Morgunblaðið - 06.06.2004, Page 17

FRÉTTIR
MORGUNBLAÐIÐ SUNNUDAGUR 6. JÚNÍ 2004 17
RÍKISSTJÓRN Íslands hefur
ákveðið að veita fé til þjálfunar-
námskeiða um nýtingu jarðvarma í
Austur-Afríku.
Þetta kom fram í
máli Valgerðar
Sverrisdóttur,
iðnaðarráðherra,
á alþjóðlegri ráð-
stefnu um endur-
nýjanlegar orku-
lindir sem haldin
var í Bonn 1.–4.
júní. Ráðstefnan
var haldin í
framhaldi af leiðtogafundi Samein-
uðu þjóðanna um sjálfbæra þróun í
Jóhannesarborg haustið 2002. Tvö
þúsund fulltrúar frá 150 þjóðum
tóku þátt í ráðstefnunni í Bonn.
Í ávarpi sínu benti Valgerður á
að endurnýjanleg orka nemur nú
rúmlega 70% af orkunotkun Ís-
lendinga. Hún sagði þó marga
ónýtta kosti vera fyrir hendi og að
þróa þyrfti enn frekar notkun end-
urnýjanlegrar orku í iðnvæðingu.
„Við erum reyndar vongóð um það
að sá tími muni koma að við verð-
um að mestu leyti óháð notkun
jarðefnaeldsneytis í samgöngukerfi
okkar. Hvenær sá tími mun koma
er háð tækniframförum og hag-
kvæmni.“
Valgerður sagði ríkisstjórn Ís-
lands hafa ákveðið að beina athygli
að sérstökum samstarfsverkefnum
á sviði jarðvarma og því hafi verið
samþykkt að veita fé til verkefnis í
Austur-Afríku sem miðar að nýt-
ingu jarðvarma. „Við vonumst til
þess að fleiri lönd muni taka þátt í
verkefninu og öðrum vænlegum
jarðvarmaverkefnum þannig að
nýting endurnýjanlegrar orku
muni aukast í þessum löndum og
leiða til aukinnar velmegunar og
velferðar þar,“ sagði Valgerður.
Alþjóðleg ráðstefna um endur-
nýjanlega orku var haldin í Bonn
Ísland styrkir nýtingu
jarðvarma í Afríku
Valgerður
Sverrisdóttir
ÁSKRIFTARDEILD netfang: askrift@mbl.is, sími 569 1122