
Fóstbræð-
ur leggja
í víking
LISTIR
MORGUNBLAÐIÐ SUNNUDAGUR 6. JÚNÍ 2004 31
STÆRSTI aukasalur Háskóla-
bíós reyndist furðuómvænn á tón-
leikunum með íslenzkri kvik-
myndamúsík aðfaralaugardag
hvítasunnu. Verra var hvað þessu
vel til fundna framtaki í vönduðum
flutningi KaSa hópsins reyndist
illa sinnt af Listahátíðargestum.
Verður e.t.v. helzt tímasetning-
unni, á fyrstu stóru ferðahelgi
sumarsins, kennt um að aðeins lið-
lega hálft hundrað manns sá sér
fært að mæta. Í þokkabót skrapp
samkundan niður í fjórðung þegar
pallborðsumræður hófust eftir hlé.
Af þeim umræðum kom fram, að
algenga staðhæfingin um að bezta
kvikmyndatónlistin „heyrist“ ekki,
þ.e. vekur hvergi athygli áhorfand-
ans umfram það sem augað sér, sé
klisja er sjaldan stenzt. Í nýlegum
útvarpsþætti kvað ekki ómerkari
tónsmiður en „meistarinn frá Míl-
anó“, Nino Rota, hafa hafnað henni
með öllu. Enda kvað kunnasti leik-
stjórnarsamstarfsmaður hans,
Fellini, aldrei hafa fundizt tón-
skáldið skyggja á sig og sitt. Né
heldur varð þess vart í sýnishorn-
unum af íslenzkri kvikmyndatón-
list, er öll voru leikin í tilurðarröð
undir viðkomandi myndskeið á
tjaldi, að tónhöfundar héldu vísvit-
andi aftur af sér.
Áttu sumir filmusmiðir reyndar
hæg heimatök sem bæði leikstjór-
ar og tónskáld, eins og elzti
fulltrúinn, Loftur Guðmundsson,
höfundur fyrstu íslenzku talmynd-
arinnar Milli fjalls og fjöru (1949).
Ber þess annars að geta, að hér
sem í næsta dæmi eftir Jórunni
Viðar var tónlistin endurheimt og
endurútsett af Þórði Magnússyni
eftir hljóðrák myndanna, þar eð
raddskrár höfðu týnzt. Virtist það
vandasama verk prýðisvel unnið,
þótt undirr. hefði að vísu hvoruga
myndina séð.
Tónlist Jórunnar við Síðasta bæ-
inn í dalnum (1950) var skemmti-
leg blanda af þjóðlegri rómantík
og impressjónisma við háklassíska
ballettútfærslu á frónskri huldufót-
mennt. Tvö dæmi komu eftir það
um filmumúsík Magnúsar Blöndal
Jóhannssonar. Fyrst útgáfa fyrir
fiðlu og píanó af vókalísunni úr
Sveitinni milli sanda sem Ellý Vil-
hjálmsdóttir gerði landskunna, og
síðan mergjuð rafhljóðlist hans
undir rauðkraumandi hraunflóðið
úr Surtur fer sunnan; eina elek-
tróníska hljóðrás dagsins. Eftir tvö
postrómantísk innslög eftir Jón
Þórarinsson við Paradísarheimt
Rolfs Hädrichs frá 1979 (raunar
sjónvarpsmynd frekar en bíó), kom
stílleg tónlist Hróðmars Inga Sig-
urbjörnssonar við aðra sjónvarps-
mynd um Jón Sigurðsson, Mann
og foringja (1993).
Tónlist Bjarkar við Myrkradans-
ara Lars von Triers (2000) vakti
hugrenningar um Sibelius; kunn-
áttulega skrifuð, þó hvergi sæist
útsetjari tilgreindur. Tónlist Jóns
Ásgeirssonar við mynd Baltasar
Kormáks um Hafið Ólafs Hauks
Símonarsonar var sláandi dæmi
um þegar klassísk yfirvegun
skerpir sjónræna voveifleikann á
undiröldu tragískrar hlédrægni.
Ekki varð betur heyrt en að hinn
bráðgeri leikstjóri Dagur Kári Pét-
ursson hafi kunnað að meta
Gnossíennur Saties í íðiltærri pí-
anótónlist sinni við Nóa albínóa, er
féll fullkomlega að myndskeiðinu.
Sömuleiðis mátti í einu af 4 sýn-
ishornum Hjálmars H. Ragnars-
sonar úr Kaldaljósi Hilmars Odds-
sonar greina suðrænan enduróm af
Nino Rota; að vísu ekki leiðum að
líkjast. Annars var tónlist hans
meðal glæsilegustu dæma íslenzka
kvikmyndatjaldsins um frumlega
og hnitmiðaða tónhugsun, sem nýt-
ur sín jafnt sjálfstætt sem bak-
tjaldsmegin.
Loks voru tvö dæmi eftir líklega
afkastamesta tónskáld greinarinn-
ar hér á landi, Hilmar Örn Hilm-
arsson, þ.e. úr Bíódögum Friðriks
Þórs Friðrikssonar og In the Cut
eftir Jane Campion, er mynduðu
hins vegar dæmigerðustu innslögin
um svo fullkomna samtvinnun
myndmáls og hljóðrásar, að sjálf-
stætt líf án myndar virtist nærri
óhugsandi.
Þar eð tónsýnishorn dagsins tak-
mörkuðust við klassískan hljóð-
færakost KaSa hópsins, hlaut mei-
ripartur íslenzkrar kvikmyndatón-
listar – í ætt við ýmis konar popp
og tölvutónlist – að verða útundan.
En þó að fagurtónrænar aðal-
áherzlur kynnu þannig í fljótu
bragði að virðast á skjön við blá-
kaldan veruleika dvergvaxins kvik-
myndaiðnaðar, þar sem tónlistar-
val fer fram í vinnslulok þegar
afgangsfé er af skornum skammti,
var athyglivert að frétta hjá pall-
borðsmælendum að klassísku
hljóðfærin gætu með góðu skipu-
lagi samt staðizt samkeppni við
rokksveitir og heimahljóðver.
Kvikmyndatónlist í hálfa öld
TÓNLIST
Háskólabíó
Kvikmyndatónlist eftir Loft Guðmunds-
son, Jórunni Viðar, Jón Þórarinsson, Jón
Ásgeirsson, Hjálmar H. Ragnarsson,
Hróðmar I. Sigurbjörnsson, Hilmar Örn
Hilmarsson o. fl. KaSa hópurinn. Laug-
ardaginn 29. maí kl. 14.
LISTAHÁTÍÐ
Ríkarður Ö. Pálsson
Heimsferðir hafa nú bætt við aukaflugi til Jamaica þann 2.
nóvember, en ferðin 11. nóvember er löngu uppseld og með
langan biðlista. Jamaica hefur ekki aðeins að bjóða stórkostlega
náttúrufegurð og veðurfar, heldur einnig andrúmsloft og
menningu sem á sér fáa líka í Karíbahafinu. Hér eru drifhvítar
sandstrendur með þeim fegurstu í heimi. Má þar nefna
strendurnar við Ocho Rios og Negril. Glæsileg gisting.
Skógarhlíð 18, sími 595 1000 • www.heimsferdir.is
Verð kr. 89.990
M.v. 2 í herbergi á Sandcastles, 7 nætur.
Netverð.
Verð kr. 99.990
M.v. 2 í herbergi á Renaissance Grande,
m.v. 2 í herbergi, 7 nætur. Netverð. –
ALL Inclusive.
Jamaica
Aukaflug
2. nóvember
Munið Mastercard
ferðaávísunina
Topp-
lausnin
Tryggvabraut 5 • Sími 462 2700Bíldshöfða 14 • Sími 587 6644
Hapro farangurskassi er snjöll lausn til að koma
öllum farangrinum í bílinn. Margar gerðir og stærðir
fyrir alla bíla. Verð frá 27.500 kr.
ÍSLAND - ÍTALÍA
sunnudaginn 6. júní kl 19:45
Íþróttahúsi Kaplakrika
Tryggjum
strákunum okkar
farseðilinn á HM í Túnis
ÁFRAM ÍSLAND