Fréttablaðið - 29.11.2007, Síða 46

29. NÓVEMBER 2007 FIMMTUDAGUR6 ● fréttablaðið ● íslenskur iðnaður
Stefnt er að því að sameina rekstur Iðn-
skólans í Reykjavík og Fjöltækniskólans
til að efla starfsemi skólanna og tengja
þá þörfum atvinnulífsins.
Samkvæmt tillögum Samtaka iðnaðar-
ins sem lagðar voru fyrir á fundi með iðn-
nefnd Alþingis er stefnt að því að sameina
rekstur Iðnskólans í Reykjavík og Fjöl-
tækniskólans með það að markmiði að efla
starfsemi þeirra og tengja þá þörfum at-
vinnulífsins. Talið er að með þessu náist
einnig hagræðing í rekstri.
Fyrirætlunin er sú að Samtök iðnaðar-
ins, LÍÚ, Samtök kaupskipaútgerða, Sam-
orka og Iðnaðarmannafélagið í Reykjavík
taki að sér rekstur hins sameinaða skóla.
Ingi Bogi Bogason, sviðsstjóri menntunar
og mannauðs hjá Samtökum iðnaðarins,
hefur komið að mótun og framkvæmd
þessara hugmynda um sameiningu Iðn-
skólans og Fjöltækniskólans.
Spurður hvers vegna hugmyndirnar
skjóti fyrst upp kollinum núna segir Ingi
Bogi að á undanförnum árum hafi atvinnu-
lífið í auknum mæli litið til menntakerfis-
ins sem meginstoðar í atvinnueflingu.
„Þetta nýja fyrirkomulag er tækifæri
til að efla iðnmenntun og iðnað með beinni
tengslum við atvinnulífið. Með samein-
ingunni verður til stærsti framhaldsskóli
landsins og einnig stærsti iðnmenntaskól-
inn,“ segir hann og bendir líka á að sveins-
prófum hafi ekki fjölgað í réttu hlutfalli
við mannfjölgun eða aukna framleiðni í
iðnaði.
„Gott dæmi um þetta er byggingariðn-
aðurinn, sem er mjög háður erlendu vinnu-
afli. Þetta skýrist að hluta til af því að
þrengt hefur verið að iðnmenntun hvað
fjárveitingar varðar, en iðnnám er dýrt.“
En hvaða leið ætla hinir nýju rekstrar-
aðilar að fara til þess að koma þessum
breytingum á? „Tengingin milli skólans og
atvinnulífsins verður miklu beinni en verið
hefur,“ segir Ingi Bogi.
„Skólanum verður deilt niður í mismun-
andi svið, eða skóla, með skólastjórnum
sem í munu sitja starfsmenn og stjórn-
endur fyrirtækja sem reiða sig á þekkingu
viðkomandi sviðs í iðnaði. Skólinn í heild
verður hlutafélag í eigu atvinnulífsins sem
mun reka skólann samkvæmt nýja fyrir-
komulaginu en í umboði menntamálaráðu-
neytisins.“
Ingi Bogi bætir við að fulltrúar atvinnu-
lífsins muni sitja í stjórninni, sem geri
skólanum auðveldara að svara kröfum nú-
tímans um gæði og sveigjanleika náms og
auka atvinnumöguleika þeirra betur sem
þar hafa stundað nám.
„Við höfum fengið ótrúlega góð viðbrögð
við þessum hugmyndum, sérstaklega frá
nemendum en einnig kennurum og sömu-
leiðis frá atvinnulífinu og stjórnvöldum,“
segir Ingi Bogi.
„Mikil undirbúningsvinna stendur nú
yfir við að undirbúa næstu haustönn hins
nýja skóla. Henni verður að vera lokið
fljótlega eftir áramót enda þarf skipulag
námsskeiða þá að vera komið á hreint.“ - þr
Stærsti iðnmenntaskóli landsins
Ingi Bogi Bogason, sviðsstjóri menntunar og mannauðs hjá Samtökum iðnaðarins, hefur komið talsvert að
mótun og framkvæmd hugmynda um sameiningu Iðnskólans í Reykjavík og Fjöltækniskólans.
FRÉTTABLAÐIÐ/GVA
Samtök iðnaðarins hafa stofn-
að starfshóp sem mun kanna
hlutfall kynjanna í iðnnámi
og -störfum innan iðnaðarins.
Í kjölfarið munu samtökin
standa fyrir fundi, í byrjun
febrúar á næsta ári, þar sem
niðurstöður könnunarinnar
verða ræddar.
„Við höfum þegar gert bráða-
birgðakönnun á hlutföllum kynj-
anna meðal stjórnenda fyrirtækja
í Samtökum iðnaðarins. Þar kom
í ljós að karlmenn eru í miklum
meirihluta í stjórnendastöðum,
sérstaklega innan stærstu fyrir-
tækjanna,“ segir Rakel Pálsdóttir,
forstöðumaður almannatengsla
hjá Samtökum iðnaðarins.
Í kjölfarið var stofnaður starfs-
hópur á vegum samtakanna sem
mun kanna hlutdeild kvenna í iðn-
aði.
„Hópurinn mun kanna hlutfallið
á almennari grundvelli en við
höfum þegar gert. Það er þá bæði
í námi og starfi. Síðan munum við
meta orsakir ójafnvægis komi
það í ljós þegar niðurstöður liggja
fyrir,“ segir Rakel.
Í kjölfar könnunarinnar munu
samtökin standa fyrir fundi í
byrjun febrúar þar sem fjallað
verður um konur í iðnaði, nánar
tiltekið í störfum innan fyrir-
tækja sem eru í Samtökum iðnað-
arins.
„Tilgangur fundarins er að
draga fram konur sem starfa
hjá fyrirtækjum innan Samtaka
iðnaðarins og hvetja þær til að
taka meiri þátt í starfseminni. Fá
konur til að beita áhrifum sínum
til eflingar fyrirtækjanna og
beita sér út á við. Einnig munum
við velta upp spurningum á borð
við: Af hverju sækja konur ekki
í iðngreinar? Hvernig snýr um-
hverfi iðnfyrirtækja að konum?
Hvað þarf til að konur sæki meira
í iðnað? Enda vantar fólk í iðn-
fyrirtæki og konur búa yfir sams
konar mannauði og karlmenn
sem fyrirtæki ættu að geta sótt, “
segir Rakel. - rh
Hlutfall kynjanna kann-
að innan iðngreina
Konur hafa alla tíð unnið við iðnað en hafa þó verið mun færri í þeim störfum en karlar.
Nú ætla Samtök iðnaðarins að kanna hlutdeild kynjanna og hvetja konur til þátttöku.