Fréttablaðið - 19.04.2008, Blaðsíða 64

36 19. apríl 2008 LAUGARDAGUR
Ú
TÓN var stofnuð fyrir til-
stuðlan Samtóns, sem eru
regnhlífarsamtök rétthafa-
samtaka í tónlistargeiranum.
Samstarfsaðilar að skrifstof-
unni eru Landsbanki Íslands
og Útflutningsráð Íslands, en þar að auki
leggja utanríkisráðuneytið, menntamála-
ráðuneytið og iðnaðarráðuneytið fram fé til
rekstursins. Þegar nægilegs fjár hafði verið
aflað til þess að reka skrifstofuna í þrjú ár
var Anna Hildur ráðin framkvæmdastjóri.
ÚTÓN hefur á þessum tíma fest sig rækilega
í sessi, byggt upp öfluga vefsíðu sem er and-
lit skrifstofunnar út á við, og sinnir mikil-
vægu markaðs- og kynningarstarfi. ÚTÓN
hefur einnig staðið fyrir fjölda kynninga á
viðburðum og hátíðum þar sem íslenskar
hljómsveitir hafa komið fram.
Mikil ánægja hefur með störf ÚTÓN til
þessa, bæði meðal Útflutningsráðs og helstu
samstarfsaðila skrifstofunnar. „Þeir hafa
allir lýst því yfir með einum eða öðrum hætti
að verið sé að vinna gott starf, þannig að ég
held að við séum í góðum málum. Það er alla-
vega nóg að gera hjá okkur og það er næg
eftirspurn eftir að fá að nýta skrifstofuna.
Ef það er til einhver mælikvarði um hvort
skrifstofan hafi sannað tilverurétt sinn eða
ekki held ég að henni hljóti að hafa tekist
það,“ segir Anna og örlítið stolt gerir vart
við sig.
Jákvætt andrúmsloft
Þegar Anna Hildur var nýbyrjuð í þessu
starfi birtist viðtal við hana hér í Fréttablað-
inu, en þá var hún stödd á SPOT hátíðinni í
Danmörku þar sem Reykjavík!, Pétur Ben
og Helgi Hrafn komu fram. Þá hafði Anna
uppi háleitar hugmyndir um framtíð skrif-
stofunnar og því lá beinast við að spyrja
Önnu hvernig þetta fyrsta ár hefur gengið.
„Þetta er búið að vera ótrúlega skemmtilegt
ár, jafnvel skemmtilegra en ég átti von á. Ég
átti alltaf von á að þetta myndi ganga vel en
það hefur skapast alveg einstaklega jákvæð-
ur andi í kringum þetta. Mikið og gott sam-
starf er við alla samstarfsaðila og auðvitað
við tónlistarfólkið sjálft,“ svarar Anna Hild-
ur og heldur áfram. „Við höfum formast og
mótast, bæði eftir viðbrögðum og fyrir-
spurnum sem hafa komið til okkar. Það hefur
myndast skemmtilegur díalógur milli okkar
og þeirra sem eru í útrás og það hefur tekist
mjög vel að byggja grunninn að einhverju
þar sem fólk getur komið saman og unnið að
árangri.“
Skemmtilegast af öllu finnst Önnu að
nefna þann beina árangur sem orðið hefur af
ÚTÓN. „Ein hátíð þar sem okkur tókst mjög
vel upp var SPOT-hátíðin [árleg hátíð haldin
í Árósum] en þar tókum við þátt í að kynna
íslensku tónlistarmennina mjög vel. Þar fékk
Helgi Hrafn Jónsson umboðsmann og er
núna að túra með Teiti á þriggja mánaða
heimsreisu og nýverið fór Pétur Ben á
þriggja vikna tónleikaferð með Kaizers
Orchestra í Noregi og það er líka tilkomið
með þáttöku hans á SPOT-hátíðinni. Auðvit-
að er gaman þegar svona raunverulegur
árangur hlýst og að við áttum þátt í því. En
auðvitað eru það samt alltaf listamennirnir
sem verða þess valdandi að einhver árangur
náist.“
Tíu þúsund fá fréttir frá ÚTÓN
Anna Hildur segir að fyrst og fremst hafi
ÚTÓN náð að stimpla sig inn á þessum erfiða
markaði sem tónlistarbransinn er. Fyrir-
spurnum til Önnu hefur fjölgað gríðarlega á
þessu ári sem nú er liðið, sem er mjög
jákvætt að sögn enda höfuðmarkmið skrif-
stofunnar að vera gluggi út á við. „Við eigum
að vera með aðgengi að þeim tenglum og
upplýsingum sem fólk þarf að utan. Í gegn-
um okkur á að vera hægt að tengjast við-
skiptaböndum.“
Anna Hildur nefnir sérstaklega heimasíðu
ÚTÓN (icelandmusic.is) sem lykilhlekk að
árangri. Þar er að finna helstu þjónustu sem
aðilar að tónlistarmarkaðnum þurfa á að
halda. Þar eru einnig sagðar fréttir af
íslensku tónlistarlífi, listamönnum, tónlist-
arhátíðum og svo framvegis. ÚTÓN sendir
einnig út mánaðarlegt fréttabréf sem fer til
um tíu þúsund manns um allan heim.
Styðja þarf innviðina
Eftir allt bjartsýnistal verður samt ekki
hægt að komast hjá því að spyrja út í það
sem miður hefur farið á fyrsta starfsári
ÚTÓN. „Ákveðnir þættir á heimasíðunni
tóku lengri tíma í þróun en ég get ekki sagt
annað en að allt hafi gengið vel og verið
jákvætt,“ svarar Anna. Hún segir jafnframt
að skrifstofan finni núna fyrir einhverjum
takti sem skrifstofan fylgi eftir. Hún nefnir
sem dæmi fræðslukvöld sem skrifstofan
setti á laggirnar. „Við vissum ekki á hverju
við áttum von. Við byrjuðum á námskeiði um
styrki og sjóði, enda erum við alltaf að fá
fyrirspurnir um slík mál. Við tókum saman
efni þessu tengdu, héldum námskeið í Nor-
ræna húsinu og það var uppselt á það. Það
kom okkur algjörlega í opna skjöldu að svona
mikill áhugi væri á efninu en um 120 manns
mættu á þriðjudagskvöldi.“
Anna sleppur samt ekki svona auðveldlega
frá því að segja frá neikvæðum hliðum starfs
síns. Hún er því áfram spurð hvað vanti fyrir
íslenskan tónlistarmarkað í útrásarhugleið-
ingum. „Ég held að það vanti að styðja við
innviðina. Við þurfum að styrkja viðskipta-
umhverfið til þess að eiga betri möguleika á
að eiga alþjóðleg viðskipti í kringum íslenska
tónlist.“
Anna undrast að ekki sé unnið meira með
íslenska tónlist því hún sé ein af okkar sterk-
ustu greinum. „Fólk er mikið að tala um
ímyndarmál Íslands, verið var að gera
skýrslu um ímynd landsins og hvernig eigi
að halda á ímyndarmálum. Íslenskt tónlist-
arfólk hefur skapað alveg gríðarlega sterka
ímynd á alþjóðlegum vettvangi, en við þurf-
um sjálf að styrkja innviðina hér heima,
byggja grunninn og styrkja viðskiptaum-
hverfið. Þannig lærum við betur að halda
utan um viðskiptin til að það komi peningar.“
Anna nefnir einnig að bæta þurfi hringrás
fjármagns í gegnum tónlistargeirann. Nálg-
ast þurfi meira fjármagn til að skapa betra
viðskiptaumhverfi sem yrði nægilega öflugt
til að hvetja til alþjóðlegra viðskipta í tónlist.
„Íslenskt tónlistarlíf þarf að fara í laxveiði,
renna fyrir á öllum stöðum og sjá hvar bítur
á,“ útskýrir Anna og hlær.
Heimspressan liggur dolfallin
Að sögn Önnu er tónlistarbransinn að ganga
í gegnum einhvers konar millibilsástand á
heimsvísu og á meðan þessar breytingar eigi
sér stað verði að nýta þau tækifæri sem bjóð-
ast. En hver eru þessi tækifæri og hvernig á
íslenskt tónlistarlíf að nýta sér þau? „Mögu-
leikarnir eru mjög miklir. Íslenskir tónlist-
armenn eru eftirsóttir og þeir fá mikla
athygli.“ Anna nefnir sem dæmi að á Aldrei
fór ég suður hafi verið 23 blaðamenn frá
fjórum löndum. „Síðan birtast stórar greinar
í heimspressunni þar sem fólk er dolfallið
yfir hæfileikunum hérna og hvað sé mikil
sérstaða og gróska í tónlistarlífinu. Okkur
skortir þess vegna ekki athyglina eða áhug-
ann en við þurfum að næra hann og koma
okkar fólki í þau tengsl og á þá markaði sem
þau geta virkilega uppskorið. Þrátt fyrir að
plötusala hafi dregist saman er fullt af tæki-
færum þarna úti. Viðskiptamátinn er að
breytast, meiri peningar eru til dæmis í tón-
leikahaldi. Það eru að skapast öðruvísi sam-
bönd og við eigum alveg jafn mikla mögu-
leika og allir aðrir. Ég tala nú ekki um að með
þessari stafrænu byltingu sem er að festa
sig í sessi eru möguleikar lítilla þjóða eins og
Íslands í rauninni miklu meiri en þeir hafa
nokkurn tíman verið.
Sérstaðan felst í fjölbreytni
Eftir ár í mótun er komið að því að styrkja og
bæta starf ÚTÓN enn frekar. „Við erum að
skoða hvar við getum þróað betra tengslanet
við tónlist með sérstöðu, eins og í heimstón-
list. Við erum einnig að skoða hvernig við
getum unnið með tónskáldum og klassíska
geiranum. Þetta eru hlutir sem fá meiri
athygli og vægi á þessu ári,“ segir Anna.
Hugmyndin með því að sýna þessum geirum
meiri athygli sé að útvíka hugmyndir fólks
um íslenskt tónlistarlíf.
„Sérstaða íslensks tónlistarlífs felst í fjöl-
breytninni. Þetta er klisja sem maður rekst
aftur og aftur á en útlendingar heillast af.
Frjáls og óhefluð sköpunargleði einkennir
tónlistarlífið og fólk tekur eftir því hvað lítið
er farið eftir formúlum hér. Sérstaða íslensks
tónlistarlífs felst þess vegna ekki bara í ein-
hverju einu, sem sést best á því hverjir eru
að ná árangri.
Þarna komum við einmitt að helsta hlut-
verki skrifstofunnar, sem er þetta samtal
milli okkar og tónlistarmanna á öllum svið-
um. Galdurinn að árangri er að við vinnum
saman og áttum okkur á því hvað virkar og
hvað ekki,“ segir Anna Hildur að lokum.
Hefur sannað tilverurétt sinn
Fyrir rétt rúmu ári síðan var Útflutningsskrifstofa íslenskrar tónlistar (ÚTÓN) sett á laggirnar. Anna Hildur Hildibrandsdóttir
var ráðin framkvæmdastjóri og hefur hún sinnt þessu starfi af mikilli kostgæfni undanfarið ár og séð um að móta stefnu ÚTÓN.
Steinþór Helgi Arnsteinsson settist niður með Önnu Hildi eftir þetta fyrsta viðburðaríka ár og ræddi við hana um hvernig starfið á
skrifstofunni hefur vaxið og dafnað.
ANNA HILDUR AÐ STÖRFUM Á FLATEYRI Anna Hildur Hildibrandsdóttir, framkvæmdastjóri Útflutningsskrif-
stofu íslenskrar tónlistar mætti að sjálfsögðu á Aldrei fór ég suður og sá meðal annars um ferð erlendra
blaðamanna í Önundarfjörð. Skrifstofan hefur verið starfandi í rúmt ár og hefur á þessum stutta tíma svo
sannarlega sannað tilverurétt sinn. FRÉTTABLAÐIÐ/HÖRÐUR SVEINSSON
➜ UM ÚTÓN
JÓN ÁSBERGSSON,
FRAMKV.STJÓRI ÚTFLUTN-
INGSRÁÐS
„Þó svo að skrifstofan
hafi aðeins starfað í
rúmt eitt ár hefur hún
að mínu mati náð afar
góðum árangri. Mark-
aðs- og kynningarstarfið
fór strax af stað og hefur
verið mjög öflugt, og þar
höfum við notið þeirra tengsla sem Anna
Hildur hefur inn í þennan heim tónlistar í
gegnum fyrri störf sín. Þá finnst mér líka
ástæða til að benda á fræðslustarfið, sem
boðið hefur upp á margar nýjungar sem hin
unga stétt tónlistarfólks hefur móttekið með
miklum fögnuði. Mér finnst því að starfið hafi
tvímælalaust skilað árangri. Fyrir okkur hér hjá
Útflutningsráði hefur það líka verið gefandi
að hafa ÚTÓN sem samstarfsaðila og ég tel
samstarfið gott dæmi um hvernig ólíkir aðilar
geta haft gagn og gaman af nánu samstarfi.“
NÍNA MARGRÉT GRÍMSDÓTTIR,
PÍANÓLEIKARI
„Það er mikill fengur að tilkomu
Útflutningsskrifstofunnar fyrir
tónlistarfólk á Íslandi og á hún
örugglega eftir að vaxa og dafna
undir öruggri forystu Önnu Hildar.
Ég hef tekið þátt í nokkrum tón-
listarráðstefnum innanlands og
erlendis á vegum Útflutningsskrif-
stofunnar á tímabilinu 2007-08.
Þar má telja Popkomm í Berlín, Midem í Cannes og
ráðstefnu um tónlist á veraldarvefnum sem haldin
var í Reykjavík með þátttöku erlendra og innlendra
fyrirlesara. Það er styrkur fyrir tónlistarfólk að eiga
aðgengi að formlegri skrifstofu sem rekin er á sömu
forsendum og skrifstofur annarra útflutningsgreina,
þ.e. að markaðssetja og flytja störf tónlistarfólks
út fyrir landsteinana. Slík skrifstofa hefur margfalt
meiri möguleika á að ná árangri fyrir hönd sinna
umbjóðenda heldur en einstaklingarnir, ástæðan er
einfaldlega að vægi starfseminnar er meira gagnvart
umheiminum.”
MUGISON, TÓN-
LISTARMAÐUR
„Það er mjög
mikilvægt
fyrir okkur
tónlistarmenn
sem erum í
endalausum
útrásarpæling-
um að geta leit-
að á einn stað
og aflað okkur upplýsinga. Þá erum
við sérstaklega heppin að hafa
Önnu því hún á að baki margra ára
reynslu í bransanum. Maður er oft
að finna upp hjólið í þessu og þess
vegna er gott að fá ráðleggingar frá
Önnu um útrásarhugmyndir.“