Fréttablaðið - 29.11.2007, Side 10

10 29. nóvember 2007 FIMMTUDAGUR
GERT VIÐ TENNUR VÉLMENNIS Yuko
Uchida, tannlæknir í Tókýó, sýnir þarna
nýtt vélmenni sem hefur verið sér-
hannað fyrir tannlækna og tannlækna-
nema til að æfa sig á. Vélmennið í
tannlæknastólnum er búið næmum
skynjurum og hrópar „æ!“ ef rangt er
farið að við tannviðgerðirnar.
FRÉTTABLAÐIÐ/AFP
VEIÐAR Allt stefnir í að rjúpnaveiðitímabilið í ár
verði það lélegasta frá því að mælingar hófust,
en talið er að fjöldi veiddra rjúpna þetta
veiðitímabil verði á bilinu fjörutíu til fimmtíu
þúsund.
Veiðistjórnunarsvið Umhverfisstofnunar
hefur skráð veiðarnar frá því árið 1995, en þá
voru veiddar um 123.000 rjúpur. Flestar voru
rjúpurnar árið 1997 eða um 166 þúsund, en
þeim hefur farið fækkandi árlega síðan þá.
Veiði á rjúpum var bönnuð árin 2003 og 2004
vegna bágborinnar stöðu rjúpnastofnsins.
Rjúpnaveiði var svo heimiluð á ný árið 2005, en
þá var veiðidögum fækkað frá því sem áður var
og þeim tilmælum beint til veiðimanna að stilla
veiðunum í hóf auk þess sem sölubann var sett
á rjúpur. Það ár veiddust um áttatíu þúsund
fuglar.
Rjúpnaveiðitímabilið í fyrra var það léleg-
asta frá því að mælingar hófust árið 1995, en þá
voru um fimmtíu þúsund rjúpur veiddar, en í ár
hafa líklega aldrei færri rjúpur veiðst hér á
landi á einu veiðitímabili, en það stendur frá 1.
til 30. nóvember. „Miðað við upplýsingar úr
rafrænni veiðidagbók sem við höldum úti á
heimasíðunni okkar og upplýsingar um stærð
veiðistofnsins frá því í haust, stefnir í að veiðin
í ár verði á bilinu fjörutíu til fimmtíu þúsund
fuglar,“ segir Áki Ármann Jónsson, forstöðu-
maður veiðistjórnunarsviðs Umhverfisstofnun-
ar, en stofnunin hefur umsjá með veiðunum.
Áki Ármann rekur fækkunina til niðursveiflu
stofnsins, færri veiðidaga og sölubanns á
rjúpum auk þess sem veiðimenn hafi farið að
tilmælum veiðistjórnunarsviðs um að stilla
veiðunum í hóf.
Rjúpnastofninn er í niðursveiflu um þessar
mundir eins og áður segir og Áki Ármann á
ekki von á að breyting verði á því á allra næstu
árum. „Veiðin er orðin það lítill hluti af heildar
afföllum stofnsins að hún er farin að hafa mjög
lítil áhrif á náttúrulegar sveiflur hans svo hann
ætti að halda sér. Ég tel því að rjúpnastofninn
muni ná sér á skrið aftur en þó ekki að neinu
marki fyrr en í fyrsta lagi árið 2010 og þá muni
veiðar líklegast aukast í framhaldinu.“
Náttúrufræðistofnun er um þessar mundir að
safna vængjum af veiddum rjúpum til að meta
stöðu stofnsins og vill Áki Ármann beina því til
veiðimanna að þeir skili hægri væng af bráð
sinni inn til stofnunarinnar. - æþe
Rjúpnaveiðitímabilinu lýkur á föstudaginn, en talið er að fjörutíu til fimmtíu þúsund rjúpur hafi verið veiddar:
Stefnir í lélegustu veiðar frá upphafi mælinga
RJÚPUR Forstöðumaður veiðistjórnunarsviðs Umhverf-
isstofnunar segir rjúpnastofninn í niðursveiflu og svo
verði áfram næstu árin, en er bjartsýnn á að hann nái
að rétta úr kútnum og þá muni veiðar líklegast aukast
í kjölfarið.
SAMÖNGUR Sveitarstjórnarmenn á
Suðurlandi vilja fá millilanda-
flugvöll í landshlutann. Kom
þetta fram á ársþingi Sambands
sunnlenskra sveitarfélaga þar
sem hvatt var til þess að hafinn
yrði undirbúningur að alþjóða-
flugvelli.
„Slíkur flugvöllur mun þjóna
hlutverki varaflugvallar fyrir
alþjóðlega flugvöllinn á Reykja-
nesi um leið og þar væri rekinn
lággjaldaflugvöllur að erlendri
fyrirmynd. Aðstæður á Suður-
landi eru kjörnar í ljósi nálægðar
við öflugustu ferðaþjónustu á
landinu,“ segir í ályktun árs-
þingsins. - gar
Sunnlendingar álykta:
Vilja völl fyrir
lággjaldaflug
HAFNARFJÖRÐUR Lúðvík Geirsson,
bæjarstjóri í Hafnarfirði, kveðst
ánægður með auglýsingabækling
Triads um
Hafnarfjörð.
„Bæjarstjóri er
ánægður með
alla þá útgáfu
sem vekur
athygli góðu
mannlífi,
þjónustu og
starfsemi,“
segir í svari
Lúðvíks við
fyrirspurn frá
Rósu Guðbjartsdóttur, bæjarfull-
trúa Sjálfstæðisflokks, sem gerði
athugasemdir við útgáfu bæk-
lingsins. „Kostnaður bæjarins,
250 þúsund krónur, nær ekki
heilsíðuauglýsingu í landsmála-
blöðum,“ segir í svari til Rósu. - gar
Bæjarstjórinn í Hafnarfirði:
Ánægður með
jákvæða útgáfu
RÓSA
GUÐBJARTSDÓTTIR
REYKJAVÍK Fjármálaskrifstofa
Reykjavíkur svarar ekki níu spurn-
ingum Fréttablaðsins um nýtt fyr-
irkomulag við innheimtu vangold-
inna fasteignagjalda. Þess í stað
sendir Helgi Þór Jónasson inn-
heimtustjóri almennt orðaða yfir-
lýsingu.
Skrifstofan var meðal annars
spurð hvort það væri talið í sam-
ræmi við stefnu borgarinnar að
fela slík verkefni einu fyrirtæki, án
útboðs og verðkönnunar.
Einnig var spurt hvort jafnræð-
isreglu hefði verið gætt og hvort
ferlið í heild stæðist lög. Um þetta
segir skrifstofan einungis að borg-
arlögmaður, sem situr borgarráðs-
fundi, hafi ekki gert athugasemdir
við fyrirkomulagið.
Eins og fram hefur komið felur
nýtt kerfi í sér að kostnaður skuld-
ara getur hækkað um 43 prósent,
utan dráttarvaxta. Þegar fyrir-
komulaginu var komið á var samið
beint við Momentum og Gjald-
heimtuna ehf.
Þáverandi fjármálastjóri viður-
kenndi í Fréttablaðinu að „auðvitað
finnst mönnum eðlilegt að fara með
þetta í ákveðinn farveg“. Hann hafði
samt þennan háttinn á; þannig hefði
borgin lengi útdeilt verkefnum.
Fjármálaskrifstofa svarar ekki
hvort svipað verklag tíðkist enn hjá
Reykjavíkurborg. - kóþ
Fyrirspurn vegna fyrirkomulags innheimtu vangoldinna fasteignagjalda:
Fjármálaskrifstofa svarar ekki
RÁÐHÚSIÐ Starfsmenn fjármálaskrif-
stofu kjósa að svara ekki hvort enn
tíðkist að semja beint við fyrirtæki, án
útboðs og verðkönnunar. MYND/ÚR SAFNI