Eintak - 01.12.1993, Blaðsíða 135
'Margrét skynjaði kuldann í Moskvu í
smásögum Petrúshevskaju, fann
sammannlegar spurningar í Elínu
Helenu og leiddist ekki á Hróa Hetti.
Gunnlaugsdóttir
lögfræðingur I fjármála-
ráðuneytinu, sjónvarpsþula og
nýskeð gagnrýnandi:
Ódauðleg ást
Ljúdmíla Petrúshevskaja
Það er heldur hráslagalegt yfir-
bragð yfir persónunum 1 þessum
smásögum. Flestar þeirra búa í
þröngu húsnæði, köldu og loftlausu.
Margir eru eilífðarstúdentar með
ókláraðar kandídatsritgerðir, einstæð-
ar mæður og fólk sem örlögin hafa á
einn eða annan hátt leikið grátt. Hér
er ískalt raunsæi á ferðinni.
Frásagnarmátinn er svo kaldhæðinn
að hann jaðrar við að vera á mörkum
hins grimmilega. Á þann hátt verða
sögurnar ögrandi. Eftir lestur þeirra
stendur eftir sú spurning hvort örlög
persónanna ráðist frekar af umhverfi
þeirra og þjóðfélagsskipan, en af
hinu mannlega hlutskipti. Ef hið
fyrra væri rétt ætti bókin tæpast
erindi til landans sem er ekki bara
búinn að brenna torfbæinn og
kominn á mölina, heldur löngu
kominn úr kjallaraholunni í einbýli.
En vitaskuld er þetta einföldun.
Örlög persónanna eru hárfínn vefur
kuldans í Moskvu og kulda hjartans.
Elín Helena
Borgarleikhúsið
Leikritið fjallar um unga konu og
ferðalag hennar á vit fortíðarinnar,
sjálfrar sín og lífsins. Hún ákveður að
hafa uppi á föður sínum, banda-
rískurn hermanni sem hún hefur
hvorki heyrt né séð síðan hún var
barn. Elín Helena tekur áhættu með
því að grafast fyrir urn sannleikann
vegna þess að hann er viðsjárverður
og að sjálfsögðu annar en hún ætlaði.
En eins og í góðum leikritum varðar
ferðalagið ekki einvörðungu Elínu
Helenu, hennar nánustu og þeirra
prívat myrkur. Það er spurt sam-
mannlegra spurninga og svörin
varða okkur öll. Einfaldleiki situr í
fyrirrúmi í bæði umgjörð og leik. Þeir
fáu effektar sem gripið er til verða
þeirn mun áhrifameiri fyrir bragðið.
Það áhrifamesta er hvernig hið
dramatíska myrkur setur tóninn í
sýningunni alveg frá upphafi.
Tónlistin er gott dæmi um þetta.
Hún minnir á tjörn í dimmum helli
og maður heyrir hvernig droparnir
lýsa upp myrkrið. Þannig undir-
strikar tónlistin sem og leikmyndin í
heild víðfemi myrkursins á móti
viðkvæmni ljóssins - sem lýsir átök-
um verksins í hnotskurn.
Hrói Höttur,
menn í sokkabuxum
Stjömubíó
Þeir sem sáu Kevin Costner
leika Hróa Hött hafa örugglega
gaman af Hróa Hetti Mel Brooks -
síðarnefnda myndin byggir meira eða
minna á því að gera grín að þeirri
fyrrnefndu. Allar höfuðpersónur
ævintýrisins fá hér fyrir ferðina: Tóki
rnunkur, Litli-Jón, fógetinn í
Nottingham og ekki síst Hrói sjálf-
ur. Skemmtilegust er myndin þegar
hún ræðst til atlögu við klisjuna sem
veður ávallt uppi í svona ævintýra-
myndum af Hollywood-gerðinni;
það tekst sérstaklega vel í upphafs-
atriðunum. En það fara ekki allir í
sokkabuxurnar hans Kevins
Costner. Brandararnir þynnast svo-
lítið þegar líður á myndina, það er
eins og framvinda sögunnar missi
dampinn. En þegar á heildina er litið
má segja að myndin sé prýðisgóð af-
þreying og engum ætti að leiðast að
fylgjast með Hróa Hetti og mönnum
hans í sokkabuxum. 0
BORGARKRINGLAN
© 6 8 7 2 6 6
Dekraðu við heimilið
*IÍS1»
Hverfisgötu 84 s: 1 38 13
Restaurant
mi
H AFN ARSTRÆTI 1
Œ* 13340
ALLT SEM HEITIR ÞVOTTUR - ÞAÐ ER OKKAR FAG
ÞVOTTAHUSIÐ
BORGARTÚ NI 27 - SÍMI 1 33 97
LISTHUS
í LAUGARDAl
LISTACAFÉ
Engjateigi 17-19
Við bjóðum upp á heita og kalda rétti og ljúffengar kökur með kaffinu.
Opið alla daga. Verið velkomin.
Sími: 68 42 55. Veisluþjónusta.
DESEMBER EINTAK
135