Fréttablaðið - 26.01.2007, Page 38

BLS. 2 | sirkus | 26. JANÚAR 2007
Hækkandi verð í gufuna
Nokkrum viðskipavinum World Class í
Laugum brá heldur betur í brún þegar
þeir ætluðu að endurnýja árskort sitt í
fínni aðstöðu hinnar glæsilegu stöðvar. Í
ljósi mikillar eftirspurnar eftir aðstöðu í
gufu og setlaugum af öllum stærðum og
gerðum ákváðu hjónin Björn Leifsson
og Hafdís Jónsdóttir í World Class að
hækka ársgjaldið úr rúmlega 100
þúsund krónum í 150 þúsund. Ekki
minnkaði þó eftirspurnin enda enginn
maður með mönnum nema hann sé í
flottari hluta Lauga.
Af hverju fimm ár?
Menn velta því fyrir sér af hverju Ólafur
Ólafsson bauð aðeins starfsmönnum
Samskipa sem unnið hafa lengur en
fimm ár hjá fyrirtækinu í stórglæsilega
afmælisveislu sína síðastliðinn laugar-
dag. Ástæðan ku vera sú að fyrir um
fimm árum hætti Ólafur sem forstjóri
Samskipa og varð
stjórnarformaður.
Þar með lauk
daglegum
afskiptum hans af
fyrirtækinu en að
sögn þekkti hann
alla starfsmenn með
nafni á meðan
hann var
forstjóri.
Fær Landsbankinn stúku
hjá West Ham?
Eins og fram kom í Fréttablaðinu í vikunni
er Landsbankinn með 16 manna VIP-
stúku á leigu á hinum nýja og glæsilega
Emirates-leikvangi í London, heimavelli
Arsenal. Bankinn deilir stúkunni með öðru
fyrirtæki en þangað býður hann
valinkunnum einstaklingum og helstu
viðskiptamönnum sínum þegar gera á vel
við þá. Þess verður varla langt að
bíða að stórkúnnar geti
líka horft á leiki West
Ham úr VIP-stúku enda
eigandi Landsbankans
og West Ham sá sami,
Björgólfur
Guðmunds-
son.
B lúsáhugamenn duttu heldur betur í lukkupottinn á mánu-
dagskvöldið þegar Bubbi Morthens
hélt blústónleika á Classic Rock í
Ármúlanum ásamt gítarleikaranum
Guðmundi Péturssyni. Tónleikarnir
voru hluti af röð blúskvölda sem
skipulögð hafa verið. Frítt var inn og
tók Bubbi ekki krónu fyrir.
„Ég var beðinn um hjálp við að
kynna þennan klúbb og þetta
framtak. Það var ekkert mál enda
sjálfsagt að leggja hönd á plóg. Ég
hringdi í Guðmund Pétursson og fékk
hann með mér,“ sagði Bubbi
Morthens við Sirkus um ástæður
þess að hann tróð upp á blúskvöld-
inu.
„Ég tók með mér helling af nýju efni
og impróviseraði síðan með það. Við
spiluðum í klukkutíma og skemmtum
okkur konunglega,“ sagði Bubbi sem
útilokar ekki að gefa út blúsplötu með
Guðmundi „svona on the side“ eins og
hann orðaði það.
N ei, við erum ekki byrjuð saman. Við erum bara nánir og góðir vinir sem búa
saman,“ segir Eyrún Huld Haralds-
dóttir, fyrrverandi unnusta Magna
Ásgeirssonar, aðspurð um hvort þau
skötuhjúin væru byrjuð saman á
nýjan leik. „Magni fer út til Banda-
ríkjanna í dag [lmiðvikudag, innsk.
blm.] og kemur ekki heim fyrr en eftir
mánuð,“ segir Eyrún enn fremur en
Magni hefur loksins fengið vegabréfs-
áritun til Bandaríkjanna eftir
nokkurt streð og mun halda í
tónleikaferðalag með félögum sínum
úr Rockstar-þáttunum.
Það var eftir því tekið á Hlustenda-
verðlaunum FM 957 sem voru haldin
í Borgarleikhúsinu á þriðjudags-
kvöldið að Magni og Eyrún Huld voru
mjög náin, sérstaklega eftir verð-
launaafhendinguna þar sem Magni
vann til tvennra verðlauna, sem besti
söngvari og fyrir bestu tónleikana.
Auk þess hafa glöggir einstaklingar
tekið eftir því að Magni hefur ekki
enn tekið niður trúlofunarhringinn
jafnvel þótt komnar séu fjórar vikur
frá því að þau tilkynntu að samband
þeirra væri á enda.
„Það hefur svo sem enga þýðingu,“
sagði Eyrún Huld um trúlofunar-
hringinn. Aðspurð sagðist hún
þakklát fyrir hinn mikla stuðning
sem fjölskyldunni hefði verið sýndur
á þessum erfiðum tímum en segja
má að íslenska þjóðin hafi hreinlega
tekið litlu fjölskylduna í Skerjafirðin-
um í fóstur.
Eyrún Huld bíður róleg á meðan
Magni eltir rokkstjörnudrauma sína
vestanhafs. Þegar hann kemur heim í
lok febrúar taka þau ef til vill upp
þráðinn að nýju. Hver veit nema
ástin blómstri í Bauganesinu á nýjan
leik.
MAGNI OG EYRÚN SKEMMTU SÉR SAMAN Á HLUSTENDAVERÐLAUNUM FM 957
HAMINGJUSÖM Það var ekki annað að sjá en Magni og Eyrún Huld væru hamingjusöm saman í Borgarleikhúsinu á þriðjudagskvöldið. SIRKUSMYND/DANÍEL
HRINGURINN ER ENN Á Magni hefur ekki
enn tekið trúlofunarhringinn niður. Það
er vísbending sem mark er takandi á.
Blúsaður Bubbi á Classic Rock
BLÚSAÐUR BUBBI Óhætt
er að segja að Bubbi
Morthens hafi lifað sig
inn í blúsinn á mánudag-
inn. SIRKUSMYND/HEIÐA
Heyrst hefur
„VIÐ ERUM BARA
NÁNIR VINIR“