Morgunblaðið - 09.10.2005, Blaðsíða 2
Geðhlaup þreytt í Nauthólsvík
Í TILEFNI af alþjóða geðheilbrigðisdeginum, sem haldinn verður hátíð-
legur á morgun, var efnt til svonefnds geðhlaups í Nauthólsvík í gær-
morgun. Fjöldi fólks lagði leið sína í víkina til að leggja málefninu lið í
verki en einnig var efnt til sjósunds ásamt því að gengið var afturábak
niður Laugaveg undir yfirskriftinni „Það er engin heilsa án geðheilsu.“
Kristján Helgason hláturleiðbeinandi sá um upphitun og kom öllum í
gott skap. Hlauparar létu kalda loftið ekki aftra sér, enda veðrið að öðru
leyti stillt og gott.
Morgunblaðið/Ómar
2 SUNNUDAGUR 9. OKTÓBER 2005 MORGUNBLAÐIÐ
FRÉTTIR
HARÐUR JARÐSKJÁLFTI
Geysiharður jarðskjálfti, a.m.k.
7,6 stig á Richter, varð í Kasmír-
héraði, sem skiptist milli Pakistans
og Indlands, í gærmorgun og var
óttast að yfir 1000 manns hefðu far-
ist. Sums staðar munu heil þorp og
bæir hafa jafnast við jörðu. Tíu
hæða íbúðarhús í Islamabad í Pak-
istan hrundi og var talið að tugir
manna hefðu grafist undir brakinu.
Óttast var að tala látinna myndi
hækka þegar nánari fregnir bær-
ust.
Gróf kynferðisbrot
Thelma Ásdísardóttir og systur
hennar fjórar voru um árabil beitt-
ar andlegu, kynferðislegu og ýmiss
konar líkamlegu ofbeldi af hálfu
föður síns. Eftir löng málaferli var
hann sýknaður í Hæstarétti og
gagnrýnir Thelma réttinn harðlega.
Raunar segir hún að öryggisnet
samfélagsins hafi brugðist að öllu
leyti.
Hrakið út í eyðimörk
Samtökin Læknar án landamæra
saka Marokkómenn um að hafa
hrakið um 500 ólöglega innflytj-
endur, sem vísað var frá spænsku
borgunum Melilla og Ceuta á Afr-
íkuströnd, út í eyðimörk í sunn-
anverðu landinu. Sé fólkið án matar
og vatns. Kofi Annan, fram-
kvæmdastjóri Sameinuðu þjóðanna,
lýsti í gær áhyggjum af örlögum
fólksins.
Áætlun til Alicante
Iceland Express mun næsta sum-
ar hefja áætlunarflug til Alicante.
Fyrsta flugið verður 17. maí og
verður flogið tvisvar í viku. Sömu
verðflokkar gilda og á aðra áfanga-
staði félagsins, þ.e. ódýrustu sætin
verða seld á 7.995 krónur, aðra leið.
Byr í Borgarbyggð
Mikil uppbygging er í Borgar-
byggð um þessar mundir. Áhugi á
lóðum er töluverður og hafa bæj-
aryfirvöld vart undan að úthluta
þeim til áhugasamra íbúa.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
GERT er ráð fyrir að 300 fermetra viðbygging við
flugstöðina á Egilsstöðum verði tekin til athug-
unar við næstu endurskoðun samgönguáætlunar
2006, að sögn Hauks Haukssonar, framkvæmda-
stjóra flugvalla- og leiðsögusviðs Flugmálastjórn-
ar.
Með auknum farþegaflutningum hafa orðið vax-
andi þrengsli í flugstöðinni á Egilsstöðum, einkum
vegna stórframkvæmda á Austurlandi. 2004 lét
Flugmálastjórn því hanna og gera kostnaðaráætl-
un um stækkun flugstöðvarinnar og er bygging-
arkostnaður viðbyggingarinnar áætlaður 100
milljónir króna.
Haukur segir að farþegafjöldi um Egilsstaða-
flugvöll hafi verið rúmlega 108.000 árið 2004. Gert
sé ráð fyrir að farþegafjöldinn verði um 120 þús-
und í ár og nái hámarki 2006 til 2007 en verði um
90 þúsund á ári að loknum framkvæmdum við
Kárahnjúkavirkjun og álver í Reyðarfirði. Flug-
málastjórn, samgönguráð, samgönguráðuneyti og
Alþingi hafa með samgönguáætlun að gera.
Haukur segir að í forgangi séu öryggismál, flug-
vernd og aðbúnaður farþega. Egilsstaðaflugvöllur
uppfylli skilyrði um flugvernd en ýmislegt megi
endurbæta varðandi aðbúnað og aukið starfslið,
og fari rekstur og framkvæmdir eftir fjárveiting-
um hverju sinni.
Haukur Hauksson segir að reglugerð um flug-
vernd, sem byggist á kröfum Evrópusambands-
ins, hafi í för með sér auknar kröfur um aðbúnað
og starfslið á millilandaflugvöllum. Til dæmis skuli
frá og með næstu áramótum öryggisskoða bæði
farþega og starfsmenn sem fara um svonefnt
haftasvæði á flughlaði og það kalli á aukinn tækja-
búnað og fleiri til að sinna því starfi. Þessu fylgi
mikill kostnaður í aðbúnaði og starfsmannahaldi,
sérstaklega að því er varði Reykjavíkurflugvöll.
Miðað við núgildandi ákvæði flugverndarreglu-
gerðarinnar sé hins vegar öllum kröfum fullnægt á
Egilsstaðaflugvelli. Fullyrðing um að flugstöðv-
arbyggingin sé að einhverju leyti inni á skil-
greindu öryggissvæði sé ekki rétt. Staðsetning
hennar sé ekki á öryggissvæði miðað við kröfur
Alþjóðaflugmálastofnunarinnar.
Úrbætur fyrirhugaðar
Bent hefur verið á að ýmsar úrbætur séu aðkall-
andi við Egilsstaðaflugvöll. Má þar nefna þætti
varðandi eldsneytisþjónustu, bílastæði og lýsingu.
Haukur tekur undir þessa gagnrýni en segir að
miklu fjármagni hafi verið veitt í Egilsstaðaflug-
völl á undanförnum árum og frekari úrbætur séu
fyrirhugaðar.
Gerð núverandi flugbrautar hafi lokið 1993 og
hún hafi verið höfð um 2.000 m löng vegna hlut-
verks vallarins sem varaflugvallar fyrir milli-
landaflug. Í núgildandi samgönguáætlun sé hins
vegar gert ráð fyrir athugun á lengingu flugbraut-
arinnar og hafi sú athugun hafist á þessu ári.
Til að bregðast við kröfum um endaöryggis-
svæði sé í samgönguáætlun gert ráð fyrir að
byggja 90 metra svæði við hvorn enda flugbraut-
arinnar 2007 og 2008. Byggingu flugstöðvarálmu
ásamt endurgerð eldri flugstöðvar hafi lokið 1997,
þannig að hún hafi verið sem ný. Það sé því nokk-
uð djúpt í árinni tekið að kalla Egilsstaðaflugvöll
barn síns tíma.
Í samgönguáætlun sé gert ráð fyrir úrbótum í
bílastæðismálum 2007 og 2008. Þá hafi Flugmála-
stjórn óskað eftir því að olíutankar á flugvellinum
verði fluttir. Í ár verði keypt ný slökkvibifreið og
uppsetning aðflugsljósa hefjist árið 2006 sam-
kvæmt samgönguáætlun.
Stækkun flugstöðvarinnar á
Egilsstöðum til athugunar
Morgunblaðið/RAX
Til stendur að stækka byggingar á Egilsstaða-
flugvelli á næstu árum.
Eftir Steinþór Guðbjartsson
steinthor@mbl.is
LÖGREGLAN í Borgarnesi
tók á föstudag fyrir sölu-
mennsku tíu írskra farandsala
sem farið höfðu víða um land
og boðið rafstöðvar og raf-
magnsverkfæri til sölu. Fólk á
Vesturlandi hafði hringt ítrek-
að í lögreglu og kvartað und-
an sölumönnunum, sem þóttu
ágengir og reiddust þegar
fólk vildi ekki kaupa neitt.
Þeir höfðu farið um landið á
bílaleigubílum, allt frá fólks-
bílum til sendibíla, sem sumir
hverjir voru hlaðnir verslun-
arvöru að sögn lögreglu. Allur
varningur var nýr.
Í ljós kom að þeir höfðu
ekki verslunarleyfi og voru
þeir því beðnir að hætta sölu-
mennskunni. Að sögn lög-
reglu framvísuðu þeir toll-
skýrslum vegna innflutn-
ingsins.
Áður hafði lögreglan á Ísa-
firði og Hólmavík haft afskipti
af mönnunum. Lögreglan í
Reykjavík og á Sauðárkróki
hefur rætt við mennina sem
og lögreglan í Kópavogi.
Farandsalar
stöðvaðir
ALLT tiltækt lið Slökkviliðs höfuðborg-
arsvæðisins var sent að verslunarmiðstöð-
inni Smáralind í fyrrinótt eftir að boð bár-
ust um eld í húsinu. Eldurinn hafði
kviknaði í ruslastampi inni á veit-
ingastaðnum Pizza Hut og hafði örygg-
isvörður slökkt eldinn þegar slökkviliðið
kom á staðinn.
Samkvæmt upplýsingum frá slökkvilið-
inu barst boð um eldinn um klukkan tvö og
var allt tiltækt lið, þ.e. allir slökkviliðsmenn
á vakt, sent á staðinn. „Þegar tilkynnt er
um eld á svona stað er því tekið af fullri al-
vöru,“ sagði Eyþór Leifsson hjá slökkvilið-
inu í samtali við Morgunblaðið í gær.
Rækilega var ræst út þegar eldurinn
hafði verið slökktur og var reykjarlyktin
horfin af göngum um morguninn. Líklegt
er talið að eldurinn hafi kviknað út frá
vindlingaglóð.
Allt tiltækt slökkvilið
sent að Smáralind
ÚTFLUTNINGUR til Úkraínu á
ákveðnum vörutegundum verður
tollfrjáls eftir að landið fær aðild að
Alþjóðaviðskiptastofnuninni, sem
gert er ráð fyrir að verði á næsta ári.
Meðal annars er um að ræða hvers
kyns óunna síld og kolmunna. Tollur
á loðnu, loðnuhrognum og laxi verð-
ur afnuminn eftir tvö ár, en hann
hefur verið 5–10%.
Þetta kemur fram á vefriti við-
skiptaskrifstofu utanríkisráðuneyt-
isins, Stiklum. Ennfremur kemur
þar fram að fyrsta samningalota um
fríverslun milli EFTA-ríkjanna og
Taílands er að hefjast og mun Ísland
leiða viðræðurnar.
Útflutningur
á síld til Úkr-
aínu tollfrjáls
Í dag
Fréttaskýring 8 Hugvekja 45
Ummælin 15 Myndasögur 52
Hugsað upphátt 25 Dagbók 52/55
Menning 32, 57/65 Víkverji 52
Sjónspegill 28 Staður og stund 53
Forystugrein 34 Leikhús 58
Reykjavíkurbréf 34 Bíó 62/65
Umræðan 36/38 Sjónvarp 66
Bréf 39 Staksteinar 67
Minningar 45/50 Veður 67
* * *