Fréttablaðið - 26.01.2007, Side 78

Það er óhætt að segja að mjög óhefð-bundnar aðferðir í kosningabaráttu
hafi staðið yfir undir formerkjum sáttar
þar sem þingmenn Frjálslynda flokksins
hafa verið löðrungaðir hvað eftir annað.
Í yfirvofandi kosningum um forystu í
Frjálslynda flokknum legg ég þunga
áherslu á að kosin verði forysta sem
getur staðið þétt saman í aðdraganda
alþingiskosninga og ekki síður að loknum kosning-
um í vor.
Samhent forysta er gríðarlega mikilvæg fyrir
framtíð flokksins og það er alls ekki gæfulegt að
ætla að velja manneskju til að leiða flokkinn sem
getur ekki lýst því yfir að hún ætli að starfa áfram í
flokknum ef hún verður undir í kosningu.
Þau átök sem fara fram um helgina eiga sér nokk-
urn aðdraganda og er ljóst að þau snúast að sögn
þeirra sem bjóða sig gegn núverandi forystu ekki um
málefni. Hvert er þá bitbeinið? Það varðar eingöngu
persónulegan metnað þeirra sem bjóða sig fram
gegn forystu flokksins. Það er gert þótt augljóst sé
að það geti skaðað Frjálslynda flokkinn og gert
honum erfiðara um vik að vinna að baráttumálum
sínum gegn kvótakerfinu og ranglátu skattkerfi.
Það er íhugunarefni að fara yfir þau rök sem
notuð hafa verið opinberlega gegn þingmönnum
Frjálslynda flokksins á síðustu mánuðum.
Í fyrsta lagi hafa þingmenn verið sakaðir um
óheilindi varðandi inngöngu félaga úr Nýju afli í
Frjálslynda flokkinn. Ranglega hefur verið fjölyrt
um einhverja sameiningu þessara flokka og má m.a.
lesa þær rangfærslur í Blaðinu í dag. Þessi óvild í
garð félaga í Frjálslynda flokknum sem komu úr
Nýju afli er að einhverju leyti sprottin upp úr óvild
og gömlum erjum í garð örfárra einstaklinga sem
voru framarlega í þeirri sveit.
Ég er þeirrar skoðunar að fólk sem er í
stjórnmálum verði að geta lagt til hliðar ára-
gamlan persónulegan ágreining þegar lagst
er á árar um að ná fram þjóðþrifamálum.
Í öðru lagi hafa þingmenn flokksins verið
sakaðir um kynþáttahatur og andúð gegn
múslimum og að fara á svig við stefnu
flokksins í málefnum útlendinga og þar hafi
fyrrverandi framkvæmdastjóri rétt af
stefnu þingmannanna.
Í brigslyrðum í garð Magnúsar Þórs Haf-
steinssonar sem stóð í orrahríð umræðunn-
ar um útlendingamál jafnaði Margrét
Sverrisdóttir fólki í Krossinum við öfgamenn úr
röðum múslima.
Þau orð vöktu hörð viðbrögð meðlima Krossins
og í framhaldinu ræddi ég við Gunnar Þorsteinsson
um málið og tók sérstaklega fram að ég væri ekki
sömu skoðunar og Margrét og reyndi að leiða Gunn-
ari fyrir sjónir að ef til vill væri um túlkun blaða-
manns að ræða.
Í þriðja lagi var eðlilegri uppsögn á fram-
kvæmdastjóra þingflokks snúið á allra versta veg
sem mögulegt var.
Í fjórða lagi hafa þingmenn Frjálslynda flokks-
ins opinberlega verið sakaðir af frambjóðendum til
forystu í flokknum um dómgreindarbrest og alvar-
leg mistök vegna þeirrar yfirlýsingar að vilja að
varaformaður og formaður verði samstiga eftir
komandi landsþing.
Í fimmta lagi er látið að því liggja að Frjálslyndi
flokkurinn láti frambjóðendur til forystu í flokkn-
um gjalda fyrir kyn sitt.
Í sjötta lagi er hótað sérframboði og klofningi í
sambland við ólíkindafarsa í kringum eignarhald á
nafni Frjálslynda flokksins.
Það er heilbrigt og gott að menn sýni persónuleg-
an metnað og lýsi sig tilbúna til að taka á sig skyldur
en kappi verður að fylgja forsjá.
Höfundur er alþingismaður.
Flokkurinn þarf samstæða forystu
Árni Sigfússon er bæjarstjóri Reykjanesbæjar. Samt segir
hann í Morgunblaðinu þann 13. jan-
úar að ekki verði kosið um stór-
iðjuáform á Suðurnesjum. En er
það Árna að ákveða það? Fram-
kvæmdirnar sem bæjarstjórinn
vill ekki að kosið verði um eru að
megninu til í landi Garðs, Sand-
gerðis, Grindavíkur og Hafnar-
fjarðar en minnst af mannvirkjun-
um eru í því landi sem umboð
bæjarstjórans í raun og veru nær
til. Árni hefur aðeins umboð til
þess að tala fyrir hönd Reykjanes-
bæjar. Samt sem áður lætur hann
eins og hann sé full fær um að taka
ákvarðanir, einn og óstuddur, fyrir
hönd allra á Reykjanesskaganum.
Aðdragandinn að útspili Árna er
fundur Sólar á Suðurnesjum þann
12. janúar síðastliðinn. Tilgangur
fundarins var að kynna fyrir Suður-
nesjamönnum og öðrum Íslending-
um umsvif yfirvofandi stóriðju-
framkvæmda með álveri í Helguvík
og tilheyrandi virkjunum víðsveg-
ar á Reykjanesskaganum. Að frá-
töldum íbúafundi sem sveitar-
stjórnin í Garði stóð fyrir hefur
lítil sem engin kynning farið fram
á meðal íbúa svæðisins en engu að
síður er unnið að framvindu máls-
ins af fullum krafti. Íbúar sem
málið varðar hafa ekki fengið nein-
ar haldgóðar upplýsingar um stöðu
mála og áformin í heild sinni, enda
hafa allar umræður farið fram og
allar ákvarðanir verið teknar fyrir
luktum dyrum í bakherbergjum
landsstjór-
ans sjálf-
skipaða.
Mark-
mið Sólar á
Suðurnesj-
um eru
þrjú: 1) Að
varðveita
náttúrufar
og lands-
lagsheildir
Reykjanes-
skagans. 2) Að opna fyrir umræðu
meðal almennings um áhrif álvers
og orkumannvirkja á umhverfi og
samfélag. 3) Að knýja fram kosn-
ingar um þessi stórfelldu áform
sem varða öll sveitarfélögin á
Reykjanesskaganum. Reykjanes-
bær og Garður hafa samkvæmt
yfirlýsingu gert samning við álrisa
um staðsetningu á álverksmiðju í
Helguvík. Sól á Suðurnesjum
krefst kosninga um málið en land-
stjóri segir nei því hann vill ekki
ganga gegn gerðum samningum. Á
heimasíðu Reykjanesbæjar hvetur
bæjarstjórinn bæjarbúa til að hafa
áhrif á stefnumótun og fram-
kvæmdaröð í bæjarfélaginu, en
þegar hann er inntur eftir þessu
loforði sínu gengur hann engu að
síður á bak orða sinna. Siðferðileg
skylda hans ætti að vega þyngra
gagnvart þegnum bæjarins en
gagnvart erlendu stórfyrirtæki, en
svo virðist ekki vera.
Umhverfisraskið sem fylgja
myndi álveri í Helguvík væri gríð-
arlegt. Til stendur að mæta orku-
þörfinni með nokkrum nýjum jarð-
varmavirkjunum víðsvegar á
Reykjanesskaganum, í Krýsuvík,
við Sandfell og á Trölladyngju-
svæðinu. Háspennulínur myndu
liggja eftir skaganum þvert og
endilangt, og langþráður Ósabotna-
vegur yrði línuvegur ef áformin
munu ná fram að ganga. Það liggur
ekki einu sinni fyrir hvort nýtileg
orka sé til staðar, en samt þykir
ekki tímabært að spyrja íbúa
Suðurnesja hvort þeir kæri sig um
þessa afdrifaríku framkvæmd.
Hafnfirðingar einir fá að kjósa um
stækkun álversins í Straumsvík
jafnvel þó virkjanir vegna þeirra
framkvæmda séu í öðrum lands-
hluta, og því ætti kosning að vera
augljós kostur fyrir Suðurnesja-
menn, þar sem verksmiðja og
virkjanir eru í þeirra landi. Bæjar-
stjóri Reykjanesbæjar er þó ekki
þeirrar skoðunar enda finnst
honum betra að lágmarka upplýs-
ingaflæðið til þegna sinna. Það er
gömul saga og ný að upplýsingar
og upplýst umræða er jafnan óhag-
stæð framvindu mála og áforma
þegar áformin eru í eðli sínu órétt-
lætanleg. Skyldu hinar sveitar-
stjórnirnar sem málið varðar vera
hliðhollar vinnubrögðum einræðis
og leyndar?
Höfundur er talsmaður samtak-
anna Sól á Suðurnesjum.
Landsstjórinn segir nei
Nýverið kynnti félagsmálaráð-
herra, Magnús Stef-
ánsson, stefnu ríkis-
stjórnarinnar um
aðlögun innflytjenda.
Markmið hennar er
að tryggja að allir
íbúar landsins njóti
jafnra tækifæra og séu virkir
þátttakendur í samfélaginu á
sem flestum sviðum mannlífs.
Meginverkefni innflytjendaráðs,
sem sett var á laggirnar í lok árs
2005, er að fjalla um helstu atriði
er snerta aðlögun útlendinga að
íslensku samfélagi. Meðal ann-
ars á ráðið að vera stjórnvöldum
til ráðgjafar við stefnumótun í
málaflokkum. Sú stefna sem rík-
isstjórnin hefur gert að sinni er
afrakstur vinnu innflytjenda-
ráðs í samstarfi við ýmsa hags-
munaaðila.
Stefnan kemur inn á flesta þætti
samfélagsins enda eru innflytj-
endamál ekki afmarkaður mála-
flokkur. Sérstök áhersla er lögð á
íslenskukennslu enda ríkir þjóð-
arsátt um það að standa dyggi-
lega vörð um íslenska tungu.
Hún er sameign þjóðarinnar og
geymir sögu hennar, menningu
og sjálfsvitund. Hún er einnig
tæki til félagslegra samskipta og
lykill að þátttöku í þjóðlífinu.
Með öflugum stuðningi við
íslenskunám innflytjenda sem
sniðið er að þörfum hvers og eins
er þjónað því tvíþætta markmiði
að flýta fyrir aðlögun þeirra að
samfélaginu og styrkja stöðu
íslenskunnar til framtíðar. For-
senda aðlögunar að nýju samfé-
lagi og þátttöku í því er
að geta tjáð sig á tungu-
máli þjóðarinnar.
Rannsóknir sýna að
mikill meirihluti fólks
af erlendum uppruna á
Íslandi vill læra
íslensku. Að því skal
stefna að íslenskunám
fyrir innflytjendur feli
jafnframt í sér fræðslu
um íslenskt samfélag,
gildi þess, menningar-
arf og réttindi borgara
og skyldur.
Í stefnu ríkisstjórnarinnar er
einnig lögð sérstök áhersla á
atvinnuþátttöku innflytjenda því
launað starf er undirstaða vel-
ferðar. Atvinnuþátttaka á Íslandi
er með því mesta sem gerist í
heiminum, ekki síst meðal inn-
flytjenda og er það stefna stjórn-
valda að svo verði áfram. Jafn-
framt er lögð áhersla á virkt
eftirlit með að gildandi lög séu
virt og að kjarasamningar haldi.
Þá þurfa innflytjendur að fá
greinargóðar upplýsingar um
íslenskt samfélag og réttindi og
skyldur borgara í landinu sem
stuðla að farsælli aðlögun og þátt-
töku þeirra í samfélaginu. Til
þess að mæta þessu markmiði er
í vinnslu útgáfa upplýsingabæk-
lings í samvinnu við þá fjölmörgu
aðila sem veita innflytjendum
þjónustu. Markmið slíks bæk-
lings er að auðvelda innflytjend-
um fyrstu skrefin í nýju landi svo
að allt ferlið gangi vel fyrir sig.
Innihald stefnunnar er yfirgrips-
meira en hægt er að gera skil í
einni blaðagrein. Við þessi tíma-
mót sem samþykkt ríkisstjórnar-
innar á stefnu hennar um aðlög-
un innflytjenda er horfum við
fram á veginn. Nú er að láta
hendur standa fram úr ermum.
Sú sérstaða okkar að þátttaka í
hópi innflytjenda á atvinnumark-
aðnum er hér meiri en þekkist
annars staðar gefur okkur ein-
stakt tækifæri til að skapa sam-
félag jafnra tækifæra allra og
stuðla að þátttöku allra borgara,
innflytjenda þar með talinna, í
samfélaginu.
Höfundur er þingmaður Fram-
sóknar og formaður innflytjenda-
ráðs.
Aðlögun innflytjenda
Menn hafa ekki farið varhluta af að miklar deilur geisa nú innanbúðar í
Frjálslynda flokknum. Deilurnar snúast
fyrst og fremst um hver sé hæfastur að
leiða flokkinn.
Ég lýsi hér með fullum stuðningi við
Margréti Sverrisdóttur sem sækist eftir
embætti varaformanns Frjálslynda flokks-
ins. Það er mér sönn ánægja að segja að ég
hef átt gott samstarf við Margréti undan-
farin fjögur árin sem ég hef þekkt hana. Hún gengur
beint til verka og gengur ekki frá verki fyrr en full-
klárað er. Hún þekkir stefnuskrá flokksins í gegn og
vinnur samkvæmt henni af heilindum. Mörg málin
hafa komið á borð til hennar og hún hefur gegnt mörg-
um trúnaðarstörfum í nafni Frjálslynda
flokksins undanfarin ár og komið fram
fyrir hans hönd á opinberum viðburðum og
staðið fyrir máli sínu í nafni flokksins.
Margrét er sjálfs síns herra og lætur
föður sinn, sem er stofnandi flokksins, ekki
hafa orð fyrir sér eins og hlustendur
Útvarps Sögu hafa fengið að heyra á undan-
förnum mánuðum. Mér er ljúft að rita
þessar fáu línur til stuðnings Margréti
Sverrisdóttur í fremstu forystu Frjáls-
lynda flokkins á landsþingi sem haldið
verður nú um helgina á Hótel Loftleiðum.
Hægt er að skrá sig í Frjálslynda flokkinn
og koma á landsþingið og ljá Margréti Sverrisdóttur
atkvæði sitt.
Höfundur er varaþingmaður Frjálslynda flokksins í
Suðvesturkjördæmi.
Til stuðnings Margréti Sverrisdóttur
Sól á Suðurnesjum krefst kosn-
inga um málið en landstjóri
segir nei því hann vill ekki
ganga gegn gerðum samning-
um.
Sú sérstaða okkar að þátt-
taka í hópi innflytjenda á
atvinnumarkaðnum er hér
meiri en þekkist annars
staðar gefur okkur ein-
stakt tækifæri til að skapa
samfélag jafnra tækifæra.
Höldum óhreinindum
á mottunni
R
V
62
17
A
Rekstrarvörur
1982–200725ára
Sigþóra Gunnarsdóttir
Sölumaður í verslun RV
…fjarlægir óhreinindi og vætu af skóm
…hindrar að gólfið innandyra verði hált
…heldur anddyrinu hreinu og snyrtilegu
gólfmottukerfið
Úti- og innimottur
fyrir íslenskar aðstæður