Fréttablaðið - 15.02.2006, Blaðsíða 67

30 15. febrúar 2006 MIÐVIKUDAGUR
sport@frettabladid.is
HVAÐ? HVENÆR? HVAR?
FEBRÚAR
12 13 14 15 16 17 18
Miðvikudagur
■ ■ LEIKIR
 18.00 Valur og FH mætast í DHL-
deild venna í handbolta í Kaplakrika.
 19.00 Þór og Selfoss mætast í
DHL-deild karla í handbolta í Höllinni
á Akureyri.
 19.15 ÍR og Stjarnan mætast í DHL-
deild karla í handbolta í Austurbergi.
 19.15 HK og KA mætast í DHL-
deild karla í handbolta í Digranesinu.
 19.15 Afturelding og Fram mætast í
DHL-deild karla í handbolta að Varmá.
 19.15 Víkingur/Fjölnir og ÍBV
mætast í DHL-deild karla í handbolta
í Víkingsheimilinu.
 20.00 Haukar og Valur mætast
í DHL-deild karla í handbolta að
Ásvöllum.
 20.00 FH og Fylkir mætast í DHL-
deild karla í handbolta í Kaplakrika.
■ ■ SJÓNVARP
 10.50 Vetrarólympíuleikarnir á
RÚV. Bein útsending.
 18.25 Vetrarólympíuleikarnir á
RÚV. Samantekt frá atburðum dagsins.
 19.35 Evrópukeppni félagsliðsa á
Sýn. Bein útsending frá leik Bolton
og Marseille.
 22.20 Handboltakvöld á RÚV.
 23.40 Vetrarólympíuleikarnir á
RÚV. Samantekt frá atburðum dagsins.
FÓTBOLTI Jörundur Áki Sveins-
son, þjálfari A-landsliðs kvenna,
boðaði í fyrradag 26 leikmenn í
æfingahóp, en liðið mun mæta
Englandi í vináttulandsleik ytra
þann 9. mars nk. Níu leikmenn í
hópnum koma frá Breiðabliki en
athygli vekur að Stjarnan á fimm
fulltrúa í hópnum, rétt eins og
Valur.
Leikurinn gegn íslenska liðinu
er lokaundirbúningur enska liðs-
ins fyrir gríðarlega mikilvægan
leik gegn Frökkum í undankeppni
HM í lok mars. Hópurinn, sem
mun koma saman til æfinga næstu
tvær helgar, lítur svona út:
Kvennalandsliðið í fótbolta:
Níu leikmenn
frá Breiðabliki
ÆFINGAHÓPURINN
Katrín Jónsdóttir Amazon
Bryndís Bjarnadóttir Breiðablik
Edda Garðarsdóttir Breiðablik
Elín Anna Steinarsdóttir Breiðablik
Erna B. Sigurðardóttir Breiðablik
Greta Mjöll Samúelsdóttir Breiðablik
Guðlaug Jónsdóttir Breiðablik
Ólína G. Viðarsdóttir Breiðablik
Þóra B. Helgadóttir Breiðablik
Guðrún Sóley Gunnarsdóttir Breiðablik
Nína Ósk Kristinsdóttir Keflavík
Hólmfríður Magnúsdóttir KR
Olga Færseth KR
Erla Steina Arnardóttir Mallbackens
Ásthildur Helgadóttir Malmö
Dóra Stefánsdóttir Malmö
Björk Gunnarsdóttir Stjarnan
Elfa Björk Erlingsdóttir Stjarnan
Harpa Þorsteinsdóttir Stjarnan
Laufey Jóhannsdóttir Stjarnan
Sandra Sigurðardóttir Stjarnan
Ásta Árnadóttir Valur
Dóra María Lárusdóttir Valur
Guðbjörg Gunnarsdóttir Valur
Margrét Lára Viðarsdóttir Valur
Málfríður Erna Sigurðardóttir Valur
LANDSLIÐSHÓPURINN
MARKMENN:
Hrafn Davíðsson ÍBV
Magnús Þormar Keflavík
ÚTILEIKMENN:
Davíð Þór Viðarsson Lokeren
Gunnar Þór Gunnarsson Fram
Pálmi Rafn Pálmason Valur
Hjálmar Þórarinsson Hearts
Andri Júlíusson ÍA
Bjarni Þór Viðarsson Everton
Eyjólfur Héðinsson Fylkir
Theódór Elmar Bjarnason Celtic
Baldur Sigurðsson* Keflavík
Birkir Bjarnason* Viking
Bjarni Hólm Aðalsteinsson* ÍBV
Guðjón Baldvinsson* Stjarnan
Guðmann Þórisson* Breiðablik
Kári Ársælsson* Breiðablik
Kjartan Ágúst Breiðdal* Fylkir
Matthías Vilhjálmsson* FH
*NÝLIÐI
FÓTBOLTI Tíu nýliða er að finna í
fyrsta landsliðshóp Lúkasar Kost-
ic með U-21 árs landsliðið, en liðið
mun mæta Skotlandi í vináttuleik
á Firhill-leikvanginum í Glasgow
þann 28. febrúar nk.
Davíð Þór Viðarsson er lang-
leikjahæsti leikmaður liðsins með
13 leiki en annars er liðið er mjög
reynslulítið. Fimm leikmanna
liðsins spila sem atvinnumenn í
Evrópu en hinir hér heima.
U-21 árs landsliðið valið:
Tíu nýliðar
í hópnum
FÓTBOLTI „Þessi hópur er ekki end-
anlegur og þarf ekkert endilega
að endurspegla val mitt fyrir
leikina í haust. Þetta er að mínu
mati sterkasti hópurinn sem völ
er á í dag, það eru margir sterkir
strákar í liðinu en einnig margir
sterkir utan þess sem bíða eftir
því að fá kallið,“ sagði Eyjólfur
við Fréttablaðið í gær en hann
gerir átta breytingar á liðinu sem
mætti Svíum síðasta haust undir
stjórn Ásgeirs Sigurvinssonar og
Loga Ólafssonar.
„Ég hef enn
ekki ákveðið
hvaða leikað-
ferð við munum
nota en mark-
miðið er að
skoða vel alla
möguleika sem
eru í stöðunni
með þessum æfingaleik. Þetta
landslið er enn í mótun og smíð-
um en það gildir kannski að þessu
sinni hvernig menn eru að spila
á þessari stundu enda er langt á
milli landsleikjanna og hópurinn í
fyrsta leiknum næsta haust gegn
Norður-Írum gæti litið allt öðru-
vísi út,“ sagði Eyjólfur og bætti
við að þessi erfiða byrjun væri
enginn draumur en markmiðið
væri að sýna kraft og styrk og
koma vel út úr leikjunum.
Eyjólfur er ánægður með
hversu fjölhæft lið hann er með
í höndunum sem hann segir hafa
upp á marga kosti, bæði fyrir leiki
auk þess sem hann geti breytt lið-
inu mikið í miðjum leikjum. „Það
eru margir leikmenn sem geta
spilað margar stöður, til að mynda
Hermann Hreiðarsson, Grétar
Rafn Steinsson og að sjálfsögðu
Eiður Smári Guðjohnsen,“ sagði
Eyjólfur.
Gunnar Heiðar Þorvaldsson
er meiddur og getur ekki verið
með liðinu en í sóknarlínuna var
kallaður Grétar Ólafur Hjartar-
son leikmaður KR. „Ég vil skoða
Grétar betur. Ég hef mikið álit á
honum og hann hefur spilað mjög
vel á Reykjavíkurmótinu með
KR,“ sagði Eyjólfur en einungis
Grétar Ólafur og Daði Lárusson
markmaður FH spila á Íslandi.
Grétar Ólafur Hjartarson var
í afslöppun á La Manga með KR
þegar hann fékk kallið frá KSÍ
og það kom honum mjög á óvart.
„Ég átti alls ekki von á símtal-
inu, það kom mér svo sannarlega
í opna skjöldu en vissulega er ég
í skýjunum yfir því að vera kom-
inn í hópinn. Ég hef alltaf stefnt
á að komast í landsliðið og þetta
er því kærkominn bónus fyrir
mig. Markmiðið er að sanna sig
með nýjum landsliðsþjálfara og
vonandi tekst það,“ sagði Grétar
þegar Fréttablaðið talaði við hann
í gær.
hjalti@frettabladid.is
Sterkasti hópurinn í dag
Eyjólfur Sverrisson hefur tilkynnt sinn fyrsta hóp sem landsliðsþjálfari Íslands
en liðið mætir Trínidad og Tóbagó í æfingaleik 28. mars í Englandi. Eyjólfur
gerir alls átta breytingar á landsliðinu sem tapaði fyrir Svíum nú í haust.
EYJÓLFUR SVERRISSON
EMIL HALLFREÐSSON Er kominn upp í A-landsliðið en hér er hann í leik með U21 árs liðinu
í stjóratíð Eyjólfs Sverrissonar. FRÉTTABLAÐIÐ/E.ÓL.
FÓTBOLTI Í gær hittust fulltrúar
knattspyrnuþjóðanna í F-riðli
fyrir undankeppni Evrópumóts-
ins árið 2008 og röðuðu niður leik-
dögunum. Erfiðlega gekk að raða
niður dögunum þar sem Spán-
verjar gerðu sig einkar stóra.
„Við erum með þremur stórum
þjóðum í riðlinum og við vorum
ekki að gera okkur mjög stóra í
niðurröðuninni. Það voru fyrst
og fremst stóru þjóðirnar þrjár,
Danir, Svíar og Spánverjar sem
þurftu að komast að samkomu-
lagi og litlu munaði að það gengi
ekki. En eftir klukkutíma þref á
milli þeirra náðu þær loksins að
sættast og þá hófst vinnan við að
púsla leikjunum saman,“ sagði
Geir Þorsteinsson, framkvæmda-
stjóri KSÍ við Fréttablaðið í gær
en hann var á fundinum ásamt
formanninum Eggerti Magn-
ússyni og Eyjólfi Sverrissyni,
landsliðsþjálfara. Fyrsti leikur
Íslands verður gegn Norður-
Írum í byrjun september.
Líkt og í síðustu undankeppni
EM, mætir Ísland Dönum í Dan-
mörku í lokaleik riðilsins en síð-
ast varð 6-0 tap og niðurlæging-
in sú mesta síðan í 14-2 tapinu
margfræga. „Það var svo sann-
arlega ekkert sem við vorum að
vonast eftir. Danirnir gerðu tómt
grín að okkur og minntu okkur
vel á 14-2 og 6-0 en sögðu að von-
andi kæmum við með meiri sam-
keppni að þessu sinni,“ sagði Geir
í léttum tón en fyrri leikurinn við
Dani verður fyrsti heimaleikur
Íslands í keppninni en hann fer
fram þann 6. september.
Ísland mætir Spáni þann 28.
mars ytra og 8. september á
næsta ári en það þýðir að líklega
verði nýr Laugardalsvöllur vígð-
ur með komu þessa feykisterka
knattspyrnuliðs nú í sumar. - hþh
Íslendingar mæta Dönum í síðasta leik sínum í undankeppni EM:
Danirnir gerðu tómt grín að okkur
GEIR ÞORSTEINSSON Var mikið strítt á hrak-
förum íslenska landsliðsins gegn Dönum í
gegnum tíðina. FRÉTTABLAÐIÐ/E.ÓL
HSÍ hefur ekki enn ráðið þjálfara í stað
Viggós Sigurðssonar sem hefur sagt
starfi sínu lausu. Þeir Geir Sveinsson,
Júlíus Jónasson og Atli Hilmarsson hafa
helst verið nefndir sem arftakar Viggós.
Búið var að afskrifa Alfreð Gíslason
vegna stöðu hans mála í Þýskalandi,
en hann er á launum hjá Magdeburg
fram á sumar 2007 er hann tekur
við Gummersbach. Hann
er aftur á móti ekki að
gera neitt núna þar sem
Magdeburg rak hann á
dögunum. Alfreð hefur
hingað til sagst ætla að
taka það rólega fram á
sumar 2007 en skjótt
skipast veður í lofti
því Alfreð staðfesti við
Fréttablaðið í gær að hann ynni að því
þessa dagana að fá starfslokasamning
hjá félaginu svo honum verði frjálst að
taka að sér önnur verkefni.
„Lögfræðingurinn er að vinna í
þessu máli og hefur verið að því um
nokkurt skeið. Málið snýst raunverulega
um hvað það myndi kosta mig að rifta
samningi mínum við Magdeburg,“ sagði
Alfreð við Fréttablaðið í gær, en
hann vildi ekki gera of mikið úr því
að hann gæti tekið við
íslenska landsliðinu
þótt möguleikinn á
því yrði vissulega fyrir
hendi fengi hann sig
lausan frá Magdeburg.
„Ég get ekkert sagt um
hvað ég geri en ég hef fengið
fyrirspurnir víða og svo gæti vel farið
svo að ég tæki að mér önnur störf fyrir
Gummersbach áður en ég tæki við aðal-
liðinu. Ég hef það annars mjög fínt og ef
Magdeburg verður með einhver leiðindi
þá sit ég bara í eitt og hálft ár og hef
það huggulegt,“ sagði Alfreð, en hann
vildi annars lítið tjá sig um stöðu mála
fyrr en hann hefði leyst sín mál gagnvart
Magdeburg. En hefði hann áhuga á
að taka við landsliðinu ef honum yrði
boðið starfið?
„Ef hlutirnir ganga upp hefði ég
áhuga á að ræða við HSÍ en ég sé hlut-
ina ekkert endilega ganga upp eins og
staðan er í augnablikinu,“ sagði Alfreð
sem vildi ekki tjá sig um það hvort HSÍ
hefði haft samband við hann.
ALFREÐ GÍSLASON HANDKNATTLEIKSÞJÁLFARI: REYNIR AÐ FÁ STARFSLOKASAMNING HJÁ MAGDEBURG
Hef áhuga á að ræða við HSÍ ef ég losna
HANDBOLTI Hornamaðurinn Einar
Örn Jónsson, leikmaður Torrevi-
eja á Spáni, fór í segulómskoðun
í gær til að reyna að finna bót á
hnémeiðslum sem hafa verið að
angra hann undanfarna daga.
Einar kom ekkert við sögu hjá liði
sínu í síðasta leik og hefur ekki
getað æft í fimm daga. „Þetta er
eitthvað sem er búið að vera að
angra mig í rúmar tvær vikur en
það er ekki vitað hvað er að. Það
er þó búið að útiloka að þetta séu
krossbönd eða liðbönd,“ sagði
Einar sem telur að um sé að ræða
álagsmeiðsli í liðþófa.
„Gólfið í höllinni okkar er
verra en steypa og mig grunar að
það hafi einhverjar bólgur í lið-
þófa myndast vegna þess. Þetta
á ekki að vera of alvarlegt og ég
vona það besta,“ sagði Einar Örn.
- vig
Einar Örn Jónsson:
Meiddur á hné
EINAR ÖRN JÓNSSON Keppir vikulega á
gólfi sem er verra en steypt gólf.
> Spánverjarnir koma
Ísland og Spánn mætast í vináttu-
landsleik þann 16. ágúst í sumar. Í tilefni
þess verður ný og glæsileg stúka vígð á
Laugardalsvelli. Stórlið Spánverja er með
Íslandi í riðli í undan-
keppni EM en það
kemur ekki í veg
fyrir komu þeirra
í sumar. „Við
ræddum við
Spánverjana
úti í Dan-
m ö r k u
og niður-
staðan er
sú að við spilum
vináttuleik við Spán
þann 16. ágúst á
Laugardalsvellinum,“
sagði Geir Þorsteinsson
framkvæmdastjóri KSÍ
við Fréttablaðið í gær.
Dagný Linda keppir í dag
Dagný Linda Kristjánsdóttir keppir í
bruni á Vetrarólympíuleikunum í Tórínó
í dag en keppni hefst klukkan 11. Dagný
varð í 37. af 51. sæti á lokaæfingu fyrir
brunið í gær en hún verður númer 38. í
rásröðinni í dag.