Morgunblaðið - 06.04.2005, Page 17
MORGUNBLAÐIÐ MIÐVIKUDAGUR 6. APRÍL 2005 17
MINNSTAÐUR
STJÓRNARKJÖR
Eining-Iðja auglýsir hér með eftir listum eða tillögum um
menn í stjórnarsæti vegna kjörs stjórnar og trúnaðarráðs
fyrir starfsárið 2005-2006 að viðhafðri allsherjaratkvæða-
greiðslu.
Ber samkvæmt því að skila lista skipuðum formanni,
varaformanni og ritara ásamt 65 manns í trúnaðarráð,
tveimur skoðunarmönnum reikninga og einum til vara eða
tillögum um menn í eitthvert, einhver eða öll stjórnarsætin,
sem kjósa skal til.
Hverjum framboðslista eða tillögu skulu fylgja meðmæli
minnst 80 fullgildra félagsmanna.
Listum eða tillögum ber að skila á skrifstofu
félagsins, Skipagötu 14, Akureyri, eigi síðar
en kl. 12.00 á hádegi miðvikudaginn
13. apríl 2005.
HÖFUÐBORGARSVÆÐIÐ
ÞRIGGJA ára áætlun um rekstur,
framkvæmdir og fjármál Reykja-
víkurborgar 2006–2008 var lögð
fram til fyrstu umræðu í borg-
arstjórn í gær. Þá átti sér stað
umræða um gjaldfrjálsa leikskóla í
Reykjavík. Sætti áætlunin mikilli
gagnrýni sjálfstæðismanna en var
vísað til ann-
arrar umræðu
með átta greidd-
um atkvæðum.
Í ræðu sinni
sagði Steinunn
Valdís Ósk-
arsdóttir meðal
annars að nú
stæðu yfir ein-
hverjar um-
fangsmestu
skipulagsbreyt-
ingar á stjórn-
kerfi og þjón-
ustu Reykja-
víkurborgar sem
gerðar hefðu
verið. Sagði hún
markmiðin að
efla og bæta
þjónustu við
borgarbúa, m.a.
með nær-
þjónustu og auk-
inni skipulagningu.
Borgin mun fjárfesta fyrir um
7,3 milljarða króna á tímabilinu,
en umfangsmestar verða bygg-
ingaframkvæmdir vegna mennta-
mála, um 3,9 milljarðar. Þá segir
Steinunn gert ráð fyrir því að
skuldir borgarsjóðs minnki um 1,3
milljarða á tímabilinu, eða um
tæpan fimmtung.
Þá gerir áætlunin ráð fyrir um
35,8 milljarða fjárfestingum sam-
stæðu Reykjavíkurborgar á tíma-
bilinu og vegi þar þyngst fram-
kvæmdir Orkuveitunnar á
Hellisheiði og á Nesjavöllum.
Þannig komi 24,8 milljarðar króna
úr rekstri borgarinnar en 11 millj-
arðar verði teknir að láni. Hækki
skuldir samstæðunnar sem því
nemi á tímabilinu. „En rétt er að
árétta að lánsfjárþörf borgarsjóðs
þessi ár er vitaskuld neikvæð, þar
sem ráðgert er að greiða niður
skuldir borgarsjóðs á tímabilinu,“
sagði Steinunn.
Vék borgarstjóri í ræðu sinni að
samantekt á fjölskylduútgjöldum
til þjónustuþátta nokkurra sveitar-
félaga á höfuðborgarsvæðinu. Þar
voru könnuð útgjöld fimm manna
fjölskyldu vegna leikskólagjalda,
frístundaheimilis, tónlistarskóla og
sundiðkunar auk fasteignagjalda.
Sagði Steinunn niðurstöður sam-
antektarinnar í stuttu máli þær að
Reykjavíkurborg hefði komið lang-
best út úr samanburðinum. Út-
gjöld fjölskyldunnar til þjón-
ustuþátta væru um 133 þúsund
krónum undir meðaltalinu, sem
var 668 þúsund krónur á ári.
Ekkert að marka fjár-
málaáætlanir R-listans
Vilhjálmur Vilhjálmsson, borg-
arfulltrúi Sjálfstæðisflokks, gerði
ýmsar athugasemdir við ræðu
borgarstjóra og þriggja ára áætl-
unina. Vísaði hann í þriggja ára
áætlun borgarinnar fyrir árin
2002–2004 þar sem gert var ráð
fyrir að skuldir borgarsjóðs yrðu
áætlaðar 8,5 milljarðar króna og
peningaleg staða myndi batna um
3,3 milljarða króna á tímabilinu.
Sagði hann heildarskuldir borg-
arsjóðs í árslok 2004 nema 21
milljarði króna og allar þriggja ára
áætlanir R-listans markleysu hvað
varðaði spár um skuldastöðu borg-
arsjóðs.
„Fjármálastjórn eða réttara
sagt óstjórn R-listans hefur ein-
kennst af skattahækkunum, en á
þessu ári hækkaði borgin útsvarið
í hámark og langmest allra sveit-
arfélaga á landinu, hækkunum á
gjöldum, auknum arðgreiðslum í
borgarsjóð frá Orkuveitunni og
nýjum gjöldum eins og holræsa-
gjaldinu,“ sagði Vilhjálmur. Bætti
hann við að loforðum um lækkun
leikskólagjalda væri algjörlega vís-
að til framtíðarinnar, næsta og
þarnæsta kjörtímabils borg-
arstjórnar. „Flest bendir til að
stærsti hluti lækkunar leikskóla-
gjalda muni eiga sér stað sam-
kvæmt yfirlýsingu borgarstjóra
eftir fimm–tíu ár, eða á kjör-
tímabilinu 2010–2014.“
Að lokum sagði Vilhjálmur lang-
varandi lóðaskort og gríðarhátt
fasteignaverð í kjölfar lóðabrasks
R-listans hafa valdið minnkandi
fjölgun borgarbúa. Fjölskyldufólk
leitaði í sívaxandi mæli út úr borg-
inni og til nágrannasveitarfélag-
anna í sérbýli.
Lögðu sjálfstæðismenn fram
bókun þar sem m.a. sagði:
„Þriggja ára fjárhagsáætlanir
R-listans hafa ávallt reynst vera
marklaus plögg og allar spár um
lækkun skulda borgarinnar hafa
aldrei staðist.“ Þá segir ennfremur
í bókun sjálfstæðismanna: „Þrátt
fyrir stöðugar skattahækkanir,
verulega auknar útsvarstekjur, ný
gjöld, auknar arðgreiðslur frá
Orkuveitunni og verulega auknar
tekjur vegna fasteignagjalda, held-
ur skuldasöfnunin áfram og út-
gjaldaþensla á sér stað á nær öll-
um sviðum.“
Þá lagði Ólafur F. Magnússon
fram bókun þar sem F-listinn
fagnaði sérstaklega þeim þætti
þriggja ára áætlunar Reykjavík-
urborgar sem lýtur að upptöku
gjaldfrjálsrar leikskólagöngu
barna í borginni í áföngum. Sagði
þar m.a.: „Þessi stefnumörkun
samræmist vel sérstakri áherslu
F-listans á lægri þjónustugjöld
fyrir barnafjölskyldur í Reykjavík
ásamt öldruðum og öryrkjum.“
Eðlilegt skref í skólapólitík
Í umræðum um gjaldfrjálsa leik-
skóla kom m.a. fram í máli borg-
arstjóra að sparnaður fólks sem á
börn á leikskólum yrði verulegur,
en peningarnir mundu koma úr
sameiginlegum sjóðum borg-
arinnar, en borgin greiddi nú þeg-
ar tvo þriðju kostnaðar við vistun
barna á leikskóla.
Gagnrýndu sjálfstæðismenn m.a.
fyrirkomulagið út frá því hversu
langt er í að það taki gildi. Sögðu
þeir R-listann lofa upp í ermina á
næsta borgarstjórnarmeirihluta og
spurðu hvers vegna ekki væri
hægt að fara strax í þessar breyt-
ingar. Svaraði Björk Vilhelms-
dóttir því til að það tæki tíma að
undirbúa slíkar breytingar og
vinna yrði slíkt starf í skrefum.
Spurði Sigrún Elsa Smáradóttir,
varaborgarfulltrúi R-listans, þá
hvort Sjálfstæðisflokkurinn hygð-
ist hverfa frá þeirri stefnu sem
sett hefði verið fram um gjald-
frjálsa leikskóla, kæmist hann í
meirihluta á næsta kjörtímabili.
Í framhaldi af því sagði Katrín
Jakobsdóttir m.a. að hér væri um
að ræða eðlilegt skref í skóla-
pólitík á Íslandi. „Með þessu er
verið að viðurkenna leikskólann
sem fyrsta skólastigið,“ sagði
Katrín og bætti seinna við: „Með
því að fella niður leikskólagjöld er
aðgangur allra barna að leikskóla
tryggður.“
Umræður um þriggja ára áætlun og gjaldfrjálsa leikskóla
Viðurkenning leikskólanna
sem fyrsta skólastigs
Eftir Svavar Knút Kristinsson
svavar@mbl.is
Steinunn Valdís
Óskarsdóttir
Vilhjálmur Þ.
Vilhjálmsson
LÍFLEGAR umræður spunnust um
nýja samþykkt um kattahald í
Reykjavík, sem lögð var fram á
fundi borgarstjórnar í gær. Sýndist
sitt hverjum og var ljóst að ófáir
borgarfulltrúar bera ríkar tilfinn-
ingar í brjósti til þessara loðnu og
sjálfstæðu förunauta mannanna.
Helstu bitbein borgarfulltrúa fól-
ust í þriðju og fjórðu grein sam-
þykktarinnar. Í þriðju grein sam-
þykktarinnar segir að allir kettir
eldri en fjögurra mánaða skuli ör-
merktir af dýralækni auk þess sem
eigendur katta skuli strax að lok-
inni örmerkingu koma upplýs-
ingum um númer örmerkis og nafn
og kennitölu eiganda til Umhverfis-
og heilbrigðisstofu, sem heldur
skrá um örmerkta ketti í Reykja-
vík. Í fjórðu greininni segir að
gelda skuli alla fressa sex mánaða
og eldri sem ganga lausir utandyra.
Of langt gengið
Marta Guðjónsdóttir, borgar-
fulltrúi sjálfstæðismanna, taldi
samþykktina ganga of langt og
væri upplýsingasöfnunin um katta-
eigendur vísir að gjaldtöku í fram-
tíðinni. Óþarfi væri að örmerkja
ketti þegar vel dygði að eyrna-
merkja þá.
Undir þetta tóku Guðlaugur Þór
Þórðarson og Kjartan Magnússon,
sem bættu enn fremur við að þeim
þætti mikið misrétti í því að gelda
einungis fressketti og væri þetta
skerðing á náttúru og eðli þessara
ljúfu dýra sem setja svo mikinn svip
á borgarlífið. Sögðu þeir það
hindra eðlilegan framgang náttúr-
unnar og eðlilegt líf katta, sem í
eðli sínu væru mjög frjáls dýr.
Kattholt hefur unnið gott starf
Í andsvari sínu sagði Katrín Jak-
obsdóttir geldingu fresskatta að-
allega eiga rætur að rekja til lykt-
arsterks þvags fresskattanna þegar
þeir merkja sér svæði. Tóku borg-
arfulltrúar Sjálfstæðisflokks þá
dæmi um væl breimandi læða og
sögðu það í það minnsta jafn hvim-
leitt og lyktina.
Í máli sínu fagnaði Stefán Jón
Hafstein nýtilkomnum nátt-
úruverndarsjónarmiðum sjálfstæð-
ismanna. Minntist hann einnig á
gott starf Kattholts, en þangað
hefði köttur hans ratað er hann
týndist um páskana. Sagði Stefán
vel geta hugsað sér að gjald yrði
tekið af kattaeigendum og það látið
renna til Kattholts, þar sem það
starf sem þar er unnið sé afar mik-
ilvægt fyrir kattaeigendur.
Undir lokin sagði Katrín Jak-
obsdóttir að aðalrökin fyrir geld-
ingu fresskatta væri að minnka
óþarfa þjáningu, því stór hluti katta
sem koma í Kattholt eru svæfðir.
Morgunblaðið/Eggert
Alllöng umræða fór fram um kattahald í Reykjavík í borgarstjórn í gær.
Góður stuðningur við
ketti í borgarstjórn