Fréttablaðið - 29.11.2007, Qupperneq 94

66 29. nóvember 2007 FIMMTUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. strit 6. sjúkdómur 8. segi upp 9.
nagdýr 11. komast 12. stó 14. faðma
16. tímaeining 17. einkar 18. tal 20.
tveir eins 21. sjúkdómur.
LÓÐRÉTT
1. formóðir 3. rykkorn 4. fræðslu 5.
hallandi 7. súrsað grænmeti 10. taug
13. nudda 15. bor 16. tunna 19. í röð.
LAUSN
LÁRÉTT: 2. baks, 6. ms, 8. rek, 9.
mús, 11. ná, 12. arinn, 14. knúsa, 16.
ár, 17. all, 18. mál, 20. uu, 21. asmi.
LÓÐRÉTT: 1. amma, 3. ar, 4. kennslu,
5. ská, 7. súrkrás, 10. sin, 13. núa, 15.
alur, 16. áma, 19. lm.
„Ég fæ mér skyrdrykk og kaffi-
bolla á morgnana.“
Guðjón Sigmarsson (Gaui litli).
„Það er nefnilega styttra í töffara-
skapinn hjá manni en fólk heldur,“
segir Gísli Einarsson, annar
umsjónarmanna Laugardagslag-
anna í Ríkissjónvarpinu. En í síð-
asta þætti ráku margir áhorfenda
upp stór augu þegar Gísli beraði
myndarlegt húðflúr á upphand-
leggnum.
„Húðflúrið er ekki glænýtt, ég
fékk það í Kaupmannahöfn fyrir
þremur eða fjórum árum. Lét þá
gamlan draum rætast,“ segir Gísli.
„Maður er bara alltaf svo vel
klæddur að þetta sést ekkert.“ Gísli
var einmitt staddur í Kaupmanna-
höfn um síðustu helgi. „Ég gekk
framhjá húðflúrstofunni á Nýhöfn
og dauðlangaði í annað en tími gafst
því miður ekki til. Dríf bara í því
næst þegar ég fer út!“ segir Gísli.
Húðflúrið sem Gísli skartar er
mynd af sverði og skildi. „Ég las
allar Íslendingasögurnar sem
krakki og hef alltaf haft mikið
dálæti á öllu sem tengist víking-
um,“ segir Gísli. Næsta húðflúr
segist hann helst vilja að verði
mynd af þórshamri, og kallar
þrumuguðinn Þór fyrsta alvöru
töffarann. „Þá ætla ég líka að setja
það á meira áberandi stað, til dæmis
framhandlegginn. Svo ég þurfi ekki
að vera nakinn til að það sjáist,“
segir Gísli hlæjandi. „Svo vildi ég
alveg bæta enn fleiri húðflúrum
við seinna. Þetta er töff, ef það er í
hófi.“ -eá
Gísla langar í fleiri húðflúr
LEYNITÖFFARI Sjónvarpsmaðurinn Gísli
Einarsson skartar þessu forláta húðflúri
á upphandleggnum. Hann stefnir að því
að fá sér fleiri húðflúr í framtíðinni.
FRÉTTABLAÐIÐ/PJETUR
„Mér líst bara vel á þetta. Þetta var persónu-
legt boð frá Letiziu Moratti, borgarstjóra í
Mílanó,“ segir Dagur B. Eggertsson borgar-
stjóri sem verður viðstaddur árlega opnun
Scala-óperunnar í Mílanó hinn 7. desember
næstkomandi. Dagur heldur í byrjun næsta
mánaðar til Ítalíu. Þar verður hann viðstadd-
ur ráðstefnu á vegum Youth in Europe,
sameiginlegs forvarnaverkefnis evrópskra
borga. Dagur hefur lagt sitt af mörkum fyrir
Youth in Europe en markmið verkefnisins er
að berjast gegn misnotkun ungmenna á
vímuefnum og áfengi.
Nýtt leikár Scala-óperunnar hefst jafnan
hinn 7. desember og er opnunin mikill
viðburður. Þangað er boðið ítölsku mektar-
fólki og ráðamönnum víðs vegar að úr
Evrópu. Í fyrra var Angela Merkel, kanslari
Þýskalands, á meðal kunnra gesta sem og
fatahönnuðurinn Donatella Versace.
Dagur B. Eggertsson segir að hann geti
seint talist mikill óperuunnandi en hann
hlakkar þó til. „Ég viðurkenni það fúslega að
ég hef ekki farið oft í óperuna. Þetta verður
þó áreiðanlega mjög skemmtileg upplifun
enda er Scala óperuhús á heimsmælikvarða.“
Heimsókn Dags í Scala-óperuna verður þó
enginn skottúr. Frumsýningarverkið er
Tristan og Ísold eftir sjálfan Wagner. Hermt
er að frumsýningardagskráin standi í
næstum fimm klukkustundir. „Já, þetta er
Wagner. Þetta er nú ekki beint af léttustu
gerð,“ segir Dagur. - hdm
Borgarstjóri í fimm tíma óperuveislu
DAGUR Í SCALA Borgarstjóri verður viðstaddur árlega
opnun Scala-óperunnar. Arna Dögg Einarsdóttir, kona
hans, verður með í för. FRÉTTABLAÐIÐ/VALLI
Athafnamaðurinn Jón Ólafsson
stefnir á að gera íslenska vatnið
Icelandic Glacial að stærsta vöru-
merki Íslendinga. Í ítarlegu viðtali
við Financial Times segir hann að
stefnan sé að slá út Icelandair.
Íslenska vatnið eigi að sigra heim-
inn.
Eins og komið hefur fram í fjöl-
miðlum hyggst Jón byggja verk-
smiðju í Ölfusi sem á að geta fram-
leitt þrjátíu þúsund flöskur á
klukkustund og hefur þegar gert
dreifingarsamning við stærsta
dreifingarfyrirtæki Bandaríkj-
anna, Anheuser-Busch.
Jón hefur fulla trú á vörunni
sinni þótt hann viðurkenni að þetta
hafi reynst vera meiri vinna en
hann bjóst við og þá ekki síst við að
koma vatninu á framfæri í Banda-
ríkjunum. „Þetta var virkilega erf-
itt, mun erfiðara heldur en ég hélt,“
segir Jón við Financial Times. En
athafnamaðurinn dó ekki ráðalaus
og hafði samband við stærsta dreif-
ingaraðila drykkjavara í Banda-
ríkjunum sem reyndist vera
Anheuser-Busch en fyrirtækið
hafði ekkert vatn á sinni könnu. Og
þar með fór boltinn að rúlla. „Fjöldi
íslenskra fyrirtækja hefur reynt
þetta en þau hafa öll gert sömu
mistökin, með því að vera með ein-
hverja fjöldaframleiðslu. Við erum
með lúxusvöru í höndunum og
ætlum því að höfða til þess mark-
aðar,“ segir Jón. Hann óttast jafn-
framt ekki keppinautana á þessu
sviði og þótt hann geri ekki mikið
af því að gagnrýna andstæðinga
sína segist Jón ekki fá mikla fersk-
leikatilfinningu þegar hann heyrir
til að mynda Fiji. „Slíkt minnir
mann bara á pálmatré og hita.“
Blaðamaður Financial Times
rifjar upp skrautlega fortíð Jóns
hér á landi og þar kemur fram að
hann hafi hætt í skóla aðeins sex-
tán ára gamall til að snúa sér að
tónlist. Hann hafi síðan hrist ræki-
lega upp í ljósvakahefð landsins
með stofnun Stöðvar 2 en hrökkl-
aðist að eigin sögn úr landi sökum
pólitískra ofsókna. En nú er hann
sem sagt kominn aftur.
Og athafnamaðurinn hefur svo
sannarlega munninn fyrir neðan
nefið og gagnrýnir markaðssetn-
ingu Íslendinga á eigin landi.
Þannig hafi Egils til að mynda
reynt að nota nekt og kynþokka í
ímyndarauglýsingu fyrir vatnið
sitt en Jón segir það einfaldlega
hafa verið mistök. „Það er ekkert
kynferðislegt við vatn heldur snýst
það eingöngu um heilsu,“ segir
Jón. „Ísland hefur verið selt eins
og það sé Bangkok með tilheyrandi
tilvísunum í kynlíf en það er algjör-
lega röng aðferðafræði,“ segir Jón
og rifjar upp víðfræga auglýsingu
með þremur stúlkum sem voru
klæddar í einni lopapeysu. Og
bætir síðan við: „Stærsta vöru-
merkið á Íslandi er Icelandair. Við
ætlum okkur að verða stærri en
það,“ segir hann.
freyrgigja@frettabladid.is
JÓN ÓLAFSSON: GAGNRÝNIR MARKAÐSSETNINGU ÍSLANDS
Jón Ólafsson ætlar að
verða stærri en Icelandair
MÆTTUR AFTUR Jón Ólafsson segir það hafa verið meiri vinnu en hann bjóst við að
koma Icelandic Glacial á framfæri í Bandaríkjunum. FRÉTTABLAÐIÐ/VALLI
Margir af helstu tónleikahöldurum
landsins fengu nýverið bréf frá
umboðsmanni rokk-
hljómsveitarinnar Rage
Against the Machine
sem tryllti lýðinn í
Kaplakrika á Listahátíð
í Hafnarfirði á síðustu
öld. Umboðsmaðurinn
ku víst vera sá sami og
er með Chris Cornell
á sínum snærum og voru meðlimir
sveitarinnar ansi áhugasamir um að
endurtaka tónleika hér á landi. Hins
vegar verður lítið af því tónleikahaldi
því marxistarnir í Rage eru víst nokk-
uð dýrir og enginn tónleikahaldari
treysti sér til að flytja þá inn.
Pétur Þór Gunnarsson opnaði
loks sitt nýja gallerí sem ber nafnið
Gallerí Borg. Töluverður fjöldi lagði
leið sína í Skipholtið á
laugardag til að heilsa
upp á Pétur og meðal
þeirra voru nokkrir
gamlir viðskiptavinir og
vandamenn Péturs.
Fyrsta sýningin í
galleríinu voru myndir
eftir Pétur Þór sjálfan og samkvæmt
heimildum Fréttablaðsins hafa yfir
tuttugu verk verið seld á þeim stutta
tíma sem liðinn er síðan galleríið var
opnað.
Sjónvarpsþátturinn Mangó fer í
loftið í kvöld á Stöð 2 Sirkus. Stjórn-
endur þáttarins eru sigurvegararnir
úr Leit Strákanna sem fram fór fyrr
á þessu ári en þetta eru þau
Hallur, Eiríkur og
Sara. Sam-
kvæmt lýsingu
á þættinum
verður hann
með svipuðu
sniði og Strákarnir.
Knattspyrnumaðurinn Grétar Rafn
Steinsson og fegurðardrottningin
Manúela Ósk Harðardóttir gengu
í hjónaband í Hollandi í fyrradag.
Brúðkaupið var lítið og látlaust enda
fór það fram hjá borgardómara og
aðeins allra nánustu ættingjar voru
viðstaddir. Brúðhjónin
voru þó klædd í sitt fínasta
púss, Manúela í hvítum,
hlýralausum kjól og
Grétar í svörtum jakka-
fötum. Sonur Manúelu,
Jóhann Grétar, var
hringaberi. - fgg/sók
FRÉTTIR AF FÓLKI
Gnoðarvogi 44, s. 588 8686.
Opið 10-18:15 laugardaga 11-14.
Þú færð aðeins það besta hjá okkur
STÓR HUMAR, HÖRPUSKEL, LÚÐA
RISARÆKJUR, SKÖTUSELUR, LAX
NÝLÖGUÐ SJÁVARRÉTTASÚPA.