Morgunblaðið - 18.09.2005, Blaðsíða 11

um alla sem eiga og reka flugvélar hér á vell-
inum, en það hefur enginn spurt okkur að einu
eða neinu frekar en fyrri daginn. Það eru ekki
eingöngu sex Fokkerar sem nota völlinn og það
virðist því miður gleymast í umræðunni. Minni
flugrekstraraðilum og flugvélaeigendum er ekki
sýnd sú virðing að gefa þeim kost á að vera með í
umræðunni sem er merkilegt miðað við hinn
mikla fjölda flugvéla á vellinum. Ég fullyrði að
þær séu nálægt eitt hundrað.“
Þekkingarþorp í flugi
Matthías er á því að hægt sé að snúa vörn í
sókn og nýta flugvallarsvæðið og alla starfsem-
ina þar miklu betur og miklu frekar megi bæta
við margs konar starfsemi.
„Það er talað um að Háskólinn í Reykjavík
flytjist í Vatnsmýrina. Því ekki að nota tækifær-
ið og fá hann til að taka upp kennslu í ýmsum
greinum sem tengjast flugi. Þá er ég að tala um
flugrekstrarfræði, margs konar tækninám, flug-
vélaverkfræði, sálarfræði og annað sem tengist
mannlega þættinum í flugi sem mikið hefur ver-
ið rannsakaður síðustu árin, markaðsfræði í
flugi og ferðamálafræði. Þetta yrði hluti af því
þekkingarþorpi í Vatnsmýrinni sem menn eru
að tala um í sambandi við háskóla- og vísinda-
starf hér,“ segir Matthías og er ekki í vafa um að
ná megi samstöðu um þróun í þessa átt. Þetta
myndi allt styrkja flugvöllinn í sessi og hann
bætir við: „Áfram yrði síðan hægt að hlúa að
flugrekstrinum hér, halda áfram að laga til á
flugvallarsvæðinu, rífa gamla skúra og bygging-
ar sem hafa runnið sitt skeið á enda og byggja
upp betri aðstöðu. Þetta á við um aðstöðu fyrir
Flugfélag Íslands, samgöngumiðstöðin myndi
taka við flugafgreiðslu og þannig mætti áfram
telja.“
ri flugvöllurinn
Meðal stærstu vinnuveitenda á Reykjavíkurflugvelli eru áætlunarflugfélögin Flugfélag Íslands og Landsflug sem bæði sinna flugi innanlands og utan.
joto@mbl.is
Rúmlega 30 manns starfa í flugdeild Landhelgisgæslunnar sem hefur aðsetur á flugvellinum, flug-
menn, flugvirkjar, tæknimenn og fleiri. Hér eru nokkrir sem voru við störf í skýlinu, frá vinstri: Tómas
Vilhjálmsson, Hilmar Ægir Þórarinsson, Reynir Garðar Brynjarsson, Daníel Hjaltason, Grétar Þór
Björgvinsson, Jón Pálsson, Sigurjón Sigurgeirsson og Oddur Garðarsson.
MORGUNBLAÐIÐ SUNNUDAGUR 18. SEPTEMBER 2005 11
HÉR að neðan eru talin upp helstu fyrir-
tæki, stofnanir og félög sem hafa aðsetur
og starfsemi á Reykjavíkurflugvelli.
Flugfélag Íslands
Landsflug
Landhelgisgæslan
Flugfélagið Ernir Air
Flugþjónustan
Þyrluþjónustan
Flugskóli Íslands
Flugskóli Reykjavíkur
Flugskóli Helga Jónssonar
Flugfélagið Geirfugl
Flugklúbburinn Þytur
Garðaflug
Landssamtök flugíþróttamanna
Félag íslenskra einkaflugmanna
Flugbjörgunarsveitin
Flugklúbbur Íslands
Flugtækni sf.
Flugvélaverkstæði Reykjavíkur ehf.
Flugvélaverkstæðið ehf.
Flugsögufélag Íslands
Félag fallhlífastökkvara
Sportflug ehf.
Lagsmenn ehf.
Svalt loft ehf.
Hangar 1
Yfir 20 fyrir-
tæki og klúbbar
góðu hóteli og sækja góða veitingastaði. Orð-
spor veitingastaða Reykjavíkur og hótela er
gott og menn sækja beinlínis í að koma hing-
að á góða veitingastaði og lúxushótel. Það
eru helst þeir sem eru í þokkalegum efnum
og ferðast um á þotum sínum eða fyrirtækja
sinna,“ segir Sveinn. Annar stór hópur við-
skiptavina hans eru ferjuflugmenn, þeir sem
starfa við að flytja flugvélar yfir hafið milli
kaupenda og seljenda, og enn einn hópurinn
samanstendur af einkaflugmönnum sem sí-
fellt sækja heim ný lönd. „Það er að aukast
talsvert að einkaflugmenn komi hingað og
dvelji í nokkra daga, bæði í Reykjavík og svo
fara þeir víðar um landið. Stundum eru þeir
einn eða fleiri á einni vél en oftast kannski á
fleiri vélum og stundum eru það einka-
flugmenn eða flugklúbbar í hópflugi.“
Starfsmenn Flugþjónustunnar sjá um hvers
kyns þjónustu og aðstoð við vélar sem hér
hafa viðkomu. „Við fáum veðurupplýsingar
fyrir ætlaða flugleið, gerum flugáætlanir og
útvegum eldsneyti á vélarnar,“ segir Sveinn
um helstu verkefnin. Flugmálastjórn sér um
að kalla út tollverði og að öryggismálum og
vopnaleit sé sinnt og Flugþjónustan sér einnig
um að innheimta lendingargjöld og annað
sem snýr að ríkinu. Síðan er ýmislegt annað
sem Sveinn og samstarfsmenn hans sinna
fyrir viðskiptavinina.
Margs konar velta
„Auk þess að sjá um allt sem viðkemur
sjálfu fluginu og vélunum sjáum við oftast um
allt sem viðkemur farþegum og áhöfn. Það
þarf að ganga frá gistingu, það getur þurft að
útvega bílaleigubíla og oft fylgir þessu einnig
að útvega vistir fyrir áframhaldandi flug. Mér
telst svo til að hótelin hér á höfuðborg-
arsvæðinu fái milli þrjú og fjögur þúsund gisti-
nætur vegna viðskiptavina sem koma gegnum
okkur,“ segir Sveinn og bendir á að margs
konar og umtalsverð velta skapist vegna við-
dvalar þessara flugvéla hér.
Sveinn segir að Reykjavíkurflugvöllur sé
mjög góður eftir endurnýjunina og það þrátt
fyrir að lengsta brautin, norður/suðurbrautin,
hafi styst talsvert. „Það þýðir að sumar af
smáþotunum sem þurfa langa braut geta ekki
lent hér nema með ákveðnum takmörkunum
og stundum gera menn það og koma síðan
við í Keflavík til að fylla vélarnar af eldsneyti
áður en haldið er yfir hafið.“
Þá segir Sveinn að sér finnist umræðan um
flugvöllinn hafa verið á fremur neikvæðum
nótum síðustu misserin og að menn átti sig
ekki endilega á því að völlurinn sé stór vinnu-
staður og verðmætur. „Verði flugvöllurinn
lagður niður er hreint ekki sjálfgefið að um-
svifin sem hér eru flytjist til Keflavíkur. Ferju-
flugmenn sem vanið hafa komur sínar hingað
og ekki síður vel stætt fólk sem sækir hingað
bara til að heimsækja Reykjavík munu ekki í
sama mæli hafa áhuga á að eiga viðdvöl í
Keflavík. Hér er það nálægðin við borgina
sem skiptir máli. Það er ekki önnur lausn til
en Reykjavíkurflugvöllur eða að starfsemi
flytjist til Keflavíkur, það sem ekki yrði lagt
niður.“
Völlurinn í eins konar herkví
Sveinn segir einnig að þrátt fyrir endurnýj-
un vallarins hafi verið kreppt að honum á
ýmsan hátt og ráðgerð sé ýmiss konar byggð
austan við völlinn. „Þessi umræða og óvissa
hefur líka haldið allri starfsemi hér í eins kon-
ar herkví, þeir sem reka hér flugstarfsemi
hafa ekki fengið að gera neitt og því ekki leyft
að skipuleggja eða fjárfesta til framtíðar. Hér
væri hægt að þróa áfram margs konar starf-
semi sem tengist flugi og samgöngum og ég
held að nær væri að íhuga alla kosti þess að
hafa völlinn hér áfram í stað þess að leggja
hann niður,“ segir Sveinn að lokum.
’Þú ert skemmtilega geggjaður en éghef gaman af geggjuðum mönnum.‘Víglundur Kristjánsson , steinahleðslumaður á Hellu,
segir Stein Lárusson hjá Flugleiðum hafa lýst sér
þannig, þegar hann bar hugmyndina að svokallaðri
Íslandsveröld upp fyrir hann fyrir 15 árum.
’Það er svo indælt að ræða um frjálstflæði milli landa á vörum en ekki
indælt að tala um frjálst flæði fólks.‘Robert Bestani , einn af yfirmönnum Þróunarbanka
Asíu, útskýrir að fólk frá þróunarlöndunum, sem
starfi í auðugum löndum, sendi mun meira fé heim til
sín en sem nemi samanlagðri þróunaraðstoð. Pen-
ingasendingarnar séu mjög umdeildar.
’Raunar var leiðin til Kárahnjúka-virkjunar mörkuð yfirgangi fyrirtæk-
isins og stjórnvalda í garð þeirra sem
settu sig upp á móti áformum þeirra.
Má þar nefna að Náttúruvernd ríkisins
var lögð niður, Skipulagsstofnun sætti
hörðum ákúrum þáverandi forsætis-
ráðherra og landgræðslustjóra var
skipað að mýkja umsögn sinnar stofn-
unar um áhrif Kárahnjúkavirkjunar á
gróðurfar. Skilaboðin voru skýr: Kára-
hnjúkavirkjun skal í gegn, hvað sem
tautar og raular.‘Árni Finnsson , formaður Náttúruverndarsamtaka
Íslands, í grein sinni um virkjanir þar sem hann svar-
ar Friðriki Sophussyni, forstjóra Landsvirkjunar.
’Uppsafnaður vandi örbirgðarhefur skapast.‘Kofi Annan , framkvæmdastjóri Sameinuðu þjóðanna,
í ræðu á leiðtogafundi í tilefni af 60 ára fundi samtak-
anna. Þar varaði hann við örbirgð í heiminum.
’Mannkynið á alltaf möguleika á bæðistríði og friði og af Íslendingasögunum
getum við lært margt um það hvernig
hægt er að öðlast frið eftir ósætti.
Kannski að þið ættuð bara að þýða
þær yfir á hebresku og arabísku og
færa Ísraelum og Palestínumönnum
nokkur eintök. Þeir gætu svo lesið 105.
kafla Njálu upphátt hvorir fyrir aðra,
þar sem Þorgeir kveður upp sátt-
arúrskurð sinn.‘Roy Jacobsen , rithöfundur frá Noregi, gestur
Bókmenntahátíðar.
’Ímynd jógans hefur breyst úr síð-skeggjuðum hellisbúa á lendaskýlu yf-
ir í framúrskarandi liðuga einstaklinga
af báðum kynjum með þvottabrettis-
magavöðva og stálrasskinnar.‘Bréf til blaðsins frá Guðjóni Bergmann , jógakennara
og rithöfundi, miðvikudaginn 14. september.
’Við þurfum að byrja á jarðgöngumum Vaðlaheiði og stóriðju á Húsavík.
Þá kemur hitt af sjálfu sér. Tuðið í
Steingrími Sigfússyni og hans líkum,
um „eitthvað annað“, er eins og jarm
út úr kú. Það skapar ekki hagsæld.‘Sverrir Leósson , útgerðarmaður á Akureyri, um
breytingar í pólitísku landslagi.
Ummæli vikunnar
Morgunblaðið/Jim Smart
Milliþinghald fór fram á þriðjudag í Héraðs-
dómi Reykjavíkur í Baugsmálinu. Dómarar í
málinu hafa gert athugasemdir við 18 ákæru-
liði af 40. Jón H. Snorrason, saksóknari rík-
islögreglustjóra og yfirmaður efnahags-
brotadeildar, fór þar yfir flesta þá ákæruliði,
sem dómararnir höfðu gert athugasemdir
við, og rökstuddi hvers vegna hann teldi að
verknaðarlýsingin væri nægilega skýr.