Morgunblaðið - 27.04.2005, Blaðsíða 33

MORGUNBLAÐIÐ MIÐVIKUDAGUR 27. APRÍL 2005 33
FRÉTTIR
MIKIÐ var um dýrðir í Viðskiptahá-
skólanum á Bifröst fyrir skömmu
þegar útskrifuðust 42 konur úr
„Mætti kvenna“, sem er 11 vikna
rekstrarnám fyrir konur í atvinnu-
rekstri. Af þátttökunni má merkja
að mikil þörf er fyrir slíkt nám.
Hópurinn sem útskrifaðist er ann-
ar hópur máttugra kvenna sem
ljúka þessu rekstrarnámi, en alls
hafa rúmlega 100 konur útskrifast í
Mætti kvenna. Á útskriftinni hélt
Guðrún G. Bergmann hátíðarræðu
dagsins og hvatti þær konur sem
voru að útskrifast til að láta til sín
taka í viðskiptum því þeirra tími
væri kominn.
Námið byggist fyrst og fremst
upp á fjarnámi en við upphaf þess og
endi koma konurnar saman á vinnu-
helgum á Bifröst. Námið skiptist
upp í fimm fög: bókhald, upplýs-
ingatækni, markaðs- og sölumál,
fjármál og áætlanagerð.
Útskriftarnemarnir stilltu sér upp til myndatöku á útskriftardaginn. Til hægri má sjá A. Agnesi Gunnarsdóttur, verkefnisstjóra símenntunar, Runólf
Ágústsson, rektor Viðskiptaháskólans á Bifröst, Herdísi Sæmundardóttur, stjórnarformann Byggðastofnunar, og Guðrúnu G. Bergmann.
Mikil þátttaka í verkefninu „Máttur kvenna“ á Bifröst
„ÉG GRÍNAST stundum með það að hlutverk
mitt sé að ferðast um heiminn með ímyndaða
garðkönnu og vökva þau fræ sem fyrirrennarar
mínir hafa sáð og mögulega sjálfur ná að sá
nokkrum fræjum í leiðinni sem vonandi ná að
blómstra einhvern tímann í náinni í framtíðinni,“
segir Kevin Cullinane, heimsforseti JCI (Junior
Chamber International), sem nýverið var staddur
hér á landi. Var markmið heimsóknar hans að
kynna sér starf JCI hérlendis og miðla heima-
mönnum af eigin reynslu, auk þess sem hann tók
þátt í málþingi á vegum JCI um gildi félagsstarfs
á vinnumarkaði.
Aðspurður segist hann afar ánægður með hið
þróttmikla starf JCI hérlendis sem hafi það að
markmiði að stuðla að jákvæðum breytingum í
samfélaginu. Að sögn Cullinane er Ísland 26
landið sem hann heimsækir síðan hann tók við
forsetaembættinu í ársbyrjun, en á árinu sem
hann gegnir embættinu mun hann alls heimsækja
55 af 105 aðildarlöndum JCI.
Sjálfur gekk Cullinane til liðs við JCI fyrir
sautján árum. „Raunar má segja að ég hafi geng-
ið til liðs við JCI af nokkuð eigingjörnum hvötum.
Ég var nýfluttur frá Cork til Dublin og sá starfið
með JCI sem tilvalda leið til þess að kynnast nýju
fólki og koma mér upp tengslaneti. Auk þess
hafði ég þörf fyrir að þjálfa mig í því að koma
fram og tala opinberlega, en á þessum tíma leið
ég hreinlega fyrir það hversu erfitt mér þótti að
koma fram opinberlega,“ segir Cullinane og nefn-
ir sem dæmi að eitt sinn hafi liðið yfir hann af
hræðslu við tilhugsunina um að halda stuttan fyr-
irlestur fyrir samstúdenta sína í háskólanum.
Segist hann JCI-samtökunum afar þakklátur því
innan vébanda þeirra hafi hann fengið ómet-
anlega þjálfun og nefnir sem dæmi að í byrjun
árs hafi hann ávarpað tíu þúsund manna sam-
komu JCI í Japan, án þess að blikna.
Færninni mun ég búa að um ókomin ár
Að mati Cullinane stuðlar þátttaka í alþjóð-
legum samtökum á borð við JCI að víðsýni og því
að litið sé á heiminn sem eina heild. „Allt of
margt ungt fólk lætur sig stjórnmálaumræðuna
og alheimsmálin allt of litlu varða og veit ekki
einu sinni hvað kjörnir þingmenn og ráðherrar
heita. Þessir sömu krakkar skila sér ekki heldur
á kjörstað til að kjósa í þingkosningum. Viljir þú
leyfa öðrum að móta framtíð þína er það auðvitað
allt í lagi en vilji menn hafa eitthvað um það að
segja í hvernig samfélagi þeir vilja lifa þurfa þeir
að taka virkan þátt í lýðræðisferlinu og tala sínu
máli á opinberum vettvangi enda eru orð til alls
fyrst.“
Talið berst að framtíðinni. JCI eru skilgreind
sem samtök ungra leiðtoga og frumkvöðla á aldr-
inum 18–40 ára. Sjálfur er Cullinane að nálgast
fertugt og þarf því að hætta starfi sínu innan
samtakanna strax á næsta ári. Aðspurður segir
Cullinane það að sjálfsögðu sárt að þurfa að segja
skilið við samtökin sem gefið hafi honum svo mik-
ið. „Hins vegar er alveg ljóst að þau sambönd
sem ég hef komið mér upp hverfa ekkert. Sú
kunnátta og færni sem ég hef tileinkað mér í
starfi samtakanna er eitthvað sem ég mun búa að
um ókomin ár,“ segir Cullinane, sem mun í árslok
þegar kjörtímabili hans sem heimsforseta JCI
lýkur aftur snúa sér að aðalstarfi sínu en hann er
markaðsstjóri hjá Heineken í Cork á Írlandi.
Heimsforseti á faraldsfæti
Eftir Silju Björk Huldudóttur
silja@mbl.is
Morgunblaðið/Brynjar Gauti
Aðspurður segist Kevin Cullinane, heimsforseti
JCI, afar ánægður með hið þróttmikla starf JCI
hérlendis sem hafi það að markmiði að stuðla að
jákvæðum breytingum í samfélaginu.
TALSVERT hefur borið á því að far-
símanotendur Og Vodafone hafi
kvartað yfir truflunum þegar þeir
taka á móti símtölum úr kerfi Lands-
síma Íslands. Í tilkynningu frá Og
Vodafone segir að ástæðan sé sú að
Landsíminn hafi undanfarna mánuði
sent hluta af símaumferð frá eigin
notendum til farsímanotenda Og
Vodafone um útlandasamband sitt.
„Og Vodafone hvetur Landsíminn
að láta af þessari aðgerð. Hún bitnar
á viðskiptavinum beggja fjarskipta-
fyrirtækja enda eru gæði útlanda-
sambanda mun verri heldur en bein-
ar leiðir innanlands,“ segir í tilkynn-
ingu frá fyrirtækinu.
Notendur hjá Og Vodafone verða
helst varir við slíka truflun á þann
hátt að símanúmer þess sem hringir
úr kerfi Landssímans birtist sem
óþekkt eða brenglað númer. Og
Vodafone vakti athygli Póst- og fjar-
skiptastofnunar á flutningi símtala
um útlandasambönd þegar fyrirtæk-
ið lokaði fyrir slíka umferð vegna lé-
legra gæða á sínum tíma. „Hins veg-
ar hefur Landssíminn ekki látið af
háttsemi sinni. Því hefur Og Voda-
fone beint því formlega til stofnunar-
innar að tryggja samtengingu neta
með fullnægjandi hætti,“ segir í til-
kynningunni.
Truflanir í
farsíma Og
Vodafone
FÉLAG íslenskra safna og
safnmanna (FÍSOS) segir í
ályktun að brýnt sé að brúa þá
gjá sem myndast hafi milli
safnaráðs og margra safnmanna
í landinu. Þá gjá sé aðeins hægt
að brúa með auknu upplýsinga-
flæði um starfsemi safnasjóðs
og safnaráðs. Einnig sé mik-
ilvægt að allar vinnureglur séu
skýrar, sérstaklega úthlutunar-
reglur ráðsins. Úthlutun safna-
ráðs fyrir árið 2005 hefur vakið
hörð viðbrögð meðal safn-
manna, en 15 forstöðumenn
safna mótmæltu úthlutuninni í
Morgunblaðinu fyrir skömmu. Í
ályktun FÍSOS segir að ljóst sé
að gjá hafi myndast milli safna-
ráðs og margra safnmanna í
landinu.
„Safnalög voru samþykkt frá
Alþingi árið 2001, lögin voru ný-
mæli og náðu til alls safnastarfs
í landinu (þ.e. söfn sem flokkast
sem „museum“).
Með samþykkt laganna varð
til safnaráð sem hefur m.a. það
hlutverk að úthluta árlega úr
safnasjóði til safna sem uppfylla
lagaleg skilyrði um styrkhæfi.
Nýju lögin leiddu hins vegar til
þess að fjölgun varð á styrkhæf-
um söfnum en framlag ríkisins
hækkaði ekki að sama skapi.
Styrkir lækkuðu milli áranna
2004 og 2005 og kemur niður-
staðan sér afar illa fyrir ís-
lenska safnastarfsemi. Eru al-
þingismenn hvattir til að huga
nánar að styrkveitingum til
safna sem sinna lögbundinni
starfsemi samkvæmt safnalög-
um og efla safnasjóð með hærri
fjárveitingum, þannig að sjóð-
urinn geti staðið undir nafni og
stuðlað að faglegu og fram-
sæknu safnastarfi í landinu.
Að mati stjórnar FÍSOS er
brýnt að brugðist verði við
framkominni gagnrýni með því
að flýtt verði endurskoðun
safnalaga með það að markmiði
að skerpa á þeim kröfum sem
gerðar eru til safna sem rétt
eiga á úthlutun úr sjóðnum. Það
á til dæmis ekki að vera hlut-
verk sjóðsins að styrkja sér-
staklega menningartengda
ferðaþjónustu og ýmiss konar
sýningar með safnlegri fram-
setningu. Stjórn félagsins beinir
því til menntamálaráðherra að
hafist verði handa sem fyrst.
Einnig þarf að semja hið fyrsta
reglugerð með núgildandi
safnalögum er bæði skilgreinir
stöðu safna og styrkir núgild-
andi lög sem í raun eru einföld
rammalöggjöf. Á það skal enn
fremur bent að mikilvægt er að
vel sé greint á milli reksturs
safnaráðs annars vegar og
reksturs safnasjóðs hins vegar.
Hvetur stjórn félagsins til að í
þessum efnum verði skýr stefna
mörkuð af ráðuneytinu.
Brýnt er að brúa þá gjá sem
myndast hefur milli safnaráðs
og margra safnmanna í landinu.
Þá gjá er aðeins hægt að brúa
með auknu upplýsingaflæði um
starfsemi safnasjóðs og safnar-
áðs. Einnig er mikilvægt að all-
ar vinnureglur séu skýrar, sér-
staklega úthlutunarreglur
ráðsins. Að mati stjórnar FÍS-
OS er brýnt að safnaráð og
framkvæmdastjóri þess hefjist
þegar handa við þá vinnu.“
Gjá hefur myndast milli
safnaráðs og safnmanna
STÚDENTARÁÐ Háskóla Íslands
fagnar í ályktun skýrslu Ríkisend-
urskoðunar um úttekt hennar á
Háskóla Íslands. Í skýrslunni kem-
ur fram að Háskóli Íslands hafi
staðið sig vel miðað við það fjár-
magn sem hann hefur haft úr að
spila en að skólann skorti aukið
fjármagn. Auk þess kemur fram að
hann fái ekki greitt fyrir kennslu
mörg hundruð virkra nemenda.
Stúdentaráð segir að á þetta hafi
forysta stúdenta og háskólayfir-
völd bent ítrekað á undanfarin ár
en mætt litlum skilningi yfirvalda.
Þrjár leiðir til fjármögnunar eru
nefndar í skýrslunni, en það eru
fjöldatakmarkanir, skólagjöld og
aukið framlag ríkisins. „Stúdenta-
ráð Háskóla Íslands hafnar alfarið
hugmyndum um fjöldatakmarkanir
og skólagjöld. Slík meðöl bæta ekki
úr vanda Háskólans og koma illa
niður á hagsmunum stúdenta og
jafnrétti allra landsmanna til náms.
Metur núverandi ríkisstjórn há-
skólanám svo lítils að framlag
hennar til háskólamenntunar er
skammarlega langt undir meðal-
framlagi ríkja innan OECD til há-
skólastigsins þegar miðað er við
hlutfall af vergri þjóðarframleiðslu.
Þar að auki stöndum við Íslend-
ingar hinum Norðurlöndunum
langt að baki í þessum efnum. Úr
þessu þarf að bæta og er það verk-
efni sem menntamálaráðherra þarf
að takast á við á næstu misserum.
Háskóli Íslands og þær rann-
sóknir sem fara fram á hans vegum
eru ein forsendna framþróunar í ís-
lensku athafna- og þjóðlífi. Stúd-
entaráð skorar á ríkisstjórn Ís-
lands að bregðast við þessari
staðreynd og sýna skólanum þá
virðingu sem hann hefur unnið fyr-
ir í gegnum árin. Ekki þýðir lengur
að fela sig bak við þau rök að
auknu fjármagni hafi verið veitt til
háskólastigsins í heild. Háskóli Ís-
lands hefur verið látinn sitja of
lengi á hakanum og er nú kominn
tími til breytinga,“ segir í ályktun
Stúdentaráðs.
Stúdentaráð vill
að HÍ fái meira
fjármagn