Fréttablaðið - 22.12.2004, Qupperneq 66

Amerísk kaffiáhrif?
Valgerður Sverrisdóttir, iðnaðar- og viðskiptaráð-
herra, afhenti viðskiptaverðlaun Viðskiptablaðsins á
Grand Hótel í gær. Þar var frumkvöðli ársins veitt
verðlaun. Fyrir valinu varð Aðalheiður Héðinsdóttir
sem stofnaði Kaffitár fyrir fjórtán árum. Kaffitár hef-
ur verið leiðandi í kaffibyltingu
á Íslandi sem mun nú teljast
til fyrirmyndar hvað kaffi-
menningu varðar. Í
tilkynningu frá Viðskipta-
blaðinu kemur fram að
Aðalheiður hefði ákveð-
ið að stofna fyrirtæki
sem seldi kaffi byggt á
þeirri kaffimenningu
sem hún hafði kynnst
meðal Vesturheimsbúa.
Þetta kemur nokkuð
spánskt fyrir sjónir þar
sem Bandaríkjamenn eru
jafnan taldir búa við fremur
takmarkaða kaffimenningu. Á Ítalíu, þar sem kaffi-
menningin er hvað fegurst, er það til dæmis álitin
sérstök móðgun að biðja um „caffe americano“ á
veitingastöðum. Barþjónar sem fá slíka pöntun
leggja ekki mikla natni í verkið, hellt er upp á einn
espressó og heitu vatni skvett ofan í til útþynning-
ar. Þetta er síðan borið fram með fyrirlitningu.
En ekki hvað?
Titringur á milli Íbúðalánasjóðs og bankanna fer
síst minnkandi. Nú um helgina var rifist um það, í
kjölfar úttektar í Morgunblaðinu, hvort sjóðurinn
gæti tæmst. Þessu vísa forsvarsmenn Íbúðalána-
sjóðs, með Hall Magnússon í broddi fylkingar,
algjörlega á bug. Um helgina notuðu þeir tækifær-
ið og stærðu sig af því að hjá alþjóðlegum matsfyr-
irtækjum væri sjóðurinn með betri einkunn en
bankarnir. Þetta vekur hvorki aðdáun né öfund hjá
bönkunum - enda eru lán Íbúðalánasjóðs ríkis-
tryggð og sem betur fer telja matsfyrirtækin engar
sérstakar líkur á því að íslenska ríkið fari á hausinn.
MESTA HÆKKUN
ICEX-15 3.351
KAUPHÖLL ÍSLANDS [ HLUTABRÉF ]
Fjöldi viðskipta: 214
Velta: 2.433 milljónir
-0,71%
MESTA LÆKKUN
MARKAÐSFRÉTTIR…
Greiningardeild KB banka gaf í
gær út nýtt mat á verðmæti
Íslandsbanka. Að mati KB banka
er Íslandsbanki 107,3 milljarðar
króna eða 9,65 krónur á hlut.
Launavísitalan í nóvember var
0,2 prósentustigum hærri en í
október. Hún er nú 253,8 stig og
hefur hækkað um 5,4 prósent á
síðustu tólf mánuðum.
KB banki hefur fengið leyfi
yfirvalda í Finnlandi til banka-
rekstrar þar í landi frá og með
áramótum.
FTSE vísitalan í Lundúnum
hækkaði um 0,14 prósent í gær.
DAX í Þýskalandi lækkaði um
0,03 prósent og japanska Nikkei
vísitalan hækkaði um 0,20 pró-
sent.
34 22. desember 2004 MIÐVIKUDAGUR
Bakkavör náði mikilvægum
áfanga í yfirtökuferlinu á breska
matvælafyrirtækinu Geest þegar
samkomulag náðist um verð.
Bakkavör getur nú þegar hafið
könnun áreiðanleika upplýsinga
um rekstur Geest. Samkvæmt
samkomulaginu skuldbindur
Bakkavör sig til þess að bjóða
ekki lægra verð en 655 pens á
hlut fyrir Geest, nema áreiðan-
leikakönnun leiði í ljós þætti sem
hafa neikvæð áhrif á verðmat
félagsins. Þá þarf stjórn Geest að
samþykkja nýtt tilboð.
Samkvæmt verðtilboðinu er
markaðsvirði Geest um 60 millj-
arðar íslenskra króna. Mark-
aðsvirði Big Food Group er sam-
kvæmt tilboði fjárfesta undir for-
ystu Baugs um 40 milljarðar.
Heildarfjármögnun kaupa
Bakkavarar á Geest liggur á bil-
inu 120 til 130 milljarðar króna.
Það er því skammt stórra
högga á milli þegar kaup
íslenskra fyrirtækja erlendis eru
annars vegar. Geest verður, gangi
kaupin eftir, annað skráða fyrir-
tækið í London sem Íslendingar
kaupa á skömmum tíma. Búast
má við að áreiðanleikakönnun
taki um sex vikur og fljótlega upp
úr því verði ráðist í yfirtöku
félagsins. Kaup Bakkavarar á
Geest eru ólík kaupunum á Big
Food fyrir margra hluta sakir. Í
tilfelli Bakkavarar koma ekki
aðrir að kaupunum og þau eru
ekki fjárfesting sem selja á aftur,
heldur gríðarleg stækkun á
núverandi rekstrargrunni Bakka-
varar. Bakkavör tekur því með
kaupunum risastórt skref í
stefnu sinni að verða stórt alþjóð-
legt matvælafyrirtæki. Ekki eru
nema fimm ár síðan Bakkvör
keypti Lysekils í Svíþjóð fyrir
684 milljónir króna. Það voru þá
þriðju stærstu kaup íslensks
fyrirtækis erlendis.
Kaupin styrkja Bakkavör
verulega í samkeppni á matvæla-
markaði í Bretlandi. Fyrir utan
hagræðingu í sameiginlegum
rekstri styrkist staða fyrirtækis-
ins verulega gagnvart birgjum og
viðskiptavinum. Hörð verðsam-
keppni er á markaði fyrir kældar
unnar matvörur og hefur Geest
ekki farið varhluta af henni.
Vöxtur og framlegð fyrirtækisins
var minni á fyrrihluta þessa árs
en vonir stóðu til. Það að Bakka-
vör lætur til skarar skríða svo
snemma, bendir til þess að fyrir-
tækið telji batnandi tíð framund-
an.
Um leið og Bakkavör fær færi
á rekstrarupplýsingum Geest er
öðrum sem vildu bjóða í fyrir-
tækið heimilaður aðgangur að
sömu upplýsingum. Það þykir þó
ólíklegt þar sem Bakkavör er
þegar meðeigandi fimmtungs-
hlutar í Geest. Bakkavör er því í
lykilstöðu.
Þrír stórir erlendir bankar
hafa lýst sig tilbúna til að fjár-
magna kaupin. Heildarumfangið
er hátt í 130 milljarðar króna. Á
skömmum tíma hafa tvö íslensk
fyrirtæki fengið slíka traustsyf-
irlýsingu frá alþjóðlegum bönk-
um. haflidi@frettabladid.is
vidskipti@frettabladid.is
Peningaskápurinn…
Actavis 37,50 -0,27% ... Bakkavör
24,30 -1,22% ... Burðarás 11,95 +0,42% ... Atorka 5,87 +1,21% ... HB
Grandi 7,90 +5,33% ... Íslandsbanki 11,10 -1,77% ... KB banki 446,50 -
0,56% ... Landsbankinn 11,85 -0,42% ... Marel 48,60 -0,82% ... Medcare
6,05 - ... Og fjarskipti 3,10 - ... Samherji 11,10 - ... Straumur 9,60 -1,03%
... Össur 76,50 -3,77%
Geest samþykkir tilboð Bakkavarar
Tryggingamiðstöðin7,32%
Grandi 5,33%
Jarðboranir 5,03%
Síminn -9,09%
Össur -3,77%
Íslandsbanki -1,77%
HLUTABRÉF Í ÚRVALSVÍSITÖLU:
nánar á visir.is
Vín með
jólamatnum
Bæklingur í næstu vínbúð
Kortavelta eykst
MIKIÐ TRAUST Þrír erlendir bankar eru tilbúnir til að lána Bakkavör, undir forystu Ágústs
og Lýðs Guðmundssona, tugi milljarða til kaupa á breska matvælafyrirtækinu Geest.
Notkun á greiðslukortum var 19,9
prósentum hærri í nóvember í ár
en í fyrra. Velta kreditkorta inn-
anlands jókst um 10,3 prósent en
debetkortaveltan er 23,8 prósent-
um hærri.
„Þessi mikla veltuaukning gef-
ur til kynna að jólaverslunin sé
óvenjumikil í ár og að einkaneysla
sé ennþá í mjög miklum vexti,“
segir Ingvar Arnarson hjá grein-
ingardeild Íslandsbanka.
Í Morgunkorni Íslandsbanka í
gær kom einnig fram að vöxtur
verslunar með debetkort í
innlendri verslun sé 27,9 prósent
frá því á sama tíma í fyrra.
„Heimilin virðast vera í gleðigírn-
um og er vöxtur útgjalda þeirra
nokkuð umfram vöxt tekna,“
segir í Morgunkorninu. Þetta er
sagt benda til þess að bilið milli
neyslu- og tekjuaukningar sé brú-
að með lántökum. - þk
Í GLEÐIGÍRNUM Kortavelta hefur aukist mjög.
FR
ÉT
TA
B
LA
Ð
IÐ
/T
EI
TU
R
FR
ÉT
TA
B
LA
Ð
IÐ
/G
VA
Bakkavör náði mikilvægum
áfanga í yfirtöku á Geest
þegar samkomulag náðist
um verð fyrir það.
Framundan er sex vikna
vinna við að kanna rekstur
Geest en fátt bendir til
annars en að af kaupunum
verði.