Morgunblaðið - 18.09.2005, Qupperneq 53

MORGUNBLAÐIÐ SUNNUDAGUR 18. SEPTEMBER 2005 53
AUÐLESIÐ EFNI
TVENNT lést eftir að bátur
sökk á Viðeyjar-sundi
að-fara-nótt laugardags.
Fimm voru um borð og var
þremur bjargað, hjónum og
11 ára syni þeirra.
Talið er að báturinn hefði
siglt á sker og hvolft við það.
Lög-regla vinnur nú að
rann-sókn slyssins.
Bogi Sigvaldsson, varð-
stjóri í lögreglunni, var einn
þeirra sem fann skip-brots-
mennina þrjá um nóttina.
Hann sagði það vera mikla
heppni að þeir skyldu hafa
fundist. Lögreglu-mennirnir
fóru á litlum gúmbát til að
leita eftir að fréttist af fólki í
sjávar-háska á Viðeyjar-
sundi. Að-stæður voru
erfiðar. Myrkur, rok, rigning
og tals-verður öldu-gangur.
Ekki liðu nema um 20 mín-
útur frá því að lögregla hafði
fundið fólkið að bátur þeirra
sökk. Ástand þeirra var ekki
gott. Bæði konan og mað-
urinn sem björguðust slös-
uðust talsvert mikið og þurftu
að gangast undir aðgerð á
Land-spítalanum. Drengurinn
var óslasaður.
Kafarar fundu konu látna
um borð í bátnum en ekkert
sást til karlmanns sem hafði
einnig verið um borð. Mikil
leit upphófst í fram-haldinu
sem hefur staðið í marga
daga en án árangurs. Er
maðurinn því talinn af.
Konan hét Matthildur
Harðardóttir og maðurinn
Friðrik Ásgeir Hermannsson.
Þrír komust lífs af er bátur sökk
Morgunblaðið/Júlíus
Mikill fjöldi lögreglu- og björgunarmanna tók þátt í leitinni að fólkinu sem saknað var eftir slysið á Viðeyjarsundi.
ALÞJÓÐLEGU kvikmynda-
hátíðinni í Toronto í Kanada,
lauk í gær. Þrjár myndir, sem
talist geta íslenskar, tóku
þátt: Bjólfskviða, A Little Trip
to Heaven og Strákarnir
okkar.
Að sögn Laufeyjar
Guðjónsdóttur hjá
Kvikmyndamiðstöð Íslands
var frumsýning Bjólfskviðu
sérstaklega vel heppnuð og
voru frumsýningargestir yfir
sig ánægðir með myndina.
Sturla Gunnarsson leikstjóri
Bjólfskviðu flutti til Kanada
ungur að árum en er í dag
einn vinsælasti leikstjórinn
þar vestra.
Kvikmynd Baltasars
Kormáks A Little Trip to
Heaven hefur einnig hlotið
ágæta dóma ef marka má
kvikmyndavefi ýmiss konar.
Einnig fær tónlistarmaðurinn
Mugison hrós fyrir tónlist
sína við myndina. Aðal-
leikarar myndarinnar eru
bandarísku leikararnir Forest
Whittaker og Julia Stiles.
Loks er það kvikmyndin
Strákarnir okkar (Eleven Men
Out) í leikstjórn Róberts
Douglas. Að sögn framleið-
enda myndarinnar voru
viðtökurnar góðar. Þegar hafa
borist tilboð í myndina frá
stórum mörkuðum á borð við
Bandaríkin, Ísrael, Frakkland
og Japan.
Gott gengi
Íslendinga
Úr kvikmyndinni Bjólfskviðu
eftir Sturlu Gunnarsson.
Kvikmyndahátíðinni í Toronto lokið
KOSNINGA-BANDALAG
vinstri-flokkanna náði meiri-
hluta í þing-kosningunum í
Noregi á mánu-dag. Banda-
lagið ætlar ekki að lækka
skatta, það vill hætta við að
breyta sjúkra-húsum í einka-
fyrirtæki og vill ekki að skólar
í Noregi séu reknir af einka-
aðilum. Það segir að ríkið eigi
að reka skólana. Banda-lagið
vill líka byggja meira af ódýru
leigu-hús-næði.
Flokkarnir kalla sig rauð-
græna banda-lagið vegna
þess að auk tveggja „rauðra“
flokka sem eru Verka-manna-
flokkurinn og Sósíal-íski
vinstri-flokkurinn er í hópnum
Mið-flokkurinn sem vill aukna
umhverfis-vernd og er því
sagður „grænn“.
Kjell Magne Bonde-vik for-
sætis-ráð-herra úr Kristilega
þjóðar-flokknum, sem er
hægri-flokkur, lætur nú af
völdum. Við starfi hans tekur
leið-togi Verka-manna-
flokksins, Jens Stolten-berg.
Hann er 46 ára og er hag-
fræð-ingur. Þegar hann var
ungur maður var hann mjög
rót-tækur vinstrimaður og var
á móti Atlants-hafs-banda-
laginu. Hann tók þá þátt í
mót-mælum og braut rúður í
sendi-ráði Banda-ríkjanna í
Ósló.
Rauð-græna banda-lagið
fékk alls 87 þing-sæti en
flokkarnir sem studdu Bonde-
vik fengu 82 þing-sæti.
Reuters
Leiðtogi Verkamannaflokksins í Noregi, Jens Stoltenberg (til vinstri), ræðir við Kjell Magne
Bondevik sem nú hættir sem forsætisráðherra.
Vinstri-menn sigruðu
HALLDÓR Ásgrímsson
forsætisráðherra sagði í lok
ávarps síns á leiðtoga-fundi
Sam-einuðu þjóðanna í New
York á fimmtudag að Ísland
hefði í fyrsta sinn lýst yfir
framboði til Öryggis-ráðs
Sam-einuðu þjóðanna fyrir
tíma-bilið 2009-2010.
Áður hafði Halldór sagt í
ávarpinu að Ísland gæti
hjálpað til við að tryggja
heims-friðinn og tryggja
vel-ferð Sam-einuðu
þjóðanna. Hann sagði
sam-tökin hafa skipt miklu
máli fyrir margar þjóðir en
einnig brugðist vonum
margra.
Hann sagði nauðsyn-legt
að endur-skipuleggja
Öryggis-ráðið svo það myndi
ekki skorta styrk til að
tryggja og við-halda friði.
Halldór minnti á að á
næsta ári yrðu 60 ár frá því
að Ísland gerðist aðili að
Sameinuðu þjóðunum. Á
þeim tíma hefði það verið
afar mikil-vægt fyrir Ísland
að gerast aðili að alþjóða-
samtökum sem höfðu það
mark-mið að tryggja frið og
öryggi í sam-skiptum þjóða.
Lýsti yfir
framboði til
Öryggis-
ráðsins
Netfang: auefni@mbl.is