Morgunblaðið - 06.06.2004, Side 29

LISTIR
MORGUNBLAÐIÐ SUNNUDAGUR 6. JÚNÍ 2004 29
Auðbrekku 14,
Kópavogi.
Jógaskólinn hefst að nýju í júní, en frá árinu 1997 hefur
Ásmundur Gunnlaugsson útskrifað nemendur, sem ým-
ist starfa sem jógakennarar í dag eða hafa tekið þátt til
þess að dýpka þekkingu sína. Námskeiðið er yfirgrips-
mikið og öflugt sjálfsþekkingar- og þroskanámskeið,
tækifæri til að nema af kennara með mikla reynslu og
þekkingu. Það hentar t.d. öllum sem eru í einhvers konar vinnu með ein-
staklinga eða hópa og/eða þeim, sem vilja gera breytingar á lífsháttum
sínum. Tilhögun þess fer saman með starfi og öðru námi, en kennt er
eftirfarandi helgar: 25.-27. júní, 9.-11. júlí, 23.-25. júlí, 13.-15. ágúst, 27.-
29. ágúst og 10.-12. september (fös. kl. 20-22, lau. og sun. kl. 9-15). „Ég
reyni að fá nemendurna til þess að skilja hjartað í verkinu, gera sér ljóst
hvað jóga er eða öllu heldur hvaða möguleika það hefur til að verða,“
segir Ásmundur. Ekki er krafist mikillar reynslu og ástundunar af jóga,
mikilvægast er áhugi og jákvætt hugarfar. Einhver grundvallarþekking á
jóga er þó æskileg. Kennslugögn eru innifalin í verði og aðgangur að jóg-
atímum vorannar.
Ásmundur kynnir námskeiðið
laugardaginn 12. júní kl. 18.
VILTU VERÐA JÓGAKENNARI
EÐA DÝPKA JÓGAÁSTUNDUN ÞÍNA?
Skráning í síma 544 5560
og á www.yogastudio.is .
Á TÓNLEIKUM Mótettukórs Hallgrímskirkju voru
flutt verk sem kórinn hefur í farteski sínu í Frakklands-
ferð sinni nú í júní. Kórinn mun syngja þar í hinum ýmsu
kirkjum undir stjórn Harðar Áskelssonar. Efnisskráin er
blönduð með efni víða að og flest verkin samin á síðustu
öld. Þjóðsöngurinn var fyrstur á dagskrá og var fallega
sunginn, hefði kanski mátt vera heilum tón hærri svo bass-
inn kæmist með reisn niður á dýpstu tónana sem hurfu
næstum því. Gefðu að móðurmálið mitt í raddsetningu Ró-
berts A. Ottóssonar hljómaði næst og þar á eftir söng kór-
inn Víst ertu Jesú, kóngur klár í raddsetningu Jóns Hlöð-
vers Áskelssonar. Eg vil lofa eina þá er fallegt lag eftir
Báru Grímsdóttur sem var eins og lögin á undan vel sung-
ið, helst fannst undirrituðum vanta meiri fyllingu í bassann
í þessu lagi sem og mörgum öðrum þar sem bassinn fór
eitthvað niður að ráði, þá var eins og botninn hyrfi næstum
úr kórnum, allavega þar sem undirritaður sat.
Ave Maríu bæn Hjálmars H. Ragnarssonar er spenn-
andi verk sem naut sín vel hjá kórnum. Kórinn söng einnig
fallega Agnus Dei eftir Hjálmar. Ave maris stella eftir
Trond Kverno naut sín einnig vel í meðförum kórsins.
Meistari Bach átti síðustu tónana fyrir hlé með mótettunni
Der Geist hilft unsrer Schwachheit auf (BWV 226). Þessi
fallega mótetta sem er í þremur hlutum og fjallar um heil-
agan anda byrjar á tveggjakóra þætti, síðan fylgir á eftir
fjórradda þáttur og loks kórall eða sálmur fyrir fjórar
raddir. Mótettan var fallega formuð og vel flutt, hefði að
mati undirritaðs mátt vera aðeins hraðari í miðkaflanum
sem hefði gefið henni meiri lit og fjölbreytni.
Norski öldungurinn Knut Nystedt átti fyrsta og síðasta
tóninn á efnisskránni eftir hlé með hinum gullfallega lof-
söng Laudate Dominum (Davíðss. 117) sem var hljóm-
fagur og í lokin friðarperluna Peace I leave with you (Frið
læt ég yður eftir) sem var fallega sungin. Tvo þætti úr
messu eftir Frank Martin, Kyrie og Agnus Dei söng kór-
inn. Mótetturnar Ubi caritas og Tu es Petrus eftir Maurice
Duruflé hljómuði vel sem og O sacrum convivium eftir
Oliver Messiaen.
Undirritaður naut vel söngs kórsins í fallegum hljómi
kirkjunnar. Hörður notar mismunandi uppstillingar á
kórnum til að spila á hljómburðinn. Þar sem undirritaður
sat hljómaði kirkjan best þegar kórinn stóð í tveimur hóp-
um í kórtröppunum, þá hljómuðu hliðarhvelfingarnar með
og hljómurinn kom alls staðar frá, en hinar uppstilling-
arnar hljómuðu einnig vel. Textinn hefði mátt vera aðeins
skarpari í mótettu Bachs en annars var hann mjög skýr og
barst vel í látlausum hljómi kórsins.
Frið læt ég yður eftir
TÓNLIST
Hallgrímskirkja
Mótettukór Hallgrímskirkju. Stjórnandi Hörður Áskelsson.
Mánudagur 31. maí 2004 kl. 17.
KÓRTÓNLEIKAR
Mótettukór Hallgrímskirkju.
Jón Ólafur Sigurðsson
SÝNING Þorkels G. Guðmunds-
sonar, Hönnun og handverk í
hálfa öld, stendur nú yfir í sal
Iðnskólans í Hafnarfirði. Álitið er
að a.m.k. 7–800 manns hafi skoð-
að sýninguna og hefur hún hlotið
góða dóma og undirtektir sýning-
argesta, að sögn aðstandenda. Á
sýningunni er nokkur fjöldi verka
Þorkels sem hann sjálfur og kenn-
arar Iðnskólans hafa komið þar
upp. Þorkell sýnir þar verk sín,
húsgagnahönnun og fjölda
mynda.
Sýningunni lýkur á fimmtudag-
inn. Þrjár konur eftir Þorkel.
Hönnun
Þorkels á
sýningu
Á RÁÐSTEFNU SKS (Skandinav-
iska Kriminalsällskapet) sem var
haldin að Flúðum 21.–23 maí var
Ævar Örn Jósepsson valinn nýr for-
seti samtakanna. Ævar Örn hefur
skrifað tvær glæpasögur, Skítadjobb
2002 og Svartir englar 2003.
SKS eru samtök norrænna glæpa-
höfunda og er sér félag í hverju
landi. Á Íslandi er það Hið íslenska
glæpafélag. Foringi þess er Kristinn
Kristjánsson. Meginstarf SKS er að
úthluta verðlaunum fyrir bestu nor-
rænu glæpasöguna, Glerlyklinum, á
árlegri ráðstefnu. Þeim var úthlutað
í Norræna húsinu 21. maí og að
þessu sinni hlaut norski rithöfund-
urinn Kurt Aust verðlaunin fyrir bók
sína Hjemsøkt, sem er söguleg
skáldsaga sem gerist 1703.
Ævar Örn val-
inn forseti SKS