Fréttablaðið - 18.11.2004, Síða 87

FIMMTUDAGUR 18. nóvember 2004
Leikfélag Akureyrar býður öllum
nemendum í 8., 9. og 10. bekk í
grunnskólunum á Eyjafjarðar-
svæðinu í leikhús í næstu viku til
þess að sjá leiksýninguna Ausu
Steinberg eftir Lee Hall.
Að sögn Magnúsar Geirs Þórð-
arsonar, leikhússtjóra Leikfélags
Akureyrar, eru skólasýningarnar á
Susu liður í nýrri stefnu leikfélags-
ins þar sem lögð er rík áhersla á að
þjóna yngri áhorfendum í meira
mæli en verið hefur. Stefnir leik-
félagið að því að reglulegar leik-
húsheimsóknir verði fastur hluti
af menntun barna á Akureyri og að
allir sem útskrifist úr grunnskóla
hafi farið að minnsta kosti einu
sinni í leikhús.
Nemendurnir koma á sýning-
una með kennurum sínum og
munu margir kennaranna, í fram-
haldi, ætla sér að nota sýninguna
við kennslu í lífsleikni, enda mörg-
um áleitnum spurningum um lífið,
tilveruna og dauðann velt upp í
verkinu.
Ungum boðið í leikhús
ILMUR KRISTJÁNSDÓTTIR
Í hlutverki Ausu Steinberg.
Leikritið um Nítjánhund-
ruð, piltinn sem ól allt sitt líf
um borð í farþegaskipi, sýnt
í nýju leikrými í Þjóðleik-
húsinu.
Ítalski einleikurinn „Nítjánhund-
ruð“ eftir Alessandro Baricco
verður frumsýndur í forsal Smíða-
verkstæðisins í kvöld. Úti á miðju
Atlantshafi, á stóru farþegaskipi
um aldamótin 1900, fæðist barn
sem er skilið eftir á skipinu, í
kassa ofan á flyglinum í danssaln-
um. Einn skipverjanna tekur
drenginn að sér, nefnir hann
Nítjánhundruð og elur hann upp á
skipinu.
Drengurinn reynist hafa ein-
stæða tónlistarhæfileika og fer
brátt að leika á flygil með dans-
hljómsveit skipsins. En það er á
þriðja farrými, þar sem innflytj-
endurnir hafast við, sem hann
galdrar fram úr píanóinu sína
eigin tónlist – sem heillar og töfr-
ar þá sem á hlýða. Nítjánhundruð
verður goðsögn í lifanda lífi en
hann leikur aðeins á skipinu, því
hann fer aldrei í land. Það er vinur
hans, trompetleikari úr skips-
hljómsveitinni, sem segir söguna.
„Þetta er ansi mögnuð saga
sem virkar á mörgum plönum,“
segir leikstjórinn Melkorka Tekla
Ólafsdóttir. „Þetta er hrífandi
sagnaskemmtun sem um leið fjall-
ar um ýmsa þætti í mannlegri til-
veru, meðal annars um mikilvægi
listarinnar, ekki síst sagnalistar-
innar og tónlistarinnar. Það sem
gerir þetta að góðu leikhúsi er að
hér er ekki bara verið að segja
góða sögu, heldur notfærir höf-
undurinn sér þær aðferðir sem
geta gert einleikinn að skemmti-
legu formi, það er að segja þetta
beina samband milli leikarans og
áhorfandans þar sem áhorfandinn
lendir í sérstöku hlutverki. Það er
verið
að tala beint til hans. Um leið
gegnir tónlist mikilvægu hlut-
verki í verkinu og sýningunni. Við
höfum fengið til liðs við okkur
djasspíanóleikara sem hefur
samið afskaplega fallega tónlist
við verkið og hefur náð að fanga
anda þeirrar tónlistar sem maður
getur ímyndað sér að komi frá
þessum sérstæða tónlistarmanni,
Nítjánhundruð.
Verkið er að gerast allt frá
aldamótunum 1900 en að miklu
leyti á árunum 1927-1933, þegar
djassinn nýtur mikilla vinsælda.
Nítjánhundruð spilar djass, en
einnig sína eigin tónlist sem er
ólík öllu því sem fólk hefur heyrt
áður og er innblásin af þeim sér-
stöku kringumstæðum sem hann
er í. Annars vegar er það allt þetta
fólk sem er að ferðast fram og til
baka yfir Atlantshafið, hins vegar
úthafið – að ekki sé talað um það
sérstæða hlutskipti að maðurinn
stígur aldrei á fast land.
Við höfum farið með söguna
inn í mjög óvenjulegt og skemmti-
legt rými, sem er forsalur Smíða-
verkstæðisins, dálítið gróft rými
en um leið mjög sjarmerandi stað-
ur, sem er skyndilega orðinn eins
og hluti af þessu risastóra far-
þegaskipi þar sem þessi einstæði
píanóleikari spilar. Í leikmyndinni
erum við að vinna með ákveðinn
einfaldleika og um leið þátt í verk-
inu sem er mjög mikilvægur, sem
er gildi ímyndunaraflsins. Lýsing-
in gegnir mikilvægu hlutverki við
að búa til þetta rými.“
Í forsal Smíðaverkstæðisins
hefur verið sköpuð kaffileikhús-
stemning, áhorfendur sitja við
borð og geta keypt léttar veitingar.
Í sýningunni er frumsamin tónlist
Agnars Más Magnússonar. Þýð-
andi verksins er Halldóra Frið-
jónsdóttir, Högni Sigurþórsson að-
stoðaði við útfærslu leikmyndar og
lýsingu annaðist Björn Bergsteinn
Guðmundsson. Leikari í sýning-
unni er Jóhann Sigurðarson.
sussa@frettabladid.is
Einleikur um goðsögn
JÓHANN SIGURÐARSON Trompetleikari úr skipshljómsveitinni, sem segir söguna.
MELKORKA TEKLA ÓLAFSDÓTTIR
86-87 Menning (42-43) 17.11.2004 18.44 Page 3