Morgunblaðið - 10.06.2005, Side 4

4 FÖSTUDAGUR 10. JÚNÍ 2005 MORGUNBLAÐIÐ
FRÉTTIR
KJARADÓMUR úrskurðaði í gær
um 2% hækkun launa helstu emb-
ættismanna þjóðarinnar frá 1. júlí.
Þannig verða laun forseta Íslands
1.534.040 kr. á mánuði, forsætisráð-
herra fær 915.162 krónur og aðrir
ráðherrar 825.424 kr. og er þingfar-
arkaup ráðherra meðtalið í þessum
tölum. Síðast hækkuðu laun þeirra
sem Kjaradómur úrskurðar um 1.
janúar sl. um 3%.
Í rökstuðningi Kjaradóms nú
segir m.a. að þegar tekið sé tillit til
þeirra breytinga sem orðið hafi á
launakjörum á vinnumarkaði og að
teknu tilliti til áfangahækkunar frá
því í desember sé það mat Kjara-
dóms að hækka beri laun þeirra
sem fái laun greidd samkvæmt
ákvörðunum dómsins um 2%. Ekki
er talin ástæða til annarra breyt-
inga á kjörum einstakra aðila eða
stétta og einingafjölda er ekki
breytt en hann er umbun fyrir
starfsskyldur umfram dagvinnu,
segir í dómnum.
Tekið mið af
öðrum samningum
Forseti Íslands, ráðherrar og al-
þingismenn fá ekki greiddar ein-
ingar en aðrar stéttir sem Kjara-
dómur tekur til fá mismunandi
margar einingar, frá 23 til 54.
Greiddar eru 4.600 krónur fyrir
hverja einingu. Bætast því 105 til
248 þúsund krónur við mánaðarlaun
hjá þeim sem fá greiddar einingar
eins og sjá má af meðfylgjandi
töflu. Þá kemur fram í forsendum
dómsins að gerðir hafi verið kjara-
samningar við flestar þær stéttir
sem kjaradómur líti til þegar hann
meti þróun á launamarkaði. Taki
dómurinn einkum hliðsjón af samn-
ingum við opinbera starfsmenn eft-
ir því sem unnt sé, en einnig sé litið
til vinnumarkaðarins í heild og
fleiri atriða. Í úrskurði Kjaradóms
segir ennfremur: „Launatöflur sýna
tilteknar hækkanir í prósentum, en
þegar betur er að gáð felast oft í
kjarasamningum tilfærslur á nið-
urröðun í launatöflur, aldurstil-
færslur og margs konar önnur at-
riði, sem til samans valda því að
laun þeirra sem taka laun sam-
kvæmt viðkomandi kjarasamningi
hækka meira en launatöflurnar ein-
ar og sér segja til um.“
Ráðherrar með 825 til
915 þúsund á mánuði



   
      

 

 


   
   !
"# # #
"#  !$
"# %#

& #%' 
( ! $   " )#$*"#
( ! $  %  )#$*"#%
&
+,- !
.!/
!% /
01 + !
2 / ,
  +3
(+* %,
%
 ,
%
#4

 











     








  

 

  

 3 *   + #4 4
HÉRAÐSDÓMUR Reykjavíkur
hefur fallist á kröfu Hannesar
Hólmsteins Gissurarsonar prófess-
ors að máli sem frú Auður Sveins-
dóttir Laxness, ekkja Halldórs
Kiljan Laxness, höfðaði gegn hon-
um fyrir höfundarlagabrot verði
vísað frá dómi. Hannes Hólm-
steinn segir niðurstöðuna ekki
koma sér á óvart en hann býðst til
þess að ná sáttum við Auði með því
að endurútgefa fyrsta bindið um
ævi nóbelsskáldsins. Dóttir Auðar,
Guðný Halldórsdóttir, segir slíkt
boð engu skipta, skaðinn sé þegar
skeður og fjölskyldan hætti ekki
fyrr en það fæst á hreint hvort
leyfilegt sé að taka höfundarverk
annarra og breyta því.
Í niðurstöðu héraðsdóms segir
að annmarkar á málatilbúnaði
stefnanda séu svo verulegir að
ekki verði lagður efnisdómur á
málið. Er Auði gert að greiða
Hannesi 500 þúsund krónur í máls-
kostnað.
Segir héraðsdómur ennfremur
að í stefnunni sé vísað til 120 at-
riða sem stefnandi, þ.e. Auður,
telji fela í sér brot á höfundarlög-
um. Öll þessi 120 atriði eigi það
sammerkt að engin grein sé gerð
fyrir því við nokkurt þeirra til
hvaða lagaákvæðis heimfæra beri
ætlaða refsiverða hegðun stefnda,
þ.e. Hannesar Hólmsteins, eða
hvert heiti ætlaðs brots hans sé að
lögum svo sem rétt væri.
Þá sé samhengi málsástæðna og
atvika ekki skýrt og ágripskennd
lýsing málsástæðna í stefnu með
öllu ófullnægjandi. Þessir ann-
markar á máltilbúnaði stefnanda
séu svo verulegir að ekki verði
lagður efnisdómur á málið. Beri
því að vísa því frá.
Úrskurðinn kvað upp Allan
Vagn Magnússon héraðsdómari.
Lögmaður Auðar Laxness var
Halldór Helgi Backman hrl. en
lögmaður Hannesar Hólmsteins
var Heimir Örn Herbertsson hdl.
„Snýst ekki um gæsalappir“
Guðný Halldórsdóttir segir hér-
aðsdómara ekki taka efnislega á
málinu. Niðurstaðan sé í takt við
margt sem á undan hafi gengið en
fjölskyldan hætti ekki fyrr en það
fáist á hreint hvort leyfilegt sé hér
á landi að taka höfundarverk ann-
arra og breyta því. Málið snúist
ekki um gæsalappir, heldur um rit-
þjófnað, þ.e. hvort taka megi texta
eftir annan og umbreyta honum.
Ef þetta sé leyfilegt þá séu hér
uppi nýir tímar.
Hvort úrskurði héraðsdóms
verði áfrýjað eða nýtt mál höfðað
segir Guðný enga ákvörðun liggja
fyrir um. Til séu önnur og æðri
dómstig og málinu sé ekki lokið.
„Við erum að tala um prófessor
við Háskóla Íslands þar sem við
erum með börnin okkar í námi. Ef
hann leggur línuna þá erum við
komin með ansi frjálsleg höfund-
arlög. Frávísunin hefur ekkert
með málið að gera heldur eru
þetta hártoganir út af útliti. Ekki
er tekið á innihaldinu,“ segir
Guðný.
Varðandi það sáttaboð Hannesar
Hólmsteins að gefa fyrsta bindið
út aftur og lagfæra það bendir
Guðný á að áður hafi hann kurt-
eislega verið beðinn um að biðjast
afsökunar, draga bókina til baka
og fá tækifæri til að endurskrifa
hana. Það hafi hann ekki fallist á,
fyrr en nú. „En skaðinn er skeð-
ur,“ segir Guðný.
„Kom aldrei auga á glæpinn“
Hannes Hólmsteinn segir niður-
stöðu héraðsdóms ekki koma sér á
óvart. Málatilbúnaðinum hafi verið
stórlega áfátt. „Ég kom aldrei
auga á glæpinn sem ég átti að hafa
framið. Það er ekki bannað með
lögum að hafa færri tilvísanir en
bókmenntafræðingar vilja. Það er
heldur ekki bannað með lögum að
endursegja minningarbækur
manna sem er verið að skrifa ævi-
sögur um,“ segir Hannes.
Sem fyrr segir býðst hann til
þess að ná sáttum með endurút-
gáfu fyrsta bindisins um ævi nób-
elsskáldsins, Halldór, og taka tillit
til athugasemda í stefnunni, þ.e. að
fjölga gæsalöppum og tilvísunum
og stytta endursögn á texta
skáldsins. Sinn útgefandi, Bóka-
félagið, sé reiðubúinn að gefa
fyrsta bindið út aftur. Hannes seg-
ir að í þessu felist ekki viðurkenn-
ing á sekt heldur fyrst og fremst
sáttaboð.
Hannes býður
sátt með endurút-
gáfu fyrsta bindis
Skaðinn er skeð-
ur, segir Guðný
Halldórsdóttir
Eftir Björn Jóhann Björnsson
bjb@mbl.is
Guðný
Halldórsdóttir
Hannes Hólm-
steinn Gissurarson
Höfundarréttarmáli Auðar Laxness vísað frá héraðsdómi
UPPSETNING Lorraine Kimsa
Theatre for Young People
(LKTYP) á barnaleikriti Andra
Snæs Magnasonar, Bláa hnett-
inum, er tilnefnd til fimm verð-
launa á helstu leiklistarverð-
launahátíð Kanada, Dora-verð-
laununum.
Blái hnötturinn fær tilnefn-
ingar fyrir bestu búningahönn-
un, bestu sviðshönnun, besta
danshöfund, besta leikstjóra og
bestu leiksýningu ársins.
Dora Mavor-Moore-verðlaunin
eru veitt fyrir bestu leiksýn-
ingar Toronto-borgar en hún er
önnur stærsta leikhúsborg í
Norður-Ameríku á eftir New
York.
Andri Snær Magnason er að
vonum mjög ánægður með til-
nefningarnar. „Mér fannst sýn-
ingin mjög góð og það er gam-
an að fá staðfestingu á að ég er
ekki einn þeirrar skoðunar,“
sagði hann í samtali við
Morgunblaðið í gær.
Andri Snær tók þátt í æf-
ingaferlinu síðustu tvær vik-
urnar og segir uppsetninguna
hafa tekist einkar vel. „Þetta er
falleg sýning sem framkallar
réttu tilfinningarnar.“
Sýningar á Bláa hnettinum í
Toronto stóðu yfir í tvo mánuði,
sýnt var nánast á hverjum degi
og í kringum 17.000 áhorfendur
sáu leikritið.
Lorraine Kimsa Theatre for
Young People, sem setti upp
sýninguna, hefur það að mark-
miði að hjálpa börnum að skilja
nútímaumhverfi og ýmis vanda-
mál sem upp geta komið í lífinu
með hjálp leikhússins og töfra
þess. Þetta er stærsta leikhús
sinnar tegundar í Kanada og
það vinnur náið með skólum og
leikskólum. Blái hnötturinn var
stærsta uppsetning leikhússins
leikárið 2004-2005.
Verðlaunaafhendingin fer
fram 27. júní næstkomandi en
Andri Snær er þó ekki viss um
að hann verði viðstaddur. „Ég
hafði ekkert hugsað út í að fara
en það væri nú samt gaman að
fá sér kjólföt og skella sér út,“
sagði Andri hæstánægður með
árangur sýningarinnar í Kan-
ada.
Úr kanadísku uppfærslunni á Bláa hnettinum.
Blái hnötturinn
tilnefndur til
Dora-verðlaunanna
Eftir Völu Ósk Bergsveinsdóttur
valaosk@mbl.is