Fréttablaðið - 22.12.2004, Síða 50

F2 16 22. desember 2004 MIÐVIKUDAGUR
Hvaða matar gætir þú síst
verið án?
Ég gæti ekki verið án spældra eggja.
Ég borða þau alltaf á morgnana um
helgar og stundum í miðri viku ef ég
hef nógan tíma.
Er einhver matur sem þér
finnst vondur?
Já, ég get til dæmis alls ekki borðað
dill því mér finnst það svo
vont. Þar af leiðandi finnst
mér grafinn lax ekkert sér-
stakur. Í gegnum tíðina hef
ég oft reynt að borða hákarl
en einhvernveginn kem ég
honum aldrei niður, finnst
hann mjög vondur og bjúgu borða ég
aldrei.
Fyrsta minningin um mat?
Ég man eftir því hvað mér fannst
gott að fá djúpsteiktan fisk í orlydeigi
hjá ömmu minni þegar ég var lítill.
Amma átti sérstaka græju til að djúp-
steikja fiskinn í, þetta klikkaði aldrei.
Besta máltíð sem þú hefur
fengið?
Það er ekki hægt að svara þessu. Mér
finnst svo gaman að prófa nýja rétti.
Villibráð er í sérstöku uppáhaldi hjá
mér. Ef ég mætti panta mér máltíð
núna þá yrðu rjúpur fyrir valinu með
öllu tilheyrandi. Ætli mig langi ekki
mest í þær því maður getur ekki
fengið þær. Svo er kalkúnn alltaf
góður.
Hvað borðar þú þegar þú þarft
að láta þér líða betur?
Egg og beikon klikka aldrei. En ef ég
ætla að fá mér eitthvað heilsusamlegt
fæ ég mér skyr á morgnana, ávaxta-
safa og mikið vatn, en það
drekk ég ekki nema ég sé
mjög meðvitaður um heils-
una.
Hvað áttu alltaf í ísskápnum?
Ég á alltaf egg, ávexti og nóg af skyri.
Svo er alltaf til eitthvað
extra gott eins og
kæfur, krydd-
pylsur og góm-
sætir ostar sem
gott er að borða
með kexi.
Ef þú yrðir fastur á eyðieyju,
hvaða rétt myndir þú taka
með þér?
Ætli ég myndi ekki taka með mér
eitt lambalæri og grilla það yfir opn-
um eldi þegar ég væri alveg að deyja
úr hungri.
Matgæðingurinn Bjarni Benediksson alþingismaður
Elskaði djúpsteiktan fisk sem barn
Lykill að Hótel Örk
Glæsileg jólagjöf
Innifalið i lyklum: Gisting fyrir 2, morgunverður
af hlaðborði og þrírétta kvöldverður hússins.

Sælulykill 13.800,- krónur
Helgarlykill 22.800,- krónur

Jólalyklar afhendast í fallegum jólaumbúðum
Til sölu á Hótel Örk í síma 483 4700 og á
Hótel Cabin, Borgartúni 32 Reykjavík, í
síma 511 6030.

Opið til klukkan 12.00 á Aðfangadag.
Gleðileg Jól
Hvar er staðurinn?
Hamborgarabúlla Tómasar, Tryggva-
götu 4-6, 101 Reykjavík.
Hvernig er stemningin?
Það er ekkert nema góður andi á
Hamborgarabúllu Tómasar. Þó að
staðurinn sé ekki stór þá rúmast
ótrúlega mikið af fólki þar inni.
Staðurinn er innréttaður í hráum og
grófum stíl en er þó ákaflega hlýleg-
ur.
Gestalistinn er gríðarlega fjölbreytt-
ur. Í hádeginu má sjá allt frá verka-
mönnum sem eru skítugir upp fyrir
haus upp í penar dömu í pinnahæl-
um og stuttum pilsum. Sagan segir
að Ólafur Ragnar og Dorrit mæti til
dæmis reglulega til að gæða sér á
ljúfum Tommaborgurum. Borðun-
um er þannig raðað að fólk sest bara
þar sem er laust og því er þetta til-
valinn staður til að kynnast nýju
fólki.
Hvað er á matseðlinum?
Það eru þrjár stærðir af hamborgur-
um, lítill, stór og tvöfaldur ásamt
grænmetisborgara sem gengur undir
nafninu Sveppi. Hamborgararnir eru
grillaðir og á þeim er engin sveitt
hamborgarasósa heldur ekta majónes
og sinnep ásamt tómatsneið og gulum
osti. Úbadúba samlokan hefur einnig
fengið lof en hún er með skinku og
osti. Hægt er að fá ýmsar gerðir af
mjólkurhristingi og er sá með
espressobragðinu splunkunýr. Einnig
er boðið upp á kaffi og djöflatertu sem
heitir englaterta yfir hátíðarnar.
Hver er mest seldi rétturinn?
Hamborgaratilboð staðarins er vin-
sælast en það stendur saman af stór-
um hamborga, frönskum kartöflum
og kókglasi.
Hvað kostar máltíðin
Hamborgaratilboðið er á 790 kr.
Camus-fjölskyldan hefur framleitt koníak
síðan 1863 og hefur höfuð fjórða ættliðar
fjölskyldunnar, Jean-Paul Camus, stýrt fyrir-
tækinu undanfarna áratugi. Sonur hans,
Cyrill Camus, tók nýlega við sem forstjóri
fyrirtækisins og er hann mikill Íslandsvinur
og hefur heimsótt landið margoft, enda hefur
Camus Cognac notið gríðarlegra vinsælda
hér á Íslandi og verið söluhæsta koníakið síð-
astliðin 15 ár. Er Camus hvergi með jafn hátt
hlutfall af allri koníakssölu og á Íslandi enda
framleiðir Camus nær eingöngu svokallað
„lúxuskoníak“ og er ekki í samkeppni við
„massaframleiðendur“. Þykir forráðamönn-
um Camus mikið til hinnar miklu sölu á Ís-
landi koma, sem þeir telja til marks um góð-
an smekk landans.
Camus VSOP fæst í gjafaöskju í Vínbúðum
og kostar 4.690 kr.
Vinsælasta koníakið
í gjafaumbúðum
Hamborgarabúlla Tómasar
Auðvelt að kynnast nýju fólki
Jóhanna Kristjónsdóttir,
blaðamaður og rithöf-
undur, hefur lifað og
hrærst í heimi araba og
verið ötul að fræða
Íslendinga um sögu og
menningu þessa heims-
hluta.
„Í öllum arablöndum eiga menn það
sammerkt að gera vel við sig í mat á há-
tíðum“, segir Jóhanna aðspurð hvað
menn borði þar og hvernig maturinn sé
meðhöndlaður. Hún segir eitt einkenna
matarmenningar þessara landa og það
er að maturinn er hollur og yfirleitt
ekki þungur í maga, til dæmis forrétt-
irnir sem margir þekkja og allar hús-
mæður leggja metnað sinn í að gera
sem flesta þegar haldin eru boð.
„Ég býst við að húmmusinn sé
þekktastur, hann er gerður úr maukuð-
um kjúklingabaunum og svo er annað
gott glundur sem er gert úr stöppuðum
eggaldinum.“
Hún segir alls konar kebab-samlok-
ur vera skyndibita araba, og annaðhvort
eru þær gerðar úr lambakjöti eða
kjúklingum. „En ég held ég að ýki ekki
þegar ég segi Líbana vera mestu snill-
inga í matargerð í þessum heimshluta.
Það er kannski svipað hráefni á ferðinni
en þeir eru einstaklega fimir að bera
mat fram á lystilegan hátt.“
Hún segir að með flestum mat sé
borið fram hið þunna arabíska brauð
sem sé mismunandi eftir löndum og
menn borði heil ókjör af því.
„Á Id al Adha, seinni trúarhátíð-
inni, sem er haldin til að minnast þess
þegar Guð skipaði Abraham að fórna
Ismail, syni sínum, en hlífði honum á
síðustu stundu og lét hann slátra lambi
í staðinn, borða allir lambakjöt og vin-
kona mín sem býr í Jórdaníu gaf mér
þessa uppskrift.“
Mensaf fyrir fjóra
Lambaframpartur, 2 kíló, skorin í
bita eins og til dæmis súpukjöt.
Salt, pipar, allrahanda krydd og
kardimommur
140 gr sólþurrkuð og söltuð jógúrt,
lögð í bleyti
70 gr smjörlíki – butter ghee
600 gr hrísgrjón
70 gr ristaðar furuhnetur
Næfurþunnt brauð
Lambakjötið er soðið með kryddinu,
soðinu bætt við jógúrtina og hrært
þangað til suðan kemur upp, síðan er
kjötinu bætt út í og látið malla.
Smjörið er hitað og bætt út í. Hrís-
grjónin eru soðin og út í þau má bæta
eilitlu safran.
Brauðinu er raðað á stórt fat, hluti af
hrísgrjónunum settur ofan á og síðan
kjötbitarnir og furuhneturnar og af-
gangurinn af hrísgrjónunum. Sumir
hella jógúrtsósunni yfir en aðrir drekka
hana úr glösum eða bollum.
Gómsætur búðingur sem kall-
aður er muhallabia
2 msk kartöflumjöl
3 msk hrísmjöl
1 l mjólk
8 msk sykur
250 möndlur, saxaðar smátt
Möndlur og pistasíunetur til skreyt-
ingar
3 msk rósavatn eða appelsínu-
blómavatn
Blanda kartöflumjöli og hrísmjöli
saman í smávegis af köldu vatni, láta
suðu koma upp af mjólkinni og blanda
því fyrra í smátt og smátt. Passa að
skrapa ekki botninn. Sjóða þangað til
búðingurinn þykknar. Blanda blóma-
vatninu saman við og sjóða áfram í
tvær mínútur. Borið fram í litlum skál-
um, skreytt með hnetum og stundum
ávaxtabitum.
Jóhanna Kristjónsdóttir
„Líbanar eru mestu snillingar í matargerð í þessum heimshluta.“
Arabísk matargerð
Hollt og létt