Morgunblaðið - 27.04.2005, Blaðsíða 12

12 MIÐVIKUDAGUR 27. APRÍL 2005 MORGUNBLAÐIÐ
VIÐSKIPTI/ATHAFNALÍF
H
rin
gb
ro
t
BRAUÐBÆR - SÍMI 511 6200 - FAX 511 6201
ODINSVE@ODINSVE.IS - WWW.ODINSVE.IS
MATARSNEIÐAR Á FUNDINN
fyrir fundvíst fólk
ÍSLENSK fyrirtæki standa ágætlega í skattalegum sam-
anburði við fyrirtæki í öðrum löndum hvað beina fyrirtækja-
skatta varðar, en hægt er að koma Íslandi í fremstu röð með
tiltölulega litlum tilkostnaði. Með því væri íslenskum fyr-
irtækjum og íslensku þjóðfélagi skapað dýrmætt sam-
keppnisforskot. Þetta kemur fram í skýrslu sem unnin var
af Deloitte, að beiðni Samtaka atvinnulífsins, þar sem borin
er saman skattlagning á íslensk og erlend fyrirtæki.
Í skýrslunni kemur fram að á árinu 2002 var hlutfall heild-
arskatttekna hins opinbera miðað við verga landsfram-
leiðslu hærra á Íslandi en í OECD ríkjunum að meðaltali,
þ.e. 38,1% samanborið við 36,3%. Þá sýnir skýrslan að sam-
setning skatttekna hér á landi er nokkuð frábrugðin því sem
algengt er í OECD ríkjunum. Þannig byggðust um 84% af
heildarskatttekjum hins opinbera á Íslandi á sköttum á
tekjur og hagnað annars vegar og sköttum á vöru og þjón-
ustu hins vegar. Svo hátt hlutfall þeirra skattastærða af
heildarskatttekjum var aðeins að finna í þremur öðrum að-
ildarríkjum OECD. Umrædd 84% voru aðallega mynduð af
tekjuskatti einstaklinga og skatti á almenna neyslu en í
skýrslunni kemur fram að svo virðist sem áhersla sé fremur
á skatta á almenna neyslu hér á landi í samanburði við önnur
lönd.
Ef horft er til tekjuskatts á fyrirtæki sem hlutfalls af
landsframleiðslu kemur í ljós að tekjuskattgreiðslur ís-
lenskra fyrirtækja voru næstlægstar í öllum OECD ríkj-
unum árið 2002, um 1,1% af landsframleiðslu. Ísland er í 27.
sæti OECD-ríkjanna og aðeins Þjóðverjar hafa lægra hlut-
fall, en þar er tekjuskattur fyrirtækja 1,0% af landsfram-
leiðslu. Tekjuskattgreiðslur íslenskra fyrirtækja hafa hins
vegar vaxið ört undanfarin ár og hækkaði hlutfallið í 1,5% af
landsframleiðslu árið 2003.
Þá er skattlagning á fasteignarekstur hér á landi með því
hæsta sem gerist, ríflega tvöfalt meiri en í Noregi og Dan-
mörku, svo dæmi sé tekið, sem skýrist fyrst og fremst af
háum fasteignasköttum sveitarfélaga. Þá segir í skýrslunni
að þó svo að tryggingagjald hér á landi sé lágt í samanburði
við mörg önnur ríki OECD, þá sé það engu að síður meira en
helmingur opinberra gjalda sem íslenskir lögaðilar greiða.
Hagstætt skattaumhverfi
Eftir Helga Mar Árnason
hema@mbl.is
VERÐMÆTAAUKNING í íbúðar-
húsnæði á höfuðborgarsvæðinu á
fyrstu þremur mánuðum þessa árs
nam 315 þúsund krónum á hvern
íbúa svæðisins. Þetta kemur fram í
Morgunkorni Greiningar Íslands-
banka.
Er vísað til þess í Morgunkorn-
inu að samkvæmt upplýsingum frá
Fasteignamati ríkisins hafi heild-
arverðmæti íbúðarhúsnæðis á höf-
uðborgarsvæðinu verið um 447
milljarðar króna um síðustu ára-
mót. Á fyrsta ársfjórðungi þessa
árs hafi verð íbúðarhúsnæðis á
þessu svæði hækkað um 13%, eða
58 milljarða króna, sem jafngildi
um 315 þúsund krónum á hvern
íbúa. Það sé reyndar varlega áætl-
að því markaðsverð húsnæðis sé
jafnan talsvert hærra en fasteigna-
mat.
Á síðasta ári hækkaði verð íbúða
á höfuðborgarsvæðinu að meðaltali
um 23% og kemur hækkunin á
fyrsta fjórðungi þessa árs til við-
bótar við þá hækkun.
Aukin útgjöld heimilanna
„Eðli málsins samkvæmt hagn-
ast þeir á verðhækkunum sem eiga
sitt eigið húsnæði en aðrir ekki.
Mestur hefur hagnaður þeirra ver-
ið sem eiga sérbýli en þær eignir
hafa hækkað hvað mest í verði. Þá
hefur hækkunin verið mismunandi
eftir svæðum á höfuðborgarsvæð-
inu. Því er það ekki þannig í reynd
að 315 þúsund krónur hafi fallið í
skaut hvers íbúa á svæðinu vegna
þessara hækkana. Það er meðal-
talshækkunin og segir ekki nema
hluta af sögunni. Eftir stendur
samt veruleg verðmætaaukning
sem hefur líklegast þegar haft
nokkur áhrif til aukningar á út-
gjöldum heimilanna, til aukningar
á einkaneyslu, lántökum, innflutn-
ingi og viðskiptahalla svo eitthvað
sé nefnt,“ segir Greining ÍSB.
Verðmæta-
aukning yfir 300
þúsund á mann
ARI Edwald, framkvæmdastjóri
Samtaka atvinnulífsins, segir að
skattumhverfi fyrirtækja á Íslandi
hafi færst til betri vegar á und-
anförnum árum og nú sé svo komið
að ekki þurfi miklar breytingar til
að Ísland geti talist hagkvæmur
staðsetningarkostur fyrir fyrir-
tæki.
„Reynslan sýnir að hagstætt
skattaumhverfi leiðir til aukinna
skatttekna. Það er því eftirsókn-
arvert fyrir okkur að hafa hagstætt
skattaumhverfi
fyrir fyrirtæki.“
Í tillögum SA
um skattamál, sem
lagðar verða fyrir
aðalfund samtak-
anna 3. maí nk. er
lagt til að tekju-
skattur fyrirtækja
verði lækkaður úr
18% í 15%. Íslensk fyr-
irtæki greiða nokkru lægri tekju-
skatt en víða annarsstaðar en Ari
bendir á að íslensk fyrirtæki noti
meira af sinni verðmætasköpun í
launagreiðslur en í öðrum löndum
og hafi því minni hagnað. „Þarna er
stærsti munurinn á aðstæðum ís-
lenskra og erlendra fyrirtækja. Við
erum með þessu ekki að segja að
laun eigi að lækka, heldur verður
verðmætasköpunin að aukast meira
en launakostnaðurinn. Það þýðir að
við verðum að ná betri árangri í
framleiðni og það hefur gengið vel
á síðustu árum.“
Þarf ekki mikið til
Ari Edwald
● BRESKA verslunarkeðjan Asda,
sem er hluti af bandarísku versl-
unarkeðjunni Wal-Mart, hefur feng-
ið fjárfestingarbankann Lazard til
að kanna möguleika á tilboði í
verslunarkeðjuna Somerfield. Að
sögn blaðsins Financial Times í
gær er Asda að skoða leiðir til að
auka umsvif sín á breskum mat-
vörumarkaði.
Blaðið segir óvíst, hvort nið-
urstaðan verði sú að Asda leggi
fram tilboð í Somerfield. Baugur
ásamt hópi breskra fjárfesta og
fjárfestingarfélagið Apax er nú að
skoða bókhald Somerfield með
það fyrir augum að leggja fram til-
boð í fyrirtækið.
Í breska dagblaðinu Guardian
var því í gær haldið fram að frest-
ur til að gerast tilboðsgjafi í
Somerfield væri nú liðinn. Hafði
fresturinn verið framlengdur nokk-
uð og er það talið til marks um að
ferlið muni taka lengri tíma en tal-
ið var í fyrstu. Segir blaðið að þeir
tveir aðilar sem lýst hafi áhuga á
að bjóða í stórmarkaðskeðjuna
séu nú að fara í gegnum bókhald
hennar áður en þeir leggi fram
formleg tilboð.
Asda í slaginn
um Somerfield?
LÁGFARGJALDAFLUGFÉLAGIÐ
Sterling er nú endanlega komið í hend-
ur hinna nýju íslensku eigenda, þeirra
Pálma Haraldssonar og Jóhannesar
Kristinssonar en gengið var frá
greiðslu í gær. Upphaflega stóð til að
greiddar yrðu 300 milljónir danskra
króna, tæplega 3,3 milljarðar íslenskra
króna, nú og 100 milljónir danskra
króna, um 1,1 milljarður, eftir þrjú ár.
Þess í stað var öll upphæðin greidd við
afhendingu fyrirtækisins í fyrradag og
fengu kaupendurnir því 25 milljónir
danskra króna, 275 milljónir íslenskra
króna í afslátt.
Afsláttarkjör á Sterling
● ENN hækkar Úrvalsvísitala Kaup-
hallar Íslands og sló enn eitt metið í
gær, endaði í 4.125 stigum sem er
0,2% hækkun. Hlutabréfaviðskipti
námu 3,3 milljörðum, þar af 1,7
milljörðum með hlutabréf í KB
banka.
Mest hækkun var á verði hluta-
bréfa í Tækifæri (4,9%) og SÍF
(1,8%). Mest verðlækkun var á bréf-
um í Þormóði ramma (-4,7%) og Ís-
landsbanka (-0,7%).
ICEX-15 hækkar enn
ÞETTA HELST ...
VIÐSKIPTI







 




 

 













 !!"



 



# $% &$'"