Morgunblaðið - 09.10.2005, Blaðsíða 27

MORGUNBLAÐIÐ SUNNUDAGUR 9. OKTÓBER 2005 27
VILTU VERÐA JÓGAKENNARI
EÐA DÝPKA JÓGAÁSTUNDUN ÞÍNA?
Jógaskólinn hefst að nýju í október en frá árinu 1997 hefur
Ásmundur Gunnlaugsson útskrifað nemendur, sem ýmist starfa
sem jógakennarar í dag eða hafa tekið þátt til þess að dýpka
þekkingu sína. Námskeiðið er yfirgripsmikið og öflugt
sjálfsþekkingar- og þroskanámskeið, tækifæri til að nema af
kennara með mikla reynslu og þekkingu. Tilhögun þess fer saman
með starfi og öðru námi, en kennt er eftirfarandi helgar: 21.-23.
október, 25.-27. nóvember, 20.-22. janúar, 24.-26. febrúar, 24.-26. mars og 28.-30. apríl (fös.
kl. 20-22, lau. og sun. kl. 9-15). Námið er viðurkennt af International Yoga Federation.
Allar nánari upplýsingar á www.jogaskolinn.is
S K Ó L I N N
Skeifan 3B,
Reykjavík
Skráning í símum 862 5563 og 862 5560
eða á www.jogaskolinn.is
Kraká
3. nóv.
frá kr. 49.290
Munið Mastercard
ferðaávísunina
Fegursta borg Póllands
Skógarhlíð 18 • sími 595 1000 • www.heimsferdir.is
Heimsferðir bjóða ótrúlegt tilboð á síðustu sætunum til Kraká 3. nóvember.
Nú getur þú kynnst þessari einstöku borg sem slegið hefur í gegn hjá
Íslendingum. Úrval góðra hótel í hjarta
Kraká.
Verð kr. 49.290
Netverð á mann. Flug, skattar, sérstakt
eldsneytisgjald, gisting með morgun-
verði í 3 nætur á Hotel Eljot og íslensk
fararstjórn, 3. nóvember.
Halldór Blöndal, þingmaðurSjálfstæðisflokksins,hyggst leggja fram frum-varp til laga um breytingar
á lögum um veiðar á villtum dýrum og
vegur þar þungt áhersla sem hann vill
leggja á að banna veiðar á fuglum frá
sólarlagi til sólarupprásar. Þetta segir
hann gert í þeim tilgangi að koma í
veg fyrir veiðar að næturlagi með svo-
kölluðum nætursjónaukum þar sem
greina má bráðina þrátt fyrir svarta-
myrkur. Í greinargerð með frumvarp-
inu segir Halldór m.a.: „Það hefur
færst í vöxt, að skotveiðimenn liggi
fyrir gæsum við vötn og fljót eftir að
fer að rökkva og dimmt er orðið. Þeg-
ar gæsirnar síðan koma fljúgandi ofan
af heiðunum eru þær auðveld bráð,
sumar falla, aðrar flögra burt helsærð-
ar og enn aðrar sleppa eins og geng-
ur.“
Í gildandi lögum um veiðar á villtum
dýrum þar sem tiltekið er hvaða bún-
að má ekki nota segir í 13. grein: Bún-
að til þess að miða í myrkri með raf-
eindatækjum er stækka eða breyta
ímyndinni.
Þarna er greinilega átt við nætur-
sjónauka og því algjörlega óþarft að
setja önnur lög sem hnykkja á því
sama. Tímasetningar Halldórs Blön-
dals um að banna veiðar frá sólarlagi
til sólarupprásar til að hindra að menn
stundi veiðar í myrkri benda einnig til
þess að þingmaðurinn sé ekki alveg
upplýstur um birtutíma sólarhrings-
ins. Birtutími á morgnana er yfirleitt
klukkutíma fyrir sólarupprás svo þá
er orðið albjart og við sólarlag líða yf-
irleitt 60–90 mínútur þar til myrkur er
skollið á. Þessi tími fyrir sólarupprás
og eftir sólarlag er aðalveiðitíminn
bæði á önd og gæs svo algjörlega er
fráleitt að halda því fram að veiðarnar
séu stundaðar í myrkri. Það segir sig í
rauninni sjálft að rangt er að halda því
fram að það hafi færst í vöxt „að skot-
veiðimenn liggi fyrir gæsum við vötn
og fljót eftir að fer að rökkva og
dimmt er orðið“. Enginn veiðir í
myrkri vegna þess að það er ekki
hægt en klukkutíminn eftir sólarlag
(meðan enn er bjart) er hinn hefð-
bundni veiðitími á heiðagæs en margir
skotveiðimenn eru á þeirri skoðun að
rangt sé að veiða grágæs er hún kem-
ur í náttstað. Munurinn á þessu
tvennu stafar af því að heiðagæsin vel-
ur sér stöðugt nýja náttstaði og því
ekki hægt að sitja fyrir henni með
neinni vissu á kvöldin. Grágæsin held-
ur sig hinsvegar við sömu náttstaði
verði hún ekki fyrir truflun og því auð-
veldara að veita henni fyrirsát á
kvöldin. Hefðbundnar grágæsaveiðar
eru stundaðar í morgunsárið fyrir og
eftir sólarupprás svo botninn væri úr
hvorutveggja veiðum á grágæs og
heiðagæs ef frumvarp Halldórs Blön-
dals næði óbreytt fram að ganga.
Þröngt sjónsvið
Þá er það rangt að nætursjónaukar
séu notaðir við kvöldveiðar á fuglum.
Fyrir það fyrsta eru sjónaukar nánast
eingöngu notaðir á riffla en ekki
haglabyssur. Við fuglaveiðar í fyrir-
sát, bæði á morgnana og kvöldin nota
veiðimenn alltaf haglabyssur. Fuglinn
er skotinn á flugi þegar hann ber við
himin og segir sig sjálft að ekki er
hægt að nota riffil við slíkar veiðar þar
sem fuglinn er aðeins nokkrar sek-
úndur í færi. Sjónsvið sjónauka er svo
þröngt að fugl næst ekki í mið á þeim
stutta tíma sem hann gefur færi á sér.
Loks er þess að gæta að gæsir eru
einfaldlega ekki á flugi eftir að myrk-
ur er skollið á svo ekki er um það að
ræða að veiða þær með slíkum hætti
með eða án sjónauka. Einu hugs-
anlegu aðstæðurnar þar sem hægt
væri að koma nætursjónaukum við er
ef skytta læddist að gæsum í náttstað
í svartamyrkri með riffil að vopni og
hefði nægan tíma til að sigta út eina
gæs og skjóta hana með þessum út-
búnaði. En svo yrðu þær ekki fleiri því
hinar væru fljótar að koma sér á brott.
Undirritaður hefur satt að segja aldr-
ei heyrt af slíkum veiðiskap og í gild-
andi reglum er þetta bannað eins og
áður sagði og því óþarfi að festa það í
ný lög með svo undarlegum hætti.
Þess er einnig að gæta að nætursjón-
auka er ekki hægt að nota nema í
svartamyrkri; ef einhverrar birtu nýt-
ur eru þeir gagnslausir.
Ef reynt er að sjá fyrir sér alla
möguleika þá er sá einn eftir að menn
séu með lausan nætursjónauka og
staðsetji bráðina með honum og leggi
hann síðan frá sér og taki upp skot-
vopnið. Þá gerist tvennt. Skyttan sér
ekki neitt og bráðin er horfin á braut.
Áhyggjur þingmannsins af notkun
nætursjónauka eru því algjörlega
óþarfar og byggðar á einhverjum
furðulegum misskilningi á því hvernig
og nákvæmlega hvenær fuglaveiðar á
Íslandi fara fram. Hitt er hinsvegar
réttmætt áhyggjuefni þingmannsins
að þegar menn eru að veiða fugla í
ljósaskiptunum, rétt eftir sólarlag, þá
er hættan sú að þeir finni ekki fugla
sem falla á myrkvað landið. Þá er lyk-
ilatriði að hafa góðan sækjandi veiði-
hund sem beitir þefskyninu til að
finna dauða eða særða bráð. Nær væri
að huga að því að skylda veiðimenn
sem stunda kvöldveiðar á gæsum og
öndum að hafa með sér hund við veið-
arnar einsog gert hefur verið í löndun-
um í kringum okkur. Það er hinsvegar
vandséð hver tilgangurinn er með því
að þrengja svo að skotveiðimönnum
með þessari lagasetningu að gæsa- og
andaveiðar sé hreinlega ekki hægt að
stunda. Þá væri nær að koma til dyr-
anna eins og menn eru klæddir og
leggja til algjöra friðun á þessum
fuglategundum fremur en reyna að
draga fjöður yfir raunverulegan til-
gang lagasetningarinnar sem virðist
vera sá að koma í veg fyrir veiðar á
andfuglum (Andfuglar = gæsir og
endur).
Umhyggja Halldórs Blöndals fyrir
öndum ekki síður en gæsum hefur
ekki farið framhjá mönnum undan-
farin misseri og nægir að benda á
frumvarp hans frá því í fyrra þar sem
hann vildi friða endur yfir vetrartím-
ann. Þetta frumvarp féll í rauninni um
sjálft sig eftir að sérfræðingar frá
Náttúrufræðistofnun og Umhverfis-
stofnun höfðu bent á þá staðreynd að
flestar endur sem Halldór vildi friða
væru farnar af landi brott á þeim tíma
sem friðunin tók til. Menn eru einnig
almennt sammála um að vetrarveiðar
á þeim fáu andategundum sem hér
hafa vetursetu, séu stundaðar í svo
litlum mæli hér á landi vegna erfiðra
aðstæðna til slíkra veiða að engar lík-
ur séu á að þær hafi minnstu áhrif á
stofninn.
Rök og tilfinningar
Slíkar röksemdir mega sín þó lítils
þegar tilfinningasemi á í hlut; sumum
þykir einfaldlega ljótt að veiða dýr og
vilja banna allt slíkt. Það sjónarmið á
vissulega rétt á sér og skapar nauð-
synlegt jafnvægi við hugmyndir
þeirra sem vilja engin boð eða bönn en
hvorutveggja er í rauninni jafnfráleitt
sem útgangspunktur við lagasetningu
um veiðar á villtum dýrum.
Kjarni málsins er sá að yfirgnæf-
andi meirihluti skotveiðimanna er
hlynntur því að ganga um veiðistofn-
ana af hófsemd, draga úr magnveiði
og banna alla verslun með villibráð.
Stjórnvöld ættu að taka höndum sam-
an við félög skotveiðimanna um að
skilgreina skotveiðar í lögum sem
sportmennsku og leggja meiri áherslu
á að uppfræða veiðimenn um góða siði
og umgengni við veiðistofna og nátt-
úruna í heild sinni.
Þannig mætti t.a.m.koma í veg fyrir
að einstakir menn séu að skjóta mörg
hundruð gæsir til að hafa upp í kostn-
að við leigu á ökrum og túnum. Hér er
jafnvel enn brýnna að spyrna við fót-
um en með verslun á rjúpu þó sölu-
bann á henni sé vonandi upphafið á
því að koma í veg fyrir alla verslun
með villibráð hverju nafni sem hún
nefnist.
Það eru mörg atriði í sambandi við
skotveiðar á Íslandi sem þarfnast at-
hugunar og að gerðar séu breytingar
á reglugerðarumhverfinu. Auk þess
sem hér hefur verið nefnt er einnig
verðugt verkefni að tryggja löggæslu-
yfirvöldum nægilegt fjármagn til að
halda uppi eftirliti samkvæmt þeim
reglum sem þegar eru í gildi í stað
þess að setja nýjar reglur sem auka
enn frekar á togstreitu milli vel þenkj-
andi skotveiðimanna og löggjafans.
Sólargangur
og birtutími
Morgunblaðið/Árni Torfason
Margir skotveiðimenn eru á þeirri skoðun að rangt sé að veiða grágæs er hún kemur í náttstað.
Eftir Hávar Sigurjónsson
havar@mbl.is
SKOTVEIÐAR | HALLDÓR BLÖNDAL VILL BANNA VEIÐAR FRÁ SÓLARLAGI TIL SÓLARUPPRÁSAR