Fréttablaðið - 22.05.2006, Side 29

MÁNUDAGUR 22. maí 2006
Ýmislegt er hægt að gera til að
tryggja góða grassprettu.
Flestir kannast við mosavandamál
í garðinum. Grasið virðist ekki fá
neitt pláss og í stað grasflatar
myndast mosaflöt. „Það fyrsta
sem þarf að gera á vorin er að
kalka,“ segir Gunnlaugur Vésteins-
son, garðyrkjufræðingur hjá
Garðheimum. „Það gerir mosan-
um erfitt fyrir að vaxa.“ Kölkun
fer fram í raun um leið og snjóa
leysir og langt fram í maí. Ef mos-
inn er orðinn mikill þarf að ráðast
á flötina með mosatætara. Slík tól
fást leigð í flestum tækjaleigum
en þau tæta upp mosann og gefa
grasinu meira svigrúm til að
vaxa.
„Líka er mikilvægt að bera
áburð á flötina. Graskorn og Blá-
korn eru þær tegundir sem ég
mæli með,“ segir Gunnlaugur.
Þegar gras vex tekur það til sín
næringarefnin úr jarðveginum.
Þessi næringarefni glatast þegar
slegið er og úrgangurinn er urðað-
ar annars staðar. Þetta næringar-
tap þarf að bæta upp með áburði
svo grasið fái öll næringarefnin
sem nauðsynleg eru fyrir vöxtinn.
Annað ráð er að slá grasið oft
svo aðeins lítið falli til. Láttu
slegna grasið liggja áfram á flöt-
inni þannig að næringarefnin
haldist þar. Fæstir nenna þó að slá
þriðja hvern dag. „Fólk er ekki að
slá grasið sitt eins og á golfvelli og
það fer bara eftir sprettu hversu
oft það þarf að gerast,“ segir
Gunnlaugur. „En þegar slegið er
er best að stilla sláttuvélina þannig
að hún skilji eftir 4-5 cm.“
Falleg flöt í garði
Fallegt og heilbrigt gras kostar vinnu. FRÉTTABLAÐIÐ/VALLI
Opið alla daga 9-18
laugardaga 10-15