Fréttablaðið - 15.02.2006, Blaðsíða 44

MARKAÐURINN
F Ó L K Á F E R L I
15. FEBRÚAR 2006 MIÐVIKUDAGUR20
H É Ð A N O G Þ A Ð A N
Þorsteinn Örn Guðmundsson hefur
verið ráðinn framkvæmdastjóri yfir nýju
sviði rekstrarstjórnunar hjá FL Group.
Þorsteinn Örn hefur
á síðustu misserum
gegnt stöðu forstjóra
FL Travel Group en
hverfur nú aftur til
starfa hjá FL Group.
Hinu nýja sviði er ætlað
það hlutverk að sinna
rekstrarstjórnun og eftir atvikum fylgja
eftir umbreytingum í félögum sem FL
Group fjárfestir í, þar sem starfað verð-
ur náið með stjórnendum félaganna.
PÁLL Á. JÓNSSON hefur verið ráðinn
framkvæmdastjóri fjarskiptanets
Símans. Páll hefur mikla og fjölbreytta
reynslu af starfsemi
á fjarskiptasviði.
Fjarskiptanet Símans
sér um uppbyggingu
og rekstur á grunnkerfi
fyrirtækisins sem
skiptist tæknilega
upp í aðgangsnet
og sambönd. Þá sér fjarskiptanet um
heildsölu til annarra fjarskiptafyrir-
tækja. Páll hóf fyrst störf hjá Póst- og
símamálastofnun árið 1969 sem sím-
virkjanemi. Hann hefur síðan unnið hjá
Símanum eða fyrirrennara hans frá
árinu 1978 með hléum. Helstu verkefni
Páls hjá Símanum voru við uppbygg-
ingu ljósleiðarakerfis Símans. Auk
þess hefur hann unnið við Cantat 3 og
Farice-sæstrengjaverkefnin. Hann var
forstöðumaður heildsölu Símans fram
til 2004 en á síðastliðnu ári tók hann
við starfi forstöðumanns aðgangsnets
Símans. Auk þess starfaði Páll hjá
Ríkisútvarpinu - Sjónvarpi og hjá IBM á
Íslandi. Páll nam rafmagnstæknifræði
við Tækniskóla Íslands og Tækniskólann
í Óðinsvéum og lauk prófi frá þeim skóla
1978. Páll stundaði nám í viðskipta- og
rekstrarfræðum við Endurmenntun
Háskóla Íslands 1994 og 1995. Páll er
kvæntur Ásdísi Björgvinsdóttur og eiga
þau tvö uppkomin börn.
SVEINN TRYGGVASON hefur verið ráðinn
framkvæmdastjóri hjá Símanum á nýju
sviði sem kallast Stjórnun viðskipta-
ferla. Hlutverk hins
nýja sviðs er að halda
utan um og samhæfa
þau ferli sem starfsemi
Símans byggir þjónustu
sína á með hliðsjón af
heildarsýn Símans um
Stafræna tilveru og
Stafræn viðskipti eins
og stefna Símans á einstaklings- og
fyrirtækjamarkaði kallast. Sviðið skiptist
í fjórar deildir: verkefnastjórnun, upp-
lýsingakerfi, öryggis- og gæðastjórnun
og fasteignadeild. Sveinn útskrifaðist
með M.Sc. gráðu í rekstrarverkfræði
frá Háskólanum í Álaborg árið 2000.
Undanfarin misseri hefur Sveinn verið
forstöðumaður Eignarhluta hjá Símanum
og þar áður var hann rekstrarráðgjafi
hjá PricewaterhouseCoopers og IBM
Business Consulting Services. Sveinn
er kvæntur Lindu Pálsdóttur félagsráð-
gjafa og eiga þau þrjár dætur.
Síðastliðinn föstudag fékk
hátæknifyrirtækið Marorka
afhent skjal til staðfestingar
á því að hafa hlotið vottun
frá Det norske Veritas (DNV)
fyrir gæðakerfi fyrirtækisins.
Marorka hefur á síðastliðnu ári
innleitt gæðakerfi samkvæmt
ISO 9001:2000 gæðastaðlin-
um og í desember síðastliðn-
um framkvæmdi DNV, einn
stærsti vottunaraðili heims,
vottun á gæðakerfinu. Til að
fá vottun hefur Marorka sýnt
fram á að unnið sé eftir skráð-
um verkferlum sem tryggja
rekjanleika og vönduð vinnu-
brögð.
Marorka var stofnað í júní
2002 og er ört vaxandi alþjóð-
legt hátæknifyrirtæki með vel
menntað og hæft starfsfólk
sem er um tuttugu talsins. Í til-
kynningu frá fyrirtækinu segir
að starfsfólk þess hafi verið
mjög áhugasamt og einbeitt við
að ná sem bestum árangri sem
hafi hjálpað til við að fá vottun
á gæðakerfið á innan við ári frá
upphafi verkefnisins.
Marorka hlýtur gæðavottun
VOTTUN VEITT Dr. Jens Peter Høiseth frá DNV afhendir Jóni Ágústi Þorsteinssyni, fram-
kvæmdastjóra Marorku, viðurkenninguna.
NFS ER Á VISIR.IS
Bein útsending á VefTV og upptökur þegar þér hentar