Fréttablaðið - 22.05.2006, Qupperneq 85

[UMFJÖLLUN]
TÓNLIST
Ef það væri hægt að fanga orku
Red Hot Chili Peppers í einhvers-
konar risa batterí þá er ég nokkuð
viss um að Alcoa væri ekki að
leita til þess að kaupa íslenskar
auðlindir til orkuframleiðslu.
Þessum piltum yrði bara komið
fyrir í miðjunni á einhverskonar
kjarnorkuveri og þeim leyft að
spila og láta öllum apalátum.
Í edrúmennskunni eru þeir í
svo góðri tengingu við sinn æðri
mátt að lögin leka úr þeim hraðar
en þvag. Niðurstaðan er auðvitað
allt, allt, allt of löng plata sem
hefði átt að skipta í tvær, ef ekki
þrjár, mismunandi útgáfur. Það er
heilmikil vinna að hlusta í gegn-
um Stadium Arcadium. Það er
tveggja tíma verk að fara eina
umferð, og ég efast um að jafnvel
hörðustu aðdáendur eigi nokkurn
tímann eftir að hlusta alla leið í
gegn án þess að taka sér góða
pásu. Þetta er plata sem tekur
rúma viku að melta. Ég botna ekk-
ert í svona plötum, því fyrir mér á
það að vera unaðsleg tilfinning að
renna plötum í gegn. Manni á ekki
að líða eins og maður sé á biðstofu
heimilislæknis síns að bíða eftir
því að fá aflausn.
Þetta er þó hörkuplata. Hér er
góður skammtur af öllu því sem
gerir RHCP að afbragðs hljóm-
sveit. Stórkostlegur gítar og
bassaleikur og stundum fáránlega
grípandi lög sem sveitin á eftir að
eiga auðvelt að matreiða ofan í
þúsundir á tónleikum sínum. Þetta
er enn ein sönnun þess að RHCP
virkar bara þegar gítarleikarinn
John Frusciante er innanborðs.
Hann er límið sem heldur sveit-
inni saman og þessi nýja plata er
líklegast stærsti sigur ferils hans.
Anthony Kiedis kemur líka mjög
á óvart sem textahöfundur. Snið-
ugur kappi þar á ferð.
Það sem er erfiðast við þessa
plötu, fyrir utan lengdina, er
hversu einsleit hún er. Hljómur
RHCP hefur alla tíð verið mjög
sérstakur og ekki fyrir neina aðra
sveit að kópera hana. En að sama
skapi verður það að viðurkennast
að lögin hljóma oft verulega keim-
lík. Þannig séð var ekki eitt ein-
asta lag á þessari 28 laga plötu
sem mér fannst ég ekki hafa heyrt
áður. Sveitin gerir heldur engar
tilraunir, í öllum þessum lögum,
til þess að reyna að róa á ný mið.
Þessi plata á samt eflaust eftir
að veita okkur heila „best of“
plötu af slögurum. Lög eins og
Make You Feel Better, Hey, Dani
California, Snow og Tell Me Baby
eru öll í sama gæðaflokki og
stærstu slagarar sveitarinnar. Ég
efast um að nokkrum aðdáanda
sveitarinnar eigi eftir að finnast
hann vera svikinn af þessari stóru
og miklu gjöf. Hún ætti líka að
endast aðdáendum í nokkurn tíma.
Ég mæli eindregið með því að fólk
kynni sér eina plötu í einu og leyfi
lögunum að sökkva vel inn áður
en haldið er í næsta skammt.
Birgir Örn Steinarsson
Hámarks Chili-skammtur!
RED HOT CHILI PEPPERS: STADIUM
ARCADIUM
NIÐURSTAÐA:
Níunda breiðskífa Red Hot Chili Peppers hefur
allt sem gerir sveitina að einni vinsælustu sveit
heims. Kannski aðeins of mikið af því, því það
tekur 2 klukkustundir að hlusta á öll 28 lögin.
Skotheldur pakki fyrir aðdáendur og plata sem
á eflaust eftir að stækka hlustendahóp sveitar-
innar, ef það er þá mögulega hægt.
Guðmundur Jónsson, aðallagasmið-
ur og gítarleikari Sálarinnar hans
Jóns míns, sendir frá sér sína aðra
sólóplötu í byrjun júní.
Platan heitir Jaml og er númer
tvö í þríleik hans sem hófst með
plötunni Japl sem kom út fyrir
tveimur árum.
Jaml inniheldur tíu ný lög og
texta eftir Guðmund, sem í þetta
skiptið sér sjálfur um allan hljóð-
færaslátt, söng og upptökur, fyrir
utan að í einu lagana syngur Magn-
ús Þór Sigmundsson dúett með
honum. Fyrsta lagið af plötunni er
komið í útvarpsspilun og er það
lagið Fyrirgefðu sem ríður á vaðið.
„Þetta lag lýsir plötunni ágætlega.
Það fjallar um fyrirgefninguna sem
slíka og það að við ættum að temja
okkur meira í lífinu að gefa hvort
öðru. Flestir þekkja manneskju
sem ber heift í brjósti og getur ekki
losnað við hana,“ segir Guðmund-
ur.“
„Ég var búinn að vera með þessa
hugmynd lengi um að gera þríleik
sem kallast Japl, Jaml og Fuður, og
fannst það bráðsniðugt,“ bætir
Guðmundur við. Hann vill þó ekki
meina að plöturnar hafi ákveðið
þema. „Ég er fyrst og fremst laga-
smiður. Þetta er persónuleg plata
og lágstemmd. Í kjölfarið á síðustu
plötu fór ég út á land að spila með
kassagítar. Það var aldrei planið en
ég datt inn á þetta og fannst rosa-
lega gaman,“ segir hann.
„Það var mjög krefjandi og
skemmtilegt að gera plötu þar sem
útgangspunkturinn væri kassa-
gítar. Fyrri platan var mikið rokk
en á þessari leyfi ég mér að nostra
aðeins meira við lögin og búa til
hljóðheim allt í kring.“
Guðmundur byrjaði að vinna við
plötuna upp úr áramótum þegar
ljóst var að Sálin yrði í fríi þar til
seinni partinn í sumar. Spurður
segir hann að samstarfið með
Magnúsi Þór hafi verið æðislegt.
„Ég er búinn að þekkja hann lengi
og er mikill aðdáandi hans. Textinn
við lagið Ég trúi er útópískur og
fjallar um að trúa á ástina. Hann er
einn af fáum sem geta sungið þenn-
an texta þannig að maður trúi því.
Hann er svo mikill andans maður,“
segir hann.
Í tilefni af útkomu plötunnar
mun Guðmundur fara í tónleika-
ferð um land allt í júní og júlí. ■
Önnur sólóplata Guðmundar
GUÐMUNDUR JÓNSSON Gítarleikari Sálarinnar er að gefa út sína aðra sólóplötu.
Fyrrum stjarna Baywatch-þáttar-
ins, David Hasselhoff, söngkonan
Brandy og breski blaðamaðurinn
Piers Morgan verða dómarar í
nýjum sjónvarpsþætti frá Simon
Cowell.
Þátturinn nefnist America´s Got
Talent þar sem söngvarar, dansarar,
grínistar og alls kyns skemmti-
kraftar munu koma fram fyrir
framan dómnefndina. Verðlaunafé
er ein milljón dollara, rúmar sjötíu
milljónir króna. Fyrsti þátturinn
hefur göngu sína á NBC-sjónvarps-
stöðinni í Bandaríkjunum í næsta
mánuði.
„Það verða þrír dómarar með
þrenns konar mismunandi bak-
grunna. Þið skulið búast við því
óvænta,“ sagði Cowell, sem er
þekktur sem dómari í þættinum
American Idol. Hann verður þó ekki
í dómarasætinu í þetta skiptið.
Áheyrnarprófum fyrir þáttinn
er lokið. Fóru þau meðal annars
fram í Los Angeles, New York og
Atlanta. ■
Hasselhoff dæmir
HASSELHOFF Fyrrum stjarna þáttarins
Baywatch, eða Strandvarða, verður í
dómarasæti í nýjum sjónvarpsþætti.
SMS LEIKUR!
Sendu
JA FVC
á númerið 1900
og við sendum
þér spurningu!
Þú svara með því
að senda A, B eða C.
4S 3MS B A 463L 3ei K 11URñ
Aðalvinningur er stórkostleg ferð til London á slóðir DaVinci lykilsins í boði
Iceland Express. Innifalið í ferðinni er flug, gisting og "DaVinci Tour" um borgina.
Að auki fær vinninghafi DaVinci síma frá Sony Ericsson.
Aðrir vinningar:Sony Ericsson gsm símar • Bíómiðar fyrir tvo á DaVinci • DVD myndir • Tónlistin úr myndinni
• DaVinci tölvuleikir • Varningur tengdur myndinni • Fullt af Pepsi og enn meira af DVD og tölvuleikjum.
99 ksr skeytið. Vinningar afhendir í bT Smáralind