Fréttablaðið - 22.12.2004, Síða 8

8 22. desember 2004 MIÐVIKUDAGUR
Hjálparstofnun kirkjunnar á Akureyri fær matarstyrk:
Hamborgarhryggur í hverjum poka
AÐSTOÐ Forsvarsmenn KEA og
Norðlenska afhentu Hjálparstofnun
kirkjunnar á Akureyri 80 matar-
poka sem dreift verður til skjól-
stæðinga Hjálparstofnunarinnar í
Eyjafirði og á Húsavík fyrir jólin. Í
hverjum poka er hamborgarhrygg-
ur ásamt meðlæti.
Jón Oddgeir Guðmundsson, sem
veitti matarpokunum viðtöku fyrir
hönd Hjálparstofnunar kirkjunnar
á Akureyri, segir að sem fyrr sé
mikil þörf fyrir aðstoð Hjálpar-
stofnunarinnar og um 50 aðilar í
Eyjafirði og á Húsavík leiti eftir að-
stoð frá Hjálparstofnuninni. Til við-
bótar muni stofnunin hafa samband
við einstaklinga sem hún telur
hjálpar þurfi . -kk
Blair óvænt í Bagdad
Forsætisráðherra Bretlands fór í óvænta heimsókn til Bagdad í gærmorgun.
Hann sagði þjóðina öðlast lýðræði í kosningunum í janúar og að Vestur-
löndum bæri skylda til að aðstoða Íraka við að koma á friði.
BAGDAD, AP Tony Blair, forsætisráð-
herra Bretlands, fór í óvænta heim-
sókn til Bagdad í gær og fundaði
með Iyad Allawi, forsætisráðherra
bráðabirgðastjórnar landsins.
Þetta var þriðja heimsókn
Blairs til Íraks og sú fyrsta síðan
Saddam Hussein var handtekinn
fyrir ári síðan. Með heimsókninni
sagðist hann vilja leggja sitt af
mörkum til að kosningarnar í Írak
yrðu haldnar í janúar eins og stefnt
er að. Á blaðamannafundi með
Allawi sagði Blair að aðeins væru
tveir valkostir í Írak eins og sakir
stæðu, lýðræði eða ógnarstjórn, og
það væri skylda Vesturlanda að að-
stoða íraskan almenning að gera
landið að lýðræðisríki.
Blair hitti starfsmenn undirbún-
ingsnefndar kosninganna fyrir
skömmu, en stuttu síðar voru þrír
þeirra dregnir úr bifreið sinni í
Bagdad og myrtir. Hann sagðist
hafa tjáð þeim að þeir væru hetjur
hins nýja Íraks því þeir legðu líf
sitt að veði til að stuðla að því að
íraska þjóðin hefði örlög sín í eigin
hendi.
Blair varði þátttöku Breta í
árásinni á landið og veru 8.000
breskra hermanna þar. Hann sagði
að í fyrsta lagi myndi vera erlendra
hermanna flýta fyrir uppbyggingu
íraska hersins sem mun leysa her-
námsliðið af hólmi. Í öðru lagi
væru möguleikarnir fyrir Írak
miklir og ef það tækist að gera Írak
að stöðugu og lýðræðislegu ríki
hefði það góð áhrif í Mið-Austur-
löndum, sem hefðu á endanum góð
áhrif á alla heimsbyggðina.
Allawi sagði á fundinum með
Blair að íraska bráðabirgðastjórnin
væri staðráðin í að halda kosningar
í næsta mánuði þrátt fyrir að sum-
ir leggi til að þeim verði frestað
sökum stigvaxandi ofbeldis og
sagði að það hefði verið gert ráð
fyrir að það myndi magnast þegar
nær drægi kosningum.
Blair flaug til Bagdad frá
Jórdaníu í gærmorgun en af örygg-
isástæðum var heimsóknin ekki til-
kynnt fyrir fram. Eftir fundinn
með Allawi hélt hann áleiðis til
Basra og heilsaði upp á breska her-
menn þar. Bush Bandaríkjaforseti
fór síðast til Íraks fyrir rúmu ári. ■
jólagjöf
Hugmynd að
fyrir alla
Smáralind
Sími 545 1550
Glæsibæ
Sími 545 1500
Kringlunni
Sími 575 5100
www.utilif.is
Gjafakortin eru að verðmæti:
1.000 kr., 2.500 kr., 5.000 kr. og 10.000 kr.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
2
66
32

12
/2
00
4

HJÁLP FYRIR JÓLIN
Jón Oddgeir Guðmundsson tók við pokunum úr höndum Ingvars Más Gíslasonar ,
markaðsstjóra Norðlenska og Andra Teitssonar, framkvæmdastjóra KEA.
TONY BLAIR OG IYAD ALLAWI
Blair sagði að með heimsókninni vildi hann leggja sitt af mörkum til að kosningar yrðu
haldnar á tilætluðum tíma í janúar.
RAFORKUVERÐ Sennilega eru engar
forsendur fyrir hækkun raforku-
verðs um áramótin sem Orkuveita
Reykjavíkur og Hitaveita Suður-
nesja hafa boðað, að mati Neyt-
endasamtakanna. Talið er að
hækkunin verði um tíu prósent og
hafa forsvarsmenn fyrirtækjanna
sagt að hækkunin sé til komin
vegna nýrra raforkulaga.
Jóhannes Gunnarsson, formað-
ur Neytendasamtakanna, segist
vilja vita hvort raunveruleg þörf
sé á hækkuninni. „Ég tel engar
forsendur vera fyrir svo mikilli
hækkun og ég óttast að henni sé
einungis ætlað að auka arðsemi
orkufyrirtækjanna.“
Jóhannes hefur sent Friðriki
Sophussyni, forstjóra Landsvirkj-
unar, bréf og óskað eftir upplýs-
ingum um það hvort uppi séu
áform um verðbreytingar hjá
Landsvirkjun um áramótin, en
Landsvirkjun selur Orkuveitu
Reykjavíkur og Hitaveitu Suður-
nesja raforku. Ef svo er hefur Jó-
hannes óskað eftir rökstuðningi
fyrir hækkuninni og upplýsingum
um hver hún verði. - ghg
ORKUVEITA REYKJAVÍKUR
Formaður Neytendasamtakanna telur engar forsendur fyrir hækkun raforkuverðs um áramót.
Neytendasamtökin:
Verðhækkun út úr öllu korti