Fréttablaðið - 22.05.2006, Blaðsíða 82

22. maí 2006 MÁNUDAGUR34
Það er hreint ótrúlegt að hugsa til þess
hve hratt fiskisagan flýgur í Aþenu þegar
Silvía Nótt er annars vegar.
Var á gangi um bæinn fyrir helgi. Hitti
tvær grískar stúlkur sem spurðu mig
hvort ég hefði heyrt fréttirnar! Silvía Nótt
hefði brotið hurð að herbergi hinnar
sænsku Carolu á hótelinu sem þær gista
á; Divani Caravel? Ég kom af fjöllum og
efaðist um sannleiksgildið, en var svo
heppin að hitta einn stílista hennar á
göngu í miðbænum. Spurði hvort sagan
væri sönn. Hann hló og sagði hana
ranga. Kom í höllina stuttu síðar þar
sem ég hitti hollenskan félaga. Hann
spurði mig hvort rétt væri að Silvía
Nótt hefði brotið rúðu baksviðs þegar
ljóst varð að hún hefði ekki komist
upp úr undanúrslitunum í Eurovision?
Efaðist enn um að rétt væri. Hitti einn úr
íslensku sendinefndinni. Sagan var röng,
en þó með örlitlum sannleiksblæ, því
þegar Silvíu varð ljóst að hún hefði ekki
komist áfram skellti hún hurð að bún-
ingsklefanum sínum, sem rumpað hefur
verið upp baksviðs. Þil fyrir ofan hurðina
brotnaði, enda ekki af dýrustu gerð.
Klefi Carolu var við hliðina. Eitthvað
var Silvía að banka á dyrnar hjá Carolu.
Svona verða kjaftasögurnar til.
Að öðru. Föstudagurinn var rólegur
í höllinni fyrir utan uppákomu í sal
fjölmiðlamannanna snemma um morg-
uninn. Einhver grísku starfsmannanna
skellti klámmynd í tækið sem naut sín
á tveimur risaskjám í salnum. Uppi varð
fótur og fit og gamanið, ef gaman skyldi
kalla, stóð stutt yfir.
Keppendurnir æfðu í sjöunda sinn á
sviðinu í gær. Enn vantaði eitthvað upp
á hljóðið og rétt eins og starfsfólkið hafi
verið eftir sig eftir gríðarlega keyrslu
síðustu daga. Ekkert að óttast. Keppnin
verður örugglega sögð betri en hinar
fimmtíu hingað til.
SILVÍA BAKSVIÐS Í HÖLLINNI Enn umtöluð
þó hún hafi fallið úr leik á fimmtudags-
kvöld. FRÉTTABLAÐIÐ/VALLI
Flautuleikarinn Ian And-
erson, forsprakki hljóm-
sveitarinnar Jethro Tull,
heldur tónleika í Laugar-
dalshöll annað kvöld. Freyr
Bjarnason átti gott spjall
við Anderson, sem þykir
aldeilis frábær á tónleikum.
Ian Anderson spilaði síðast hér á
landi á Akranesi í byrjun tíunda ára-
tugarins, þá með Jethro Tull. Í þetta
skipti kemur hann fram undir eigin
nafni og fær sér til aðstoðar Kamm-
ersveit Reykjavíku auk þess sem
fiðluleikarinn ungi Lucia Micarelli
verður honum til halds og trausts.
„Tónleikarnir á Akranesi voru meira
tengdir rokki og þungarokki. Núna
er ég að spila tónlist sem á vissulega
uppruna sinn í rokkinu en er meira
órafmögnuð. Ég er „accoustic“ tón-
listarmaður sem endaði á því að
spila í rokkhljómsveit. Bakgrunnur
minn er úr klassík, kirkjutónlist,
þjóðlagatónlist og fleiru í þeim dúr.
Ég hef verið að spila með strengja-
hljómsveit síðustu fjögur árin þó
svo að ég spili enn með Jethro Tull,“
segir Anderson, sem hljómar afar
yfirvegaður í símanum.
Mozart yrði sáttur
Hann lofar fínum tónleikum annað
kvöld þar sem allir tónlistarunnend-
ur eigi að geta fundið eitthvað við
sitt hæfi. Mun hann spila ýmsa stíla,
þar á meðal klassíska tónlist, fönk
og djass. Að sjálfsögðu verða sígild
Jethro Tull-lög einnig á efnisskránni.
„Ég mun spila verk eftir klassíska
höfunda. Stundum breyti ég melód-
íunum aðeins þannig að útkoman
verður kannski ekki alveg eins og
höfundarnir ætluðu sér upphaflega.
Ég held samt að Mozart yrði sáttur
við að ég sé að spila tónlist eftir
hann og setja hana í nýjan búning.
Ég myndi heldur aldrei geta hermt
nákvæmlega eftir honum en á móti
kemur að ég get gert ýmislegt sem
hann hefði ekki getað gert sjálfur,“
segir Anderson. „Margir myndu
telja þetta helgispjöll en mér finnst
ekkert rangt við það að spila lögin
eins og ég held að þeim hefði fundist
skemmtilegt. Mér er í það minnsta
sama þó aðrir spili lögin mín.“
Á öðrum fæti
Einkennismerki Anderson á tónleik-
um hefur verið að standa á öðrum
fæti á meðan hann spilar á þverflaut-
una. Hann ætlar sér ekki að svíkja
aðdáendur sína í Laugardalshöll-
inni. „Ég reyni að koma því í gegn á
hverjum tónleikum. Á fyrstu vikum
Jethro Tull spilaði ég á öðrum fæti
og hugsaði þá ekkert frekar um það
fyrr en ég las það í blöðunum. Þeir
minntust á að þar hefði verið náungi
sem spilaði á flautu og stæði á
öðrum fæti. Sannleikurinn er reynd-
ar sá að ég spilaði svona á harmon-
ikkuna en ákvað síðan að gera þetta
að sérkenni mínu. Fólk býst alltaf
við þessu. Ljósmyndararnir fá sínar
myndir og eftir það geta þeir farið,“
segir hann og hlær.
Dr. Ian Anderson
Anderson verður í júlí gerður að
heiðursdoktor við háskóla í Edin-
borg í heimalandi hans Skotlandi.
Hann segir það mikinn heiður að
fá slíka nafnbót en býst ekki við að
nota hana opinberlega. „Flest fólk
sem er heiðrað af drottningunni
hefur vit á því að taka við heiðrin-
um og nota ekki titilinn. Sumir
nota hann samt. Ég sá eitt sinn
stórt píanó með ábreiðu með áletr-
uninni Sir Elton John. Ég bara trúi
því ekki að hann fari um heiminn
með stafina Sir Elton John á píanó-
inu sína en það lítur út fyrir það.
Mér finnst það hálf hallærislegt og
ekki við hæfi að nota titilinn sjálf-
ur en það er allt í lagi að fjölmiðlar
geri það. Ég myndi til dæmis ekki
nota Dr. Ian Anderson því ég gæti
til dæmis lent í vandræðum ef ég
þyrfti allt í einu að taka á móti
barni,“ segir hann í léttum dúr.
Alltaf ungur á morgnana
Anderson verður sextugur á næsta
ári. Eftir áratugi í tónlistarbrans-
anum segist hann mjög þakklátur
fyrir stöðu sína í dag. „Í hvert sinn
sem ég vakna hugsa ég að ég sé að
byrja feril minn og ég trúi því
aldrei hvað ég er gamall. Mér finnst
ég þá vera að byrja sem tónlistar-
maður en um hádegisbilið fatta ég
að ég er ekki ungur lengur. Ég reyni
því að skipuleggja tónleika og fleira
tengt tónlistinni á morgnana. Um
hádegið sé ég sjálfan mig síðan í
spegli eða glugga og sé það hversu
gamall ég er orðinn,“ segir hann á
prakkaralegan hátt. „Það er alltaf
ákveðinn léttir að geta vaknað á
morgnana því margir af þeim sem
ég hef þekkt í gegnum árin eru látn-
ir. Ég tel mig vera heppinn að geta
vaknað og gert það sem ég geri.“
Saknar Jimi Hendrix
Spurður að því hvaða manneskju
hann sakni mest af þeim sem hafa
fallið frá nefnir hann bandaríska
gítarsnillinginn Jimi Hendrix. „Þó
svo að ég hafi ekki þekkt hann náið
spiluðum við oft á sömu tónleikum.
Á tónlistarhátíðinni Isle of Wight
árið 1970 sá ég hann koma af svið-
inu þegar ég var að ganga inn á það.
Þetta var í síðasta sinn sem fólk sá
Jimi því þetta voru síðustu stóru
tónleikarnir hans. Það er dálítið
leiðinlegt að ég hafi verið þarna og
ekki getað gert neitt til að hjálpa
honum. Ég sá að hann var óham-
ingjusamur þegar hann gekk á svið-
ið. Ég sá hann spila tvö til þrjú lög
og vissi þegar honum gekk vel og
hvenær ekki. Þarna var hann ekki
upp á sitt besta og þetta var í raun
vandræðalegt, þannig að ég fór
bara. Ég fæ alltaf samviskubit
þegar ég hugsa um þetta því maður
sér þegar fólki líður ekki vel. Ef
Jimi hefði lifað í nokkur ár í viðbót
hefði hann getað haldið áfram að
spila og gert góðar plötur. Það er
alltaf leitt þegar einhver deyr fyrir
aldur fram.“
Fremur engin helgispjöll
IAN ANDERSON Flautuleikarinn og söngvarinn heldur sína aðra tónleika hér á landi annað
kvöld.
����������������
�����������
�����������
����������������
���������������
������������
Staðfest hefur verið að Nick
Mason, fyrrverandi trommuleik-
ari Pink Floyd, muni koma til
Íslands og spila á tónleikum Roger
Waters í Egilshöll 12. júní næst-
komandi.
Mason mun spila á seinna hluta
tónleikanna; á öllu verkinu Dark
Side of the Moon og svo í upp-
klappslögum.
Heyrst hefur að Roger Waters
hafi haft sambandi við bæði David
Gilmore og Rick Wright, hina tvo
félaga sína úr Pink Floyd, og boðið
þeim að spila á nokkrum tónleik-
um í ferð sinni um Evrópu. Ekki er
vitað hvort þeir ætli að slá til og
hvort Ísland verði þá viðkomu-
staður þeirra. Stærsta hljóðkerfi
sem hefur verið sett upp á Íslandi
verður notað í Egilshöll á tónleik-
um Waters, þar á meðal fullkomið
360 gráðu víðómakerfi.
Miðasala á tónleikana fer fram
á midi.is, í Skífunni og BT á Akur-
eyri og Selfossi.
Mason
trommar
ROGER WATERS Fyrrum forsprakki Pink
Floyd heldur tónleika í Egilshöll 12. júní.
Nú styttist óðum í að Angelina
Jolie fæði í heiminn barn sitt og
Brads Pitt. Þau skötuhjúin dvelj-
ast nú í Namibíu og fjölmiðlar
reyna hvað þeir geta til að mynda
parið þar í landi. Nýjustu fregnir
herma að Brad og Angelina hafi
samið við bandarískt dagblað um
einkarétt á fyrstu myndum sem
teknar verða af barninu. Fyrir það
fá þau tæpar 200 milljónir króna
sem þau hyggjast gefa til Barna-
hjálpar Sameinuðu þjóðanna.
Selja myndir af barni sínu
GUNNHILDUR A. GUNNARSDÓTTIR SKRIFAR FRÁ AÞENU
Silvía enn milli tannanna á fólki