Fréttablaðið - 26.04.2008, Blaðsíða 6

6 26. apríl 2008 LAUGARDAGUR
UTANRÍKISMÁL „Persónulega vona ég innilega að
Austurríki nái kjöri,“ sagði Ban Ki-moon, fram-
kvæmdastjóri Sameinuðu þjóðanna (SÞ), í viðtali við
austurríska vikuritið Profil nýverið.
Ummælin féllu þegar Ban var spurður um framboð
Austurríkis til öryggisráðs SÞ. Þar keppir Austurríki
um tvö laus sæti í ráðinu við Ísland og Tyrkland.
Túlka má ummæli Ban sem stuðning við framboð
Austurríkis.
Ban sagði Austurríki ætíð hafa verið mikilvægt
aðildarríki SÞ. Landið væri meðal rausnarlegustu
greiðenda í sjóði SÞ, og hafi tekið þátt í mörgum
friðargæsluverkefnum. Þannig hafi landið unnið sér
virðingu aðildarríkja SÞ.
„Þar af leiðandi vona ég að ríkisstjórnir og
sendierindrekar í SÞ veiti Austurríki brautargengi í
tímabundið sæti í öryggisráðinu,“ sagði Ban.
Kosið verður milli Íslands, Austurríkis og Tyrk-
lands um tvö laus sæti í Öryggisráðinu í október.
„Ef rétt er haft eftir aðalframkvæmdastjóranum er
um að ræða mál sem ekki eingöngu snertir Ísland
heldur einnig öll önnur aðildarríki“ segir Kristín
Árnadóttir, kosningastjóri framboðs Íslands til
öryggisráðsins.
Íslensk stjórnvöld vilja skýringar á ummælunum.
Þau íhuga að óska eftir símafundi við framkvæmda-
stjórann strax, og fundi í eigin persónu þegar hann
snýr aftur til höfuðstöðva SÞ í New York.
Bjarni Benediktsson, formaður utanríkismála-
nefndar Alþingis, segir ekki rétt að gera of mikið úr
ummælum Ban.
„Ég vænti þess að hann óski öllum frambjóðendum
góðs gengis. Ég tek þetta ekki þannig að hann sé að
gera upp á milli frambjóðenda í þeim skilningi,“ segir
Bjarni. brjann@frettabladid.is
FRAMBOÐ TIL ÖRYGGISRÁÐS
SAMEINUÐU ÞJÓÐANNA
Niðurstaða kannana í apríl 2008 og september 2005 um
afstöðu til framboðs Íslands til Öryggisráðsins
Apríl 2008 September 2005
Hlynnt(ur)
46,5%
Andvígur
36,1%
Hvorki né
17,4%
Hlynnt(ur)
27,9%
Andvígur
53%
Hvorki né
19,1%
KÍNA, AP Kínastjórn féllst í gær á
að fulltrúar hennar ættu fund með
fulltrúa útlagastjórnar Tíbeta sem
Dalai Lama fer fyrir. Með þessu
virðast ráðamenn í Peking vera að
bregðast við áskorunum ráða-
manna hvaðanæva úr heiminum í
kjölfar óeirðanna í Tíbet í mars.
„Í ljósi ítrekaðra beiðna af hálfu
Dalai-liða um að viðræður yrðu
teknar upp að nýju mun þar til
bær deild alríkisstjórnarinnar
hafa samband og samræður við
einkafulltrúa Dalai á komandi
dögum,“ hafði kínverska ríkis-
fréttastofan Xinhua eftir ónafn-
greindum talsmanni Kínastjórnar.
Ekki var nánar tilgreint hvar og
hvenær þessar boðuðu viðræður
myndu fara fram, né heldur hverj-
ir nákvæmlega myndu taka þátt í
þeim.
Forsætisráðherra tíbetsku
útlagastjórnarinnar á Indlandi
sagðist ekki hafa fengið neina
formlega staðfestingu á þessari
frétt Xinhua og sagði ástæðu til að
taka henni með fyrirvara.
„Dalai Lama er ávallt reiðubú-
inn til viðræðna en þær aðstæður
sem nú ríkja í Tíbet virðast ekki
gefa viðeigandi grundvöll fyrir
uppbyggilegar viðræður,“ tjáði
forsætisráðherrann, Samdhong
Rimpoche, AP í aðsetri útlaga-
stjórnarinnar í Dharmsala. - aa
Xinhua-fréttastofan segir Kínastjórn fallast á viðræður við fulltrúa Dalai Lama:
Fréttinni tekið með fyrirvara
SAMDHONG RIMPOCHE Samdhong er
forsætisráðherra tíbetsku útlagastjórnar-
innar á Indlandi. FRÉTTABLAÐIÐ/AP
Framkvæmdastjóri
SÞ styður Austurríki
Framkvæmdastjóri SÞ vonar að Austurríki vinni kosningar um sæti í örygg-
isráði SÞ. Íslensk stjórnvöld vilja skýringar framkvæmdastjórans. Ný könnun
sýnir að sýnir að konur eru líklegri til að styðja framboð Íslands en karlar.
Verður Eyþór, sigurvegari
Bandsins hans Bubba, stór-
stjarna?
Já 49,1%
Nei 50,9%
SPURNING DAGSINS Í DAG:
Finnst þér rétt hjá Láru Ómars-
dóttur fréttamanni að segja
upp starfi sínu?
Segðu skoðun þína á vísir.is
Konur eru mun líklegri en karlar til að styðja framboð
Íslands til Öryggisráðs Sameinuðu þjóðanna, sam-
kvæmt nýrri könnun Capacent Gallup fyrir utanríkis-
ráðuneytið.
Samkvæmt könnuninni eru 46,5 prósent lands-
manna hlynntir framboði Íslands til Öryggisráðsins.
Um 36,1 prósent sögðust andvíg framboðinu. Um 17,4
prósent sögðust hvorki hlynnt því né andvíg.
Konur eru líklegri til að styðja framboðið en karlar.
Alls sögðust 53,5 prósent kvenna hlynntar framboðinu,
og 27,1 prósent sögðust andvígar. Stuðningur karla var
mun minni. Alls sögðust 40,4 prósent karla hlynntir
framboðinu, en 44 prósent á móti.
Utanríkisráðuneytið hefur látið kanna stuðning
við framboðið reglulega frá miðju ári í fyrra. Afstaða
almennings hefur haldist nokkuð stöðug á þeim tíma.
Stuðningur við framboðið hefur þó aukist frá því í
september 2005. Þá studdu um 28 prósent framboðið,
en um 53 prósent voru á móti.
Könnun Capacent Gallup var símakönnun með
1.380 manna úrtaki. Þátttakendur voru valdir handa-
hófskennt úr Þjóðskrá. Svarhlutfall var 61,3 prósent. - bj
KONUR STYÐJA
FRAMBOÐ ÍSLANDS
HEIMSÆKIR AUSTURRÍKI Ban Ki-moon, framkvæmdastjóri
Sameinuðu þjóðanna, er nú í heimsókn í Austurríki. Í gær
heimsótti hann alþjóðlegan barnaskóla í Vín. NORDICPHOTOS/AFP
LÖGREGLA Maðurinn sem kastaði
grjóti í lögreglumann í átökunum
í Norðlingaholti var tekinn í gær.
Tveir köstuðu grjóti á miðviku-
daginn, annar náðist strax, en sá
sem hitti lögregluþjóninn gekk
laus þar til í gær.
Ýmsu fleiru var kastað í
lögregluna og voru egg þar mest
áberandi. Lögreglan hafði
einhver afskipti af eggjaköstur-
um á svæðinu.
Hörður Jóhannesson aðstoðar-
lögreglustjóri telur ólíklegt að
nokkrir eftirmálar verði af
eggjakastinu. Sá sem kastaði í
lögregluþjóninn á hins vegar
kæru yfir höfði sér. - kóp
Eftirmálar átaka við lögreglu:
Grjótkastari
gómaður
ORKUMÁL Mannvit hf. og íslensk-
ameríska fyrirtækið Carbon Rec-
ycling International ehf. hafa und-
irritað samstarfssamning um
hönnun og byggingu verksmiðju
sem breytir koltvísýringsút-
blæstri frá jarðvarmavirkjunum í
metanól, fljótandi eldsneyti fyrir
bíla og önnur farartæki. Verður
verksmiðjan sú fyrsta sinnar teg-
undar í heiminum.
Vonast er til að framleiðsla á
slíku eldsneyti geti í framtíðinni
gert Ísland óháð olíu og minnkað
útblástur koltvísýrings, auk þess
sem framleiðsla jarðvarmavirkj-
ana verði nýtt á arðbærari hátt en
verið hefur.
Mannvit hf. mun annast verk-
efnastjórnun við hönnun og bygg-
ingu verksmiðjunnar, sem mun
rísa á Reykjanesi. Árleg afkasta-
geta hennar verður 4,5 milljón
lítrar af metanóli sem blandað
verður bensíni í hlutföllunum 5 á
móti 95. Sú blanda hækkar oktang-
ildi eldsneytisins, stuðlar að
hreinni brennslu, betri nýtingu og
eykur afl bensínbíla. Samkvæmt
áætlun mun bensínblandan standa
ökumönnum á höfuðborgarsvæð-
inu til boða frá og með maí á næsta
ári.
Carbon Recycling International
er í eigu íslenskra og bandarískra
fjárfesta. Fyrirtækið rekur starf-
semi í Bandaríkjunum en höfuð-
stöðvar þess eru í Reykjavík. -kg
Verksmiðja sem breytir koltvísýringi í metanól mun rísa á Reykjanesi:
Gæti gert Ísland óháð olíu
METANÓL Vonast er til að framleiðsla
metanóls minnki útblástur koltvísýrings.
Opnunartími:
Mánudaga - föstudaga 10 - 18
Laugardaga og sunnudaga 13 - 16
Ford 350 árgerð 2005,
ekinn 30.095 km + Sunlite 865
WS pallhýsi
árgerð 2005.
Verð: 5.300.000
Elnagh húsbíll, háþekja
árgerð 2006
Ekinn 8.893 km
Verð: 4.300.000
Til sölu
Til sölu
Hobbyhúsið ehf - Dugguvogi 12 - 104 Reykjavík - S: 517 7040
www.hobbyhusid.is
Auglýsingasími
– Mest lesið
KJÖRKASSINN