Fréttablaðið - 18.11.2004, Blaðsíða 45

Glæsilegt og fjölbreytt apparat
Stendur undir útlitinu
Snillingarnir í Sony ætla ekki að láta sitt eftir liggja í samkeppninni um miðstöð heimilisins. Þann fyrsta nóvem-
ber hleypti Sony af stokkunum nýrri vöru, ofurtækinu Waio PCV W700G sem er sambyggt sjónvarp, hljómflutn-
ingstæki, venjuleg borðtölva, dvd spilari og dvd upptökutæki sem gerir
mönnum kleift að taka upp sjónvarpsefni á dvd disk. Waio er óneitan-
lega glæsilega hönnuð og ekki er hún plássfrek því hægt er að skella
lyklaborðinu upp þegar ekki er verið að nota hana. Waio er líka með
þráðlausa tengingu þannig að ekki fer mikið fyrir snúrunum sem er
óneitanlega mikill kostur. Þar að auki er græjan með innbyggðan brennara.
Harði diskurinn er ekkert slor eða 200GB.
Sony Waio
Stássleg ekki satt? Og stendur við fyrirheitin sem er ekki verra.Vertu meistarakokk-
ur með gaseldavél
Eldað
yfir bláum
loga
Margir vilja meina að gaselda-vélar séu það sem koma skal.Áður en rafmagnseldavélarn-
ar komu til sögunnar eldaði fólk á gasi.
Svo komu rafmagnseldavélarnar og
gaseldavélarnar hurfu nánast úr eldhúsi
einkaheimilanna. En sagan fer í hringi
og það á líka við um eldhúsið, því Ís-
lendingar eru í auknum mæli farnir að
fjárfesta í gaseldavélum. Að sögn Guð-
rúnar Jóhannesdóttur, verslunarstjóra
hjá Kokku hefur hún orðið vör við
þessa þróun. „Fólk er að leita eftir þess-
ari snerpu sem gasið býr yfir og svo
finnst fólki skemmtilegra að elda á
gasi,“ segir
Guðrún og bætir við að þótt nýjar gerð-
ir venjulegra rafmagnseldavéla séu að
verða snarpari finnist fólki að það sé
meiri stemning yfir eldamennsku á
gasi. „Það er þessi blái logi sem býr til
einhverja stemningu.“
Guðrún bendir á að þegar
gaseldavélin sé tengd sé best að fá fag-
mann til verks, þar liggi í raun mesta
hættan, að einhverjir fari að garfa í
þessu sjálfir og tengi hlutina vitlaust.
Jóhannes Felixson, betur þekktur
sem Jói Fel, bakari og ókrýndur hirð-
kokkur Íslands um þessar mundir, er
með gaseldavél heima hjá sér og lætur
vel af því. „Það er meiri „action” í kring-
um eldamennsku á gasi, og hún er fyrir
vikið skemmtilegri,“ segir Jói glaðbeitt-
ur.
„Hitinn er fljótari að koma og mað-
ur ræður betur við hann á gasinu. Mað-
ur getur ekki treyst tölunum 1 - 6 á raf-
magnseldavélunum,“ segir hann og
bætir við að eldamennskan sé sneggri á
gasinu. „Þegar maður er að elda ferskan
mat, sem á að vera snöggsteiktur, þá er
betra að vinna á gasi“.
Jói segir að fólk verði einmitt að
passa sig á þessari snerpu þegar það er
að byrja að elda yfir gasi, til dæmis tek-
ur tvær til þrjár mínútur að glæra lauk á
rafmagnseldavél, en hann geti brunnið
á 20 sekúndum á gasinu. „En þetta er
bara ákveðin þjálfun sem er fljót að
koma,“ segir hann.
Jóhannes segir að margir séu
hræddir við að vera með gaseldvélar
inni á heimilum sínum þar sem þeir
óttist að börnin fikti í þeim. „Sá ótti er
þó algjörlega óþarfur. Það þarf að halda
inni hnöppum og kveikja með öðrum.
Maður þarf að nota báðar hendur til
þess að gasið fari að virka“. ●
F211FIMMTUDAGUR 18. nóvember 2004
Jói Fel
„Þegar maður er að elda ferskan
mat, sem á að vera snöggsteiktur,
þá er betra að vinna á gasi“
10-11-F2 17.11.2004 14:01 Page 3