Morgunblaðið - 18.09.2005, Blaðsíða 72

UM 400 manns starfa við
margs konar rekstur flugfélaga
og annarra fyrirtækja sem
sinna þjónustu við flug á
Reykjavíkurflugvelli. Sam-
kvæmt upplýsingum frá Flug-
málastjórn hafa um 20 fyrir-
tæki aðsetur á Reykja-
víkurflugvelli. Á vellinum eru
næri 100 flugvélar í eigu áætl-
unarflugfélaga, flugskóla og
flugklúbba sem hafa aðsetur á
flugvallarsvæðinu.
Stærsti vinnuveitandinn á
Reykjavíkurflugvelli er Flug-
félag Íslands en alls eru starfs-
menn rúmlega 200 og er vinnu-
staður yfir 150 þeirra
Reykjavíkurflugvöllur. Eru það
flugmenn og flugfreyjur, af-
greiðslu- og skrifstofufólk og
þar er einnig aðalskrifstofa fé-
lagsins. Næst stærsti vinnuveit-
andinn er Flugmálastjórn en
alls sinna um 65 manns störfum
sem beint tengjast umferð um
völlinn, þ.e. flugumferðarstjórn
um 20, álíka margir eru í
slökkviliði vallarins og um 10 á
vélaverkstæði sem einnig sér
um hreinsun flugbrauta. Starfs-
menn Landsflugs eru 40 til 50
að jafnaði en fleiri á sumrin og
hjá flugdeild Landhelgisgæsl-
Um 400 störf við flug á
Reykjavíkurflugvelli
Morgunblaðið/Jim Smart
Frá Reykjavíkurflugvelli, en um 20 fyrirtæki hafa þar aðstöðu.
unnar eru um 30. Flugfélagið
Ernir er með yfir tíu starfs-
menn, fjórir flugskólar með
kringum 20 manns, 10–12
manns sinna eldsneytisaf-
greiðslu hjá Skeljungi og hjá
Flugþjónustunni eru 3–4. Við
þetta bætist um tugur manna
sem sinnir viðhaldi og þjónustu
við flugvélar á hinum ýmsu
flugvélaverkstæðum á vellinum.
Ýmsir klúbbar sem tengjast
flugi einkaflugvéla eru starf-
andi í Fluggörðum og sam-
kvæmt upplýsingum frá Flug-
málastjórn hafa um 270 manns
sem tengjast slíkum áhuga-
mannafélögum aðgangsheimild
að vellinum.
Hörður Guðmundsson, sem
rekur flugfélagið Erni, segir að
efla ætti flugstarfsemi á
Reykjavíkurflugvelli og telur að
þar sé vaxtarbroddur í ferða-
þjónustu. Þá segir hann mjög
vaxandi flug um Reykjavíkur-
flugvöll með fólk í viðskiptaer-
indum og sé þar bæði um að
ræða ferðir út um landið og til
útlanda.
Matthías Arngrímsson, flug-
maður og yfirkennari hjá flug-
félaginu Geirfugli, segir í sam-
tali við Morgunblaðið að verði
Reykjavíkurflugvöllur lagður
niður muni öll flugkennsla
verða í uppnámi. Flugnemar
muni leita til útlanda og því
ekki fá æskilega reynslu af flugi
á Íslandi sem sé góður skóli.
Eftir Jóhannes Tómasson
joto@mbl.is
 Störf í uppnámi | 10–11
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 18. SEPTEMBER 2005 VERÐ Í LAUSASÖLU 350 KR. MEÐ VSK.
FYRSTU skóflustungur voru teknar í
gærmorgun að nýjum grunnskóla í Kóra-
hverfi í Kópavogi. Nokkur börn í hverf-
inu, þau Halldór Snær Jónasson, María
Rut Þórðardóttir, Kolbrún Andrea Þórð-
ardóttir og Ásdís Zebids, tóku skóflu-
stungurnar að viðstöddum forráðamönn-
um bæjarins, þeim Gunnari I. Birgissyni
bæjarstjóra, Ármanni Kr. Ólafssyni, for-
seta bæjarstjórnar, og Árna Þór Hilmars-
syni fræðslustjóra.
Fullbyggður mun skólinn taka um 500
börn en í fyrsta áfanga, sem taka á í
notkun haustið 2006, verður byggt fyrir
yngsta stigið. Grunnskólinn er sá tíundi
sem Kópavogsbær rekur, staðsettur við
Baugakór, en nýr skóli tók til starfa í
Vatnsenda í haust.
Morgunblaðið/Þorkell
Stungið fyrir nýjum grunnskóla
ÍSLENSK stjórnmál hafa þörf fyrir fleiri opn-
anlega hlera út í atvinnulífið og virkara flæði fólks
þar á milli. Þannig beri fólk reynslu og þekkingu á
milli, og því er ekki heppilegt að of margir stjórn-
málamenn alist upp í „flokksvélunum“. Þetta er
samdóma álit Dags B. Eggertssonar og Þor-
bjargar Helgu Vigfúsdóttur í umfjöllun Tímarits
Morgunblaðsins í dag um ímynd stjórnmála og
stjórnmálamanna.
„Pólitíkin er alltof mikilvæg til þess að hægt sé
að láta hana pólitíkusunum einum eftir,“ segir
Dagur, en hann hefur setið í borgarstjórn í Reykja-
vík í fjögur ár sem fulltrúi R-lista óháður flokkum.
Nútímalegt vinnulag mikilvægt
Þorbjörg Helga, sem gefur kost á sér til 4. sætis
í fyrirhuguðu prófkjöri sjálfstæðismanna í Reykja-
vík, segir mikilvægt að reynsla fólks komi víða að,
t.a.m. sé styrkur að fólki sem hafi búið erlendis og
kynnst samfélagsgerð og áherslum þar: „… einn af
ókostunum við að byrja snemma í pólitík – [er] að
þora ekki að yfirgefa land og þjóð til að missa ekki
af þyngdarafli í prófkjöri eða kjörgengi,“ segir
hún.
Þá telja þau bæði tímabært að í stjórnmálum,
bæði á landsvísu og í sveitarstjórnum, verði tekið
upp nútímalegra vinnulag í samskiptum og ákvarð-
anatöku, líkt og gerst hefur í atvinnulífinu og há-
skólunum.
Eigi allt þetta að komast í farveg hjálpar ekki til
að staðalmynd stjórnmálamannsins í hugum fólks
sé af miðaldra lögfræðimenntuðum manni í dökk-
um jakkafötum. „Það er orðinn svolítill grákalla-
keimur af pólitíkinni hér, hún má vera litríkari. Og
mér finnst það vera að gerast í borginni núna,“
segir Þorbjörg Helga. | Tímarit
Uppeldi í
„flokksvélun-
um“ ekki
heppilegt
STARFSEMI verður áfram í ríkisbyggingum á
Kópavogstúni í nokkur ár. Því hefur skipulagi
þess verið breytt og tekur það aðeins til lands
Kópavogs á svæðinu, að sögn Gunnars Birg-
issonar bæjarstjóra.
Á bæjarstjórnarfundi fyrr í vikunni var felld
tillaga Samfylkingarinnar um að fresta end-
anlegri ákvarðanatöku um skipulag Kópavogs-
túns fram yfir væntanlegt íbúaþing í haust.
Gunnar Birgisson segir að athugasemdir hafi
borist við auglýstri tillögu að deiliskipulagi.
Málið sé í vinnslu hjá skipulagsnefndinni og
gert sé ráð fyrir að þeirri vinnu ljúki síðar í
mánuðinum.
Gunnar segir að þegar Kópavogur hafi keypt
landið fyrir um tveimur og hálfu ári hafi verið
gengið út frá því að starfsemi ríkisins á svæð-
inu færi í burtu á næstu fimm til tíu árum.
Svæðið hafi verið skipulagt til framtíðar með
það í huga en nú hafi orðið breyting á. Kvenna-
fangelsið fari sennilega þegar nýtt fangelsi
verði byggt, en líknardeildin, Rjóður, Fjöl-
smiðjan og sambýlin verði í núverandi húsnæði
á svæðinu í jafnvel tíu til fimmtán ár til við-
bótar. Byggingarnar í miðju landinu verði því
áfram og því hafi þurft að breyta skipulaginu.
Fyrir bragðið fækki íbúum verulega frá aug-
lýstu deiliskipulagi enda aðeins byggt í landi
Kópavogs til að byrja með.
Að sögn Gunnars er meðal annars gert ráð
fyrir 44 sérbýlum og 160 til 180 íbúðum í fjöl-
býli á Kópavogstúni. Að þeim meðtöldum hafi
Kópavogur úthlutað 450 sérbýlum á árunum
2002 til 2005 en Reykjavík 309 sérbýlum. Á
sama tíma hafi um 1.700 fjölbýlisíbúðum verið
úthlutað í Kópavogi en um 1.200 í Reykjavík.
Skipulagt
í kringum
ríkisbygg-
ingarnar