Fréttablaðið - 22.05.2006, Qupperneq 15

MÁNUDAGUR 22. maí 2006 15
Baldvin H. Sigurðsson matreiðslu-
meistari skipar efsta sæti á lista Vinstri
grænna en hann átti ekki sæti á lista
flokksins síðast. Hann segir meginá-
herslur listans á velferðar-, atvinnu- og
umhverfismál. „Við munum berjast
fyrir hækkun lægstu launa og draga til
baka launalækkun almenns verkafólks
hjá bænum. Við boðum gjaldfrían
leikskóla, fría heimatilbúna máltíð í
alla grunnskóla og að íbúar á öldrunarheimilum eigi rétt
á eigin herbergi.“
VG vill jafnframt fjölga störfum í ferðaþjónustu með
aukinni afþreyingu fyrir ferðafólk og hlúa að starfsemi
Markaðsskrifstofu ferðamála og sjávarútvegsfyrirtækjum
bæjarins. „Við ætlum að hjálpa háskólanum til vaxtar og
metorða, auka lóðaframboð og laða ný atvinnufyrirtæki
til bæjarins. Vinstri grænir munu stórauka endurvinnslu,
fullklára göngu- og hjólastíga bæjarins og gera Glerárdal
að útivistarparadís. Við viljum byggja upp miðbæjar-
svæðið en fara varlega í þær framkvæmdir.“
Hermann Jón Tómasson áfangastjóri
leiðir lista Samfylkingarinnar en hann
var í öðru sæti síðast. Hann segir
núverandi meirihluta ekki skynja vilja
íbúanna. „Í hverju málinu á fætur
öðru hafa forsvarsmenn meirihlut-
ans deilt við fólkið sem þeir voru
kjörnir til að þjóna. Eitt nýjasta
dæmið er hugmyndir um sjávar-
síki í miðbænum sem meirihlutinn
virðist telja forsendu uppbyggingar en meirihluti íbúa er
ósáttur við.“
Hermann segir Samfylkinguna ætla að beita sér fyrir
eflingu atvinnulífsins og leggja fram skýrar hugmyndir í
þeim efnum. „Við ætlum að vinna ötullega í málefnum
aldraðra og annarra sem þurfa á stuðningi samfélagsins
að halda. Við viljum bæta aðstæður barnafjölskyldna
og afnema leikskólagjöld í áföngum á kjörtímabilinu. Í
umhverfis- og skipulagsmálum leggjum við áherslu á
sátt við íbúana og að hagsmunir samfélagsins í heild
verði hafðir að leiðarljósi.“
Hermann J. Tómasson S-lista:
Meirihlutinn skilur
ekki íbúana
Hólmar Örn Finnsson viðskiptalög-
fræðingur skipar efsta sæti á lista
Framfylkingarflokksins sem er nýtt
stjórnmálaafl á Akureyri. Hann segir
O-listann þverpólitískt framboð ungs
fólks sem vilji virkja kraft unga fólks-
ins. „Við teljum rödd unga fólksins
eiga heima í bæjarstjórn í bæ sem
gefur sig út fyrir að vera skólabær.
Ekkert hinna framboðanna stillir fólki
undir þrítugu það ofarlega á lista að líklegt megi telja að
viðkomandi nái kjöri til bæjarstjórnar.“
Hólmar segir O-listann leggja mikla áherslu á mál-
efni háskólans og vilja efla hann með beinum stuðningi
Akureyrarbæjar. „Tækifæri til nýsköpunar og frumkvöðla-
starfsemi, í samstarfi háskólans og fyrirtækja í bænum,
eru gríðarleg og þau verður að nýta. Við leggjum einnig
áherslu á að bæta ímynd Akureyrar en hún er sú að hér
sé láglaunasvæði og lítið um að vera. Jafnframt viljum
við laða að fleiri erlenda ferðamenn, til dæmis með
alþjóðlegri rokkhátíð í anda Hróarskelduhátíðarinnar.“
Hólmar Ö. Finnsson O-lista:
Ungt fólk
í bæjarstjórn
Jóhannes Gunnar Bjarnason íþrótta-
kennari er í efsta sæti á lista Framsókn-
arflokksins en hann skipaði þriðja sæti
fyrir fjórum árum. Hann segir B-lista
leggja höfuðáherslu á að bæta áfram
alla þjónustu við íbúana. „Við ætlum
að halda áfram uppbyggingu í öldr-
unar- og félagsmálum og stórefla
Atvinnuþróunarfélag Eyjafjarðar. Við
viljum gera átak í íþróttamálum og
tómstunda- og listnámi barna með auknum niðurgreiðsl-
um og leggjum áherslu á ferðaþjónustu. Þá munum við
berjast fyrir lengingu flugbrautarinnar og hafnaraðstöðu
fyrir skemmtiferðaskip.“
Jóhannes segir Framsóknarflokkinn hafa metnað til
að bjóða Akureyringum upp á bestu grunn- og leikskóla
landsins. „Við viljum jafnframt gera vistvænar samgöngur
að raunhæfum möguleika með því að bæta göngu- og
hjólreiðastíga bæjarins og með því að hafa frítt í strætó.“
Kristján Þór Júlíusson bæjarstjóri
leiðir lista Sjálfstæðisflokks líkt og í
síðustu tvennum kosningum. Hann
segir áherslur flokksins settar fram
með hagsmuni allra bæjarbúa að leið-
arljósi. „Við munum tryggja áfram að
leikskólagjöld verði ekki hærri en
í samanburðarsveitarfélögum. Við
viljum laða hingað nýsköpunar-
og tæknifyrirtæki með því að taka
þátt í rannsóknarkostnaði og jafnframt lækka skatta á
atvinnufyrirtæki árið 2007.“
Kristján segir kannanir sýna að landsmenn horfi
sífellt meira til Akureyrar með búsetu í huga. „Hér er
fjölskylduvænt samfélag en undanfarið höfum við byggt
upp grunnþjónustu. Nú ætlum við í auknum mæli að
huga að afþreyingu og tómstundum og virða þannig
framtíðarsýn og vilja Akureyringa eins og kom fram á
frábæru íbúaþingi í tengslum við Akureyri í öndvegi.“
Kristján Þ. Júlíusson D-lista:
Fjölskylduvænt
samfélag
Oddur Helgi Halldórsson, blikksmið-
ur og bæjarfulltrúi, er í fyrsta sæti
á Lista fólksins en hann hefur leitt
listann frá því hann bauð fyrst fram
árið 1998. Hann segir núverandi
meirihluta þreyttan og bæjarstjórann
ekki með hugann við stjórn bæjarins.
„L-listinn vill fá ópólitískan fagmann
sem bæjarstjóra og bæta aðstöðu
aldraðra og rekstrarumhverfi íþrótta-
félaganna. Vinna þarf markvisst í atvinnumálum og
stórauka fjármagn í forvarnir og úrræði fyrir vímuefna-
neytendur. Skipulagsmálin eru í hnút og síkisdraumar
bæjarstjórans óraunhæfir.“
Oddur segir markmið L-listans skýr. „Við ætlum að
efla Akureyri. Við lútum ekki flokkseigendaklíku og finnst
aumkunarvert þegar formenn flokkanna og ráðherrar
dúkka upp í bænum í kosningabaráttunni, brosandi í
allar áttir. Nær væri að þeir létu verkin tala á þingi.“
Oddur H. Halldórsson L-lista:
Fagmann sem
bæjarstjóra
kvæmdina ekki í forgangi og Listi
fólksins telur hana óraunhæfa.
Frambjóðendur allra listanna
sex segjast hafa orðið varir við
góðan meðbyr að undanförnu. Hafi
kjósendum á Akureyri ekki fjölgað
þeim mun meira síðustu daga er
ljóst að í flestum tilfellum er um
að ræða svikabyr sem ekki mun
skila öllum pólitískum skútum á
Akureyri í örugga höfn á laugar-
daginn.
- kk
Baldvin H. Sigurðsson V-lista:
Fjölgun starfa
og frír leikskóli
Jóhannes G. Bjarnason B-lista:
Bæta þjónustu
á öllum sviðum
Akureyri
SVEITARSTJÓRNAR-
KOSNINGAR
2006
Kynntu þér frábær tilboð í
Vildarþjónustunni í sumar
50% afsláttur hjá Flugfélagi Íslands
Allt að 30.000 kr. afsláttur í sólina
Afsláttur hjá Hertz bílaleigu
10.000 kr. ferðaávísun
…og margt fleira
Félagar í Vildarþjónustu Sparisjóðsins fá ferðatilboð hjá Úrval-Útsýn og Plúsferðum, 50% afslátt af flugi
innanlands, ferðalán og bílaleigu á betri kjörum. Í Sparisjóðnum færðu einnig gjaldeyri fyrir fríið. Það er engin
tilviljun að viðskiptavinir Sparisjóðsins eru þeir ánægðustu í bankakerfinu síðastliðin 7 ár.
Við lögum okkur að þínum þörfum!
Þú í útrás
F
í
t
o
n
/
S
Í
A