Fréttablaðið - 06.07.2005, Side 56

Þeir voru ófáir tónlistarmennirnir
sem æptu „Hi Roskilde“ í hljóðnem-
ann á Hróarskelduhátíðinni um
helgina. Ekki skrítið enda kættist
fólk og tók undir í hvert sinn sem
þetta bragð var notað. Fólk var
komið á Hróarskeldu til að
skemmta sér og bongóblíða alla
helgina jók enn á gleðina. Vissulega
fengu hinar 160 hljómsveitir og tón-
listarmenn misjafnar undirtektir
enda lögðu sig ekki allir jafn mikið
fram. Sumir treystu á forna frægð,
aðrir á útlitið og stælana en svo
voru aðrir sem komu, sáu og sigr-
uðu. Þeirra á meðal var Mugison
sem náði að hrífa fólk með sér og
skemmta því rækilega.
Misefnilegar sveitir
Tónlistaratriðunum er skipt niður á
sex svið og ræðst það af tegund tón-
listar og frægð hvar fólk spilar.
Þannig er Odeon-sviðið hugsað fyr-
ir tónlistarfólk sem er líklegt til vin-
sælda, svið þeirra efnilegu. Bloc
Party er ein þeirra hljómsveita en
hún spilaði sig upp í næstu deild
með frammistöðu sinni og það stað-
festu tónleikagestir á milli laga.
Bright Eyes verður hins vegar efni-
legur aðeins lengur því hann náði
ekki að sýna fyrsta flokks frammi-
stöðu.
Heimstónlistin fær sitt tjald á
hátíðinni. Þar eru seldir kokteilar í
plastglösum og fólk dansar af mikl-
um móð. Eflaust eru flestir þeir
sem hingað koma að heyra og sjá
þessa tónlistarmenn í fyrsta sinni.
En framandi taktur og fjörug sviðs-
framkoma hrífur flesta með sér.
Hingað kemur fólk því til að
„tengja“ við öðruvísi tónlist.
Á aðalsviðinu og Arena eru
haldnir fjölmennustu tónleikarnir. Í
Arena tjaldinu, sem rúmar 10 þús-
und manns var alla jafna þétt skip-
aður bekkurinn þegar líða tók á
kvöld. Frammistaða Interpol var
einna markverðust. Þeir voru síð-
astir á svið og luku þessu með stæl.
Létu tónlistina tala sínu máli og
voru ekkert að biðja fólkið um að
kalla hey-hó eða klappa í takt. Fólk
klappaði nú samt og skemmti sér
vel. The Tears áttu líka góðar stund-
ir með sínum gestum í Arena og
fengu góðar undirtektir. Heima-
menn áttu líka sína fulltrúa, Junior
Senior og The Raveonettes. Betri
rómur var gerður að framlagi
þeirra fyrrnefndu.
Þrír á palli
Á aðalsviðinu voru vinsælu hljóm-
sveitirnar. Velvet Revolver þeirra
fyrst og líka síst. Ekki vantaði stæl-
ana hjá þessum reynsluboltum en
hins vegar skorti þá alla gleði og
áhuga. Eiginlega mætti kalla svið-
framkomu þeirra „Þrír á palli“ því
aðalkarlanir þrír skiptust á að
standa uppi á palli og fara með sóló-
atriði. Þetta fílaði fólkið ekki og dró
upp stórt spjald sem á stóð „Hvar er
Axl?“ og átti þá við söngvara
Guns’n’Roses. Næst á svið var Kent
frá Svíþjóð. Óhætt er að kalla þá
hljómsveit hússins enda var þetta í
fimmta sinn sem þeir spila á hátíð-
inni. Þúsundir Svía tóku undir í
hverju lagi og stóðu Kent sig með
prýði. Snoop Dogg hélt sáluhjálpar-
messu fyrir sjálfan sig á stóra svið-
inu í steikjandi hita á föstudag. Lét
tugi þúsunda gesta kalla nafn sitt í
rúman klukkutíma og hefur því
sennilega stigið af sviðinu tilbúinn
til heimsyfirráða. Gaf sér samt tíma
til að flytja nokkur lög og það fílaði
fólkið. Var með nokkuð stóra hljóm-
sveit með sér sem gaman hefði ver-
ið að heyra meira frá. Audioslave á
sér álíka sögu og Velvet Revolver,
er samsuða úr tveimur frægum
hljómsveitum. Þeim tókst mun bet-
ur upp en hinum og náðu fólkinu á
sitt band. Voru öruggari með tón-
listina sem þeir spiluðu og hljómuðu
vel.
Þreyttir Íslandsvinir
Óvæntasta meik hátíðarinnar voru
svo Black Sabbath. Ozzy muldraði
sig í gegnum lögin en það gerði ekk-
ert til. Black Sabbath átti góðan dag
en heimamennirnir í D-A-D sem
komu á svið á eftir þeim réðu ekki
við verkefnið. Á sunnudag komu
þeir fram sem höfðu fyrr um dag-
inn spilað á Live8 tónleikum annars
staðar í Evrópu, Green Day og Dur-
an Duran. En á meðan þeir flugu til
Danmerkur spiluðu Foo Fighters og
gerðu sitt og vel það. Duran Duran
steig svo á svið rúmlega eitt um
nóttina. Voru greinilega þreyttir
eftir langan dag og vel heppnaða
tónleika á Íslandi. Komust þó í gang
eftir nokkur lög, um leið og gömlu
lögin fóru að hljóma. Þeir héldu svo
áhorfendum á tánum það sem eftir
lifði. Það var Brian Wilson sem batt
endahnútinn á hátíðina. Steig á svið
um kvöldmatarleytið á sunnudag og
smælaði framan í heiminn. Endaði á
sínum stærstu smellum og tugir
þúsundir manna dönsuðu með.
Vel heppnuð hátíð
Það vita þeir sem á Hróarskeldu
hafa farið að ekki er bæði haldið og
sleppt. Ekki gefst tími og stundum
ekki þrek til að sjá og heyra allt það
sem er í boði. Það er líka á við góða
tónleika að ganga um og fylgjast
með fólkinu. Allir njóta dagsins,
annað hvort í vinahópi eða með fjöl-
skyldunni. Sjá má virðulegt eldra
fólk (líka minna virðulegt eldra
fólk), barnafjölskyldur og svo ungt
fólk og unglinga skemmta sér á
saman án teljandi vandræða. Hró-
arskelduhátíðin heppnaðist vel í ár.
Nú er bara að spara raddböndin þar
til á næsta ári svo hægt sé að taka
undir „Halló Hróarskelda 2006“ af
öllum krafti. ■
24 6. júlí 2005 MIÐVIKUDAGUR
Uppl. og skráning í síma
896 1248
Sumarnámskeið
Nokkur pláss laus
REIÐSKÓLINN ÞYRILL
11. júlí
25. júlí
8. ágúst
Íslenskir knattspyrnu-
strákar ræna fötum í
Færeyjum
„Voru klæddir í föt sem
þeir höfðu daginn áður
stolið úr búðinni.“
FAÐMHERINN Hópur fólks hljóp um svæðið, sýndi ást og hlýju með því að faðma fólk að sér.
FJÖLSKYLDUFÓLK Ungir sem aldnir, fólk af öllum stærðum og gerðum, lét sjá sig á Hróarskeldusvæðinu.
Fr
ét
ta
bl
að
ið
/K
ris
tjá
n
Si
gu
rjó
ns
so
n
TÓKST HIÐ ÓMÖGULEGA
Mugison kom sá og sigraði þegar hann
tróð upp á Hróarskelduhátíðinni um
síðustu helgi. Hann fékk meðal annars
fjögur tjöld af fimm í blaði sem gefið er
út á hátíðinni. En hvað fannst áhorfend-
um um kappann?
Halltóra Henriksen, Færeyjum.
„Hann er frábær og súper kúl og ég á
plöturnar hans. Fannst meiriháttar að
hann skyldi enda á Wild Thing.“
Eik Mjelva Kolstrup, Noregi.
„Ég trúi þessu ekki. Þetta eru einir bestu
tónleikar sem ég hef farið á en ég veit
ekkert hver þessi gaur er og reiknaði
ekki með neinu. Ég er bara alveg gátt-
aður. Ég kaupi örugglega plötuna hans.“
Sigurlaug María Hreinsdóttir og
Jóhann Páll Hreinsson, Íslandi.
„Æðisleg stemmning. Mikið af útlend-
ingum og þeir voru greinilega að fíla
hann. Mugison er skemmtilegur og
alltaf ferskur.“
Leon og Rune, Ástralíu.
„Gerðum grín af því fyrir tónleikana að
það væri ómögulegt að ná stemmningu
á þessum tíma dags. Þessum gaur tókst
það hins vegar. Vissum ekkert um hann
fyrir tónleikana og duttum hingað inn
fyrir tilviljun. Þetta var góð byrjun á deg-
inum.“
Uppvask / Ræstingar
Vantar duglegt fólk í sumarafleysingu
við uppvask á kvöldin og fólk í ræst-
ingar og þvottahús framtíðarstarf.
Upplýsingar hjá hótelstjóra á staðnum
og í síma 552-5700.
MÚGUR OG MARGMENNI Tugþúsundir
manna komu saman á Hróarskelduhátíð-
inni í ár og skemmtu sér konunglega enda
veðrið með eindæmum gott.
Halló Hróarskelda!
Hróarskelduhátíðin fór fram um síðustu helgi í glampandi sólskini. Um 160
hljómsveitir tróðu upp við mismikinn fögnuð áhorfenda. Kristján Sigurjónsson
fylgdist spenntur með.