Morgunblaðið - 17.12.2005, Síða 28

28 LAUGARDAGUR 17. DESEMBER 2005 MORGUNBLAÐIÐ
ERLENT
Slökkvilið
Höfuðborgarsvæðisins
Treystið því aldrei að
sjálfslökkvandi kerti
slökkvi á sér sjálft
Munið að
slökkva á
kertunum
i
Washington. AFP. | Árið 2002 heim-
ilaði George W. Bush forseti Þjóð-
aröryggisstofnun Bandaríkjanna
(National Security Agency, NSA) að
njósna um fjölda Bandaríkjamanna
og útlendinga í Bandaríkjunum án
þess að fyrir lægju lögformlegar
heimildir dómstóla. Þetta kom fram í
bandaríska dagblaðinu New York
Times í gær.
NSA er ætlað að stunda fjarskipt-
anjósnir gagnvart öðrum ríkjum,
m.a. erlendum sendiráðum vestra,
en tilgangurinn með þessu fráhvarfi
frá verksviði stofnunarinnar er sá að
koma í veg fyrir hugsanleg óhæfu-
verk hryðjuverkamanna í ljósi
hryðjuverkanna 11. september 2001.
Vaninn er sá að sérstakur njósna-
dómstóll („Foreign Intelligence Sur-
veillance Court“) gefi leyfi áður en
tilteknu njósnaverkefni gegn er-
lendu ríki er hrint í framkvæmd inn-
an Bandaríkjanna.
„Algjör vatnaskil“
Að sögn heimildarmanna blaðsins
undirritaði forsetinn tilskipun árið
2002, sem heimilar NSA að hlera
samtöl í Bandaríkjunum og lesa
tölvuskeyti, sem send eru innan-
lands. Þannig hefur verið fylgst með
hundruðum og jafnvel þúsundum
manna í Bandaríkjunum. Fram kem-
ur í New York Times að stofnunin
sinni þessum njósnum enn. Að jafn-
aði fylgist stofnunin með fimm til sjö
þúsund manns í erlendum ríkjum,
sem grunaðir eru um tengsl við
hryðjuverkasamtök.
„Þetta eru algjör vatnaskil. Fram
til þessa hefur NSA aðeins sinnt út-
lendum verkefnum,“ segir fyrrum,
hátt settur embættismaður í samtali
við bandaríska blaðið. Í greininni
koma fram efasemdir um að þetta
fyrirkomulag sé í samræmi við
stjórnarskrá Bandaríkjanna.
Í greininni segir að með þessu
móti hafi tekist að koma í veg fyrir
hryðjuverk innan Bandaríkjanna
m.a. áform um að sprengja í loft upp
Brooklyn-brúna í New York.
Í frétt New York Times kemur
fram að blaðið hafi legið á þessum
upplýsingum í eitt ár. Þær hafi ekki
verið birtar fyrr þar sem embætt-
ismenn hafi lagt að blaðinu að gera
það ekki því birting gæti spillt rann-
sókn mála og orðið til þess að hryðju-
verkamenn fengju grun um að með
þeim væri fylgst.
Bush vildi ekki ræða fréttina í
sjónvarpsviðtali í gærkvöldi og sagði
að það væri ekki venja að skýra frá
leyniþjónustuaðgerðum sem snerust
um öryggishagsmuni þjóðarinnar.
Aðstoðarmenn hans vildu hvorki
staðfesta fréttina né neita henni en
sögðu að hann hefði alltaf farið að
lögum og virt borgaraleg réttindi í
baráttunni gegn hryðjuverkum.
Bush heimilaði
njósnir innanlands
Þjóðaröryggisstofnun Bandaríkjanna fylgdist með
hundruðum og jafnvel þúsundum manna þar í landi
AP
George W. Bush heimilaði Þjóðar-
öryggisstofnun Bandaríkjanna að
hlera samtöl og lesa tölvuskeyti
sem send eru innanlands.
Ramallah. AFP. | Hamas-samtökin
fóru með sigur af hólmi í kosningum
til stjórna þriggja af fjórum helstu
borgum Palestínumanna á Vestur-
bakkanum. Þykir þessi niðurstaða til
marks um vaxandi styrk samtak-
anna fyrir þingkosningar, sem fram
fara í Palestínu 25. janúar.
Kosið var á fimmtudag. Sam-
kvæmt tölum sem birtar voru í gær
fóru fulltrúar Hamas með sigur af
hólmi í Nablus, Jenin og Al-Bireh en
Fatah-hreyfingin, helsta valda-
bandalag Palestínumanna, sigraði
aðeins í Ramallah. Mesta athygli
vakti sigur Hamas í Nablus, sem
löngum hefur verið vígi Fatah-hreyf-
ingarinnar og er fjölmennust borga
Vesturbakkans. Þar fékk Hamas nú
73% atkvæða en Fatah aðeins 13%.
Hins vegar gekk fulltrúum Fatah
betur í smærri bæjum og þorpum. Í
heild fékk Fatah fleiri menn kjörna
og um 35% þeirra 414 sæta, sem alls
var kosið um. Stuðningur við Hamas
mældist um 26%.
Um 75% kjörsókn
Kjörsókn var um 75% en á kjör-
skrá voru um 148.000 manns.
Þetta var fjórða og síðasta lota
bæjar- og sveitarstjórnarkosninga í
Palestínu og fylgdust menn grannt
með niðurstöðunni þar eð þingkosn-
ingar fara fram í næsta mánuði. Ha-
mas-samtökin þykja hafa styrkt
mjög stöðu sína á kostnað Fatah-
hreyfingar Mahmouds Abbas for-
seta, sem á í miklum vanda vegna
klofnings og sundurlyndis. Úrslitin í
Nablus þykja til marks um erfiðleika
hreyfingarinnar.
Hamas-hreyfingin, sem er flokkur
íslamista og sinnir fjölbreytilegu
„grasrótarstarfi“ í Palestínu, féllst á
að taka þátt í kosningunum í janúar
eftir gott gengi í bæjar- og sveitar-
stjórnarkosningum. Verður það í
fyrsta skipti sem hreyfingin býður
fram fulltrúa til setu á þingi Palest-
ínumanna.
AP
Stuðningsmenn Hamas í Tulkarem á Vesturbakkanum fagna sigri samtakanna í sveitarstjórnarkosningum.
Lokalota sveitarstjórnarkosninga Palestínumanna
Enn treystir
Hamas stöðu sína