Fréttablaðið - 26.04.2008, Blaðsíða 38

HEIMILISHALD
MARTA MARÍA JÓNASDÓTTIR
● Forsíðumynd: Arnþór Birkisson tók mynd á heimili
Þórunnar Högnadóttur Útgáfufélag: 365 miðlar ehf.,
Skaftahlíð 24, 105 Reykjavík, s. 512 5000 Ritstjórar:
Roald Eyvindsson roald@frettabladid.is, Emilía Örlygs-
dóttir emilia@frettabladid.is Auglýsingar: Ámundi
Ámundason s. 517 5724 Útlitshönnuður: Kristín
Agnarsdóttir kristina@frettabladid.is.
Fyrir þá sem
vilja vera
skrefi á undan
nágrannanum
er málið að fá
sér risastóra
hringlaga
spegla, kork á
veggina,
pálmatré í
stofuna og
króma allt
sem hægt er
að króma.
Þráðlaus þægindi frá Danfoss
Gólfhiti - einfaldari en nokkru sinni fyrr
Þráðlausar gólfhitastýringar
Háþróaðar en einfaldar
Við erum leiðandi í hönnun og
framleiðslu gólfhitastýringa
Danfoss stjórnbúnaður fyrir hitakerfi fæst í öllum helstu lagnaverslunum landsins
● heimili&hönnun
Í
síðustu viku heimsótti ég heimilissýninguna Salone Internazionale
del Mobile sem haldin er árlega í Mílanó á Ítalíu. Á sýninguna
flykkjast blaðamenn, innkaupafólk og arkitektar til að fá strauma
og stefnur framtíðarinnar beint í æð. Ég var svo glöð þegar ég
labbaði þarna um og sá hvernig heimurinn var að hugsa á svipuðum
nótum og ég sjálf. Mínimalisminn er greinilega á undanhaldi og hið
kaotíska er að taka yfir með miklum glamúráhrifum. Það var þó ekki
bara glamúrinn sem var ríkjandi heldur minnti ansi margt á sjötta
áratuginn í húsgögnum og sumir básarnir voru eins og kókaínpartí í
amerískri bíómynd. Það vantaði bara sundlaugina og
hávaxnar ljóshærðar gellur í þröngum samfesting-
um.
Árið 2003 sýndi Tom Dixon speglakúluljósin sem
hafa algerlega slegið í gegn. Þau þóttu ótrúlega
framúrstefnuleg og það voru ekki allir vissir um að
þau myndu raunverulega hitta í mark. Núna, fimm
árum síðar, hefðu Tom Dixon-ljósin smellpassað inn
á hvern bás á sýningunni. Þar sá ég líka að krómið
er að taka við af burstuðu stáli og sumir gengu svo
langt að sýna gulllituð blöndunartæki og höldur á
skápa. Er hægt að biðja um meiri glamúr en það?
Í bland við allt glingrið og glamúrinn voru plöntur
áberandi líkt og það þyrfti einhverja jarðtengingu
inn á nútímaheimilin. Síðustu ár hafa blóm þótt al-
gert aukaatriði inni á íslenskum mínimalískum heim-
ilum og ekki hefur sést annar gróður en orkedía í
ferköntuðum blómapotti eða túlípanar í Ittala-vösum.
Á sýningunni sá ég að blóm er það sem íslensku þjóð-
ina vantar og það var svo gaman að sjá hvernig heilu pálmatrján-
um var komið fyrir í stofunni án þess að vera asnalegt. Í framhaldinu
spólaði ég til baka og minntist áttunda áratugarins þegar velmegun
var mæld í stærð pálmans í stofunni.
Speglar voru einnig áberandi, bæði á veggi en líka í húsgögnum.
Eitt fyrirtækið sýndi til dæmis ansi vegleg speglahúsgögn, risastór-
ar kommóður, hillur, stofuborð og lampa. Ég féll alveg fyrir þessu og
sá fyrir mér hvernig hægt væri að blanda þessu með þykkum vegleg-
um mottum, kósí sófum og pálmatréð myndi svo sannarlega toppa út-
komuna. Kannski hljómar þetta ekkert ógurlega vel, minnir kannski
meira á Southfork en smart heimili, en ég get lofað að þetta kemur
vel út ef þetta er útfært á réttan máta. Fyrir þá sem vilja vera skrefi
á undan nágrannanum er málið að fá sér risastóra hringlaga spegla,
kork á veggina, pálmatré í stofuna og króma allt sem hægt er að
króma. Fyrir þá sem þora ekki að umbreyta heimilinu en langar að
upplifa þessa stemningu er um að gera að blanda sér bara vodka í
kók, borða bugles og biðja leigubílinn um að keyra í Hollywood.
Hrefna Hallgrímsdóttir, sem
margir kannast við sem Skrítlu
úr barnaleikritinu og -þáttunum
um Skoppu og Skrítlu, er sann-
kölluð strákamamma enda á hún
tvo unga syni. Þeir eru báðir
miklir boltastrákar og æfa fót-
bolta með Val.
Fjölskyldan, sem átti um tíma
heima í vesturbæ Reykjavíkur,
flutti fyrir nokkru í Kópavog í
þeim tilgangi að stækka við sig og
fengu strákarnir þá heilt leikher-
bergi í kjallaranum fyrir sig.
„Það var helsti kosturinn við
nýja húsið, ásamt garðinum, en
ég viðurkenni þó alveg að ég
átti mjög erfitt með að flytja úr
vesturbænum þar sem allt var í
göngufæri,“ segir Hrefna. „Það
góða við leikherbergið er að
úr því er opið inn í sjónvarps-
stofu, sem gerir það að verk-
um að þegar við erum með gesti
er hægt að sitja og spjalla með
augun á börnunum,“ bætir hún
við.
Í einu horni herbergisins eru
rimlar á veggnum og stór dýna
fyrir neðan. „Þetta er stórsniðugt
horn, sérstaklega á löngum vetr-
um þegar lítið er hægt að fara út.
Þá hamast strákarnir þarna og fá
útrás,“ lýsir Hrefna.
Við hliðina á dýnunni er körfu-
boltaspjald en yngri strákur-
inn, sem er fjögurra ára, fékk
það í tveggja ára afmælisgjöf.
„Hann var farinn að hlaupa um
allt og rekja boltann eins og hálfs
árs gamall ásamt því að horfa á
heilu körfuboltaleikina með föður
sínum,“ segir Hrefna og fannst
henni og manninum hennar mikil-
vægt að ýta frekar undir þann
mikla boltaáhuga.
Fyrir utan boltaleiki segir
Hrefna strákana vera hrifna af
playmó og dýrum og fylla leik-
föngin þeirra hillur og aðrar
hirslur í herberginu. Hún segir
þá vera lítið fyrir bíla og sams
konar tæki en í loftinu hangir þó
flugvélaljós úr leikfangaverslun-
inni Einu sinni var.
Hrefna segir ýmis ný og spenn-
andi verkefni fram undan hjá
Skoppu og Skrítlu en þær eru í
sjónvarpinu á hverjum laugar-
dagsmorgni ásamt því að leika í
Þjóðleikhúsinu. - ve
Leikherbergið mikill kostur
● Leikkonan Hrefna Hallgrímsdóttir græddi leikherbergi fyrir syni sína og stóran garð
þegar hún stækkaði við sig og flutti úr vesturbæ Reykjavíkur í Kópavog.
Hrefna er sankölluð strákamamma en synir hennar eiga skemmtilegt leikherbergi í
kjallaranum á heimili fjölskyldunnar í Kópavogi. FRÉTTABLAÐIÐ/RÓSA
Rimlarnir og körfuboltaspjaldið njóta sérstakra vinsælda.
Krómuð glysveröld
26. APRÍL 2008 LAUGARDAGUR2