Fréttablaðið - 29.11.2007, Side 37

FIMMTUDAGUR 29. nóvember 2007
Hver kannast ekki við að vita ekkert hvað eigi að gefa Þrúðu frænku
eða Matta nágranna í jólagjöf? Þegar flestir í okkar umhverfi eiga allt
sem til þarf og vel það en samt þarf að finna einhverja góða hugmynd
enn eina ferðina.
Einhvern tíma gerði ég góð kaup í seðlaveskjum hjá Yves Saint
Laurent og það árið fengu allir í kringum mig veski, fyrir kort, aura
eða seðla. Sem betur fer voru gerðirnar og litirnir margbreytilegir svo
ekki fengu allir það sama. Svo er alltaf auðveldara þegar fólk býr á
mismunandi stöðum á landinu, því hittast ekki endilega þeir sem eiga
eins veski.
Ég á einmitt þrjár frænkur um ellefu ára aldur en svo heppilega vill
til að ein býr Vestmannaeyjum, önnur í Reykjavík og sú þriðja í Kaup-
mannahöfn. Þannig er hægt að nota sömu hugmyndina þrisvar sinnum.
Í ár eru hanskar í mikilli sókn eftir að hafa verið til hliðar um nokkuð
langt skeið. Þeir eru nú ómissandi fylgihlutur, punkturinn yfir i-ið á
dressinu. Þarna er kannski svar við jólagjafavandamálinu í ár. Hanskar
eru auðvitað ómissandi í kaldari löndum eins og á Íslandi en framboðið
er líklega meira spennandi þegar þeir eru virkilega í tísku eins og
nú.
Hér í landi eru ilmvatnsborgir og skóframleiðsluhéruð en
hanskar koma aðallega frá höfuðborg hanskaframleiðslu,
Millau í Aveyron-héraði. Áður voru hanskar tákn fágunar
(Jackie Kennedy og Audrey Hepburn í Dior) en með frjáls-
ari klæðaburði. Um 1970 var hönskum ýtt til hliðar.
Frá árinu 2005 eru hanskar hins vegar aftur í sókn
eins og sölutölur sýna hjá litla fjölskyldufyrirtækinu
Farbre sem í ár hefur selt 20.000 hanskapör, fjórum
sinnum meira en á síðasta ári. Fabre-fyrirtækið er í
Millau og framleiðir fyrir fjölda tískuhúsa eins og
Chanel og Christian Lacroix og þar á bæ er hanskaframleiðslan
handverkslist. Efnin eru ekki af verri endanum, leður, snákaskinn og
krókódíll, og fóðrið er ýmist silki, kasmírull, kanínuskinn eða minkur,
allt eftir því hversu hlýir og hversu fínir hanskarnir eiga að vera.
Þessir hanskar eiga það eitt sameiginlegt með hönskum H&M, Etam
eða Zöru að hylja hendur notandans. Hanskar fjöldaframleiðslukeðj-
anna eru oftar en ekki framleiddir í Kína eða öðrum löndum þar sem
dæmi eru um að börn sitji við sauma daga og nætur.
Hjá Farbre geta hanskarnir verið handsaumaðir eða vélsaumaðir en
endahnúturinn er alltaf unninn í höndunum. Vissulega er verðið ekki
það sama og á kínverskri fjöldaframleiðslu, frá um 60 evrum upp í
1000 evrur, eftir efnum og hversu mikil vinna hefur verið lögð í þá.
Sumir er með ásaumuðum hnöppum eða útsaumi en hvert smáatriði
hækkar verðið. bergb75@free.fr
Mjúkir pakkar
Úr háborg tískunnar
BERGÞÓR BJARNASON SKRIFAR FRÁ PARÍS
Létt og silkislétt
HEILBRIGT OG FALLEGT HÖRUND ER
DRAUMUR ALLRA KVENNA.
Ef þú vilt án minnstu fyrirhafnar fá
óaðfinnanlegt litaraft fyrirsætunn-
ar sem oftast virðist vera með lýta-
lausa húð skaltu prófa nýja Ideal
Finish-púðrið frá Nivea Beauté.
Silkimjúkt púðrið felur húðgalla og
gefur náttúrulega, matta og létt-
púðraða áferð sem helst tímunum
saman.
- þlg
Klassík og kynþokki
FERSKUR OG MUNÚÐARFULLUR
ILMUR FYRIR KARLMENN.
Fleur du Male frá Jean Paul
Gaultier er vandaður ilmur
fyrir karlmenn sem gera
kröfur um klassík og
kynþokka. Fersk app-
elsínublóm koma á
óvart, en í grunninn er
Fleur du Male byggð-
ur á tákni karl-
mennskunnar;
asíu burkna.
Glasið er úr
hvítum ópal-
steini, en hvíti
liturinn er litur
appelsínublóms-
ins sem er kjarni
þessa ilms.
- þlg
G
O
T
T
F
O
L
K
Taktu mynd af friðarsúlunni í
Viðey frá hvaða fjarlægð eða
sjónarhorni sem er. Myndirnar
skulu sendar á fridarsula@
frettabladid.is fyrir 1. desember.
Glæsileg verðlaun í boði.