Fréttablaðið - 22.05.2006, Síða 2

2 22. maí 2006 MÁNUDAGUR
LÖGREGLA Fjórir menn voru hand-
teknir í fyrrinótt vegna gruns um
aðild að vopnuðu ráni sem var fram-
ið í Apótekaranum á Smiðjuvegi á
fimmtudagsmorgun.
Einn maður klæddur svörtum
kufli kom inn í apótekið á fimmtu-
dagsmorguninn og ógnaði starfs-
fólki þess með öxi og hafði á brott
með sér nokkuð magn af lyfjum.
Lögreglan í Kópavogi hefur unnið
að rannsókn málsins síðan ránið var
framið en það telst nú upplýst þar
sem játning liggur fyrir. - eö
Vopnað rán í Apótekaranum:
Játning liggur
fyrir í málinu
Fíkniefni á Selfossi Lögreglan
á Selfossi stöðvaði einn ökumann í
gærmorgun vegna gruns um að hann
væri undir áhrifum fíkniefna. Leitað var
í bílnum hjá manninum en engin efni
fundust þar og var því leitað heima hjá
honum. Heima hjá manninum fannst
lítilræði af amfetamíni og kannabisefn-
um og viðurkenndi maðurinn að hann
væri eigandi efnanna.
LÖGREGLUFRÉTTIR
Erill hjá lögreglunni í Reykjavík
Í nógu var að snúast hjá lögreglunni
í Reykjavík í fyrrinótt þar sem mikill
mannfjöldi var í bænum. Níu voru teknir
fyrir ölvunarakstur.
Hraðakstur Mikið hefur verið um of
hraðan akstur síðustu daga. Lögreglan
í Borgarnesi hefur stöðvað fjölda öku-
manna vegna hraðaksturs í Borgarfirði
og lögreglan á Leifsstöð hefur einnig
þurft að stöðva fjölda ökumanna sem
hafa ekið of hratt á Reykjanesbraut.
Bílvelta við Egilsstaði Bifreið valt
um ellefuleytið í gærmorgun rétt utan
við Fellabæ, en hálka var á veginum.
Tveir ferðamenn voru í bílnum og var
ökumaðurinn ómeiddur en farþegi fann
til í baki og var fluttur með sjúkrabíl á
sjúkrahúsið á Egilsstöðum.
LÖGREGLUFRÉTTIR
LÖGREGLA Þrír gistu fangageymslu
lögreglunnar á Hvolsvelli í fyrri-
nótt eftir að mikil ólæti komu upp
á Hellu.
Lögreglan fékk tilkynningu
um slagsmál fyrir utan veitinga-
stað um tvöleytið og fór á staðinn
og handtók einn mann. Við það
æstust aðrir og réðust að lögreglu
og reyndu að frelsa manninn.
Eftir að liðsauki kom frá Selfossi
um þrjúleytið tókst að stöðva
lætin og voru tveir til viðbótar
handteknir.
Engin meiðsl urðu á lögreglu-
mönnum í átökunum en einn lög-
reglubíll skemmdist lítillega.
- eö
Þrír handteknir á Hvolsvelli:
Reyndu að
frelsa fangann
SÖNGVAKEPPNI Silvía Nótt var
þrettánda af 23 keppendum í
undankeppni Eurovision á fimmtu-
dagskvöldið. Pólverjar voru næst-
ir því að komast inn með sjötíu
stig og Belgar voru í tólfta sæti.
Íslensku keppendurnir fengu
62 stig, fjórtán stigum minna en
Makedónía sem var síðust þjóða
upp úr undanúrslitunum.
Ísland fékk eitt stig frá Bosníu,
Króatíu, Frakklandi, Lettlandi,
Mónakó og Armeníu, tvö stig frá
Írlandi og Serbíu, þrjú stig frá
Portúgal, fimm frá Eistlandi og
Bretlandi, sex frá Spáni og Sví-
þjóð og að lokum sjö frá Dan-
mörku, Finnlandi, Noregi og Lit-
háen.
Jenny frá Andorra lenti í neðsta
sæti með lostafulla laginu sínu
Sensa tu en hún fékk átta stig.
Hvít-Rússar voru næst neðstir
með tíu stig, Mónakó vermdi 21.
sætið og Hollendingar það tuttug-
asta í undankeppninni. - gg
Silvía var þrettánda í röðinni:
Silvíu vantaði
14 stig upp á
SILVÍA GRÆTUR ÚRSLITIN Ofurstjarnan
grét sáran er ljóst var að hún kæmist ekki
í úrslitin. Hún náði að koma nokkrum
blótsyrðum til viðbótar að í erlendum
fjölmiðlum. FRÉTTABLAÐIÐ/VALLI
ÖLDRUNARMÁL Allt frá árinu 1991
hefur Framkvæmdasjóður aldr-
aðra ekki verið nýttur að fullu til
þess að byggja stofnanir fyrir
aldraða eins og tilskilið var í
lögum um sjóðinn í upphafi. Alls
hafa rúmir sex milljarðar króna
runnið í Framkvæmdasjóð aldr-
aðra undanfarin tíu ár en af þeirri
fjárhæð hafa innan við sextíu pró-
sent, aðeins 3,6 milljarðar, farið í
framkvæmdir samkvæmt upphaf-
legum tilgangi laga um sjóðinn.
Ríkisvaldið
hefur notað um
2,5 milljarða til
reksturs.
Dagur B.
Eggertsson,
oddviti Sam-
fylkingarinnar
í Reykjavík,
ræddi málefni
Framkvæmda-
sjóðsins á fundi
Aðstandenda-
félags aldraðra
og Landssam-
bands eldri
borgara fyrir
skemmstu og
fullyrti að
skerðing ríkis-
ins á fé sjóðsins
hefði tafið öll
samstarfsverk-
efni ríkis og
borgar um tvö
ár. „Ef það fé sem hefur verið inn-
heimt með þessum sérstaka skatti
á síðustu fimmtán árum hefði ekki
verið tekið í annað þá hefði verið
hægt að byggja öll þau hjúkrunar-
rými sem nú er þörf á.“
Dagur er þeirrar skoðunar að
notkun fjármuna sjóðsins til annars
en uppbyggingar sé sérstaklega
alvarlegt af því að um nefskatt sé
að ræða. Þjóðin hafi staðið í þeirri
trú að þeir væru til að stuðla að
uppbyggingu í þágu aldraðra.
„Þetta viðgengst ennþá á fjárlög-
um þessa árs því aðeins 58 prósent
af þessum sérstaka skatti eru notuð
í uppbyggingu hjúkrunarheimila.
Þetta er auðvitað reginhneyksli og
það þarf einfaldlega að skila
þessum peningum.“
Vilhjálmur Þ. Vilhjálmsson,
oddviti sjálfstæðismanna í Reykja-
vík, segist hafa gagnrýnt það árum
saman að fé Framkvæmdasjóðs
aldraðra renni til annars en bygg-
ingar húsnæðis fyrir aldraða en
segir jafnframt að ekki megi
gleyma því að einnig verði að
tryggja rekstur heimilanna. „Það
er mitt mat að á undanförnum
árum hafi bæði Reykjavíkurborg
og ríkisvaldið alls ekki lagt nægi-
lega áherslu á byggingu hjúkrun-
arheimila.“ Vilhjálmur segir jafn-
framt að Samfylkingin sé með
umræðu sinni um Framkvæmda-
sjóð aldraðra að draga athyglina
frá eigin aðgerðarleysi í þessum
málaflokki. „Þetta á ekki að vera
afsökun fyrir aðgerðarleysi R-
listans í þeim úrræðum sem snúa
beint að borginni eins og bygg-
ingu þjónustuíbúða þar sem eru
yfir þrjú hundruð manns á bið-
lista í afar brýnni þörf.“
svavar@frettabladid.is
Framkvæmdafé
aldraðra í rekstur
Fé Framkvæmdasjóðs aldraðra, sem upphaflega var hugsað til uppbyggingar
húsnæðis fyrir eldri borgara, fer að stórum hluta til reksturs og annarra þarfa í
öldrunarþjónustu. „Reginhneyksli,“ segir oddviti Samfylkingar í Reykjavík.
FRÁ HJÚKRUNARHEIMILINU EIR Um 2.500 milljónir króna sem ætlaðar hafa verið til upp-
byggingar húsnæðis fyrir eldri borgara hafa verið nýttar til reksturs heimilanna og annarra
þarfa.FRÉTTABLAÐIÐ/HEIÐA
VILHJÁLMUR Þ.
VILHJÁLMSSON
DAGUR B. EGGERTS-
SON
LEIT Björgunarsveitir á Austur-
landi fundu á laugardag fótspor
sem talin eru vera eftir Pétur
Þorvarðarson, sautján ára pilt
frá Egilsstöðum, sem leitað hefur
verið í rúma viku. Leitað er á
svæði sem er austan og norðan
Þjóðfells. Áætlar svæðisstjórnin
á Egilsstöðum að slóðin sé 35-40
kílómetra frá Grímsstöðum á
Fjöllum þaðan sem Péturs var
upphaflega saknað á aðfaranótt
síðasta sunnudags.
Slóðin sem fannst er margir
kílómetrar á lengd og fundu leitar-
menn einnig tómt gæsahreiður
sem álitið að Pétur hafi komið að
og jafnvel nýtt eggin sér til matar.
Baldur Pálsson, formaður
svæðisstjórnar á Egilsstöðum,
segir að slóðin hafi óneitanlega
fyllt leitarmenn von um að finna
Pétur og þess vegna hafi margir
lagt á sig geysilega vinnu við leit-
ina. Baldur segir líkurnar á því að
sporin séu eftir einhvern annan
en Pétur ákaflega litlar. „Förin
lágu þannig að við getum ekki
skilið þau öðruvísi en þarna hafi
villtur maður verið á ferð. Greini-
legt er að hann þekkir ekki landið
miðað við þá stefnu sem hann
tók.“
Um klukkan sex í gær voru
rúmlega fjörutíu manns við leitina
á fjórhjólum og bílum. Veðrið var
þá ágætt, töluverður vindur og
bjart, en leit var hætt tímabundið
kvöldið áður vegna veðurs.
- shá
Leitarmenn á Möðrudalsöræfum fundu slóð og tómt gæsahreiður á laugardag:
Vongóðir um að finna Pétur
FRÁ LEITINNI Sporin sem fundust á laugar-
dag hafa fært leitarmönnum nýja von um
að finna Pétur Þorvarðarson. MYND/ANNA
SPURNING DAGSINS
Ómar, hvernig skilgreinir þú
meðbyr?
,,Meðbyr er þegar fylgi Framsóknar-
flokksins er upp, hvort sem það mið-
ast við kosningar eða kannanir.“
Framsóknarflokkurinn í Kópavogi mældist
með 9,7 prósenta fylgi í skoðanakönnun
Fréttablaðsins. Það er átján prósentum minna
en í síðustu kosningum. Ómar Stefánsson,
oddviti listans, sagðist finna fyrir meðbyr.
SAGA Á tímum kalda stríðsins létu
íslensk stjórnvöld ítrekað hlera
síma hjá stjórnmálaflokkum, fjöl-
miðlum, félagasamtökum og ein-
staklingum. Alþingismenn voru í
þeim hópi sem hlerað var hjá.
Þetta kemur fram í rannsókn sem
Guðni Th. Jóhannesson sagnfræð-
ingur kynnti á söguþingi í gær.
Leyfi til hlerana voru rökstudd
sem nauðsynleg þegar öryggi
ríkisins og starfsfriði Alþingis var
talið ógnað.
Árin 1949 til 1968 fengu stjórn-
völd sex sinnum leyfi dómsvalda
til að hlera símanúmer vegna ótta
um öryggi ríkisins. Þetta var árið
1949 við inngönguna í Atlantshafs-
bandalagið, 1951 við heimsókn
Eisenhower, yfirhershöfðingja
NATO, 1951 við komu Bandaríkja-
hers og 1961 þegar landhelgis-
samningur var gerður við Breta.
Einnig voru leyfðar hleranir 1963
við heimsókn Lyndons B. Johnson,
varaforseta Bandaríkjanna, og
1968 vegna utanríkisráðherra-
fundar NATO.
Í öllum tilfellum var hlerað hjá
þingmönnum og á skrifstofu Sósíal-
istaflokksins og Þjóðviljanum.
Einnig voru símar hleraðir hjá
verkalýðsfélaginu Dagsbrún og
hjá samtökum herstöðvaandstæð-
inga. Árið 1961 var einnig hlerað
hjá Alþýðusambandi Íslands.
Engar heimildir finnast fyrir því
að símahleranir hafi verið stund-
aðar án dómsúrskurðar.
- shá
Ný rannsókn Guðna Th. Jóhannessonar sagnfræðings:
Hlerað hjá alþingismönnum
GUÐNI TH. JÓHANNESSON Rannsóknin
sýnir mörg tilvik þar sem símar voru hlerað-
ir vegna ótta um öryggi ríkisins. Alþingis-
menn voru á meðal þeirra sem hlerað var
hjá. FRÉTTABLAÐIÐ/GVA
Góð grásleppuveiði Grásleppuveiði
á Ströndum hefur gengið prýðilega í
vor og aflabrögð verið góð. Áhöfnin á
línu- og netabátnum Hlökk ST-66 frá
Hólmavík fiskaði vel á vertíðinni og fékk
um 120 tunnur af söltuðum hrognum.
SJÁVARÚTVEGUR
Nýr þjóðgarður Ferðamálasamtök
Vestfjarða vilja að Látrabjarg og Rauði-
sandur verði skilgreind sem þjóðgarður
á næstu tveimur árum. Verið er að
kynna hugmyndirnar fyrir landeigendum
á svæðinu og forstöðumaður Markaðs-
stofu Vestfjarða segir mikilvægt að sátt
náist í málinu.
NÁTTÚRUVERND