Morgunblaðið - 09.10.2005, Blaðsíða 57

MORGUNBLAÐIÐ SUNNUDAGUR 9. OKTÓBER 2005 57
MENNING
SÍMI 545 2500 ::: WWW.SINFONIA.IS
M
Á
T
T
U
R
IN
N
&
D
Ý
R
Ð
IN
0
9
0
5
KLASSÍSK HROLLVEKJA VIÐ UNDIRLEIK SINFÓNÍUHLJÓMSVEITARINNAR
kvikmyndatónleikar í háskólabíói
MIÐVIKUDAGINN 12. OKTÓBER KL. 19.30
Samhljómur meistara kvikmyndasögunnar og sinfóníu-
hljómsveitar er einstök upplifun. Það sannast örugglega
þegar Sinfóníuhljómsveit Íslands leikur ískyggilega
tónlist Emmy-verðlaunahafans Ashley Irwin undir
klassískri hrollvekju meistara Hitchcocks.
Ekki missa af því.
Alfred Hitchcock ::: Leigjandinn (The Lodger, 1927)
Hljómsveitarstjóri ::: Frank Strobel
pallborðsumræður í norræna húsinu
MÁNUDAGINN 10. OKTÓBER KL. 18.00
Pallborðsumræður helgaðar kvikmyndum Hitchcocks.
Fyrirlesarar ::: Ásgrímur Sverrisson, kvikmyndagerðarmaður verður með erindi um
kvikmyndir Hitchcocks. Bjarni Randver Sigurvinsson, guðfræðingur og einn af
stofnendum rannsóknarhópsins Deus Ex Cinema fjallar um kvikmynd Hitchcocks
Svima (Vertigo, 1958) og áhrif hennar á aðrar myndir. Frank Strobel, hljómsveitar-
stjóri og tónskáld fjallar um kvikmyndatónlist og tónlistina við Leigjandann og aðrar
myndir Hitchcock. Oddný Sen, kvikmyndafræðingur og rithöfundur fjallar um trúarleg
tákn í kvikmyndum Hitchcocks og áhrif mynda hans á frönsku nýbylgjuna. Sigríður
Pétursdóttir, kvikmyndafræðingur og þáttastjórnandi hjá RÚV fjallar um konurnar í
myndum Hitchcocks. Aðgangur er ókeypis og öllum heimill.
SÖGUR úr sagnasafninu, The
Mabinogi, (goðsögulegar frásagnir
frá Wales) nefnist sagnaleikhús
Nigels Watsons sem sýnt verður í
Norræna húsinu í kvöld kl. 20 og
endurflutt á miðvikudaginn á sama
tíma.
The Mabinogi („Sögur af æsk-
unni“) er dramatískt sögusafn frá
miðöldum. Sögurnar voru skráðar
af munkum í Wales, en höfðu fram
að því gengið í munnmælum
welskrar sagnahefðar í allt að því
1000 ár. Í sögunum sameinast
goðafræði og þjóðsagnahefð, það
sem gæti hafa gerst og það sem
ætti að hafa gerst, og mikil-
fenglegar frásagnir birtast eins og
fyrir tilstilli galdra; hið ólíklega
blandast hinu ótrúlega, gamanleik-
urinn við hina sérstæðu keltnesku
þrá eftir návígi við yfirnáttúruleg
öfl – öfl sem eru samofin lífi okkar
og þó jafnframt ósnertanleg.
Nigel Watson er Wales-búi sem
hefur starfað sem atvinnusagnaþul-
ur og leikari í yfir 40 ár. Hann hef-
ur skemmt víðs vegar og við fjöl-
breyttar aðstæður: Á Bretlandi
hefur hann komið fram í fé-
lagsheimilum lítilla þorpa jafnt sem
Royal Festival Hall í London, og
við 40 ára afmælisfagnað Þjóð-
aróperu Wales; auk þess hefur
hann skemmt vítt og breitt um
heiminn, allt frá Kjarvalsstöðum til
hofa á Balí og afrískra þorpa, frá
söfnum í Tékkóslóvakíu til mexí-
kóskra hátíða. Nigel hefur staðið
fyrir átta klukkustunda uppá-
komum í Georgíu, en einn eft-
irminnilegasti atburður á ferli hans
er næturlangur flutningur á Mab-
inogi fyrir framan þúsundir áhorf-
enda í þorpum Indlands – með að-
stoð túlks og gjallarhorns. Nigel
lítur á Ísland sem annað heimili
sitt, enda er hann hér reglulega
gestkomandi. Síðast var hann hér á
landi í janúar, þar sem hann vann
að þýðingum og flutti fyrirlestra
um Shakespeare.
Nigel Watson leikari.
Goðsögu-
legar frá-
sagnir
Watsons
FORMLEGUR stofnfundur Fé-
lags íslenskra söngkennara verður
haldinn í dag, sunnudag, kl. 16.00 í
sal Söngskólans í Reykjavík,
Snorrabraut 54.
Félagar geta orðið allir þeir sem
hafa lokið söngkennaranámi eða
hafa stundað söngkennslu að ein-
hverju marki í 3 ár.
Félagið tekur til faglegra þátta
starfsins.
Félaginu er ætlað að vera um-
ræðuvettvangur um hvaðeina sem
tengist faginu, stuðla að nám-
skeiðahaldi, símenntun, upplýs-
ingaflæði milli félaga um kennslu-
efni o.s.frv. Slíkt félag á rétt á
inngöngu í alþjóðasamtök og Evr-
ópusamtök söngkennara og hefur í
gegnum þau fjölmarga möguleika
til kynningar, fræðslu, ferðalaga
og vináttutengsla.
Alþjóðasamtökin, Evrópusam-
tökin og bandarísku samtökin eru
öll mjög virk í starfi og haldnar
eru fagráðstefnur á hverju ári til
skiptis í heimsálfunum.
Bandarískur stjórnarmaður al-
þjóðasamtakanna; Marvin Keenze,
prófessor í söng og kennslufræð-
um við Westminster Choir College
í Princeton í Bandaríkjunum,
verður sérstakur heiðursgestur
fundarins og mun hann ávarpa
fundarmenn.
Frumkvöðlum færður
þakklætisvottur
Einnig mun við þetta tilefni
verða minnst ómetanlegs framlags
nokkurra frumkvöðla í söng-
kennslu á Íslandi og þeim færður
lítill þakklætisvottur. Þetta eru
þau Þuríður Pálsdóttir, Sigurður
Demetz Fransson og Guðmundur
Jónsson.
Að loknum fundi verður boðið
upp á léttar veitingar.
Morgunblaðið/Ásdís
Undirbúningshópurinn vegna stofnunar félagsins: Margrét Bóasdóttir,
Bergþór Pálsson, Marta G. Halldórsdóttir og Signý Sæmundsdóttir. Á
myndina vantar þær Þórunni Guðmundsdóttur og Björk Jónsdóttur.
Félag söngkennara stofnað