Fréttablaðið - 28.08.2008, Blaðsíða 12
12 28. ágúst 2008 FIMMTUDAGUR
HUGURINN BER ÞIG AÐEINS HÁLFA LEIÐ
+ Bókaðu flug á www.icelandair.is
*
Langar þig að brosa við Mónu Lísu,
fara upp í Eiffelturninn, eiga róman-
tískt kvöld á Signubökkum eða fá
konunglega tilfinningu í Versölum?
*Flug aðra leiðina með sköttum. Verð gildir frá 15. ágúst 2008.
Safnaðu
Vildarpunktum
Punktarnir upp í Ferðaávísun gildir
Komdu til Parísar, í helgarferð eða
í sumarleyfi. Allir heillast af þessari litríku
borg þar sem hún opnar faðm sinn,
breiðstræti, torg og þröngar götur, á móti
þeim sem vilja upplifa eitthvað nýtt og
ævagamalt. Drífðu bara í því að panta far!
ÍS
L
E
N
S
K
A
S
IA
.I
S
I
C
E
4
34
75
0
8
2
0
0
8
M
A
D
R
ID
B
A
R
C
E
LO
N
A
PARÍS
LONDO
N
MANCHESTER
GLASGOW
MÍLANÓ
AMSTERDAM
MÜNCHEN
FRANKFURT
BERLÍN
KAUPMANNAHÖFN
BERGEN
GAUTABORG
OSLÓ
STOKKHÓLMUR
HELSINKI
HA
LI
FA
X
BO
ST
ON
OR
LAN
DO
MINN
EAPOL
IS – ST. P
AUL
TOR
ONT
O
NE
W
YO
RK
REYKJAVÍK
AKUREYRI
1 Hvar á Íslandi hefur nú verið
hætt við reisa sólarkísilverk-
smiðju?
2 Hvað heitir íslenska fyrir-
sætan sem hefur frestað því að
taka tilboði um að koma nakin
fram í Playboy?
3 Hvaða Hollendingur ferðað-
ist um Ísland á dráttarvél?
SVÖRIN ERU Á SÍÐU 58
ÞORLÁKSHÖFN Um fjórtán stór-
fyrirtæki hafa bankað á dyrnar
hjá bæjaryfirvöldum í Ölfusi und-
anfarið ár til að kanna möguleika
á því að reka verksmiðju í
nágrenni við Þorlákshöfn, ýmist í
sólarkísilframleiðslu eða öðrum
iðnaði.
Ólafur Áki Ragnarsson, bæjar-
stjóri í Ölfusi, segir að nú verði
farið í það að hafa samband við
áhugasöm fyrirtæki í samstarfi
við Fjárfestingastofu og láta vita
af því að orka hafi losnað eftir að
REC ákvað að reisa sólarkísil-
verksmiðju í Kanada frekar en í
Þorlákshöfn.
„Það er engan bilbug á okkur að
finna,“ segir Ólafur Áki. „Það er
mikið af áhugaverðum fyrirtækj-
um ýmist í kísilframleiðslu, sól-
arkísilframleiðslu, kísilflögu-
framleiðslu eða jafnvel
álframleiðslu. Fjallað hefur verið
um áhuga Norsk Hydro og svo
hafa þýsk, norsk og finnsk fyrir-
tæki sýnt áhuga ásamt fleirum,
bæði í Ameríku og Evrópu. Net-
þjónabú hafa líka verið að banka
upp á en þau eru ekki eins mann-
frek þó að þau kalli á stórt hús-
næði,“ segir hann.
Þórður H. Hilmarsson, fram-
kvæmdastjóri Fjárfestingastofu,
segir að framhaldið ráðist af því
hvaða skýringar fáist frá REC
Group á næstu dögum.
Í rökstuðningi REC Group fyrir
staðarvalinu í Kanada kemur
fram að fyrirtækið hafi samið um
lágt og fyrirsjáanlegt orkuverð
til tuttugu ára. Jon André Lökke,
upplýsingafulltrúi REC Group,
sagði í gær að orkan hefði ekki
verið fyrirstaða á Íslandi.
Þórður segir tíma til kominn að
slá á undirboðsumræðuna í orku-
málunum. Íslensk orka sé kannski
eitthvað ódýrari, en önnur atriði
skipti meira máli. „Það var fyrir-
fram vitað að við myndum skora
betur í orkumálum,“ segir hann.
Ólafur Áki bendir á að REC
Group hefði þurft að senda 60-70
manns í þjálfun til Bandaríkjanna
í tvö ár ef verksmiðjan hefði verið
reist hér. Það hefði kostað um 800
milljónir króna. „Kanadamenn-
irnir buðu fyrirgreiðslu í þessum
málum en menn treystu sér ekki
til þess hér út af samkeppnissjón-
armiðum. Þetta samræmdist ekki
EES-samningnum.“
Þórður segir að tíminn vinni
með Íslendingum. Sú þróun sé í
gangi núna að hreinsa kísilinn
minna og í minni framleiðsluein-
ingum. Þá sé það á dagskrá hjá
REC Group að reisa nýjar verk-
smiðjur á átján mánaða fresti og
Ísland geti því fljótlega komið inn
í myndina aftur. ghs@frettabladid.is
Fjórtán fyrirtæki
hafa bankað upp á
Fjöldi stórfyrirtækja hefur sýnt áhuga á að reka verksmiðju í Þorlákshöfn síð-
asta árið. Bæjarstjóri Ölfuss segir að nú verði hringt til baka. REC fær lágt og
fyrirsjáanlegt orkuverð í Kanada til tuttugu ára. Orkuverðið samt lægra hér.
FJÓRTÁN ÁHUGASÖM UM ÞORLÁKSHÖFN Þórður H. Hilmarsson, framkvæmdastjóri Fjárfestingastofu, segir að vitað hafi verið að
orkuverð væri lægra hér en í Kanada. Önnur atriði hafi gert útslagið.
AFGANISTAN, AP Fleiri en þrjátíu
skæruliðar talibana, fjórir
afganskir lögreglumenn og einn
þýskur hermaður voru drepnir í
skærum í Afganistan í gær.
Austan landamæranna átti
pakistanski stjórnarherinn við
herskáa uppreisnarmenn í
landamærahéruðunum að
Afganistan, en þeir eru banda-
menn talibana. Allt að 49 upp-
reisnarmenn féllu í þeim átökum
að sögn talsmanns Pakistanshers.
Í fyrradag krafðist ríkisstjórn
Afganistans þess að umsvif
herliðs Bandaríkjamanna og
NATO í landinu yrðu endurskoð-
uð. einkum og sér í lagi hvernig
loftárásum er beitt á svæðum þar
sem óbreyttir borgarar dvelja. - aa
Átökin í Afganistan:
Aukið mannfall
í skærum
UMFERÐ Stöðuverðir Reykjavíkur-
borgar munu næstu daga fylgjast
sérstaklega vel með að ökumenn
leggi bílum sínum ekki á gang-
stéttir við skóla borgarinnar.
Í tilkynningu frá borginni segir
að börn í Þingholtunum og
Vesturbænum hafi á leið til og frá
skóla rekið sig á að bifreiðum er
víða lagt upp á gangstéttir svo
þau hafa þurft að leggja sig í
hættu með því að ganga á
götunni. Haft er eftir Kolbrúnu
Jónatansdóttur, framkvæmda-
stjóra Bílastæðasjóðs, að
stöðuverðir muni næstu daga
vakta þær götur þar sem þessi
brot eiga sér oftast stað.
Sérstaklega verði fylgst með
Bárugötu, Ránargötu og Garða-
stræti í gamla Vesturbænum og
götum í Þingholtunum eins og
Óðinsgötu og Þórsgötu. - ovd
Bílum lagt á gangstéttir:
Börnin lögð í
mikla hættu
SVISS, AP Anna Goeldi var tekin af
lífi sem norn í Sviss fyrir rúmum
220 árum. Hún var síðasta
manneskjan í Evrópu sem varð
nornaveiðum að bráð. Til að bæta
fyrir þetta réttarmorð ákvað
kantónuþingið í Glarus einróma í
gær að veita Goeldi uppreisn æru.
Goeldi var hálshöggvin í
þorpinu Mollis árið 1782, sökuð
um að hafa eitrað fyrir manni.
Að þingið tæki mál hennar fyrir
nú má rekja til bókar sem
blaðamaðurinn Walter Hauser
skrifaði. Þar er lýst raunveruleg-
um ástæðum þess að Goeldi var
dæmd.
Galdrafár reið yfir Evrópu í
bylgjum frá fjórtándu fram á
átjándu öld. Þúsundir manna, flest
konur, urðu fórnarlömb þess. - aa
Síðbúið réttlæti í Sviss:
Norn fær
uppreist æru
VEISTU SVARIÐ?