Fréttablaðið - 15.02.2006, Blaðsíða 30

MARKAÐURINN 15. FEBRÚAR 2006 MIÐVIKUDAGUR6
Ú T L Ö N D
Eggert Þór Aðalsteinsson
skrifar
Harðnandi samkeppni meðal indverskra flug-
félaga hefur komið sér illa fyrir JetAirways,
sem er eina skráða flugfélagið á indversk-
um hlutabréfamarkaði. Vaxandi samkeppni
frá nýstofnuðum lággjaldaflugfélögum hefur
dregið úr tekjum og hagnaði þessa hefð-
bundna flugfélags.
Þegar félagið fór í hlutafjárútboð fyrir ári
síðan kostaði hluturinn 1.100 rúpíur en stend-
ur í dag í 969 rúpíum, sem er tólf prósenta
lækkun. Á sama tíma hefur Sensex-markað-
urinn í Bombay hækkað um helming.
Þrátt fyrir að JetAirways ráði yfir helm-
ingi markaðarins eftir nýlega yfirtöku á
keppinautinum Air Sahara eru margir sér-
fræðingar svartsýnir á gengi félagsins, þar
sem þeim finnst að fyrirtækið hafi borgað
full mikið, um 30 milljarða, fyrir Air Sahara.
Spá þeir meira falli hlutabréfa á næstunni.
Aðrir eru öllu bjartsýnni og benda á að
leiðakerfi Air Sahara sé sterkt, enda fljúgi
það til staða á borð við London, Singapúr
og Kúala Lúmpur og eigi auk þess ógrynni
lendingarleyfa, sem eru fágæt auðlind á
Indlandi.
Spádómar um meiri hremmingar
JetAirways eru hálf furðulegir þegar haft
er í huga að indverskur flugfélagamarkaður
vex með ógnarhraða en talið er að markaður
á innanlandsflugi stækki um fimmtung á
ári og utanlandsflug um annað eins. Nýríka
millistéttin, sem nýtur ávaxtanna af miklum
hagvexti, er skýringin á mikilli farþega-
sprengingu og betri sætanýtingu. Á síðasta
ári ferðuðust nítján milljónir farþega með
indverskum flugfélögum en því er spáð að
árið 2010 verði talan komin í fimmtíu millj-
ónir. Það er þó ekki nema brot af íbúum
Indlands sem flýgur á hverju ári en einn
milljarður byggir landið.
Auðvelt hefur verið að stofna flugfélög
sem hafa spjarað sig vel í samkeppninni við
brothætta risann. Þannig hefur lággjalda-
flugfélagið Air Deccan náð tólf prósenta
markaðshlutdeild á aðeins tveimur árum.
FLUGVÉL JETAIRWAYS Þrátt fyrir gríðarlegan vöxt á indverskum flugmarkaði er stærsta flugfélagið í miklum vandræðum vegna samkeppni frá lággjaldaflugfélögum.
Indverskt risaflugfélag
hristist í háloftunum
JetAirways glímir við lággjaldaflugfélög sem spretta upp eins og gorkúlur.
Indverskur flugmarkaður vex um fimmtung á ári.
Hagnaður rússneska orkufyrir-
tækisins Rosneft nam 240 millj-
örðum króna á fyrstu níu mánuð-
um ársins 2005 og er það tæplega
sexföldun frá fyrra ári. Rosneft,
sem er í eigu rússneska ríkisins,
keypti snemma árs 2005 afnot
af stærstu olíulindum Rússlands;
Yuganskneftegaz-lindunum. Þær
voru áður í eigu Yukos, fyrirtæk-
is rússneska ólígarkans Mikhails
Khodorkovsky sem nú situr í
fangelsi í Síberíu.
Rosneft var þar til fyrir
skömmu lítið fyrirtæki á rúss-
neskan mælikvarða. Það
breyttist eftir að fyrirtækið
komst yfir Yuganskneftegaz-
lindirnar og telst Rosneft
nú vera einn þriggja
olíurisa Rússlands.
Talið er að allt að
1,6 milljörðum
olíufata sé óaus-
ið úr lindunum.
R í k i s s t j ó r n
R ú s s l a n d s
hyggst einka-
væða Rosneft
og má búast við
að fyrstu bréfin fari á sölu í
lok þessa árs.
- jsk
Hagnaður orkurisa sexfaldast
Hið rússneska Rosneft fékk olíulindir á spottprís og græðir á tá og fingri.
HÖFUÐSTÖÐVAR
ROSNEFT Í
MOSKVU
Til stendur að
einkavæða Rosneft
og má búast við
að fyrstu bréf fari á
markað í lok þessa
árs. Fyrirtækið telst
einn þriggja orku-
risa Rússlands.
Hagnaður norska ríkisolíurisans
Statoil nam á síðasta ári tæpum
1.700 milljörðum íslenskra króna
og jókst um tuttugu og þrjú pró-
sent milli ára, Tekjur Statoil
námu á sama tímabili rúmum
3.700 milljörðum og hafa aldrei
verið meiri.
Hagnaður á síðasta ársfjórð-
ungi var rúmir áttatíu milljarðar
og er það talsvert minna en á
sama tíma fyrir ári þrátt fyrir
að tæplega þrjátíu prósenta
tekjuaukning hafi orðið á tíma-
bilinu. Forsvarsmenn fyrirtækis-
ins kenndu um vandamálum við
framleiðslu í Íran.
„Síðasta ár hefur verið frábært
fyrir Statoil. Árangurinn er til
kominn vegna þrotlausrar vinnu
starfsmanna og aukinnar fram-
leiðni auk aðhaldssemi í fjármál-
um. Þá skemmdi hátt verð á olíu
og gasi ekki fyrir,“ sagði Helge
Lund, forstjóri Statoil.
Statoil var stofnað árið 1972 og
er í sjötíu prósenta eigu norska
ríkisins. Statoil er í 96. sæti á
lista Forbes yfir stærstu fyrir-
tæki veraldar. Hjá fyrirtækinu
starfa tuttugu og fjögur þúsund
manns í tuttugu og níu löndum.
Bréf í Statoil stóðu óbreytt í
rúmum 175 norskum krónum á
hlut er fréttirnar bárust. Statoil
er skráð bæði í Kauphöllina í
Osló og á NASDAQ-markaðinn í
New York. - jsk
Statoil malar svart gull
Methagnaður varð af rekstri norska ríkisrisans Statoil á síðasta ári.
Vandamál í Íran ollu erfiðleikum á síðasta fjórðungi.
INGE K. HANSEN, FJÁRMÁLASTJÓRI
STATOIL, HRINGIR BJÖLLUNNI Á
NASDAQ Hagnaður Statoil nam 1.700
milljörðum íslenskra króna á síðasta ári.
Statoil er í sjötíu prósenta eigu norska ríkis-
ins og er í 96. sæti á lista Forbes yfir stærstu
fyrirtæki veraldar.
Ríkisstjórn Íraks hefur frestað
samningaviðræðum við ástralska
hveitiútflutningsfyrirtækið AWB
vegna ásakana um að AWB hafi
mútað íröskum embættismönn-
um í valdatíð Saddams Hussein.
Forsvarsmenn AWB eru sak-
aðir um að hafa greitt tæpan 1,3
milljarð króna í mútur til að
tryggja sér samninga
við stjórn Saddams.
Talsmenn AWB neita
öllum ásökunum og
segjast hafa haldið að
um væri að ræða gjald
vegna flutningskostnaðar.
Opinber rannsókn er hafin
í Ástralíu á hlut AWB í málinu
og hefur forstjóri fyrirtækisins,
Andrew Lindberg, nú þegar orðið
að segja af sér. Stjórnarformaður
AWB, Brendan Stewart, sagði
ákvörðun Íraka valda sér von-
brigðum. AWB hafði áður hand-
salað samning um innflutning á
milljón tonnum af hveiti til Íraks
en nú þykir ljóst að ekkert verði
úr. Hlutabréf í AWB féllu um átta
prósent er fréttirnar bárust.
- jsk
Ástralar í írösku mútuhneyksli
SADDAM HUSSEIN MEÐ HÓLK
Á LOFTI Forsvarsmenn ástralska
fyrirtækisins AWB eru sakaðir um að
hafa greitt íröskum embættismönn-
um 1,3 milljarð króna í mútur til að
tryggja sér viðskiptasamninga.
Smásöluverslun í Kína mun nema
tæplega 75 þúsund milljörðum
íslenskum króna árið 2010 og
vaxa um ellefu prósent frá því
sem nú er, gangi spá kínverskra
stjórnvalda eftir.
Ríkisstjórnin hefur undanfarið
reynt að ýta undir eyðslu neytenda
en Kínverjar þykja reiða sig helst
til mikið á útflutning.
- jsk
Smásöluverslun
eykst í Kína
������������
������������������������������ ����������������������
���
�����
����
�����������������������������
����������� � ���������
H
im
in
n
o
g
h
a
f
/
SÍ
A
����������������������������
flutninga
Allt til
ferðalaga
Kerrur
Tjald-
vagnar
�����������