Morgunblaðið - 03.06.2005, Blaðsíða 35

MORGUNBLAÐIÐ FÖSTUDAGUR 3. JÚNÍ 2005 35
UMRÆÐAN
Verið umhverfisvæn
og finnið 3 svansmerki
umhverfismerki Norð-
urlanda sem leynast í
Morgunblaðinu og á
mbl.is dagana 23. maí-3. júní.
Sendu okkur blaðsíðunúmerin úr
Morgunblaðinu eða síðuheitið af mbl.is
ásamt nafni og símanúmeri á netfangið
broturdegi@ruv.is eða bara beint frá mbl.is.
1. __________________
2. __________________
3. __________________
Dregið verður úr innsendum lausnum daglega í
þættinum Brot úr degi á Rás 2. Heppnir þátttakend-
ur geta unnið USB minnislykil.
Föstudaginn 3. júní verður dregið úr öllum innsend-
um lausnum í beinni á Rás 2 um stórglæsilega og
umhverfisvæna Fujitsu Siemens tölvu frá Tæknival.
Umhverfisstofnun, Morgunblaðið og Rás 2 með um-
hverfið á hreinu.
ÞAÐ má með sönnu segja að
blankir krakkar eru líka krakkar
eins og fram kom hjá meðvituðum
hópi ungra tónlistarmanna sem
stóðu fyrir tónleikum til styrktar
fátækum krökkum á Íslandi svo
þau gætu farið í sumarbúðir sum-
arið 2005. Tónleikar þessir voru
haldnir á Rokk.is í Hellinum tón-
listarþróunarmiðstöð Hólmaslóð 2
í Reykjavík s.l. sunnudag þar sem
fjölmargar hljómsveitir komu
fram og gáfu vinnu sína. Það
ánægjulega við þetta framtak er
að ágóði þessara tónleika mun
renna til Fjölskylduhjálpar Ís-
lands sem stendur árið um kring
fyrir fjársöfnun til handa þeim
börnum sem koma frá efnalitlum
heimilum til að þau geti átt kost á
að fara í vikutíma í sumarbúðir.
Hafi þeir hjartans þakkir fyrir
þetta frábæra framtak.
Umræðan um raunverulega fá-
tækt á Íslandi er alltaf að aukast
og því verður fátæktin sem betur
fer sýnilegri, svo hægt sé að vinna
að mestu leyti bug á henni og hef-
ur Fjölskylduhjálp Íslands notað
hvert tækifæri sem gefst til að
vekja athygli á þessum smán-
arbletti sem er á okkar yndislega
samfélagi. Viljum við sérstaklega
þakka hr. Halldóri Ásgrímssyni
forsætisráðherra og hr. Árna
Magnússyni félagsmálaráðherra
fyrir góðan skilning á þessu mál-
efni.
Jón Ásgeir Jóhannesson veitti
starfinu brautargengi
Á árinu 2004 nutu 16.000 ein-
staklingar aðstoðar með matvæli,
fatnað og fl. hjá Fjölskylduhjálp
Íslands fyrir tilstuðlan fyrirtækja
og almennings í landinu. Á skrá
eru 900 fjölskyldur sem m.a. þurfa
vikulega á aðstoð að halda, aðrar
koma einu sinni í mánuði, og svo
eru það fjölskyldur sem þurfa á
tímabundinni aðstoð að halda sök-
um ýmissa ófyrirséðra aðstæðna
sem upp koma í lífi þeirra. Jón
Ásgeir Jóhannesson, forstjóri
Baugs, ákvað síðla sumars 2003 að
Hagkaup mundu styrkja starfið
með því að greiða húsaleigu næstu
þrjú árin til Reykjavíkurborgar
sem á húsnæðið í Eskihlíð 2–4 þar
sem starfsemin fer fram. Með
hjálp Jóns Ásgeirs Jóhannessonar
í Baugi varð Fjölskylduhjálp Ís-
lands að veruleika. Án skilnings-
ríkra fjölmiðla hefði ekki verið
hægt að hjálpa svo stórum hópi
einstaklinga sem raun ber vitni.
Þeir fjölmiðlar sem sýndu starfi
Fjölskylduhjálpar Íslands mikinn
skilning eru: Morgunblaðið,
Fréttablaðið og Viðskiptablaðið
sem gáfu allar prentaðar auglýs-
ingar. Útvarp Saga og Skjár Einn
styrktu starfið með miklum mynd-
ugleika í formi leikinna auglýsinga
og skjáauglýsinga. Án ykkar allra
væri starf Fjölskylduhjálpar Ís-
lands árið um kring mun minna.
Opinbert bókhald
íslenskra hjálparsamtaka
Það er mjög mikilvægt að bók-
hald hjálparsamtaka á Íslandi sé
gert opinbert þannig að gefendur
geti séð hversu mikið af gjafafé
fer í laun til stjórnenda og hversu
mikið skilar sér til þeirra sem
minna mega sín. Því hefur verið
fleygt að hjá stórum hjálp-
arsamtökum á Íslandi fari allt að
70% af gjafafé í launagreiðslur og
flugferðir fyrir stjórnendur og
starfsmenn en aðeins 30% til
þurfandi. Ljótt er ef satt er. Þá er
nú betur heima setið en af stað
farið. Ef menn hafa það í huga þá
eru til hjálparsamtök með nokkra
framkvæmdastjóra, sviðstjóra,
upplýsingafulltrúa, fjármálastjóra,
verkefnisstjóra og svona mætti
lengi upp telja. Hver silkihúfan of-
an á annarri. Þá eru til hjálp-
arsamtök sem sitja á stórum sjóð-
um sem ekki má snerta en voru í
upphafi hugsaðir í þágu þeirra
sem minna mega sín. Hjálp-
arsamtök eiga að vera stöðugt á
jaðrinum því stórir sjóðir eru geta
orðið að illkynja meinvörpum inn-
an veggja þeirra og skapað ótrú-
lega mannvonsku, úlfúð og ill-
deilur. Hjálparsamtök eiga að
tryggja það að þau eigi fyrir ár-
legum föstum kostnaði en alls um-
fram það eiga þeir fjölmörgu sem
minna mega sín að njóta. Fjöl-
miðlar og almenningur ættu að
gefa sér tíma og athuga þessi mál
með því að skoða fylgiskjöl í bók-
haldi hjá íslenskum hjálpar-
samtökum. Slíkt er öllum hjálp-
arsamtökum hollt.
Hér leggur Fjölskylduhjálp Ís-
lands í annað sinn bókhald sitt
fyrir sjónir landsmanna. Innkoma
samtakanna var 4.977.335 og
gjöldin voru 4.168.016 krónur.
Morgunblaðið styrkti starfið með
auglýsingum að upphæð kr.
2.431.301.00.
Sendibílakostnaður var
248.200.00 árið 2004 því hjá mörg-
um fyrirtækjum þarf Fjöl-
skylduhjálp Íslands að sækja
vörur vikulega sem til starfsins
eru gefnar sem skýrir þann kostn-
að. Hægt var að styrkja 30 börn
til tómstunda sumarið 2004.
Annað í rekstrar-
reikningi skýrir sig sjálft
Nú er verið að safna fjármunum
til handa börnum frá efnalitlum
heimilum því blankir krakkar eru
líka krakkar. Þeir sem vilja leggja
málefninu lið geta lagt inn á
reikning Fjölskylduhjálpar Íslands
kt. 660903-2590 101-26-66090 í
Landsbanka Íslands.
Starf Fjölskylduhjálpar Íslands
stendur allt árið um kring og er
tekið á móti gjöfum alla þriðju-
daga og úthlutun fer fram sömu
daga. Frá og með 1. júní verður
breyting á móttöku á gjöfum og
úthlutun sem hér segir. Tekið
verður á móti gjöfum, þ.e. mat-
vælum, fatnaði, notuðum eldhús-
tækjum (brauðristum, kaffivélum
o.fl.) alla miðvikudaga frá kl. 13 til
17. Úthlutun fer fram sömu daga,
þ.e. alla miðvikudaga frá kl. 15 til
17. Sjálfboðaliðar taka ekki sum-
arfrí frá störfum fyrir Fjöl-
skylduhjálp Íslands. Fjöl-
skylduhjálp Íslands aðstoðar
einstaklinga óháð búsetu og kyni.
Blankir krakkar
eru líka krakkar
Starfskonur hjá Fjölskyldu-
hjálp Íslands kynna bókhald
yfir starfsemi Fjölskylduhjálp-
ar Íslands árið 2004
’Nú er verið að safnafjármunum til handa
börnum frá efnalitlum
heimilum því blankir
krakkar eru líka
krakkar.‘
Höfundar eru starfskonur
Fjölskylduhjálpar Íslands.
Hjálparkonur Fjölskylduhjálpar Íslands. Frá vinstri: Emelía Rego, Guðrún
Magnúsdóttir, Guðbjörg Pétursdóttir gjaldkeri, Ásgerður Jóna Flosadóttir
formaður, Margrét Margrétardóttir, Steinunn Margrétardóttir, Ragna
Rósants og Anna Björgvinsdóttir. Á myndina vantar Önnu Auðunsdóttur
og Ingibjörgu Arelíusardóttur.
Rekstrarreikningur
ársins 2004 2004 2003
Tekjur: Skýr:
Peningagjafir........................... 1 Kr. 1.752.756 66.775
Peningastyrkur........................ 2 Kr. 250.000
Flóamarkaður.......................... Kr. 43.341
Auglýsinastyrkur..................... Kr. 2.431.301
Gjafabréf, íþróttaskór.............. Kr. 199.500
Gjafabréf, íþróttanámskeið...... Kr. 300.000
Vaxtatekjur.............................. Kr. 477
Samtals: Kr. 4.977.375 66.775
Gjöld:
Kjöt og kjúklingar..................... Kr. 542.067
Sumarbúðir, dvalarkostnaður.. Kr. 335.330
Kostnaður við sendibílaakstur Kr. 248.200
Símakostnaður........................ Kr. 101.065
Auglýsingakostnaður............... Kr. 2.431.301
Styrkur til skjólstæðings......... Kr. 10.000
Gjafabréf á íþróttaskó.............. Kr. 199.500
Gjafabréf á íþróttanámskeið.... Kr. 300.000
Þjónustugjöld banka............... Kr. 506
Fjármagnstekjuskattur............ Kr. 47
Samtals: Kr. 4.168.016 0
Tekjur umfram gjöld Kr. 809.359 66.775
ÍSLENSKA lýðveldið er orðið að
óhreinum leikvangi kauphall-
arbraskara og markaðsmanna.
Það er ófögur sviðsmynd sem
blasir við og hún er örugglega
langt undir þeim væntingum sem
þjóðin gerði sér um framtíðina
hinn 17. júní 1944. Stefnan um
velferð hinna mörgu hefur breyst í
stefnuna fyrir velferð hinna fáu,
sem hafa sumir hverjir auðgast
gífurlega að undanförnu. Sú auðg-
un hefur að langmestu leyti orðið
á kostnað almennings og eðlilegr-
ar samfélagslegrar uppbyggingar,
sérstaklega á landsbyggðinni.
Meðan fúlgur fjár eru fluttar á
færiböndum auðvaldsins úr landi,
svelta atvinnugreinar innanlands
og verkþekking sem tekið hefur
áratugi að þróa fer víða for-
görðum.
Ísland er orðið að Group-
þjóðfélagi, þar sem útrás er
töfraorðið að notkun fjármagns,
en landsbyggðin er víðast hvar
lögð í einelti afræktar og sinnu-
leysis.
Stjórnvöld sofa undir draum-
hyggju Púritanans í Babylon og
verða senn að nátttröllum. For-
ustusauðir þings og þjóðar kepp-
ast við að lofsyngja þá fjárfesta
sem eru að flytja fé sitt til landa
sem eru á nýlendustigi hvað
launakjör og mannréttindi snertir.
Af hverju eru þessir menn að fjár-
festa við slíkar aðstæður?
Það er eitt svar við því, eitt svar
sem þjónar sannleikanum!
Menn eru að leitast við að
græða á eymdarkjörum fólks, sem
lifir við aðstæður sem enginn á Ís-
landi liti við í dag. Þeir sem slíkt
gera eru fullir af anda Cecil Rhod-
es og hans líka. Útrásarmenn eru
ekki að byggja neitt upp fyrir Ís-
land og íslensk stjórnmálaforusta
mun finna það fyrr en síðar. Það
er verið að gefa skít í þá fé-
lagslegu uppbyggingu sem hér
hefur verið talinn hornsteinn vel-
megunar. Menn eru að segja, að
það sé ekki lengur hægt að fjár-
festa á Íslandi, Íslendingar séu
komnir með allt of há laun!
Og þegar ekki er lengur eins
auðvelt og það var, að arðræna al-
menning á Íslandi, þá vilja menn
fara annað og níðast á fólki þar.
Svo er verið að hrósa slíkum
mönnum og það af leiðandi mönn-
um þjóðarinnar!
Íslenskt þjóðlífssvið er að verða
afskræming þeirra fögru hugsjóna
sem menn lögðu upp með á lýð-
veldisárinu góða. Draumurinn um
hina hvítu friðarey norðursins hef-
ur breyst í martröð, þar sem
Mammonshyggjan fer hamförum.
Og enn er verið að taka eigur
fólksins og „selja“ þær gæðingum
og gulldrengjum á pólitískum
veislukjörum. Það á jafnvel að
selja almenningi það sem almenn-
ings er, svo mikil er vitleysan orð-
in hjá tvíburastjórninni.
Það er skiljanlegt að fjöldi fólks
sé búinn að missa alla trú á ráða-
mönnum framkvæmdavalds og
löggjafarvalds, en nú hef ég einnig
orðið þess var, að svo er líka að
verða með trú manna á réttlæti
dómsvaldsins. Hún er að fjara út.
Burt með Group-geðveikina og
höldum áfram veginn í réttum
anda – þeim anda sem réði á Þing-
völlum 1944, þegar samhuga þjóð
lifði enn í þessu landi.
RÚNAR KRISTJÁNSSON,
Bogabraut 21, Skagaströnd.
Group-þjóðfélagið!
Frá Rúnari Kristjánssyni
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
❖ Opið virka daga 10-18
❖ Laugardaga 10-16
Nýbýlavegi 12
Kópavogi
s. 554 4433
Föt fyrir
allar konur