Fréttablaðið - 26.01.2007, Síða 50

6
„Ég byrjaði að stunda snjóbretti árið
fyrir fermingu. Ég sá nokkra stráka
á snjóbrettum hér í bænum og fékk
að prófa hjá þeim. Ég gat ekki neitt
og þá kviknaði áhuginn á að læra
meira,“ segir Arnar Ómarsson sem
nú kennir á snjóbretti í Hlíðarfjalli
við Akureyri. „Ég fékk svo snjó-
bretti i fermingargjöf og hef verið
að síðan.“
Arnar segir snjóbrettaiðkun vax-
andi íþrótt og það færist stöðugt í
aukana að eldra fólk fari á snjó-
bretti. „Þetta er íþrótt sem allir ald-
urshópar geta stundað. Sá elsti sem
ég hef séð hér í Hlíðarfjalli er um
sextugt. Foreldrar hafa líka verið
að læra á bretti til að geta stundað
þessa íþrótt með börnum sínum.“
Arnar hefur getið sér gott orð
fyrir snjóbrettamyndir og ljós-
myndun, en hann hefur gert fjölda
myndbanda með hópi snjóbretta-
manna frá Akureyri. „Ég kom inn í
hópinn sem tæknimaðurinn og fór
að taka myndbönd af strákunum
en er núna aðallega að taka myndir
af þeim. Við höfum gert sjö mynd-
bönd og þau hafa fengið mjög góð
viðbrögð. Strákarnir leggja mikið
á sig til að gera þetta sem flottast
og það er aðdáunarvert að fylgjast
með þeim flytja snjó inn í bæ til að
geta stundað snjóbrettin. Það hefur
líka verið lögð mikil vinna í lýsingu
og kvikmyndatökurnar.“
Arnar segir mjög góða aðstöðu
fyrir snjóbrettaiðkun á Akureyri.
„Við höfum aðgang að þessu frá-
bæra skíðasvæði rétt fyrir ofan
bæinn og þar eru nýjar og góðar
stólalyftur. Það hefur verið stefna
aðstandenda skíðasvæðisins að
leggja áherslu á snjóbrettamenn-
inguna og það hefur verið afmarkað
ákveðið svæði fyrir snjóbrettafólk.
Þetta hefur skilað sér í auknum
áhuga fólks á íþróttinni.“ - öhö
Snjóbretti eru ekki bara
fyrir unga fólkið
Arnar Ómarsson, snjóbrettakennari á Akureyri, segir snjóbrettaiðkun njóta aukinna vinsælda og að þetta sé ekki bara
íþrótt unga fólksins. Töluvert sé um að fullorðið fólk læri á snjóbretti til að geta rennt sér með börnum sínum og jafn-
vel barnabörnum.
{ vetrarlíf }