Fréttablaðið - 15.02.2006, Blaðsíða 17

MIÐVIKUDAGUR 15. febrúar 2006 17
Hagur íslenska hestsins í
Bandaríkjunum er held-
ur tekinn að vænkast ef
fram heldur sem horfir. Nú
hillir undir græna kortið til
handa tamningamönnum og
reiðkennurum þar. Guðmar
Þór Pétursson tamninga-
maður hefur riðið á vaðið.
„Það er algjör bylting ef fleiri
íslenskir tamningamenn fá græna
kortið, sem heimilar þeim að vinna
í Bandaríkjunum,“ segir Sindri
Sigurðsson tamningamaður í Hafn-
arfirði um þann áfanga þegar
Guðmar Þór fékk fullt atvinnu- og
búsetuleyfi í Bandaríkjunum og er
þar með kominn með græna kortið
svonefnda.
Guðmar hefur unnið að því í tvö
ár að fá leyfið og er hann fyrsti
íslenski hestamaðurinn til að kom-
ast í þá stöðu og vera búsettur hér
á landi. Er Guðmar þar með komin
með full réttindi til jafns við inn-
fædda Bandaríkjamenn.
Sindri hefur einnig græna kortið,
en hann var búsettur í Bandaríkj-
unum um nokkurt skeið og rekur
nú fyrirtæki þar sem sér um inn-
flutning íslenskra hrossa, auk þess
sem hann rekur reiðskóla í Idaho og
fæst við reiðkennslu. Hann þekkir
því fullvel hvaða þýðingu græna
kortið hefur fyrir kynningu, sölu
og leiðbeiningar varðandi íslenska
hestinn í Bandaríkjunum. Sindri
kveðst nú geta fengið ársleyfi fyrir
íslenska tamningamenn sem hann
fær út til vinnu við fyrirtækið.
Sá ráðningartími megi ekki vera
skemmri, því kostnaður sé mikill
og menn þurfi að venjast störfum
í nýju umhverfi. Sindri segir enn
fremur að það hafi tekið tvö ár að
koma svo löngum ráðningartíma í
gegn, en það hafi hafst með
aðstoð lögfræðinga.
„Þetta skref sem
Guðmar Þór hefur náð
opnar vonandi fyrir
atvinnumöguleika hjá
fleiri Íslendingum,“
segir Sindri. „Það vant-
ar sárlega fleiri íslenska
tamningamenn til dval-
ar í Bandaríkjunum til
að kynna íslenska
hestinn. Það er
gríðarleg þörf hjá Banda-
ríkjamönnum fyrir að fá
fólk sem getur hjálpað
þeim með hrossin þegar
þau eru komin út.“
Sindri segir að talsvert
sé af íslenskum hrossum í Banda-
ríkjunum, en kunnátta og þekking
fólks þar sé af skornum skammti.
Þá séu hrossaeigndur þar farnir að
fikra sig áfram í ræktun á íslenska
hestinum þannig að vandamál hafi
skapast, þar sem fjölmörg tryppi
séu að komast á tamningaaldur en
eigendurnir kunni ekki til verka.
Því sé bráðnauðsynlegt að íslenskir
tamningamenn geti dvalið við störf
í lengri tíma þar ytra.
jss@frettabladid.is
ÚTBREIÐSLA ÍSLENSKA HESTSINS Sindri er einn fjölmargra Íslendinga sem unnið hafa að kynningu og útbreiðslu íslenska hestsins í
Bandaríkjunum. Hann segir þarlenda vilja þæga, þýða og fallega hesta. Hér er hann á Snót frá Tungu en þau urðu Íslandsmeistarar 2004 í
fimmgangi.
Græna kortið er algjör bylting
Meistarakeppni Húnvetninga fer
fram föstudaginn 17. febrúar í Reið-
höllinni Arnargerði og hefst klukkan
20.00. Keppt verður í fjórgangi.
Opna Bautamótið í tölti fer fram
um næstu helgi í Skautahöllinni á
Akureyri, laugardaginn 18. febrúar
og hefst klukkan 20.00. Skráning
stendur yfir og lýkur í kvöld.
Fyrstu vetrarleikar Fáks verða
haldnir laugardaginn 18. febrúar.
Skráning verður í félagsheimili Fáks
klukkan 12.00 á laugardag og hefst
keppni klukkan 13.00.
Þorrareið Þyts verður farin laug-
ardaginn 18. febrúar. Farið verður
frá hesthúsahverfi á Hvammstanga
klukkan 14.00 og riðið í Syðri-Velli,
þar sem ábúendur taka á móti
reiðmönnum og sýna þeim nýtt
hesthús sem þar var reist.
Almennur hrossaræktarfundur
á vegum Félags hrossabænda og
Bændasamtaka Íslands verður hald-
inn í Þingborg miðvikudaginn 22.
febrúar kl. 20.30. Á fundinn mæta
Guðlaugur Antonsson, hrossa-
ræktarráðunautur Bændasamtaka
Íslands, Kristinn Guðnason formað-
ur Félags hrossabænda, Sigríður
Björnsdóttir, dýralæknir hrossa-
sjúkdóma og Jón Baldur Lorange,
forstöðumaður tölvudeildar BÍ.
FRAMUNDAN Í
HESTAHEIMI
SINDRI SIGURÐSSON Sindri
rekur fyrirtæki í Bandaríkjunum
sem flytur inn íslensk hross.