Fréttablaðið - 26.01.2007, Side 18

nær og fjær
„ORÐRÉTT“
Þjóðmálaumræðan blómstr-
ar í bloggheimum og sér-
staklega hafa borgaralegu
gildin haldið innreið sína.
Margir telja að kosninga-
umræðan í vor markist
meir af blogginu en nokkru
sinni áður. Vefsvæðið mbl.
is hefur yfirburðastöðu en
ekki eru allir dús.
„Stjórnmálaflokkarnir beita sér
inni á blogginu sem þeir gerðu ekki
fyrir örfáum mánuðum og hrein-
ræktaðar stjórnmálasíður hafa
sprottið upp. Það er af hinu góða að
menn geti skrifað milliliðalaust og
komið skoðunum og lífsgildum
sínum á framfæri,“ segir Stein-
grímur S. Ólafsson, bloggari á
saevarr.blog.is.
Bloggæði hefur heltekið þjóð-
félagsumræðuna og Steingrímur
telur að það hafi áhrif á þróunina,
einstaklingar láti í minni pokann
fyrir samtökum af ýmsu tagi.
Bloggið skipti æ meira máli fyrir
stjórnmálaflokkana og einstaka
frambjóðendur sem geti komið
skoðunum sínum og hugsunum á
framfæri en hætt sé við því að
bloggið drukkni í pólitík.
„Jákvætt er að fjölmiðlar fá
kannski meira til að moða úr og
almenningur getur nýtt sér bloggið
til að kynnast skoðunum stjórn-
málamanna milliliðalaust. Boð-
skapur til kjósenda getur orðið
beinskeyttari. Næstu mánuði munu
stjórnmálin flæða vel á blogginu,
eftir það tekur við óvissutímabil en
síðan reikna ég með að samkeppni
aukist milli fyrirtækja sem bjóða
upp á blogg.“
Stefán Pálsson sagnfræðingur,
sem bloggar á kaninka.net/stefan,
hefur upp á síðkastið endað færsl-
ur sínar með tillögum um að koma
Moggablogginu fyrir kattarnef.
„Bloggheimurinn hefur anarkísk-
an blæ en Moggabloggið gerir til-
raun til að steypa alla í sama mót
og hampa eigin bloggurum. Þar er
ákveðin „elítuhugsun“ og menn fá
stimpil sem úrvalsbloggarar. Þeim
sem ekki blogga hjá Mogganum er
gert erfiðara fyrir með að gera
athugasemdir við Moggablogg,“
segir hann og telur að blaðamenn
klappi hver öðrum á bakið með til-
vísunum í auknum mæli.
Salvör Gissurardóttir bloggar á
salvor.blog.is. Hún telur að
borgaralegri skoðanir hafi haldið
innreið sína í bloggheiminn. Stjórn-
málamenn hafi notað bloggið allt
of lítið til að koma skoðunum sínum
á framfæri. „Ég hef þá trú að
umræðan verði trylltari fram að
kosningum,“ segir hún og telur
hættulegt ef hneykslismál komi
upp fyrir kosningar og bloggarar
gleymi sér í hita leiksins og kunni
sér ekki hóf í orðræðunni.
Salvör telur rétt að átök eigi sér
stað í bloggheiminum þar sem
Mogginn hafi hingað til staðið uppi
sem sigurvegari og Stefán og Stein-
grímur virðast sammála um að von
sé á harðari samkeppni. „Mér sýn-
ist Vísir vera að manna sig upp í
það þó að þeirra blogglið sé afar
fámennt og hvorki fugl né fiskur,“
segir Stefán.
Hann bendir á að bloggið sé
slúðurmiðill, miðill fyrir „niður-
soðin stjórnmál“ en ekki staður
fyrir pólitíska samræðu. Hann
telur að stjórnmálaflokkar reyni
að fara inn á þessar lendur en ekki
sé nóg að henda upp síðu, hún þurfi
að vera grípandi og skemmtileg og
það taki tíma að byggja hana upp.
Menn hafi auk þess tilhneigingu til
að ofmeta bloggið.
Bloggstríð fyrir kosningar
Flest batnar með
aldrinum
Gott að lofta um
Það er göfugt áhugamál að stunda
fuglaskoðun. Þetta segir Ólafur
Einarsson, líffræðingur og með-
limur í Fuglaverndarfélagi Íslands
sem stendur fyrir garðfuglaskoð-
un um helgina.
„Þetta er í þriðja skiptið sem við
hvetjum fólk til að líta í garða sína
og kynna sér töfra smáfuglanna í
kringum okkur. Við hvetjum fólk
einnig til að senda okkur upplýsing-
ar um skoðunina,“ segir Ólafur.
Fyrirmyndina að garðfuglaskoðun-
inni segir hann vera Konunglega
breska fuglaverndarfélagið, sem
staðið hefur fyrir fuglaskoðun í um
þrjátíu ár. Hann segir fuglaskoðun-
ina mjög vinsæla á Bretlandseyjum
og að síðast hafi tæplega hálf millj-
ón manna tekið þátt í henni. „Við
vonum að áhugi á fuglum kvikni við
skoðunina því þetta er ekki bara
skemmtilegt heldur er líka heil-
næmt að fara út og virða fuglana
fyrir sér í rólegheitum,“ segir Ólaf-
ur, sem þegar hefur virkjað nem-
endur í líffræði við Fjölbrautaskóla
Suðurlands í fuglaskoðun.
Þeim sem hafa áhuga á því að
fara út í garð og virða fiðraða
nágranna mannfólksins fyrir sér
er bent á vefinn fuglavernd.is en
þar má finna eyðublaðið sem fólk
er hvatt til að senda eftir garð-
fuglaskoðunina auk ráðlegginga
um fóðrun fugla að vetrarlagi.
Fuglaskoðun er göfug
Með mörg járn í eldinum
Fjarlægjum
það
Morgunverður frá
kl. 9:00 - 11:00
195,-
Þú átt allt gott skilið!
mánudaga - laugardaga
verslun opnar kl. 10:00