Fréttablaðið - 16.12.2006, Síða 54

Bragi Guðlaugsson, eigandi
Nýju bónstöðvarinnar, segir
gott að hafa nokkur atriði
hugföst við bílaþrif á þessum
árstíma.
„Að ýmsu þarf að huga varðandi
bílaþrif á veturna,“ segir Bragi.
„Má þar fyrst nefna þrif á felgum,
en algengt er að tjara og salt grafi
sig inn í álfelgur. Því er mikilvægt
að hreinsa þær reglulega, en þar
kemur olíu- og tjöruhreinsir að
góðum notum.“
Bragi segir umhirðu á lakki
ekki síður mikilvæga á þessum
árstíma. „Ég mæli með því að lakk-
ið sé húðað, til að mynda með tefl-
on-húð sem er ein besta lausnin.
Hún er einfaldlega borin á bílinn
og látin þorna. Því næst er hún
bónuð. Þá þarf ekki að tjöruhreinsa
allan bílinn, í mesta lagi nokkur
svæði, eins og sílsa og bretti. Ekki
er ráðlagt að nota of mikið af tjöru-
hreinsi þar sem hann étur upp
bónið. Ekki heldur að bera á bílinn
undir berum himni þar sem tjöru-
hreinsir verður þá svo þykkur að
hann vinnur ekki á efninu. Ráðlagt
er að gera það við góðan hita, inni
í bílskúr svo dæmi sé tekið.“
Bragi segir þetta þó allt saman
spurningu um ásigkomulag bíls-
ins, hvort hann sé hreinn eða
óhreinn. Telur hann kústinn koma
að betri notum en svamp í fyrra
tilvikinu, því séu sandkorn á bíln-
um er hætta á að þau festist í
svampunum en þau festast ekki í
kústinum. Svampur henti aftur á
móti betur á dökka eða sanseraða
bíla þar sem kústur getur rispað
þá. Í síðara tilvikinu sé nauðsyn-
legt að bera tjöruhreinsi á bílinn
og láta hann liggja á honum, en
sleppa kúst og svampi.
„Ekki skiptir síður máli að
halda bílnum hreinum að innan
enda líkur á að fólk dragi slabb
með sér inn í hann í þessari veðr-
áttu,“ heldur Bragi áfram. „Það er
til að mynda heillaráð að bera
tjöruhreinsi á bílamotturnar og
skrúbba með kústi til að halda
þeim hreinum. Við það geta þær
orðið ljósari, en þá er gott að bera
mælaborðshreinsi á þær til að end-
urheimta fyrri lit. Þá verða þær
heldur ekki sleipar. Plastmottur
eru bestar og máli skiptir að hella
reglulega úr þeim, því annars
glata þær hlutverki sínu.“
Þá segir Bragi best að djúp-
hreinsa sæti til að ná óhreinindum
burt og gildi þá einu hvers konar
bletti eigi að fjarlægja. „Vilji
menn losna við för í sætum, til
dæmis undan barnabílstólum,
skiptir máli um hvernig áklæði er
að ræða. Djúphreinsun ætti í flest-
um tilvikum að geta lagað förin,
nema á leðri, sem getur hæglega
rispast vegna þess hversu við-
kvæmt það er. Svo er um að gera
að setja teppi eða koddaver undir
barnabílstóla til að koma í veg
fyrir að för myndist í sætum.“
Besta leiðin við bílaþrif
Bílexport á Ísland ehf.
www.bilexport.dk • boas@bilexport.dk
Upplýsingar gefur Bóas Eðvaldsson
0049 1752711783 • 0049 4608607333
Renders árg 1997