Eintak - 01.12.1993, Blaðsíða 12
Lítið flóð
frá bóka-
fjölskyldu
Þetta er fjölskylda sem heldur upp á
bókajól. Öll gefa þau út bækur núna fyrir
jólin og þau eiga ábyggilega íslandsmet fjöl-
skylda í ritstörfum. Jóhanna Kristjóns-
dóttir skrifar um ár sín með Jökli Jakobs-
syni, föður barnanna. Dóttirin, Elísabet
Kristín Jökulsdóttir sendir frá sér bók með
örsögum sem heitir Dagbók Ellu Stínu. Eldri
bróðirinn, lllugi, hefur skrifað skáldsöguna
Barnið mitt barnið. Og yngri sonurinn
Hrafn, hann er nýbúinn að gefa út Ijóða-
bókina Þegar hendur okkar snertast.
Samanlagt munu þau fjögur hafa skrifað
tuttugu og fjórar bækur, eftir því næst
verður komist; skáldsögur, Ijóðabækur,
ferðabækur, fræðibækur, barnabækur og
bækur almenns efnis, eins og það heitir.
Jóhanna hefur skrifað sjö, sú fyrsta
þeirra var rómaninn Ást á rauðu
Ijósi sem út kom fyrir einum
þrjátíu árum. Elísabet hefur
skrifað þrjár, Hrafn fimm, lllugi
átta, en þess utan hafa þeir
bræðurnir skrifað eina bók saman.
Svo er náttúrlega hægt að tína til fleiri
fjölskyldumeðlimi sem hafa skrifað bækur:
Afann, séra Jakob Jónsson, föðursysturina
Svövu Jakobsdóttur, og svo auðvitað föð-
urinn, Jökul. Að ógleymdri hálfsysturinni
Unni Jökulsdóttur, hún gefur út aðra bók
sína fyrir þessi jól, Kría siglir um suðurhöf
heitir hún.
Nikolai vinnur í sendiráði Rússlands á daginn,
en spilar íshokkí með íslendingum á kvöldin.
Af einhverjum ástæðum varð
handbplti eins konar þjóðaríþrótt
okkar íslendinga, en til dæmis ekki
íshokki sem þó er langtum vinsælli
íþrótt meðal flestra þjóða sem byggja
hinar norðlægari breiddargráður.
Svíar ganga til dæmis alveg af
göflunum yfir íshokkíleikjum, enda er
þetta óneitanlega fjörmikil íþrótt þar
sem oft getur færst nokkur harka í
leikinn. Þó stunda menn íshokki á
íslandi og ekki örgrannt um að það
færist heldur í aukana. Ein ástæðan er
sú að hingað hafa komið útlendir
íshokkíleikarar og spilað með íslensk-
um liðum, sem eru reyndar aðeins
þrjú talsins - Skautafélag Reykjavíkur,
Skautafélag Akureyrar og Isknatt-
leiksfélagið Björninn. Þessir útlend-
ingar þykja hafa eflt íþróttina með
kunnáttu sinni og tilþrifum.
Nikolai Nefjodov er starfsmaður
rússneska sendiráðsins í Reykjavík og
hefur spilað með Skautafélagi Reykja-
víkur síðustu þrjú árin. Hann spilar
enn af nokkrum krafti á hægri fram-
væng þótt hann sé kominn á fertugs-
aldur, en ungur maður spilaði hann
með þekktum félagsliðum í því
stórveldi sem þá hét Sovétríkin og
komst meira að segja í unglingalands-
lið þar eystra. Nikolai er annar tveggja
útlendinga sem spila með Skauta-
félaginu. Hinn er finnskur og spilar
stöðu senters.
Annars hefst keppnistímabil ís-
hokkímanna 2. janúar og stendur
fram á vor. Liðin þrjú bítast um ís-
landsmeistaratitil, en Akureyringarnir
vinna nær undantekningalaust.
EINTAK DESEMBER