Fréttablaðið - 22.05.2006, Side 4

4 22. maí 2006 MÁNUDAGUR
GENGIÐ
GENGI GJALDMIÐLA 19.05.2006
Gengisvísitala krónunnar
Bandaríkjadalur 71,46 71,8
Sterlingspund 134,02 134,68
Evra 91,15 91,67
Dönsk króna 12,225 12,297
Norsk króna 11,679 11,747
Sænsk króna 9,735 9,793
Japanskt jen 0,6387 0,6425
SDR 106,35 106,99
HEIMILD: Seðlabanki Íslands
KAUP SALA
126,3217
KOSNINGAR Sjálfstæðisflokkur nær
ekki hreinum meirihluta í Reykja-
vík og Framsóknarflokkur nær
ekki manni inn í borgarstjórn sam-
kvæmt könnun sem Gallup gerði
fyrir fréttastofu Útvarpsins.
Samkvæmt könnuninni, sem
gerð var á laugardag, fær Sjálf-
stæðisflokkur 43,4 prósent
atkvæða og sjö borgarfulltrúa,
Samfylking fær 32 prósenta fylgi
og sex menn kjörna, Vinstri græn
mælast með 10,7 prósenta fylgi og
Frjálslyndir með tíu prósenta
fylgi. Frjálslyndir og Vinstri græn
fá einn mann hvor í borgarstjórn
samkvæmt könnuninni. Fram-
sóknarflokkurinn mældist hins
vegar með 3,9 prósenta fylgi.
Úrtak könnunarinnar var átta
hundruð manns og var svarhlut-
fall sextíu prósent en áttatíu pró-
sent þeirra tóku afstöðu. - sha
Skoðanakönnun Gallup:
B-listi nær ekki
manni inn
AFGANISTAN, AP Talið er að yfir 190
manns hafi látist í átökum sem
geisað hafa í suðurhluta Afganistan
síðan á miðvikudag. Í gær varð
öflug bílsprengja þremur mönnum
að bana í höfuðborg landsins,
Kabúl, en henni var beint gegn her-
mönnum Bandamanna. Utanríkis-
ráðherra Afganistan, Rangeen Dad-
far Spanta, segir að talibanar og
aðrir hryðjuverkahópar standi á
bak við óeirðirnar og sé þeim mið-
stýrt frá Pakistan.
Innaríkisráðherra Pakistan,
Aftab Khan Sherpao, þvertekur
hins vegar fyrir allt slíkt. „Við neit-
um því að leiðtogar talibana séu í
landinu. Slíkar ásakanir hjálpa ekki
sambandi Pakistan og Afganistan.“
Bæði Bandaríkjamenn og Afganar
segja hins vegar að talibanar,
Osama Bin Laden og aðrir hryðju-
verkamenn hafist við í hinum
hálendu og hrjóstrugu landamær-
um Afganistan og Pakistan, mjög
líklega Pakistanmegin.
Árásir á herlið Bandamanna í
Afganistan hafa aukist gríðarlega á
undanförnum mánuðum, sérstak-
lega á svæðum við landamæri
Pakistan. - sha
Óeirðaalda undanfarna daga í Afganistan:
Nærri 200 látast í átökum
BÍLSPRENGJA Í KABÚL Varð þremur mönn-
um að bana en mikil mildi þykir að ekki
fleiri skyldu látast í sprengingunni.
NORDICPHOTOS/AP
EFNAHAGSMÁL Árni Mathiesen fjár-
málaráðherra hefur átt óformlega
fundi við ýmsa fulltrúa hags-
munaaðila á vinnumarkaði vegna
verðbólgunnar en segir óhægt um
vik að sinna slíku þessa dagana
þar sem rúm vika sé í sveitar-
stjórnarkosningar. „Vissulega
hafa verið samtöl um þessa hluti.
Við verðum að sjá hverju fram
vindur. Við ráðum ekki einir för,“
segir hann og kveðst ekki geta
sagt um það á þessu stigi hvernig
þessi samtöl þróist.
Fjármálaráðuneytið vinnur nú
að fjárlagafrumvarpi fyrir næsta
ár. Árni segir unnið á grundvelli
langtímaáætlana og tekið mið af
breyttum aðstæðum. Aðhald sé
mikið. Árni kveðst fylgjast með
umræðunni um efnahagsástandið
en vill ekkert segja hvort ríkis-
valdið leggist á sveif með Seðla-
bankanum í baráttunni við verð-
bólguna. Lítið sé hægt að gera.
Framkvæmdir séu í algjöru lág-
marki.
„Framkvæmdir ríkisins nema
13,4 milljörðum á árinu. Það er
rétt rúmlega eitt prósent af þjóðar-
framleiðslu og nánast ekkert nema
vegaframkvæmdir þannig að
framkvæmdir ríkisins eru nánast
eins litlar og mögulegt er án þess
að ríkið beinlínis fari niður í núll,“
segir hann.
„Stór liður í ríkisfjármálunum
er samneyslan, rekstur heil-
brigðiskerfisins og menntakerf-
isins. Ég held að við höfum ekki
neina möguleika til að lækka
kostnað þar. Þó að hagfræðingar
segi að það eigi að lækka laun og
fækka fólki þá er það óraunhæft.
Þó að hagfræðingar segi að það
sé skynsamlegast að lækka líf-
eyri þá er það líka óraunhæft.“
Ingibjörg Sólrún Gísladóttir,
formaður Samfylkingarinnar,
telur verðbólguskeið fram undan.
„Ríkisstjórnin hefði átt að vera
búin að taka upp víðtækt samráð
við verkalýðshreyfinguna,
atvinnurekendur, fjármálastofn-
anir og sveitarfélög um það
hvernig menn ætla að takast sam-
eiginlega á við þennan vanda,“
segir hún.
Steingrímur J. Sigfússon, for-
maður Vinstri grænna, telur Seðla-
bankann standa aleinan í glímunni
við verðbólguna og fá minna en
enga hjálp frá ríkisstjórninni og
takmarkaðan skilning hjá bönkum
og öðrum aðilum.
Ekki náðist í Halldór Ásgríms-
son forsætisráðherra.
ghs@frettabladid.is
ÁRNI MATHIESEN „Við ráðum ekki einir
för,“ segir Árni Mathiesen fjármálaráðherra
og kveðst fylgjast með umræðunni um
efnahagsástandið en vill ekkert segja hvort
ríkisvaldið leggst á sveif með Seðlabank-
anum.
Fjármálaráðherra segir
framkvæmdir í lágmarki
Fjármálaráðherra hefur átt samtöl við aðila vinnumarkaðarins og fulltrúa sveitarfélaganna um verð-
bólguna en vill ekkert segja um hvort markvissara samráð verði tekið upp eftir kosningar.
VIÐ HRINGBRAUT Framkvæmdum við Hringbraut lauk í fyrra. Fjármálaráðherra segir að framkvæmdir ríkisins séu nánast eins litlar og mögulegt sé. FRÉTTABLAÐIÐ/GVA
BANDARÍKIN, AP Tveir menn frá Sádi-
Arabíu voru handteknir í Tampa í
Flórída á föstudaginn fyrir að hafa
fengið far með skólarútu. Eru þeir í
haldi lögreglu en dómarinn í málinu
úrskurðaði að ekki væri hægt að
sleppa mönnunum gegn tryggingu
vegna þess að hann vildi fá frekari
upplýsingar um bakgrunn mann-
anna.
Mennirnir gáfu þær skýringar að
þeir vildu kynnast bandarískum
gagnfræðaskóla og reyna að finna
auðveldari leiðir til að læra ensku.
Ökumanni rútunnar fannst hins
vegar mennirnir furðulegir og þegar
þeir byrjuðu að tala á arabísku ákvað
hann að láta skólayfirvöld vita. - sha
Tveir Sádi-Arabar handteknir:
Fengu far með
skólarútu
Reykjavík
B
3,9%
D
43,4%
S
32,1%
V
10,7%
F
14,7%
Skipting atkvæða og
fjöldi borgarfulltrúa
Könnun Gallup fyrir Ríkisútvarpið.
0 7 6 1 1
Samstarf við UNIFEM Forsvars-
menn Sjóvá, Kvennahlaups ÍSÍ og UNI-
FEM hafa skrifað undir samstarfssamn-
ing og verður yfirskrift Kvennahlaupsins
í ár: „Hvert skref skiptir máli“. Yfirskriftin
vísar til þess uppbyggingarstarfs sem
UNIFEM hefur staðið fyrir í Afganistan
síðan árið 2002. Mikilvægasta verkefnið
er bygging kvennamiðstöðva þar sem
konum gefst kostur á fræðslu eins og
lestrarkenslu og iðnmenntun. Kvenna-
hlaupið fer fram hinn 10. júní.
KVENNAHLAUP